SHY Xpress

一直係早餐長期熟客, 但坦白講, 有一半係支持果位親切又有記性既Auntie。但中午時通常果位Auntie都唔會係度, 轉左位串過乜咁既女士。佢哋間舖做中午優惠, 12:15前落單有9折, 我12點經Whatsapp落單, 見10分鐘佢都未覆, 直接打電話確認, 佢話收到。落到去都未有得拎, 等到12:35, 可以俾錢攞外賣, 發現張單冇9折, 佢話係計攞外賣果個時間喎, 如果唔係咪個個12:15前落單咁話。OK吖, 冇問題, 你係老闆你有最終決定權, 我都廢事同你拗, 你咁樣態度做生意我唯有祝你好生意啦。完…查看更多

俾左好多次機會啦，之前都唔係咁，換咗收錢嗰個後，態度衰到爆，冇禮貌，欠左佢咁，語氣好似迫佢返工咁，落單又冇耐性，點做餐飲服務呀？老闆應正視一下，我會定期抽查🤓。…查看更多

想享受審犯式嘅服務體驗, 一定要嚟"SHame Xpress" 試一試一般餐廳whats app落單去到講電話號碼拎餐係常識，原來呢間係唔啱用，講完電話號碼會個阿姐大大力問你“你嗌咗乜呀！” 喺佢嘅霸王色震懾之下我又講錯左餐蛋同腿蛋，然後就又被使出咗靈魂拷問喇俾錢時用八達通，當我拎住張八達通放喺部機附近，阿姐即刻用隻手掃開我，真係一手打落黎咁“掃”開，叫我唔好拍卡住 到佢自己㩒唔到部機啲數字又想話我一次，但當時我己經雙手離開晒櫃面，佢就只能夠細細聲自己講“hang機呀” 。。。服務態度一流，食物品質更加返唔到轉頭個餐肉咸到以為食緊咸牛肉，個蛋熟到似係六十路，真係食埋呢次就無下次。佢呢個早餐足以引到我寫呢篇警世食評，食佢廿幾蚊野唔係多，但正常禮貌同品質應該要有吧？btw, whats app落單原來唔係mark電話號碼，唔怪之得之前落親單都係黎到先即場整，即係你個外賣派左俾其他客都唔出奇…查看更多

一句講哂啦：蛋牛治啲蛋老、咸牛肉無味，加埋杯咖啡要$38 完全唔值個袋外賣拎緊番office已經漏咗啲咖啡出黎，都算啦外賣經常有，少少唔驚啦，最多番上去快快手拎件治出黎唔好浸濕點知原來咖啡個杯蓋無撳實，一拎起個治郁到杯咖啡就成杯倒哂出黎，整到成條裙成件衫成張枱仲有成塊地氈都係咖啡😠😠😠 明白朝早多人買外賣忙，但唔係連個蓋都唔撳實呀？！本身見到其他食評話個治唔掂，以為係個別例子姐，試下可能唔係呢，原來真係要信人架，呢間無下次…查看更多

見間野主打三文治咁，招牌哂咁，未試下囉。40幾蚊食份咁既野，真係哂錢哂心機。拿！有圖有真相，d蛋老到準備投胎，牛肉食兩三啖又有硬野(吐番出黎廢事影)，細份唔緊要，但又唔係特別好食，咁你就打多隻蛋做大份d啦。招牌意思係未伏咁解😂蛋牛治加杯野飲，就你門口都有間檔仔都係收廿蚊鬆d。40幾蚊依份野真係唔抵食。或者我唔識嗌野食。其實你間野係未主力蛋包飯？我見隔離位個蛋包飯都好靚仔，望落你都識煮蛋，但點解蛋牛治d蛋老成咁。🤔…查看更多

第一次食SHY XPRESS，叫左個雞扒蛋包飯，咖哩汁，配料蘑菇。午餐時間$55，飲品另加$2-$10。款式黎講算多選擇，但係好肚餓，所以揀左個最飽肚嘅餸。汁有四款選擇，咖哩汁、蘑菇汁、日式燒汁、番茄汁，配料也有四款，蘑菇、蔥、粟米、蕃茄。塊雞扒比較薄，同某D快餐店早餐果塊差不多，蛋包飯就係有滑蛋係白飯面，蛋算滑，飯比較軟，咖哩汁就比較淡，有D水咁，個人唔多喜歡。場入面其實有好多其他餐廳，都幾大競爭，如果唔進步嘅話就有D危險了。餐廳出左個COUPON優惠，個人認為除非真係好鍾意食蛋包飯，如果唔係都係行過散買好D。…查看更多

本來想撐到在下午茶時段再吃飯，結果找了幾家餐廳仍未轉下午茶時段的特價餐，然後想起之前跟同事到過愛琴坊裡的food court，他選擇了蛋包飯，今次換我了因為限量關係，其實主要想推薦他們炮製的牛脷，當然蛋包飯也很好味：牛脷蛋包飯配蘑菇汁＋香蔥（＄５９）這份牛脷，我認為是吃過最正的牛脷：聞到燒香了的牛脷味道，每塊牛脷肉質十分嫩滑，肉汁依然豐富，加上蘑菇汁後更加正，令本身值100分的牛脷變成110分；蛋包飯的蛋很嫩滑，加上香蔥後亦十分合襯；不過可以少點蘑菇汁比較好，因為基本上所有飯都被汁蓋掉，而我想有無汁白飯吃。熱朱古力咖啡（跟餐加＄５）適中的朱古力及咖啡味，沒有問題…查看更多

經常聽說KT 有一個兒童節目明星開的滑蛋牛肉飯很好味！今日和朋友行街時經過，所以就決定一試！其實佢係位於一間類似foodcourt 內的餐廳，而這個food court 也有很多其他的選擇，所以也適不同要求的人士一起來來，牛肉滑蛋日式燒汁蘑菇飯外賣，包一罐可樂$57，價錢來講有點貴但在觀塘區來說也是可以接受！因為觀塘一般午餐的價錢大約是40至60不等！可能我是外賣份量不是廣告牌上那麼多🤪但牛肉滑嫩，炒蛋香滑可口！配上燒汁味道剛剛好!…查看更多

不可一不可再蛋包飯😂.雖則呢個飯做埋個買幾送一既優惠之後計番先係$49一個包埋野飲😂😂😂一個咁平既一個蛋包飯又會係有咩比你食到呢？😏蛋加飯係有既🌝但唔好期待有啲咩滑蛋既出現👻然係成個飯係充滿住玻璃芡🤣完全係叫咩汁都冇個隻汁既味包括我叫既蘑菇汁同同事仔叫既蕃茄汁🤪係一啲有味但完全唔知係咩嚟既汁🧐.蛋配料簡左蘑菇但係又有啲蘑菇以外既菇菇親戚出現😂神奇😂個飯係淋到連我呢個食開軟飯既老人家都覺得淋😛加左既燕麥仲硬過啲飯......笑左…查看更多

其實我以前已經光顧過「SHY」系列餐廳，包括「SHY Dance Cafe」、「SHY Xpress」裡面的蛋包飯食品，跟招牌蛋牛治食品，位於觀塘「巧明街」的分店「SHY Xpress」我更幫襯過兩次。第一次光顧就是在我上手手提電話，和「開飯喇」戶口未報銷之前，在觀塘「巧明街」分店裡面度過。至於第二次光顧「巧明街」分店，亦就是我這次食評提及的用餐體驗。我第一次光顧巧明街分店「SHY Xpress」的時候，就選擇了「SHY Xpress」的招牌蛋牛治加烘底。至於我第二次光顧巧明街分店「SHY Xpress」，就沒有再選擇「招牌蛋牛治」加烘底了。相反地，我第二次光顧巧明街分店「SHY Xpress」，就選擇了「SHY Xpress」裡面的另一款招牌食品「蛋包飯」，只是我今次食到的「蛋包飯」，跟期望有點落差。因為我今次竟然忘記了，放棄了「SHY Xpress」的「牛肉蛋包飯」，反而選擇了另一款，我懷疑可能是牛肉食材的「漢堡扒蛋包飯」。至於「SHY Xpress」套餐裡面的飲品，我上次選擇了凍朱古力飲品，我今次都選擇了含提神成份的飲品，是「凍港式奶茶」，我覺得兩者的實際味道都是差不多，味道都是偏甜。上次我在巧明街分店「SHY Xpress」裡面食的「招牌蛋牛治」，實際情況都已經忘記得快一乾二淨。反而我第二次光顧「SHY Xpress」，「漢堡扒蛋包飯」裡面的味道，我反而是記憶猶新。因為我為我的「漢堡扒蛋包飯」，選擇了有別於以往的醬汁，今次選擇了甜味的日式燒汁，日式燒汁的甜味至少為我的「漢堡扒蛋包飯」確保了甜味味道的基礎，即使漢堡扒的口感只是一般我都已經沒有所謂。回說巧明街「SHY Xpress」裡面的實際環境，由於巧明街「SHY Xpress」位處於牛頭角「鴻圖中心」的美食廣場裡面，「SHY Xpress」除了在地下廚房旁邊設置餐檯餐櫈，原來還在樓上有公共用餐區。所以光顧巧明街「SHY Xpress」，領取了食品飲品之後，即使地下檯櫈已經坐滿了食客，食客仍然可以選擇了到三樓的公共用餐區用餐，只要用餐後懂得交回餐盤給「SHY Xpress」就可以了。至於「SHY Xpress」的「漢堡扒蛋包飯」，「SHY Xpress」沒有在餐牌裡面，刻意標明「漢堡扒蛋包飯」裡面的漢堡扒，究竟是什麼肉類製造。所以後來我一試食了第一口「漢堡扒蛋包飯」，就立刻知道「SHY Xpress」「漢堡扒蛋包飯」裡面的漢堡扒，很有可能是疑似豬肉跟牛肉製成。「SHY Xpress」「漢堡扒蛋包飯」裡面的漢堡扒實際上的口感頗為彈牙，而且漢堡扒裡面的油脂不夠多，感覺跟傳統牛肉漢堡扒裡面，偏向有脂肪的油脂感覺不太相似。反而淋灑了甜味燒汁的蛋包飯，蛋包飯的味道變得非常之甜美，儘管蛋包飯不像奄列飯，雞蛋包裹白飯的幅度，足以掩蓋了漢堡扒，漢堡扒裡面牛肉味道不太強烈的問題。所以我憑我試食得到的口感與味道，覺得「漢堡扒蛋包飯」漢堡扒，不是我食過感覺最接近牛肉漢堡扒的「漢堡扒」，沒有完整「牛肉漢堡扒」感覺的漢堡扒。從整體的角度去評論巧明街「SHY Xpress」廚房製造的「漢堡扒蛋包飯」，甜味的燒汁份量實在太多，多得幾乎淹沒整份的漢堡扒和蛋包飯，甚至支配了「漢堡扒蛋包飯」的主要味道。即是話，即使「漢堡扒蛋包飯」漢堡扒裡面的牛肉味道不算強烈，蛋包飯也不是正宗的奄列飯，但是燒汁裡面的甜味，已經足夠掩蓋蛋包飯裡面的不足。至於「漢堡扒蛋包飯」裡面的蛋包飯構造與口感，我覺得「SHY Xpress」的蛋包飯，跟坊間大部分的蛋包飯十分相似，雞蛋沒有完全包裹白飯，只求食到雞蛋配飯的口感感覺就足夠了。至於「SHY Xpress」的套餐飲品凍奶茶，凍奶茶裡面的甜味，在冰塊未融化之前都還可以接受，相反冰塊融化之後，凍奶茶的甜味味道就被淡化。所以，「漢堡扒蛋包飯」裡面的日式燒汁，已經成為了我在巧明街「SHY Xpress」裡面，得到的最大味道印象，只可惜「漢堡扒蛋包飯」的口感未如理想而已。…查看更多

今日lunch黎到食SHY XPRESS，原來佢係由曾經做過兒童節目主持人既伍文生開既😲😲喺眾多選擇中叫左咖喱牛脷蛋包飯。⬇️ 雖然係堂食，但都係用外賣餐盒裝住，略嫌唔夠環保🙈⬇️ 牛脷好香而且好淋身，最驚食到啲咬都咬唔開既牛脷😖⬇️ 咖喱汁同蛋好夾，不過汁都幾多，所以有少少咸，不過整體黎講係好惹味😋⬇️ 望落份量好似好少咁，食哂成個覺得岩岩好👍🏻觀塘lunch又有一個好選擇喇😋😋👍🏻👍🏻。…查看更多

中午時段點了L5 雞翼旦包飯 內含蘑菇 加蘑菇汁 跟熱飲$55 落單後大概5-8分鐘就出餐， 出餐時賣相....... 亂。 個汁同堆蔬菜敗筆未食已經覺得唔會吸引我返轉頭， 拎起餐具開餐啦！個汁， 第一下有超輕微哈迪斯feel, 再食就走左個feel， 變得難食。 個汁有少少味加少許蘑菇.... 係少許... 十片左右掛... 堆蔬菜軟如飯堂配菜... 味道都係飯堂味。 旦蓋做到半滑旦效果， 讚一讚先！ 雞翼都唔錯， 入味既！ 整體係正常午餐一個， 無要求食一餐既水平。 佢唔伏， 已經叫好好架啦！ …查看更多

今日去左個好特別的地方，經過e條街，呢個係條街度然後有個入口，類似商場的物體，佢係喺地下一入到去原來係food court，但係佢就唔係類似大食代的food court 純粹係一D open area大家用的枱。有六七間餐廳咁我就係shyxpress買野食我就叫左牛肉蛋包飯 首先賣相好靚，特別係隻蛋。個飯係即叫即整，熱辣辣牛肉好香，唔肥好瘦，而且又唔韌好入味！！！雞蛋好滑身，好夠味飯係燕麥飯好健康，食落又唔會好硬好乾…查看更多

叫了下午茶三文治配熱檸檬茶, 坐了隔壁, 我唔鍾意催人做野, 所以我已經起身望左幾次睇佢地得未, 幾個女仔就傾計, 望一望下我又繼續傾計, 等左15分鐘, 我忍唔住問佢得未, 原來做起左就咁放係度, d女就答做起, 個男就一邊玩手機答整完啦, 食物質素OK但服務態度有待改善, 否則 no next time.... …查看更多

午餐食到唔知食咩好 誤打誤撞入左去個food court到 見到shy express個蛋包飯好吸引 就同朋友忍唔住 即刻買來試試☺️點餐後好快就有得拎了 今次點左雞扒蛋包飯加咖哩汁！個蛋好滑好好味 而且佢加左飯素係個飯到 令到個飯無咁dry 配埋個蛋一流 咖喱汁味道唔算好濃烈 都係令到個飯無咁dry la. 雞扒醃得入味 大件 又juicy 而且個飯份量好大 岩曬我呢啲大食女生😂 套餐好似$55 有野飲 仲有印花卡可以儲 都係一個lunch ge好既選擇👍🏻👍🏻👍🏻可惜位置唔多 有啲難搵位～ 不過佢用外賣盒 有點唔環保 如果去食既話 可以自備飯盒 仲可以減一蚊添😊…查看更多