SHAKE SHACK (新都會廣場)

再去咗一次Metroplaza Shake Shack，今次都幾滿意，簡單分享：- 服務依然有水準。門口有同事主動帶位，見我猶疑點咩，細心講解新餐點同口味。收餐嗰陣有人巡場幫手收空盤、添水，整體節奏爽快，態度自然不造作。- 新沙律再食一次都好食。菜葉脆口，配料唔小器，咬落有層次；醬汁偏清新，有少少酸香同香草味，唔會搶味但幾醒胃。配漢堡唔會太膩，單食都夠滿足。- 環境同出餐：枱面乾淨，垃圾清得快；人多時都大概幾分鐘就有餐，座位周轉算順暢，播歌音量剛好，講嘢唔使提高聲量。總結：第二次光顧Shake Shack感覺穩定，服務貼心，新沙律保持質素。想輕鬆食一餐、又想有啲清爽選擇，呢度可以放心試。…查看更多

✨招牌芝士牛肉漢堡（+洋蔥🧅）牛肉扒搭配融化嘅芝士，咬落柔軟且唔韌🐮😋洋蔥嘅加入帶嚟多層次感同香氣。而漢堡麵包好軟熟，我醬汁另上 令個包體冇咁濕 ◉‿◉.✨紐約扒房風味雙層牛肉漢堡呢款貴得嚟，覺得麻麻地🥹🍔佢就係牛肉+蘑菇，牛肉就係同芝士牛肉嗰款一樣，而蘑菇好似冇咩調味，食落冇咩味🤔🍄‍🟫但口感上多少少層次感。.✨香脆雞粒 x6️⃣雖然佢好似細細粒，但食落好似真雞胸肉咁，質地彈牙而緊實。外脆內嫩，好juicy，惹味+好好食😋🐔.✨coffee milkshakeOmg呢個好好飲🥹‼️有淡淡嘅咖啡濃香，減淡奶昔嘅膩 但仍然甜甜地😙佢主要係奶香味為主。.✨milktea milkshake呢款就係有淡淡嘅奶茶味，似係港式奶茶嚟，仍然主要奶香味為主◉‿◉🥛…查看更多

📍Shake Shack 夏季限定新品登場，你哋又會唔會試吓呢？👀✽ 杜拜朱古力開心果奶昔（$68）｜供應至 9 月 3 日呢杯由杜拜帶到嚟香港嘅超人氣奶昔，外層係厚厚嘅黑朱古力脆皮，入面係雲呢拿雪糕＋開心果醬 blend 埋一齊，質地香滑😲😲上面再加埋酥皮絲，脆脆哋份量唔少，層次感幾好。不過要留意，只限外賣或自取，冇堂食同外賣平台🫡✽ 蒜香蘑菇牛肉漢堡（$66／單層）｜供應至 8 月 24 日蒜香系列又出現👏🏻用安格斯牛做 base，配埋濃郁布旺倫芝士、炒蘑菇、脆炸紅蔥頭同烤蒜蛋黃醬，成件事蒜味超香，鐘意濃味嘅可以一試👻👻…查看更多

SHAKE SHACK 嘅波浪薯條每條炸至金黃色又香又脆一見到已經食到停唔到口🫣😬餐廳招牌芝士漢堡用100%全天然安格斯牛肉絕無添加激素及抗生素👍味道又香又有濃郁牛肉味厚度比例適中！加埋醬料口感十分豐富！香港限定嘅「楊珠甘露」奶昔～經典雲呢拿雪糕混合芒果果蓉和椰漿，配上新鮮柚子果肉及芒果和百香果口味爆珠，加上蛋捲脆脆真係好滿足❣️🌟香脆鹽味薯條🍟🌟Shackburger@招牌芝士牛肉漢堡🍔🌟楊珠甘露奶昔🥛🍦…查看更多

因為環境算唔錯 ，又有 落地大 玻璃窗， 行過嚟揭一揭坐下鬆一鬆都算係唔錯嘅選擇。飲咗一杯奶昔要焦糖加咖啡，我就覺得好好飲，差唔多一拎返座位一口氣咕嚕咕嚕咁就消滅咗喇。另外叫咗兩個 最簡單嘅 basic Shack, 不過要 no bum; 佢哋通常嘅處理方法就係唔會畀麵包你，然後就用生菜包住 ，另外一種感覺同食法。我咁樣食其實就想減低碳 食材 ， 已方便 減肥迎一個更健康嘅生活....佢哋呢度嘅地方都算唔錯㗎喇 ，都有幾個卡位，同埋窗口，同埋 室外嘅位可以任揀。葵芳唔同嘅地方就係佢哋冇自己添加水呢個係一大漏洞， 其他就同其他嘅分店差唔多。…查看更多

即煎漢堡扒使用新鮮的牛肉製作，經過簡單的調味和煎製，外焦里嫩，肉汁豐富，味道濃郁。芝士片在煎好的漢堡扒上輕輕融化，帶來濃郁的奶香味，增添了漢堡的風味層次。新鮮的生菜葉脆嫩爽口，為漢堡增添了一抹清新和清脆的口感。生洋蔥帶有淡淡的辛辣味，酸瓜片甜酸爽口，能為漢堡增添豐富的風味。兩個配料可選增多份量。…查看更多

話說路經葵芳新都會廣場4樓一間專門食burger的店舖Shake Shack，我們因為已經食過午餐，所以就沒有點餐了，只點了兩杯啤酒，當日是星期三的下午，店內不足太多人，所以都座得比較舒服及寧靜，看到其他客人點了的burger餐，看起來已相當吸引，其實都好想試一試，但我們實在吃得太飽了，唯有期待下一次過來試吧。當日下午和朋友閒聊了一個下午，期間職員都很友善（可能是平日亦沒有太多客人）所以並未有趕客的狀況出現🤣如果，在平日𥚃路過新都會廣場，想找地方坐坐閑聊一下，Shake Shack是一個不錯的地方。…查看更多

星期日嘅傍晚到訪，人不太多，坐得幾舒服。飲咗開心果奶昔同點咗薯條🍟～薯條係波浪紋款嘅，無乜特別，應該係叫貨，收呢個價錢食嘅話，真心overpriced>.<對比起five guys，薯條真係相差幾萬呎遠～話說我係會特登俾錢去食five guys 嘅薯條的！😋😋😋開心果奶昔，真係幾正～攪勻嚟飲，每口都係開心果味～佢個底應該滿滿都係開心味醬，好瘋狂😝😝一個人飲嘅話，飲完都飽咗，有人share會開心啲～不過太多太大杯，飲多幾啖會覺得有少少甜。但係，又咁講，美式餐廳，偏甜係正常嘅。…查看更多

📍Shake Shack前日去咗葵芳行街，見到新都會廣場開咗間新嘅Shake Shack🤩但由於店舖面積較細，所以都幾難搵位🥲加上嗰日勁熱，即使餐廳設有outdoor用餐位置，都冇乜人會想出去曬🥵另外，收銀員雖然用一口流利嘅英文問你食咩，但阿媽👩🏻用廣東話答佢都聽得明，咁大家點餐嘅時候就唔怕尷尬la🤭🍔Shack Burger $58 / $81(double)呢個其實即係普通cheese burger，配料方面有芝士牛肉漢堡、生菜、蕃茄同秘製shack sauce💕麵包底部搽咗牛油，烘過之後帶有濃郁嘅牛油焦香～而且食落真係超級軟熟，好有彈性，比平時嗰d更出色😍至於牛肉漢堡質感較為鬆散，會食到好呢hea😅肉味香濃、肉汁尚多，但調味偏鹹🥺所以一定要配埋生菜同蕃茄一齊食，以解去油膩感😌而shack sauce味道酸酸哋，份量適中，唔會浸到成個包濕晒👍🏻總括嚟講，個burger唔算好cheesy，但味道唔錯，值得一試💗🌶️SmokeShack $69 / $92(double）呢個同樣有芝士牛肉漢堡同shack sauce，不過就多咗煙肉同櫻桃辣椒粒🔥煙肉口感非常香脆，而且採用美國全天然蘋果木煙燻後，香氣更為濃郁😋辣椒粒份量雖多，但食落就唔係好辣，反而椒味較重😅呢個嘅味道確實比Shack Burger更豐富，但因為冇生菜同蕃茄，所以食落好濃味以及偏鹹😣🧀 Cheese Fries $37波浪薯條粗身，食落啖啖薯肉，口感綿滑又唔會太油🫶🏻薯條上面仲鋪滿厚厚嘅芝士醬，幾乎令每一條薯條都沾滿芝士🤤芝士味道濃厚，真係超級邪惡呀😈而且份量都幾多同埋好飽肚，建議幾個人一齊share🤗🥛Caramel Shake $45Milkshake質感杰而幼滑，奶味尚算香濃💓但真心覺得冇乜焦糖味，淨係得個甜字，反而呍呢拿味偏重，有d失望🥺🍓Strawberry Shake $45飲落似士多啤梨雪糕味，味道比caramel嗰杯冇咁甜，整體𣎴過不失，冇乜特別😌🍋Large Pink Lemonade $35檸檬水配上紅石榴同柚子，呢個組合夠晒清新，好適合喺夏天飲🌟𣎴過味道偏酸，紅石榴同柚子嘅清香唔突出，完全比檸檬酸味蓋過，所以基本上淨係飲到酸味😨✨整體嚟講，雖然價錢唔平，但burger及小食嘅質素唔錯，個人認為絕對比「五X弟」優勝🫰🏻但milkshake真係一般般，下次都係飲soda或者lemonade算la😚評分(最多5粒⭐️，✨為0.5）❣️味道：⭐️⭐️⭐️✨❣️環境：⭐️⭐️⭐️⭐️❣️服務：⭐️⭐️⭐️❣️賣相：⭐️⭐️⭐️✨❣️CP值：⭐️⭐️⭐️📍葵芳興芳路223號新都會廣場4樓488-490號舖🩷❤️🧡💛💚🩵💙💜🩷❤️🧡💛💚🩵💙…查看更多

經過見到新品就去了試.紐約扒房系列New York Steakhouse單層紐約扒房風味漢堡: 肉汁滿滿, 吃得好滿足.紐約扒房風味薯條: 好味, 醬汁配得恰到好處,會趁推廣期take 2.紅石榴柚子美式檸檬水(Large): 炎炎夏日, 可以的選擇.…查看更多

今時今日想堂食漢堡包，真係好難。 牡丹樓長期冇位座，啲人坐响度過世咁。去餐廳食又貴又要加一俾小費。好彩仲有Shake Shack。佢响新都會廣場入面，店內寬敞。坐都幾舒服。可能大部份店員都係外國人嘅關係，店內唔係好多人，當日外國人，學生客多。價錢走中高價路線（個人覺得），比牡丹樓貴，比美國餐廳平。幫襯咗兩次，點個啲招牌美食。Shake Burger （單層 $58/雙層 $81）有芝士、牛肉、生菜、蕃茄、酸瓜、洋蔥。麵包係正常size （牡丹樓大），單層都飽飽地，雙層啱男士多啲。牛肉嘅牛味超濃，加埋半溶芝士，好Juicy。酸瓜酸味溫和，連平日唔食酸瓜嘅朋友都食到，洋蔥甜甜地唔辣。整體配搭剛好，兩次嚟都有點佢，唔怪得放响餐牌第一行啦！Hamburger (雙層 $71）牛肉、生菜、蕃茄、酸瓜、洋蔥。配料同Shake burger 差唔多，只係冇咗芝士。冇芝士感覺就冇咁膩，但就比較乾，要啜多幾啖汽水，或者加啲茄汁。芝士狼牙薯條大大條，脆卜卜，係好兒時最鍾意食嘅粗紋薯條。淋上鹹鹹地嘅車打芝士醬，唔駛點茄汁都夠味。士多啤梨奶昔味道唔太甜，有士多啤梨味，但個人鍾意牡丹樓多啲。服務方面我要強烈讚揚，我未試過响香港食肆，有咁好咁細心嘅服務。知道我同朋友傾計，竟然主動提出調低音樂聲量，怕嘈到我哋。又主動幫我哋refill 汽水（唔知原本可唔可以 refill ) 。好感動呀！多謝你Mandy。🙏🏻…查看更多

同朋友去葵芳新都會行街，好耐無食漢堡包，一於試下呢間專食Burger的餐廳先😊呢度好似M記甘，先去收銀處落單，之後職員會比個機你食物到就自己出去拿，自助形式，餐廳仲有部自助洗手機，好方便客人👍⭐️Shake Burger叫左個招牌漢堡包，賣相幾令，但咬落去有d失望。。 麵包好似無烘過甘，一d都吾香口，好普通。。食到個包有少少牛油味😅⭐️Hot Dog見menu寫熱狗係用牛肉腸，幾特別，好少地方有牛肉腸熱狗，值得試。但職員連基本醬汁都無比，又要出去問佢拿。。🫠⭐️波浪薯條岩岩炸起，好香脆👍⭐️朱古力Milk shake成餐最好食既就係呢杯野飲！😍好濃👍…查看更多

因為有小食同飲品coupon先嚟，趁呢間舖頭仲喺度就用咗佢。Fries+ chicken shack+fifty fifty其實佢個包真係唔得，麵包係凍嘅，其實好多小店嘅burger都會幫你煎一煎個包，做到外脆內軟，所以呢度嘅麵包絕對係扣分。雞肉俾你揀雞胸定雞腿，我揀咗雞胸，唔「鞋」嘅，熱辣辣嘅雞胸配凍嘅麵包係好大對比，但雞胸配埋醬汁都好開胃好食，最鍾意就係嗰兩塊酸瓜。而家好少地方有波浪薯條，一定唔係啱啱炸嘅，不過又未去到凍晒囉，都仲香脆。Fifty fifty淡味嘅檸檬茶，頭嗰幾啖好甜，應該係啲Lemonade未撈勻。最欣賞shake shack就係佢部洗手機😅 …查看更多

一諗起食Burger 其中一間一定係Shake Shack ，全因Burger新鮮即叫即製，高質素，水準又穩定，已經食過無數次，除咗Burger之外，喜歡食佢哋嘅扭紋薯條和奶昔，都係不停回頭嘅原因👍🏻 🍔▪️ShackBurger Single Cheeseburger with lettuce, tomato, ShackSauce 最傳統嘅美式漢堡，麵包鬆軟充滿牛油香，漢堡扒超級Juicy ，配合融化咗嘅芝士，蕃茄，生菜和特製醬汁，好味就是這樣簡單 🐔▪️Chicken Bites Crispy, whole white meat bites served with honey mustard or BBQ sauce 酥脆嘅雞胸肉，外層炸得香脆，肉質多汁幾軟熟，一啖一口，配合蜂蜜芥末醬和BBQ汁，意想不到咁好食 🍫🥛▪️Classic Shakes Chocolate 邪惡之首朱古力奶昔，質感超Creamy ，極濃朱古力味，甜度適中，冰凍又香甜，是我的漢堡包最佳朋友 🍹▪️Fresh Lemonade Shack-made and sweetened just right 新鮮冰凍檸檬水，仍然食到檸檬皮，清新健康又解渴，輕盈之選…查看更多

Shake Shack與上次的牛角相似，因為政府$100餐飲卷所以就到了這間很有人氣的美國漢堡包連鎖店Shake Shack試試他們的食物，與牛角不同的是這間店我和小絲一直都想試，所以就在餐飲卷到期前去試試。現在到Shake Shack不一定要到收銀處向職員用英文店餐，旁邊有可選擇中文的自助店餐機，或者坐位會有QR Code，用電話點單，還有送餐服務，適合一個人到來的客人。我們每人點了一個漢堡包再加一客薯條，本來想點飲品試試，但看到價錢就已經沒有想試的欲望。食物是即叫即做，大約5~8分鐘就完成。以肉眼所見分量不算很多，但吃落口是很足夠飽肚。Smoke Shake漢堡包不是真的很巨大，麵包烘的時間不算很快，但已足夠使表皮香脆，麵包的口感不是空氣感，亦不是很實的的，是界符兩者之間，麵包本身帶有甜味，而且還加了大量牛油，使麵包極其香口邪惡。主角漢堡扒，沒有預期中厚，形狀有點不規律，很有手工感的味道。雖然煎的時間不夠，表面未到焦香的程度，但這片比M記漢堡扒厚些少的肉，吃下去出奇地多肉汁，而且牛味濃郁，吃過這塊漢堡扒才知道，牛肉做的漢堡扒，味道應該是這才對，M記那些好像只是吃醬汁而已。這個包還有加大飽肚感的芝士，硬加上去的煙肉同一些紅椒粒，這些紅椒粒的辣為這個漢堡包與其他的漢堡包不同的區別，紅椒粒的辣不足以使你有辣的感覺，就是每一啖很少很少地刺激你的味蕾，令味道有不同的撞擊。Shake Burger最傳統的漢堡包，麵包夾著醬汁，生菜，蕃茄，芝士，漢堡扒。生菜和蕃茄都很新鮮，這款漢堡包更能突出漢堡扒的味道。Bacon Cheese Fries粗切波浪薯條上面淋上芝士和煙肉碎，薯條新鮮炸起，熱辣辣很脆口，不會太咸味道很對版。 阿偉評價：漢堡扒牛味突出，整體食物質素不錯，飲品定價太貴。推介評分：6.5/10…查看更多