sensory ZERO ROASTERLAB (香港科學園)

今日出咗科學園見到呢間個裝修幾靚上面全部都係燈泡門口仲有對龍鳳喺度就即刻坐低想飲咖啡喺QR code諗緊食咩想叫個all day Breakfast 但係眼花花叫錯咗個無肉版🤣不過錯有錯着，都幾大份，兩個人都夠食椰菜花個汁酸酸地好開胃南瓜好甜個蛋仲好流心添最鍾意係佢個無花果伯爵茶醬唔太甜，加落個麵包到好好食加$5叫咗杯凍美式咖啡老公叫咗杯抹茶紅豆豆花咁甜度適中 抹茶又唔會蓋過豆花味😀😀…查看更多

在Sensory Zero享用午餐，我點了豬頸肉煎蛋飯，肉質嫩滑，煎蛋香脆可口。蘑菇湯超濃郁，味道醇厚，喝上一口讓人心情愉悅。正餐的份量很足，吃完真的很滿足。環境舒適，服務人員也很友善，讓人感到放鬆。整體來說，是個適合聚餐的好地方，讓我想再來試試其他菜品！…查看更多

又黎食lunch , 佢哋嘅lunch set做得真係好食。雞皮好脆，雞肉又唔嚡，仲要兩大嚿。薯條份量絕對唔少，加埋少少嘅蔬菜沙律，我就覺得好夠飽。至於杯嘢飲，都係保持水準，好味。…查看更多

今天請朋友到科學園Sensory Zero食午餐，點了兩客我係豆腐花，唐揚炸雞配黑醋汁及炸豆腐慢煮雞肉沙律，賣相OK，但唐揚炸雞只有丁點雞肉碎外，其餘都是厚厚的炸粉，令人非常失望！…查看更多

所謂特濃蕃茄湯麵，得個小小結撻撻既水原來叫湯麵？冇湯都算，仲要冇味。。所謂蕃茄芝士撈麵，但冇芝士味之餘仲有勁多水。。。咁簡單既公仔麵都整到咁，真係好吾掂科學園咁大，大家去第二間食啦…查看更多

住咗科學園咁耐，都係第一次幫襯呢間茶餐廳，次次佢哋都關得好早，今次特登中午過嚟，嘢食非常好食，有驚喜，短期已encore兩次。鰻魚蛋飯小朋友非常鍾意食，d料又足，味道好唔錯。蘑菇意粉味道超好。個牛角包鬆軟，好耐冇食過咁好食嘅包，腸仔啲汁一咬落去彈出嚟。野飲冇得輸，特別杯Dirty Chocolate，一開始以為好甜，但飲落層次感非常好。如果略嫌失色，一定係嗰個喵多士，完全冇特別。…查看更多

📍Sensory Zero科學園真係美食沙漠全部餐廳都有貴又唔好食，起碼都要$70一餐，然後仲要完全唔飽。Sensory Zero算係科學園少有比較好食既餐廳。澳洲M五和牛溫泉蛋飯係每次嚟都必叫之選，牛肉嘅熟到啱啱好，粉嫩得來又夠焦香，配上蛋汁真係好滋味。我哋嗰日仲嗌咗芝麻雞翼，雞翼都出乎意料地好好食，炸得好脆，但同時保留到肉汁，好Juicy，呢個係驚喜既。另外我哋仲叫咗一個蕃茄海鮮意粉，不過呢個就好普通冇乜記憶點。整體嚟講，呢間餐廳其實性價比都唔高，其他食物都普通。唯獨和牛溫泉蛋飯係令人眼前一亮，不過喺科學園搵到稱得上好食嘅嘢已經係好難得，科學園真係美食沙漠。…查看更多

週末跑完步想食個brunch, 又唔想食中泰餐，就食呢間sensory zero。其實價錢上中等，唔算好貴，但味道幾好，咖啡係主打，放假輕鬆一流個冰搖咖啡好特別，岀面少見，可以一試…查看更多

早餐想飲Dirty (但不在套餐包既野飲內）以前滑蛋牛角包可以單點，比套餐平少少所以通常會單點野食再單點杯Dirty / Crazy chocolate 而家餐點不能單點我問咁應該點嗌？有個Waitress 走埋黎細細聲咁話 問咗經理今次可以加錢做比我 叫我係app度揀杯套餐Free既Americano然後再單點Dirty然後我問 咁加幾錢呢？Waitress 答：原價加 我可以同入面講唔出杯Americano 比你☺️真心嗎？好似益我咁…查看更多

會去大埔，所以經OpenRice找科學園的餐廳吃東西，預約咗Sensory ZERO餐廳。去到差不多4:30pm（因用咗約10分鐘找餐廳，可能自己搞錯，原來餐廳在地下，不是1/F），一入門口話收5pm，但都禮貌地招呼我哋坐低，立刻掃描QR code點餐。冇時間睇吓其他餐單，叫午餐速食，叫了鰻魚飯，帶子扁意粉，飲品叫了薑茶及可樂，另經OpenRice預訂免費送痴_線朱古力（標準）。食物整體不過不失，只是自己去得太遲，唔想阻人放工，下次會再去慢慢嘆。…查看更多

朋友拉我去一間茶記享受舌尖上的樂趣😋，我個心諗：樣樣都一試！茶記的牛角包實在是太吸引，我點了個「肉鬆芝士牛角包」，咬落去，啲牛角包外皮香脆得嚟唔會太硬，一啖咬落去，肉鬆與芝士交融嘅滋味真係正！😍其次試咗「慢煮雞胸肉茄汁扁意粉」，送到面前時已經香到不得了，雞胸肉慢煮得啱啱好，柔嫩得斯文，食起上嚟嘅口感都算輕柔。意粉嘅質感更加得我心，Q彈的口感配上茄汁嘅微酸微甜，真係夠晒醒胃！飲品啊，就有少少小失望☹️，嗌咗杯Cappuccino，但味道就一般般，未能夠令我驚喜連連，不過睇我啲友人享用佢地嘅朱古力，濃郁嘅模樣，似乎下次要考慮給佢一個機會。整體嚟講，呢度既環境舒服又新穎，啲食物總括嚟講係滿足左我嘅味蕾。會推薦比想一試新食法嘅你，記得帶齊紙巾，一齊嚟個味力全開嘅飲食冒險！🤤🍽️👍🏻…查看更多

在沙田科學園發現這家新開的Cafe感覺有點面熟，上🕸️搜一下就是近來好🔥的尖沙咀那杯瘋狂朱古力的沙田分店，於是二話不說進去吃。點了那瘋狂朱古力又叫（痴_線朱古力），初吻，蒲燒三層鰻魚滑蛋飯, 澳洲 M5+和牛溫泉蛋飯, 法式牛角包焦糖菠蘿煙肉雲呢拿雪糕。瘋狂（痴_線）朱古力 名乎其實，不同的朱古力線交叉重疊，淡淡的朱古力味不會太甜，顏值, 味道都是它🔥的原因初吻 名字很有意思，從上到下一共4種食材：黑糖粉末、奶泡、咖啡、朱古力粉，很有層次感，估計像少女的初吻一樣，所以叫這名字。三層鰻魚滑蛋飯 - 兒子全吃光，一點都沒留給我😅，他說鰻魚很嫩蛋很滑。澳洲M5和牛溫泉蛋飯 - 有點酥，老公和兒子都不肯吃。法式牛角包焦糖菠蘿煙肉雲呢拿雪糕 - 牛角包點上溶化了的雪糕，太好吃了，第一次發現這種吃法，牛角包吃起來有些西式吐司的感覺，好特別，煙肉有些過了。店鋪採光明亮，還有日式榻榻米座位，我們一家選坐在榻榻米上自成一角，挺舒適的。門口有一對龍鳳擺設，很有香港特色。不論環境還是食物都很喜歡這間餐廳，以後去科學園又多了一個理由☺️。…查看更多

是日在白石角的活動完結後，來到科學園吃午餐，上次想試sensory ZERO ROASTERLAB但沒試，所以今次決定光顧！星期日的中午時間，偌大的店舖內，食客不多。好處是可以慢慢用餐，沒有壓力。除了Brunch Set外，餐廳也有供應飯、意粉、沙律等等，選擇多元化。我選的是煙三文魚班尼迪蛋餐 (Eggs Royale with Smoked Salmon Set)，有煙三文魚班尼迪蛋伴紅菜頭粉紅荷蘭汁，配喵多士。一般的benedict是以鬆餅作底層，但這一道菜是以喵多士來代替，多士香脆又吸醬汁。喵多士被大片的煙三文魚覆蓋，面層是滿滿醬汁的水波蛋。水波蛋煮至半熟，一切開，蛋汁溢出，配搭微微鹹香的煙三文魚，味道可口。benedict多配搭淡黃色的荷蘭醬，而這裡在荷蘭醬內混入紅菜頭，變成粉紅色的醬汁。不是人人都喜歡紅菜頭，因有些人認為紅菜頭有陣草青味。餐廳處理紅菜頭做得不錯，沒草青味之餘，醬汁還帶點微甜。飲品加$35配凍朱古力咖啡 (Iced Dark Chocolate Mocha)，朱古力與咖啡的比例恰好，帶朱古力味之餘亦嚐到咖啡香。同行朋友分別點了兩款All Day Breakfast，分別是無肉・大滿足早餐 (Green All Day Breakfast Set)及南乳炸豬扒・大滿足早餐 (Fried Red Beancurd Pork Chop All Day Breakfast Set)。兩款全日早餐同樣有喵多士、燒菠蘿、薯餅、炒蛋、茄汁焗豆及乾果麥片乳酪。前者配有芝士焗椰菜花；後者則配南乳炸豬扒及煙肉，份量十足！炒蛋嫩滑、燒菠蘿香甜、乾果麥片乳酪輕盈。喵多士配士多啤梨玫瑰果醬 (Strawberry & Rose Jam)，果醬帶兩種材料的獨特香氣，不會太甜，幾好味！南乳炸豬扒好大塊，淡淡南乳香又不會太鹹，炸豬扒仍帶點肉汁！和牛漢堡配薯條 (Wagyu Beef Burger)，和牛厚身，帶點牛香又富肉汁，切開漢堡，肉汁就流出。薯條熱焫焫炸起，夠香脆！點了一件咖啡意式軟芝士忌廉蛋糕 (Coffee Roll Cake) (加$25)，蛋糕體濕潤度恰好，軟綿，富咖啡香。卷蛋夾著的芝士忌廉，輕盈又不會過於甜膩。朋友們分別加配的飲品是Dirty ($30), First Kiss ($30)及招牌痴＿線朱古力咖啡 (Crazy Mocha) ($40)。Crazy Mocha的賣相確實夠吸睛，朱古力咖啡的面層額外灑上朱古力粉及朱古力碎，朱古力味夠濃！星期日能悠閒地嘆份brunch，著實不錯！…查看更多

廳面坐左8成左右，但全部都其實都已經食得七七八八，所以都唔使等位，直入。員工帶位解釋點落單後，我哋手機落完單就係等。。。10分鐘。。。20分鐘過去，結果係等到一杯凍左既mocha，問下個職員係咪本身供應都係室温既mocha？咁個職員都好好即刻換左杯，但又係慢長既15分鐘等待。。。。。。唔知講乜好。作為一個顧客，真係無興趣知道餐廳點做生意，點管理人手，我只係想飲杯野都要等超過30分鐘？仲要係個場唔係爆晒，唔係唔多人手既情況下，俾咁既體驗顧客，真係想做生意？…查看更多

5-8-2023 (Sat)朝早同老公去科學園睇科技展,點知原來要預約,咁一場嚟到,就搵嘢食喇,上嚟search完,發覺只有我嚟過嘅呢間黃店(上次食評係2022年11月17日刊登嘅呢篇: https://www.openrice.com/zh/hongkong/review/yeah-%E7%B0%A1%E5%96%AE%E5%8E%9F%E5%91%B3-e4618494),於是同老公行嚟,我哋嚟到,店員帶我哋去坐最入最後嗰張二人枱,我哋睇menu同掃QR code,發覺紙本menu唔齊全,攪到我哋喺網上睇好耐至決定要咩嘢,最後決定要:3. $138.00嘅可遇不可求粉紅咖哩南乳豬扒飯南乳豬扒已切成好多件,厚度係正常,南乳味好夠但略為鹹咗啲,口感就正常又唔乾; 杰杰地嘅粉紅咖哩汁冇乜咖哩香味但有啲啲辣味,飯就似係日本珍珠米,正常冇問題.味道:4分1. $55.00嘅海之忌廉梳打配雲尼拿雪糕呢個係夏季期間限定,採用日本波子汽水,老公一睇就愛上.雲尼拿雪糕同平時食開嘅好唔多,唔係只有雲尼拿同奶味,而係多咗唔知點形容嘅味道,成杯味道唔太甜.味道:3分6. 叫餐加$35.00嘅凍法國朱古力牛奶一飲,唔夠凍,同唔太甜,味道一般正常,唔夠凍到嗰支可食用嘅環保飲管都變軟咗,最後我要將老公飲完海之忌廉梳打嘅冰舀落去飲.味道:2.8分4. $168.00嘅小智我一直等著你回來-香燒三黃雞(半隻)餐呢個伴以脆炸番薯條同焗車打芝士椰菜花,但好耐至到,都啱嘅,睇吓番薯條,唔係伴碟嘅份量,係半隻雞下面都有;焗車打芝士椰菜花都大大個.我先食隻雞,一切落去,嗰層皮好脆,啲肉仍juicy,雞油味都幾濃吓,但唔知點解,佢好難切,要用手拎住食,而味道係唔太鹹,可以蘸啲醬汁食.味道:5分炸番薯條軟軟的,味道亦唔算太甜; 焗車打芝士椰菜花冇嗰陣不討好嘅青草味.味道:3分2. $50.00嘅橙香有氣美式咖啡呢個係第三樣到嚟,但因為我哋要飲咗有雪糕嘅海之忌廉梳打先,所以係最後至飲,呢個我覺得似有氣咖啡,橙味唔係好多.老公話佢都係慣咗口感杰啲嘅咖啡,呢種比較稀嘅咖啡未接受到.味道:3分5. 叫餐加$25.00嘅檸檬蛋白撻呢個係第一樣上枱,我哋當然係食到最後至食.切開睇,有一層蛋糕喺最底.檸檬果jam偏酸,但正好可以解膩,伴以甜甜地嘅蛋白食,就可以中和返;而個撻皮就冇乜牛油香,亦唔算好脆.味道:4分環境:開頭覺得冷氣幾夠,但睇睇吓menu就覺得唔多夠,所以要嗌凍嘢飲.服務:一坐低,就會自己俾兩杯水.落完單,所有嘢都陸續上枱,無論飲品定甜品,都冇話分次序後上,我見到早過我哋嘅食客,係食完晒嘢,飲品至上枱.之後我睇到後來食客嗰杯海之忌廉梳打嘅雲尼拿雪糕係我哋嘅1.5倍.價錢:連加一係$518.10.其他:呢喥重有好多唔同口味嘅烏結糖同曲奇賣.…查看更多