Seek

無去一排，餐牌唔同咗，價錢平咗無咗加一，無埋服務，餐具要自己拎，侍應長期企喺收銀位，有咩事要行出去搵人幫手平時食開燒雞，夠熱份量足又juicy今次試吓扒餐，可以揀配白飯/意粉/沙律揀咗沙律，沙律同扒嘅份量都好少$75一個扒餐，唔包嘢飲同餐湯，話平唔平話貴唔算貴 ，但份量真係少，唔會食得飽下次食都係揀返燒雞…查看更多

【白石角隱世餐廳Seek☕】今日帶大家嚟到位於白石角嘅隱世餐廳Seek🍝，相信在座咁多位有一半以上都唔知白石角喺邊🤷🏻‍♀️，放心，我都係🤫，我甚至冇聽過呢個地名，真係笑死人啦😂🤣講返重點❗Seek係一間西餐廳兼Café☕，裝潢以攝影為主題📷：牆壁貼滿各式照片🖼️，旁邊亦擺放咗幾部Polaroid相機🎥，整體氛圍Chill得嚟又夠文青😌，但我淨係掛住食唔記得影相💀，就當係現場驚喜啦🤣(試圖掩飾自己嘅失誤🙂‍↕️)背景資訊講到咁上下🤙🏻，宜家就等我嚟同大家介紹下我食咗啲咩啦😍┅┅┅┅┅┅┅┅┅┅┅┅┅┅┅┅✧🍛和風黯然銷魂叉燒飯💲58係咪估唔到呢？喺西餐廳居然都食到中式餐點⁉️事實上餐廳仲有好多西餐選擇，不過我今次想食返中式菜🍲一見到呢個菜名👁️👁️，就即刻諗起電影《食神》入面嘅經典料理😂，但其實就係叉燒煎蛋飯咁解🍳+🥩；特別之處在於加入咗日式和風醬料🧂，既保留咗傳統叉燒飯嘅鹹香美味👊🏻，又多咗份獨特嘅日式風情🇯🇵，為舌尖帶嚟一種新奇嘅層次感👅✨🥗田園沙律💲15(加配)熟悉我嘅朋友都知道👧🏻👦🏻，沙律係我嘅至愛😍，無論係食自助餐定打邊爐，都一定會狂夾沙律🍽️，尤其中意田園沙律😋，雖然沙律嘅份量比較細碟🤏🏻，但作為前菜已經好足夠了👌🏻🍟粗薯條💲15(加配)酥脆嘅外層同鬆軟嘅內部🤤，係作為完美薯條嘅黃金標準🎖️，基本上達到以上條件就係合格且美味嘅薯條💯，更加分嘅係佢夠粗大👍🏻，咬落比平時細條嘅薯條更有口感👄，單憑呢點已經完勝其他餐廳嘅薯條😎🥘羅宋湯💲15(加配)呢度嘅羅宋湯對比平時飲開嘅有啲唔同🤔，口感明顯更濃稠🙊，飲得出用料好充足🤌🏻，每啖都有蔬菜嘅香氣🍅🥦，算係一次幾有趣嘅新嘗試😛🥃爆打香水檸檬茶💲30同一般嘅鹹檸七唔同🙂‍↔️，入口第一下會先感受到手打檸檬茶嘅香茅清香🍋，之後再慢慢滲出七喜自帶嘅檸檬氣泡味🍸，喺雙重檸檬加持下🙌🏻，成個人都感覺好清爽😎，唔知背後係咪大隻佬打嘅呢～🤭💪🏻除咗上面提及過嘅菜式外☝🏻️，其實仲有甜品吧🍮，可惜今次冇食到😕……算啦，要開始減肥啦🤦🏻‍♀️，畢竟之後有更多拍攝工作🎬，肥得滯就唔好啦😰┅┅┅┅┅┅┅┅┅┅┅┅┅┅┅┅✧⚠️最後不得不說呢頭交通真係唔太方便，所以我喺度為大家提供少量方案🤓☝🏻️，希望可以幫到大家🙏🏻～(之所以係少量，係因為我自己都唔識去😬)經過當日嘅「災難」後💥，我會建議大家先搭地鐵到大學站🚇，再轉乘272A號巴士去白石角🚍，亦都可以搭去沙田站🚏，乖坐27號小巴前往目的地🚃，呢個真係最保障嘅做法了……至於回程……我都唔知啊……💀實「慧」指數：⭐⭐⭐⭐📍Seek地址：大埔白石角科進路21號逸瓏灣II期LG樓17-18號舖@seekcafe.hk┅┅┅┅┅┅┅┅┅┅┅┅┅┅┅┅✧…查看更多

今日食午餐，點了羅宋湯意粉，加雞扒炒蛋，這次的用餐體驗令人失望。我點了一份雞扒，食左一大半，發現雞扒一部份未煮熟。這讓我感到非常不安，因為未煮熟的雞肉會引發健康問題。這次事件影響了我的整體用餐體驗。我認為餐廳應該更加注意食品的安全和烹飪標準，以確保顧客的健康。希望餐廳能夠加強這方面的管理，自從餐廳裝修後，員工的態度散漫，而且廚房開着大喇叭播歌，根本並不專業。總結來說，我對這次的午餐感到失望。其實呢一個商場得一間茶餐廳及呢一間西餐廳，在冇競爭對手之下真係煮得好差。…查看更多

呢間cafe位於白石角，環境乾淨闊落，係一個同朋友gathering嘅好地方👯‍♀️✨明太子鳳尾蝦海鮮扁意粉 $78推薦度：9.1/10意粉軟硬度適中，有三隻大蝦，蝦新鮮彈牙，魷魚偏爽口，菇菌好新鮮，意粉有數粒魚卵做點綴，一咬落去係口腔爆開好正，明太子汁夠味🤩✨卡邦尼扁意粉 $68推薦度：8.3/10意粉有好多煙肉，食落好香口有油脂味，小編認為卡邦尼汁再濃郁啲會更喜歡🩵✨Mocha $42推薦度：9.3/10咖啡重朱古力味，店員拉花好有心機，加$5可以轉燕麥奶，係一個好好嘅選擇🤲🏻！呢家跟餐半價仲可以嗌到一杯野飲🩵✨Cappuccino $38推薦度：9/10奶泡好綿密，咖啡嘅味道偏重，同時飲到香滑嘅牛奶🤌🏻…查看更多

之前探中大工作嘅朋友班，每次都係揸車去科學園食飯，但原來附近嘅逸瓏灣II期商場內有更好嘅餐廳選擇，呢度好多Polaroid收藏，可以參觀吓！而且不但大人食嘅慢煮西班牙豬鞍、原隻燒春雞、寶雲酥羊架、紐西蘭草飼肉眼扒好出色，連小朋友嘅兒童餐都咁正，佢哋可以自選pizza配料，超開心😆因為估唔到呢個「隱世」地方咁有驚喜，忍唔住問吓廚師背景，原來佢之前係某大餐廳廚師，但我覺得佢嘅食物質素係比嗰間餐廳更出色，嗰日我見唔到佢唔可以當面讚賞，如果有附近工作/ 住客見到，麻煩幫我搵返俾佢知 👍🏻最後想講，甜品好多選擇，多到令人選擇困難，好彩我哋人多可以試到6款 (朋友話我哋搞到好似酒店自助餐嘅甜品拼盤咁😆）：藍莓芝士切餅石板街凍餅抹茶巴斯克芝士蛋糕原味巴斯克芝士蛋糕大吉嶺麻糬卷蛋跟餐：朱古力心太軟除咗朱古力心太軟我覺得太甜（但朋友話好好食），其他全部蛋糕無論味道同口感都超好，尤其芝士蛋糕好幼滑濃郁，麻糬卷蛋茶味清香配合煙靭Q彈麻糬非常上癮。…查看更多

高質西餐一定要去酒店同扒房？今時今日唔少小店出品絕對有驚喜！位於大埔嘅Seek就係好有驚喜的小店，有自己bakery出麵包、蛋糕，有靚咖啡，你以為佢係以Cafe定位，但原來晚餐主菜都一樣得🤩😋 柚子雞翼（$48/5隻）炸得好香脆！面嘅柚子醬平衡返油膩感，而且係大size雞翼，呢個價真係好抵食👍🏻🍖 寶雲酥羊架 （$158）喜歡食羊嘅唔好錯過，必食！醃料令到塊羊無乜騷味，而且肉質好腍，有近乎羊腩嘅口感，但仍然有咬口🤤🥩 紐西蘭肉眼扒 （$228）牛扒份量都幾大，如果兩個大人嗌兩樣share可能會比較好。🥩 慢煮豬鞍配南瓜薯蓉（跟餐$168）食得出係靚料豬鞍😌 外面煎得香脆，內裡嫩滑juicy，配帶有甜味嘅南瓜薯蓉好夾～🍗 燒春雞（跟餐$178）連雞胸都唔會「鞋」，配薯條小朋友就最開心😆 🍨 朱古力心太軟（跟餐加$38）晚餐因為甜品而完滿❤ 加$38就有靚靚心太軟，打卡一流🤣 切開流出軟心朱古力醬，控制得啱啱好～ 其實店面甜品櫃仲有好多款！芝士蛋糕、卷蛋⋯ 唯有下次再試…查看更多

同朋友Gathering，有大人有小朋友，最希望小朋友啱食又有空間唔影響人，bonus係大人都有好野食🤭 朋友就揀咗位於大埔嘅商場餐廳，配套好好泊車都方便～原來餐廳係以攝影為主題，相信老闆應該係攝影發燒友，見到好耐無接觸嘅Polaroid 相機、菲林，真係好有質感～首先要照顧小朋友先有得食🤣 兒童餐真係媽媽恩物💕 重點highlight兒童餐個Pizza係可以自選饀料同醬汁！囡囡就揀咗菠蘿、火腿、千島醬，好開心小朋友全清🥳搞掂啲囡就可以安心開餐，西餐主食都好有水準呀😍寶雲酥羊架👍🏻👍🏻👍🏻My favorite! 羊架煮到好淋，一啲都唔騷😍 以往食羊架我鍾意配薄荷醬，但呢個羊真係就咁食都好好味🤤燒春雞👍🏻👍🏻👍🏻外脆內軟滑，連雞胸都好好食！慢煮豬鞍👍🏻👍🏻👍🏻切落去已經feel到好淋好juicy，外層經香煎好香口～最後梗係要嘆番杯啡😆 同埋食甜品！餐廳有自製嘅麵包、蛋糕、切件蛋糕，連黑糖麥包都有！同朋友share左幾款cake，再加埋set dinner加配嘅心太軟，真係大滿足❤️ 我最鍾意大吉嶺麻薯卷蛋😍 真係好好好好味，味道清新唔太甜，小朋友都啱食～…查看更多

小朋友病左大半個月都冇出過街今日帶佢去近近地嘅餐廳補補佢科學園附近有間高質西餐廳店內超多懷舊相機，一於就試試佢🔹️ 寶雲酥羊架配新薯 （套餐） $188美式南方炸雞，青檸檬百香果梳打（+$12）是日蛋糕（+$20）本人好鍾意食羊架，一般餐廳多數係香草煎/焗，太普通了寶雲酥羊架係一道法國菜式外層酥脆，內層肉汁豐富，令人無法抗拒🔹️紐西蘭草飼肉眼扒配新薯及菜(12oz) （套餐）$248特濃朱古力（+$12）小朋友最鍾意食牛扒，好厚好大件，起初仲擔心會韌，小朋友試左一啖後大讚👍🏻又淋又juice🔹️香煎石斑柳配南瓜薯蓉 $118啖啖嫩滑嘅魚肉加健康南瓜蓉，一試愛上🔹️煙三文魚雞蛋紅菜頭日本紫甘薯南瓜藜麥沙律（套餐）$148煙燻味適中，唔會太濃味兼過硬，紅菜頭本身非常淡味可以夾紫甘薯仔嘅甜一齊食，清啖口味人士可以一試。…查看更多

科學園終於有間味道幾好既餐廳，幫襯過三次，整體食物質數都不錯，份量都足夠，選擇都算多，如果價錢可以平返少少會經常幫襯😆咖啡有驚喜，南瓜薯蓉都好食，希望可以保住水準！…查看更多

快要搬過嚟白石角喇唔洗下下行到去科學園逸瓏灣條「地下街」已經有嘢食今日搬完一輪嘢超攰超熱立即過嚟嘆返個tea set價位同一般cafe相約獨市嚟講又真係冇特別話好貴我覺得可以接受環境寬敞好坐，非繁忙時段冇限時呢排忙到飛起，認真要放空一下😮‍💨Tea set以輕食為主牛油果+煙三文魚牛角包個牛角包好大個😱要用刀叉食先對得住個呢個size 雞扒蜜糖芥末漢堡呢個都唔錯，雞扒熱辣辣，幾厚包有烘過，所以特別香脆個包都幾大個，男人成個食還可以女仔我估都係要用刀叉食先得🙈炸雞柳條拼薯條炸雞帶啲啲辣勁，seasoning唔錯炸得冇過火，皮脆肉辣肥粗薯條，鍾意薯條啖啖肉嘅must likeSet包飲品一杯，特飲加錢換購心水係橙啡，甜甜地又苦苦地Dirty，凍奶同熱espresso至佳組合Latte附精美拉花❤️（重點係賞心悅目）另有light menu可以食件cake飲杯啡有機會會嚟試吓佢哋嘅甜品先😋太好啦搵到一間屋企附近嘅心水餐廳✌️…查看更多

平時🐣旦旦同嵐嵐🐶放假，我同爸爸都會帶佢哋周圍去玩下，我哋一家就最鍾意同陽光玩遊戲☀️，所以成日都會帶佢哋去科學園踩下單車🚴🏻、玩下scooter🛴同roller skates 🛼咁，等佢哋出下汗，放下佢哋電咁☺️咁玩完就緊係要搵地方醫下肚仔啦，今次比我地搵到逸瓏灣嘅Seek，泊車仲要只係$16個鐘，真係好方便。今次我哋叫咗4個午餐一家人share，大人細路都食得好開心😍我哋叫咗慢煮雞胸雞蛋紅菜頭日本紫甘薯南瓜藜麥沙律（午餐連飲品$88）🥗，本身呢個係媽媽諗住自私食，點知兩個小朋友都食到停唔到口，今次仲係佢哋第一次食紅菜頭同藜麥😝，紫金薯同南瓜都好甜，淨係細佬一個都食咗我3分1🥹雜菌黑松露扁意粉，仲有得揀加雙份黑松露😋，一上就好香，呢個係旦旦🐣自己揀嘅，因為佢真係意粉迷🤭，個汁香濃得黎又一啲都唔漏👍另外我哋仲叫左原條蒲燒鰻魚滑蛋飯（午餐連飲品$98）同果味BBQ豬肋骨配薯條（午餐連飲品$98），平時豬肋骨呢啲相對比較難處理嘅嘢食，小朋友都咬一啖就耍手兼擰頭，今次豬肋骨係超淋，旦同細佬都完全自己一個人食到，仲食到條骨好乾淨😂，而鰻魚滑蛋飯，鰻魚份量好有誠意，亦有外脆內軟嘅感覺，加埋滑蛋真係好好胃口💕。另外，我哋仲加配咗雞塊同炸蠔，2樣都唔錯，絕對唔係粉多過肉個隻😌環境方面都好特別，係用攝影嘅元素做主題，展出好多唔同菲林🎞️去做裝飾，簡單又型格😎…查看更多

#科學園隱世必吃餐廳說好慶祝就慶祝，不過今次不是我的點子，是公公預祝他寶貝小孫女考試sssss成功的盛宴，是的，芭蕾舞試遇上學校大考，感覺是豁了出去，預計未來數星期也要吃著風努力溫習... 這天，公公帶我們去了一個隱世地點，走進大埔逸瓏灣，在神秘的商場一角，找到了這家高質西餐SEEK，真的有點seeking的feel～想不到由小食到主菜都很有水準，連兒童餐也不馬虎，我家的嘴刁兒童也很滿意！#慢煮雞胸紅菜頭藜麥沙律（套餐價：$128）十分清新的一款，特別為婆婆而點：）慢煮雞胸嫩香juicy，完全不像雞胸，配上紅菜頭藜麥，添了口感也添了一份健康感！ #紐西蘭草飼肉眼扒（套餐價：$248）公公最愛的牛扒來了～是水準之上的驚喜！肉質鬆軟中不失口感，能夠保持juicy又不會滲血，而且牛香濃郁^_^公公大讚啊～#自選pizza兒童餐（套餐價：$78）可愛的車車裡是小朋友最愛的pizza和薯條，想不到竟然是香口的脆底薄批，更可以自選餡料，我們就選了最愛的雞肉蘑菇，鋪得滿滿的～大滿足～#明太子意粉最最驚喜的是這個意粉，軟香不失彈牙，而且掛汁一流～想不到雖然用了明太子，但一點都不辣，卻換成了一份鮮香，再配搭隻隻爽口大蝦，更添清新～吃了很多，很很滿足，想不到，我們甚至在套餐中也轉了三杯特飲，埋單竟然很平，4人吃得飽飽的，（吃不下甜品，不敢再點～～～）埋單也只是$719，性價比也太高了吧～…查看更多

呢間餐廳喺逸瓏灣嘅商場內對出馬路已經有露天時租停車場夠晒方便好鍾意呢間餐廳嘅裝潢有一面牆掛滿不同嘅菲林再加啲Polaroid 相片Vintage得嚟仲好型格喵奴都順勢同兩位公子講吓咩係「 菲林」「菲林相」又係點曬出嚟食物方面我哋叫咗4個晚餐set瑪格烈特薄餅餐：以前唔敢嗌呢款PIZZA因為怕啲仔唔鍾意羅勒葉嘅味道估唔到哥哥一試愛上仲話想食多件不過sorry個個都想食唯有下次再嗌過香煎海鱸魚配日本南瓜薯蓉餐：海鱸魚大件得嚟又香脆再配上幼滑嘅南瓜蓉清甜又健康紐西蘭草飼肉眼扒配新薯及菜餐：我哋叫咗5成熟牛扒肉質鮮嫩又juicy而且草飼牛肉出名脂肪少唔會太過肥膩以前試過鋸扒切走晒啲肥肉得返2/3食得落今次成塊扒都食得晒感覺健康啲又冇咁浪費脆香巴馬火腿卡邦尼扁意粉餐：意粉比較偏淡因為上面有脆香巴馬火腿整碎再撈落意粉度就鹹返啲所以我先夾起未撈火腿嘅意粉俾兩個仔再同老公品嘗撈咗火腿嘅卡邦尼扁意粉一碟意粉兩種味道啱晒一家大細食！套餐附上雞翼2件或吉列炸蠔2件雞翼酥脆多肉感覺有啲似M記嘅唔辣雞翼炸蠔唔會太厚粉我又唔會吹到好似生蠔咁好食嘅但咁嘅價錢有炸蠔食性價比已經贏晒飲品我哋有加錢轉特飲有咖啡有特濃朱古力加cream有玫瑰荔枝梳打又靚又好味如果出去市區食呢餐應該閒閒地都過千呢度4個餐加埋特飲都只係7百零蚊（新張期間，居民晚市仲可以有八五折添）性價比好高呀…查看更多

5月份除左係母親節，仲係我同唯爸既結婚週年紀念，襯星期五哥哥家長日放半日，我哋入左白石角探朋友，順便係附近食晚飯，朋友介紹左我去 逸瓏灣II期既西餐廳Seek!我哋一家四口，叫左3份晚餐，1份兒童餐，最後再叫左2件cake，全部套餐包嘢飲，又大份，食到好飽！爸爸點左 #果味BBQ豬肋骨配薯條套餐（包小食同飲品$148），豬肋骨好入味，好淋， 連二寶3歲都食到！前菜點左炸蠔，有2件，鬆脆可口！哥哥點左 #紐西蘭草飼肉眼扒配新薯及菜套餐（包小食同飲品$248），鐘意食牛既哥哥，一去到就話點牛扒，因為小朋友食，我點左well done，但牛扒一啲都唔韌，12oz牛扒哥哥一個人食左2/3，大叫飽飽，連跟餐前菜雞翼都食唔晒！我就點左 #香煎海鱸魚配日本南瓜薯蓉套餐 （包小食同飲品$148），我鐘意食煎魚，但係屋企好懶，嫌麻煩，出街點就岩晒！ 兩大片魚，加埋日本清甜南瓜蓉，同埋小食炸蠔2隻，份量好足！魚仲煎得好香脆，大家記得襯熱食！二寶就點左份車車餐盤兒童餐 有 #7寸自選材料pizza半份、配菜 三選一 我哋選左 #雞翼，配 牛油粟西蘭花，果汁（蘋果汁/橙汁）1杯！ Pizza我原以為係餐牌現有款式，原來可以自選材料3款，同醬汁，我選左菠蘿粒、白菌、雞肉，配意式蕃茄醬，新鮮焗起，好好味！原本叫飽既小朋友，最後又話要食cake，我點左 藍莓cheesecake，茘枝玫瑰cheesecake！為結婚週年紀念晚餐畫上甜美句號！…查看更多

假期照外出遊車河加食一頓美食吧！開心🥳就係咁簡單！.下雨天少少掃興，但今日去了新地方逛逛，再加食到一間美味嘅午餐😚😚 #變成滿足的一天！.如果大家去開大埔/科學園果邊，不妨一試這間高質西餐廳🍴，當日來嘅時候都7-8成滿，年輕、年長、一家大小都有，店員都盡量快快地安排入座！.喜歡店內簡約設計，其中一個角落看到店主Seek 👀👀 You will find 嘅菲林收藏.食物上枱一刻😍掃走了這日下雨天的壞心情.細佬至愛❤️全日英式早餐🍳.很豐富嘅早餐🥰 煙三文魚、煙肉、腸、滑蛋、粟米、車厘茄、露荀、沙律、多士！色彩鮮艷，特別喜歡滑蛋熱烘烘又入口即化，露荀煎過特別香甜！ 推介嘅心思思想多食唔同款式食物的你！.海馬仔至愛❤️原條蒲燒鰻魚滑蛋飯.呢個CP值超高！原條鰻魚好大條呀😱 仲好肥厚！碟上的不是S size鰻魚，可見老闆落重本嘅菜式（價錢都係$136😱） 味道係非常可口，鰻魚外脆內軟，飯配上鰻魚燒汁和滑蛋，海馬仔一人食咗1/2碟😂.爸爸之選❤️香煎海鱸魚配日本南瓜薯蓉（跟意粉/飯）.平時好少見有海鱸魚🐟，呢度有就試試看！魚皮煎完香脆，魚肉保持到軟滑😋份量又係大大份😙，下面有南瓜薯蓉仲跟多客意粉，一定夠飽☺️.套餐仲可以用優惠價加配小食😌 當然要試試✨日式蔥油雞翼香脆蔥香外皮😋雞翼肉嫩～yummy.✨黑糖麵包因為餐廳外有bakery賣麵包和蛋糕，所以我哋點了一條黑糖麵包試試～味道好好👍，記得要加配埋忌廉芝士，係絕配啊！.最後要介紹埋媽媽至愛❤️生朱古力咖啡 Chocolate Ganache Coffee咖啡☕️沖得香濃，奶泡又綿密入口味道帶少少果香😙😙 令不能沒有咖啡嘅海馬媽咪🔋充滿電！…查看更多