RUD燒肉 (黃大仙中心北館)

香蔥極品純牛肉醬玉子丼飯賣相吸引，但味道就比較普通😐。牛肉醬雖然香，但口感偏乾，冇預期中咁嫩滑。玉子🍳煮得算滑，但冇太多蛋香，整體味道偏淡。薯蓉造型似雪糕🍦，睇落幾得意，但食落口感有啲奇怪，唔夠滑亦唔夠香。配飯方面就中規中矩，冇太大驚喜。座位方面幾舒服🪑，有單人位適合獨食，也有卡位方便朋友聚餐👥。最加分係唔使排隊⏱️，環境夠清靜🧘‍♂️，可以慢慢食，唔會趕人。價錢好吸引📍 RUD Temple Mall North黃大仙正德街103號嗇色園黃大仙祠商場北館1樓…查看更多

食物質素先唔講，都係d急凍肉啦。咁我上星期去到，門口個男經理串L到，個杯裂左流到成枱都係水，好禮貌咁叫佢換過杯茶，一句話冇杯就走開左，大佬叫你換個杯咋喎？等左十分鐘先見到原來後邊成排都係杯，完全當客人透明。之後就咁拎走咗我個杯叫我自己去斟都算。叫佢換過網又扮聽唔到，再叫佢多次之後叫啲細嘅換，又勁大聲話個網2蚊個，咪2蚊個囉，2蚊俾唔起咩。幾好食都係假，何況又唔係特別好食，又唔係特別平，怪得啲香港人個個禮拜上晒大陸食野啦，做街坊生意都係咁，唔會再去受氣。…查看更多

性價比高無煙燒肉🥓🥓🥓加紫菜飯＆飲品都唔洗$100/per牛肉會有燒汁調味，根據個人喜好放上爐燒可以慢慢坐慢慢燒慢慢食🍴🍴肉質同牛角差唔多自己一個人又想食燒肉個陣係一個唔錯既選擇🧍🏻‍♂️🧍🏻‍♀️+$6 升級紫菜飯，飯底係白飯，自己加左燒汁之後，同牛角飯都幾相似🙈🙈仲有麵豉湯，味道正宗，唔會死咸，仲有好多海帶🥣🥣枱面有多款調味料自由配搭🫶🏻🫶🏻有燒肉汁，黑椒鹽，檸檬薑汁等等不過出餐＆翻枱時間較慢…查看更多

見呢間舖頭係咁sell，做埋佢地會員，諗住話比多幾次機會呢間舖頭，點知最後都係好失望第一：呢間舖個位係之前黃大仙水浸重災地點，成個位之前比臭污水浸過晒，整體觀感好差第二：下單個app好伏，最後收多錢，仲要話係客人問題第三：D呀姐連開爐咁簡單都搞唔掂，跟住我地同佢地反映左3次，換左第3個呀姐先發現原來係佢地唔識開爐嘅問題，足足浪費左我十幾分鐘，所以個店長到底企係度有咩用？第四：得一個鐘比你，話趕人走就趕人走，我都未同佢計佢d員工唔識開爐而浪費我嘅用餐時間，佢仲好意思同我地講係客人自己問題。呢個態度真係比錢去買難受…查看更多

星期六半日工作完成後要好好慰勞自己，一人燒肉正合心意，河水不犯井水，人少少你選你的餐，我選我的肉，無拗撬、無浪費，當然我都願意share一片牛給你的🤣🤣。這麼多的分店，總有一間係左近，食飽飽行幾步快快回家煲劇嘆世界😉。…查看更多

第一次食一人燒肉，初初我睇相覺得唔似會夠飽，但係我叫呢個餐一啲都唔貴，有主菜嘅肉，有飯、有湯、有沙律。個價錢相宜得利啲嘢又好味，個肉我覺得佢幾新鮮幾好味，配搭埋啲醬料成件事係好好味。…查看更多

第一次寫食評 就係特登要勸世本身兩點幾諗住叫茶市入到去個店員同我講淨係一至五可以中間我叫錯咗Gran數 同店員講店員又話唔改得 我又唔好意思走 惟有焗食點知我隔籬枱就嗌咗個茶餐完完全全係驚訝埋單嘅時候同店員講點解隔籬枱有得嗌茶餐店員輕輕一句話：哦，可能佢新嚟唔係好知之後係乜嘢反應都冇大哥，佢一個唔係好知，我俾多咗幾十蚊啲肉又鞋又硬 每一嚿都係夾硬吞落去服務態度又差，奉勸大家如果想俾錢買難受嘅就去！🫠🫠🫠…查看更多

係黃大仙拜完神就黎左黃大仙中心搵野食 近排呢間RUD開左好多分店, 身為食肉獸既男朋友就提議呢間, 試試佢~menu選擇都算多, 牛既唔同部位, 豬同雞都有, 而且份量黎講, 呢個價錢都算抵食. 我地叫左...燒肉拼盤之盛合🐮🐷🐔 (180g) 個set有齊沙律, 麵豉湯, 飯+肉, 都係同其他自助燒肉店差唔多. 不過肉質黎講都算唔錯, 每款肉都夠份量.  我幾鍾意點佢隻柚子汁, 食落清新d 無咁油膩, 呢個加分!牛之盛合🐮🐮🐮(300g)男朋友呢個超大份, 但對佢黎講岩岩好lol. d牛肉既肉質都唔錯, 食落都有肉香味. 牛油栗米🌽呢個牛油唔算香, 所以燒左都無想像中好食, 可以skip. 🥢總結: 自助一人燒肉店黎講, 呢間都算性價比不錯而且醬汁都幾特別, 可以一試…查看更多

超抵日本一人燒肉體驗，上個星期一家四口去食RUD，大人細路仔都食得好開心，又平又抵食，最平$58就可以有一個餐☺️，鋪頭採用先進無煙烤爐及抽氣系統，咁就唔怕食完成身臭崩崩啦😆黃大仙店最近裝修重開，近近地就帶佢哋去食下，牆上有富有日本文化的彩色壁畫插圖，打卡一流👍，今次係我哋第一次帶🐣旦旦同嵐嵐🐶去食日式燒肉，正確啲來講，係第一次比佢哋參與自己燒嘅過程，小朋友坐嘅位同爐都有一段距離，而且佢地都大個左，媽媽都比佢哋參與下，佢哋又食又玩，開心到不得了❤️…查看更多

Happy Friday近近去咗附近商場食飯，揀咗呢間重新開返嘅燒肉店！#好味有驚喜🤩.店內裝潢好新穎年輕，好多我常常扭嘅招財貓壁畫🤣、日本風潮貓🐱插圖，色彩繽紛！RUD源自日本1人燒肉體驗，主打日式1人無煙燒肉，所以套餐主要以1人份為主😎，其實幾好👍 好似我哋4人家庭👨‍👩‍👦‍👦可以揀叫2-3個餐再另加肉，自由度更高！ 座位就有1人卡座，就算1個人都可以食燒肉，不尷尬！😂.昨晚叫了4個套餐，最平果款$58😍🤭，諗住無咩要求，叫個平平地，阿仔食得少野😂，但點知好好味😍 好有牛味而且牛燒完仲係好嫩滑😍（當然要睇火啦😂燒過頭就唔計啦）！ 以為海馬仔食好少，點知佢食完一塊又一塊🤣👌 ，好彩可以加配多兩份肉！.好味推介🌟 👍安格斯牛板腱 👍牛胸腹👍牛盛盒👍厚切牛舌.大家入到嚟一定會變飯桶😂 因為 #紫菜拌飯 真係超級好味🤤，海馬仔和細佬都一人食咗一碗😱.食燒肉一定諗住好大煙味或者唔啱小朋友去，呢度真係一啲味都無，店內用咗先進無煙烤爐及抽氣系統，所以食完都唔會一身燒肉味❤️👏🏻，4人枱有2個爐所以我地只開一邊爐（以前4人枱只得一個爐），咁就唔怕小朋友危險啦～.星期一至五仲有大激安（特價）套餐🥰抵上抵…查看更多

睇到餐廳由接單到預備兩個丼飯，足足用了35分鐘….外送員都等左成20分鐘，會唔會太耐呢？-薑汁荷蘭䐁五花丼HKD 52香葱牛肉丼 HKD67豬丼比牛的平，反而仲好食，牛丼肉好老，飯好濕，仲直接撈左蛋汁落去，飯濕上濕，送到嚟一Pat野，口感好差～～…查看更多

我28/8 去完電腦展返屋企嘅時候 又諗起想食燒肉喺間餐廳個門口 徘徊咗一陣之後 見到有個星期一優惠$78 有豬有牛有雞360克的有湯有飯的 一個燒肉餐 見到咁平 係唔係都食吓先啦🖤✨加$6要咗個紫菜飯 總共$84 食起嚟超正又平 🖤✨ 我簡直係迷上 呢一間餐廳了😆可惜嘅係用餐時間得60分鐘 夜晚有少少食唔切 啲員工已經比張單要我埋 不過佢哋感覺上唔算係吹我只係一個提醒 🔔之前食過一次 晏晝嗰陣時係食得切嘅 因為晏晝啲嘢食份量比較少 夜晚個份量比較多 …查看更多

同妈咪拜完黄大仙出嚟稳嘢食经过哩间烤肉店觉得好得意，好过瘾环境干净整洁✅-一人一份烤肉套餐🥩人均不超百我觉得已经好抵另外➕d小食其实已经足够👌🏻-人比较多 要同其他人搭台 好彩有一块板挡住隔离台倾计都听到（不是有心听到。。😂）总体讲 性价比ok…查看更多

留意左屋企樓下商場 依一間燒肉店開咗一段時間 望入去裝修都唔錯 所以就入去食咗個午餐定食 一人份量碟肉有牛有豬 有麵豉湯 有沙律 有紫菜飯 餐廳提供嘅醬料都好充足 有幾支醬料其中我覺得有個辛辣嘅汁好好味 🤤佢仲有跟埋鹽同埋黑椒 冇+1服務費 $54 仲平過 附近啲茶餐廳🤣我好想試吓佢嗰啲加配嘅嘢食 不過食唔到咁多 所以就淨係嗌咗個牛油粟米$12🌽 其他留返下次或者再係下次先再叫😆 其實食完 定食呢個餐都已經好飽食燒肉 呢一啲嘢咁乾燥 所以下意識就想叫啲嘢飲配搭一下 不過個餐唔跟嘢飲 因為已經跟咗湯 支忌廉嚟到我手嘅時候 一啲都唔凍 啲氣好少 佢都幫我開咗個蓋 所以就費事換過一支 搞到好似有少少 唔盡興 飲得唔係好爽 下次幫襯 唔會再嗌嘢飲 費事出到嚟 又係一啲唔凍唔熱嘅嘢飲 不過啲嘢食係好食嘅🖤✨…查看更多

今日嚟試咗黃大仙北館新開既燒肉店👍🏻店內有日式既裝修，坐位寬闊，有一人燒肉位置！QR code點餐方便！餐牌好多選擇！可以加量，配不同特飲，叫咗個燒肉套餐有雞肉配豚肉再加個雞肉親子定食！套餐有飯加麵豉湯同埋沙律，份量十足！燒肉可自選醬汁！好夾👍🏻今餐好滿足！…查看更多