Ruby Tuesday (香港科學園)

平時有朋友食飯多數都係去九龍區嘅Ruby Tuesday, 今日約咗幾個friend去科學園Ruby Tuesday試下. 傾計聚會的確一個好地方. 相對Ruby Tuesday嘅其他分店, 科學園呢間有室內外座位, 天氣咁好, 我地當然選擇坐室外啦. 除咗環境, 食物, 服務都好好. 由於已經有一段時間冇幫襯, 望到個餐牌好多選擇, 我哋揀咗侍應生介紹嘅菜式, 果然好好味 無介紹錯. 當然唔少得要食佢哋嘅甜品啦 下次一定帶埋屋企人嚟試下…查看更多

附上7成熟Ribeye 牛扒實物圖，充滿纖維感。餐廳職員繁忙，但只有人手落單，未見有電子落單方式。落錯單後，需要經理修改才可出餐，等侯較耐。餐廳亦較吵雜，但景觀不錯（有落地玻璃）。…查看更多

第一次去科學園同狗放電, 佢就放完電, 我都要食個lunch, 呢度餐廳有好多選擇, 坐室外亦都有唔同菜式, 食野都要諗下食咩好, 但望落去都坐得好逼, 感覺唔係坐得好舒服, 最後選擇左呢間Ruby Tuesday, 呢度環境好, 第一眼望去室外坐位, 算寬敞, 坐位亦可選擇sofa 位, 或者枱櫈位, sofa 位, 最適合一班人傾計食嘢同飲嘢.因為我係一個人關係, 加上呢間餐廳又真 Pet Friendly, 我選擇坐枱櫈位置, 睇左佢哋menu 有我最愛嘅Burger, 雖然佢哋Burger 都有好多選擇, 我就揀咗個最傳統嘅 Colossal Burger,猶豫緊食幾多成嘅時候, 個經理好好, 解釋比我知 middle 同7乘熟分別, 最後選擇左7乘熟., 出餐時間都係等左大約10分鐘, 唔會等好耐.廚師煮得適中Burger肉質, 唔會太過熟亦都唔會太過生, 切開件肉, 又唔會散開, 又有肉汁流出, 個廚師真係住得好好, 最重要件肉嘅份量都好大件, 至於薯條亦是新鮮炸出, 又熱又脆, 加上茄汁之後真係絕配服務方面, 眼見服務員態度, 對每台客人都一樣, 有禮亦有笑容, 每台客人走都有同客人say goodbye, 其實而家好少餐廳會咁做我本身唔係會員, 最後因為D食物啱我口味, 又煮得好, 加上服務殷勤有禮, 而join 左, 臨走前個經理仲送咗$200 coupon畀我, 真開心,下次會再嚟呢間鋪幫襯先…查看更多

因為一向都有食開露比，覺得佢比較某些O字頭D字頭的西餐廳，食物品質穩定得多，今日碰巧路過科學園，發現原來佢哋有分店，所以就入去幫襯咗😂環境好開揚，落地大玻璃，可以欣賞到窗外嘅風景，侍應生好有禮貌，迅速咁幫我安排咗入座。問佢哋近期有冇新嘅推介，佢哋就推介佢哋今個月嘅promote Us冇骨牛小排 同埋芝士肉碎大啡菇跟住就細心咁為我遞上一杯熱水 （因為我係一個好怕凍嘅人 ，問佢哋可唔可以校細少少個冷氣 佢哋話因為餐廳嘅冷氣係科學園商場中央系統，所以佢哋都教唔到）成件事即刻就好加分👍🏻我等咗15分鐘左右，我點嘅牛小排，大啡菇同埋提拉米蘇奶昔就已經上咗枱啦出餐速度都幾好至於味道，US美國牛小排 我覺得食落去肉味幾濃，肉質都唔錯，同埋價錢都唔係好貴，二百幾蚊左右如果係鍾意食牛嘅朋友，呢個係一個唔錯嘅選擇至於芝士肉碎大啡菇，我覺得拉絲芝士同經過調味嘅肉碎再搭配鮮嫩多汁嘅大啡菇呢個組合令我覺得好驚艷😋去到提拉米蘇奶昔啦，覺得個味道都幾好飲，令人有一種欲罷不能嘅感覺🤣 可能係因為我太鍾意飲奶昔 所以我下次一定會再encore🙈🙈…查看更多

已經好一段時間無食Ruby Tuesday ，一向都知道佢會員係會平啲 大致半價就可以食到佢餐牌上既野，平身都心大心細要唔要Join 佢個會員，不過整體體驗只能算係一般，食物質素同服務都未達預期。🍴所以就打消呢個念頭，加上個會員都唔平，平極都要成千蚊。下午茶點咗最出面既排骨，食落都無失望既都係啲肉好易撕開，不過薯條就。。。真係差咗少少，一啲都唔脆口好以炸完放咗好耐咁。另外，迷你漢堡拼炸薯條，漢堡包賣相不錯，但肉餅稍乾，未有預期中咁juicy，感覺似普通快餐店出品。真係有啲失望，下午茶既價錢其實都唔算平，但好多食物都未到合格 …查看更多

👧🏻😋👅🍽✨Family Friendly 特色美式西餐👨‍👩‍👧‍👦-🇺🇸 睇餐牌見到好多new item款式仲幾特別值得一試; 沿用多年來member price半價既做法, 食物大份高質抵食🇺🇸 小朋友入座有汽球送, 埋單再送個coin可以扭蛋, 小朋友又食又拎勁開心🥰 店員都好nice好照顧客人既需要-🍔 經典芝士通心粉漢堡 $139Mac 'n' Cheeseburger💯每一粒通粉都沾滿均勻芝士醬, 漢堡扒厚身好juicy, 但夾埋生菜番茄紫洋蔥食落唔會覺得膩; 個芝麻包軟身鬆化好香甜-🥩 特級肉眼扒 $279Premium Australian Ribeye✨14oz肉眼扒好抵食! 肉質軟滑五成熟度完美, 揀左牛油汁好香同肉汁好夾; 配菜有番薯條同烤雜菜, 串茄仔好甜好多汁-🦀 珍寶蟹肉餅 $154Jumbo Lump Crab Cake💯兩大塊蟹餅蒜到焦脆, 咬開入面係一梳梳蟹肉絲, 除左鮮甜蟹肉仲有香草, 再擠埋鮮檸檬汁味道更豐富-🍿 Popcorn Milkshake $59🍰 Tiramisu Milkshake $59✨16oz已經好大杯, 32oz仲jumbo 😂不過想試兩個味就叫左兩杯standard; cream好幼滑, 上面有奶昔味道既糖漿, 美式milkshake少不免甜少少, 但慢慢飲送野食都好唔錯; 讚一讚爆谷係脆的!…查看更多

本來好好一餐晚飯，因為服務態度差和不良銷售手法，嚴重影響心情，令到一個不愉快的經歷。本來在TVB鄰住買，選購了兩個優惠餐，今日訂枱食，訂枱時已經訂五位枱，講咗用餐飲券。點知入座後，服務員表示，每次只能用一張，那我們要求分開座，但一位很冇禮貌的服務員話唔得得，成個場大把台大把空位。我覺得俾佢屈，所以我離開。但出到門口，見其他餐廳好多人，跟住我翻轉頭，同另一位員工講，要一張兩位枱一張三位枱，坐低之後嗰幾個員工，仲喺背後絲絲細語，搞到我哋好不舒適。食物質素亦很差，捆綁式消費，經常要人入會，買預售券等。其實你賣券的時候。 如果唔可以用兩張應該一早表明，訂枱時亦應該向客人表示，如果真係有誤會，亦應該想辦法如何協助客人解決，唔應該系咁嘅態度。攪到食餐飯都令到我哋好唔開心，嗰嚿牛肉好多根完全唔咬唔到。嗰碟意粉全部都系垃圾好粉未熟。咁樣做生意祝你生意興隆…查看更多

眾所周知𝐑𝐮𝐛𝐲 𝐓𝐮𝐞𝐬𝐝𝐚𝐲的會員優惠簡直是無敵！今天一於去尋找童年回憶！想不到食物的份量一如以往，都是美國𝐬𝐢𝐳𝐞，超！級！大！份！——— ✤ 𝐔𝐒𝐃𝐀 𝐁𝐮𝐭𝐜𝐡𝐞𝐫’𝐬 𝐒𝐭𝐞𝐚𝐤｜$𝟐𝟗𝟗(會員價)𝐌𝐞𝐝𝐢𝐮𝐦 𝐫𝐚𝐫𝐞的美國特級西冷勁大份超厚肉！甫切開便見到鮮嫩的肉質和絲絲血水，搭配香氣四溢的蒜蓉牛油🧈，更上一層樓。𝐬𝐢𝐝𝐞更是香甜的蕃薯條🍠✤ 𝐌𝐚𝐜 ‘𝐧’ 𝐂𝐡𝐞𝐞𝐬𝐞𝐛𝐮𝐫𝐠𝐞𝐫｜$𝟏𝟑𝟗(會員價)居然第一次見𝐌𝐚𝐜 𝐚𝐧𝐝 𝐂𝐡𝐞𝐞𝐬𝐞 𝐜𝐫𝐨𝐬𝐬𝐨𝐯𝐞𝐫的𝐛𝐮𝐫𝐠𝐞𝐫🍔滿瀉的芝士通心粉既𝐜𝐡𝐞𝐞𝐬𝐲又濃郁，搭配肉質鮮嫩的漢堡扒、鮮嫩生菜🥬、酸瓜、番茄🍅；特粗薯條炸到黃金酥脆 ✤ 𝐑𝐓 𝐂𝐡𝐞𝐞𝐬𝐞 𝐖𝐚𝐟𝐟𝐥𝐞 𝐅𝐫𝐢𝐞𝐬｜$𝟗𝟗(會員價)好大份‼️果然美國餐廳就是𝐜𝐫𝐚𝐳𝐲 𝐬𝐢𝐳𝐞。超邪惡𝐜𝐡𝐞𝐞𝐬𝐲無比的芝士薯格搭配鹹香煙肉🥓✤ 𝐓𝐢𝐫𝐚𝐦𝐢𝐬𝐮 𝐌𝐢𝐥𝐤𝐬𝐡𝐚𝐤𝐞｜$𝟓𝟒(會員價)邪惡𝐜𝐫𝐞𝐚𝐦跟朱古力醬簡直是𝐩𝐞𝐫𝐟𝐞𝐜𝐭 𝐦𝐚𝐭𝐜𝐡✤ 𝐑𝐮𝐛𝐲 𝐅𝐫𝐞𝐬𝐡𝐞𝐫 ｜$𝟒𝟐(會員價)入口清新𝐫𝐞𝐟𝐫𝐞𝐬𝐡𝐢𝐧𝐠，酸甜解膩…查看更多

位於科學園嘅🇺🇸美式餐廳連鎖店🌟Ruby Tuesday🌟，泊車極方便🚘，二期停車場🅿️泊去8W嗰邊，搭𨋢上返地面就到餐廳，仲有🎉免費泊車優惠🆓，係遊車河兼食飯嘅好去處！最近推出咗🆕新嘅菜式，會員繼續享有半價優惠😘！🍹Ruby Refresher｜Popcorn MilkshakeMocktails之一嘅Ruby Refresher，由多款果汁調配而成，清新解渴！焦糖醬、爆谷、Dreyer's雪糕、再加勁爆多Cream，呢杯奶昔真係極度邪惡！🦀Jumbo Lump Crab Cake每一口都塞滿蟹肉嘅蟹肉餅，加少少青檸汁同埋枱面嘅調味粉，集鮮味同惹味於一身！🥩Premium Austrian Ribeye巨型厚切嘅澳洲肉眼扒足14oz，肉汁豐盈啖啖滋味！伴碟嘅蕃薯條同埋蔬菜份量都幾足！可自選醬汁！🍝Kimchi Carbonara with Fried Seafood加入泡菜嘅卡邦尼意粉變得不易膩！炸海鮮有蠔、蝦、魷魚，香脆可口！…查看更多

朋友係Ruby Tuesday 會員，有半價優惠，跟佢去食就最抵食。選擇了科學園的分店，設有室外座位，樓底高，環境開揚闊落舒服。珍寶蟹肉餅，兩塊厚身而煎得金黃的蟹肉餅，入邊全部都是一絲絲的蟹肉，味道鮮香。7成熟的特級澳洲肉眼扒，脂肪均勻，肉質鮮嫰，牛味香濃，不沾醬汁都很夠味，而配上的蘑菇汁內邊真係有蘑菇片，讚。配菜有炸得香脆，味道香甜的蕃薯條及蔬菜。Mac n Cheese burger, 漢堡包內除了有塊厚厚的漢堡扒，洋蔥，芝士及生菜，還夾上了邪惡的芝士通心粉，原來味道跟漢堡包都頗夾，岩晒芝士控的朋友。飲品點了杯爆谷奶昔，用雲呢拿香味Dreyer's雪糕，加上幼滑忌廉、粒粒爆谷同焦糖醬，十分濃厚邪惡。另一杯Ruby refresher 相對地比較清新，用橙，菠蘿，莓及椰子製成，飲到陣陣椰子香。…查看更多

Ruby Thuesday係科學園開左新分店，呢間分店環境超正，有戶外座位，有池景園林睇，超有氣氛😍餐廳不定時會轉餐廳，可以比食客有新鮮感☺️Join左成為佢地嘅會員每次消費都享有半價‼️‼️真係好抵食🤩今次叫左三款新菜式：珍寶蟹肉餅、特級肉眼扒、經典芝士通心粉漢堡！珍寶蟹肉餅 $154 蟹餅外層煎脆，內裡口感就比較鬆軟，食落有蟹嘅香甜味，加上青檸汁同辣微嘅Marie Rose Sauce,令蟹餅味道更有層次！特級肉眼扒 $279有成14安士重嘅大肉眼扒🤤🤤叫左7成熟食落有豐富嘅肉汁，入口軟腍，牛味濃郁🤩除左三款醬汁（黑椒、蒜蓉汁外）店員仲比埋芥末我地點，牛扒配芥末is my favorite 🥰🥰薯菜都做得出名，蕃薯條比薯條更夾配肉眼😝車厘茄烤過後仲係好多汁😬經典芝士通心粉漢堡$139非常igable嘅burger😍比較少食呢d fusion burger🫣原來係外國都幾出名😆通心粉有超香濃嘅芝士味😋建議先食左上層嘅通粉再食漢堡，咁就唔怕食到周圍跌😆burger 個size都好大，有酸青瓜嘅burger係好味D😋仲有漢堡扒、洋蔥、蕃茄、生菜，食落夠豐富☺️Ruby Refresher 飲落果然同個名一樣咁清新，加左橙、菠蘿汁、蔓越莓同pina colada，值得一試嘅mock tail 🍸Tiramisu Milkshake 用dreyer’s嘅vanilla 雪糕mix tiramisu 再加上cream,幼滑香甜，味道唔錯…查看更多

晚餐時段叫了兩杯餐牌上收費$98的啤酒，結帳時單據上收費是$118，向店員查詢同查找之下，餐廳的答覆是我們手持的餐牌是舊價，新餐牌上的收費是$118，這個答案當然不能接受！雖然現在收費已改回$98！但各位如要幫襯這間餐廳，記得看清楚餐牌上的收費！！免得被人蒙混過關！食物水準⋯⋯牛扒還可以，但炸海鮮拼盤(fisherman platter)收費448！完全都是街邊小食的質素，絕對稱不上係海鮮！祇有薯條是貨真價實！…查看更多

I ordered the “April Special - 14oz Premium Australian Ribeye” and requested medium rare. It turned out to be almost well done. The steak was of good quality, it’s juicy inside, but unfortunately the outer layer is coarse and dry due to overcooking. And they did not ask me what sauce I wanted. No sauce is fine I can taste the meat well. But the staff team all looks unhappy. From the manager standing near the door all the time, to the servers. Very unwelcoming. …查看更多