Relax B&M

环境好靓，又好chill，我哋今日坐室外可以对住山同埋海，仲有享受住日落阳光同埋微风，成件事好Chill. 系一个完美既Saturday. 今次嗌咗一个黑松露鸡肉意粉同埋一个all day Breakfast，两样都好好食，感觉到系好用心去煮。…查看更多

本身就出去大埔街市买嘢预备BBQ，但系未齐人所以就入去大美督食个lunch chill下。有邻居提议过嚟呢间试吓，今日有顺风车坐，简直系举脚赞成。泊咗架车喺大尾督再行返过嚟。今日有啲阴天咁就坐外边，虽然隔篱就系马路但系都唔算嘈。店家都好好见我哋喷蚊怕水即刻帮我哋点左支超长蚊香。其实一阵间要烧烤，所以都系轻食为主，叫咗个炸鸡小食，青酱长通粉同埋一个沙律。点完餐之后邻居提议上去睇猫，全部都啱啱瞓醒，一听到开门声即刻有反应，全部都相当黏人，逗留一阵就放返去食嘢。沙律啲蕃茄好甜咬落去卜卜声都几新鲜，但系水牛芝士个味就比较轻啲。个炸鸡就出奇地好食，外边脆到好似食爆谷咁，里便仲系流紧肉汁。个青酱通粉就淡左少少，不过鸡肉几嫩滑。另外叫咗杯玫瑰latte，一时醒唔起叫邻居帮我走甜，饮到底就有啲甜。反而唔搞佢嘅话，上面啲玫瑰花配咖啡几香。试咗邻居个荔枝梳打，真系有荔枝肉，竟然唔会有荔枝核与肉之间𠮶层薄衣，因为𠮶层衣基本上都会有浸酸味，处理得好好。饮完呢个感觉天气冇咁闷热，放假去远少少食嘢都唔错。…查看更多

是日同朋友去龙尾滩沙滩晒太阳游水，去沙滩之前一于去附近出名嘅猫猫Cafe食嘢睇吓猫仔先💜🍳我哋点咗all day Breakfast(增量版)🍝蕃茄杂菜意粉 (素) 增量版本all day Breakfast非常丰富 有乳酪 香肠 炒菇 薯饼 三文鱼，茄汁豆 沙律菜 烟肉 炒蛋 牛角包 我最开心有牛角包同埋薯饼都 好香脆 而且有最钟意食嘅乳酪🧚‍♀️蕃茄杂菜意粉 (素) 素食人士都可以食得开怀 蕃茄汁酸甜开胃包裹住每条意粉 🍝 而且意粉质地都煮得al dente 自己觉得Cafe嚟讲佢哋整嘅嘢食都有水准 老板娘仲送咗啲汤俾我哋 好warm 最正嘅系一路食一路可以睇吓啲猫猫好悠闲 🌹望住啲猫猫饮吓梳打水咖啡 又同老板娘倾吓偈 不经不觉过了两个多小时 好舒服 差啲唔舍得去沙滩🥹…查看更多

是日生日，近近哋嚟食个 lunch 😬 无谂过平日流流，呢间 cafe 都可以 full house 👍🏻 门外停车得一个位，无咗就要停对面龙尾滩，行返过嚟其实都好近嘅 😊比佢啲猫猫吸引嚟，有 3 只猫猫，佢哋已经见惯人唔怕，不过应该被影得太多，唔系几愿影相 🤣🤣🤣 或者我又唔系猫奴，唔识同佢哋玩；anyway 嘢食最紧要，整体唔错嘅，可以再返兜，三五知己嚟都几好，如果凉啲或唔怕热嘅人，坐外面都系一个好选择嚟 🤣🤣 …查看更多

喺大美督行完郊游之后，想揾个地方下午茶，就嚟到呢间Cafe(´∀｀*)~ Cafe嘅氛围由入到出都好舒服, 店员带我哋入去坐，点知一入门口就见到几只猫店长坐镇，真系好惊喜(*≧∀≦*) ! Menu上面嘅食物同一般Cafe差不多，有正餐、意粉同甜品; 因为唔太太肚饿，所以拣咗甜品试试（╹◡╹）朱古力心太软配雪糕@$62 上枱时嘅卖相比想像中略为失色(*´-`), 心太软有少少变形。不过入口时，虽然唔算好惊艳，但朱古力味道浓郁，质感软滑，暖笠笠嘅心太软同微冻嘅雪糕一齐食，口感超正，食完真系好满足(´∀｀)焦糖香蕉窝夫@$70焦糖香蕉窝夫第二样系焦糖香蕉窝夫，上枱时摆盘好靓好吸引。窝夫外脆内软，焦糖甜度刚好，同窝夫一齐入口即溶，作为下午茶真系一个好好嘅选择。呢间Cafe除咗食物唔错之外，最令人舒服嘅系佢啲枱真系同一般Cafe唔同。两个人坐一张大枱，空间感十足，完全冇压迫感。加上有三只猫店长坐镇，整个环境感觉好放松。食完嘢仲可以上楼梯去天台，欣赏日落，成个体验好chill。下次再嚟大美督试吓佢嘅正餐先٩(^‿^)۶…查看更多