Relax B&M

永世black list 勁差服務忍唔住第一次係open rice寫食評第一次幫襯一間餐廳會咁嬲用qr code落單叫窩夫等咗20分鐘都未有問個職員反問返我哋係唔係而家上當時嚇到呆咗咁用qr code落單嚟做咩佢同我哋講返而家起再等多20分鐘又係未有嬲到爆即刻取消唔要比錢走人走果陣一句唔好意思都無差到爆前後等一個窩夫用咗40分鐘都整唔到職員只係掛住玩狗而唔係service 客人地方又污糟無人執枱烏蠅飛嚟飛去以後唔會再嚟…查看更多

環境好靚，又好chill，我哋今日坐室外可以對住山同埋海，仲有享受住日落陽光同埋微風，成件事好Chill. 係一個完美既Saturday. 今次嗌咗一個黑松露雞肉意粉同埋一個all day Breakfast，兩樣都好好食，感覺到係好用心去煮。…查看更多

本身就出去大埔街市買嘢預備BBQ，但係未齊人所以就入去大美督食個lunch chill下。有鄰居提議過嚟呢間試吓，今日有順風車坐，簡直係舉腳贊成。泊咗架車喺大尾督再行返過嚟。今日有啲陰天咁就坐外邊，雖然隔籬就係馬路但係都唔算嘈。店家都好好見我哋噴蚊怕水即刻幫我哋點左支超長蚊香。其實一陣間要燒烤，所以都係輕食為主，叫咗個炸雞小食，青醬長通粉同埋一個沙律。點完餐之後鄰居提議上去睇貓，全部都啱啱瞓醒，一聽到開門聲即刻有反應，全部都相當黏人，逗留一陣就放返去食嘢。沙律啲蕃茄好甜咬落去卜卜聲都幾新鮮，但係水牛芝士個味就比較輕啲。個炸雞就出奇地好食，外邊脆到好似食爆谷咁，裏便仲係流緊肉汁。個青醬通粉就淡左少少，不過雞肉幾嫩滑。另外叫咗杯玫瑰latte，一時醒唔起叫鄰居幫我走甜，飲到底就有啲甜。反而唔搞佢嘅話，上面啲玫瑰花配咖啡幾香。試咗鄰居個荔枝梳打，真係有荔枝肉，竟然唔會有荔枝核與肉之間嗰層薄衣，因為嗰層衣基本上都會有浸酸味，處理得好好。飲完呢個感覺天氣冇咁悶熱，放假去遠少少食嘢都唔錯。…查看更多

是日同朋友去龍尾灘沙灘曬太陽游水，去沙灘之前一於去附近出名嘅貓貓Cafe食嘢睇吓貓仔先💜🍳我哋點咗all day Breakfast(增量版)🍝蕃茄雜菜意粉 (素) 增量版本all day Breakfast非常豐富 有乳酪 香腸 炒菇 薯餅 三文魚，茄汁豆 沙律菜 煙肉 炒蛋 牛角包 我最開心有牛角包同埋薯餅都 好香脆 而且有最鍾意食嘅乳酪🧚‍♀️蕃茄雜菜意粉 (素) 素食人士都可以食得開懷 蕃茄汁酸甜開胃包裹住每條意粉 🍝 而且意粉質地都煮得al dente 自己覺得Cafe嚟講佢哋整嘅嘢食都有水準 老闆娘仲送咗啲湯俾我哋 好warm 最正嘅係一路食一路可以睇吓啲貓貓好悠閒 🌹望住啲貓貓飲吓梳打水咖啡 又同老闆娘傾吓偈 不經不覺過了兩個多小時 好舒服 差啲唔捨得去沙灘🥹…查看更多

是日生日，近近哋嚟食個 lunch 😬 無諗過平日流流，呢間 cafe 都可以 full house 👍🏻 門外停車得一個位，無咗就要停對面龍尾灘，行返過嚟其實都好近嘅 😊比佢啲貓貓吸引嚟，有 3 隻貓貓，佢哋已經見慣人唔怕，不過應該被影得太多，唔係幾願影相 🤣🤣🤣 或者我又唔係貓奴，唔識同佢哋玩；anyway 嘢食最緊要，整體唔錯嘅，可以再返兜，三五知己嚟都幾好，如果涼啲或唔怕熱嘅人，坐外面都係一個好選擇嚟 🤣🤣 …查看更多

喺大美督行完郊遊之後，想搵個地方下午茶，就嚟到呢間Cafe(´∀｀*)~ Cafe嘅氛圍由入到出都好舒服, 店員帶我哋入去坐，點知一入門口就見到幾隻貓店長坐鎮，真係好驚喜(*≧∀≦*) ! Menu上面嘅食物同一般Cafe差不多，有正餐、意粉同甜品; 因為唔太太肚餓，所以揀咗甜品試試（╹◡╹）朱古力心太軟配雪糕@$62 上枱時嘅賣相比想像中略為失色(*´-`), 心太軟有少少變形。不過入口時，雖然唔算好驚艷，但朱古力味道濃郁，質感軟滑，暖笠笠嘅心太軟同微凍嘅雪糕一齊食，口感超正，食完真係好滿足(´∀｀)焦糖香蕉窩夫@$70焦糖香蕉窩夫第二樣係焦糖香蕉窩夫，上枱時擺盤好靚好吸引。窩夫外脆內軟，焦糖甜度剛好，同窩夫一齊入口即溶，作為下午茶真係一個好好嘅選擇。呢間Cafe除咗食物唔錯之外，最令人舒服嘅係佢啲枱真係同一般Cafe唔同。兩個人坐一張大枱，空間感十足，完全冇壓迫感。加上有三隻貓店長坐鎮，整個環境感覺好放鬆。食完嘢仲可以上樓梯去天台，欣賞日落，成個體驗好chill。下次再嚟大美督試吓佢嘅正餐先٩(^‿^)۶…查看更多

好久沒去這一家，想要去看一下貓咪，就跟幾個同事一起去啊，三個人都叫左牛排，兩個點的是香烤紐西肋眼排配薯條，medium.另外一個點的是紐西牛排沙拉也是medium. 外觀看來有點乾，要很用力才切開.心想會不會只是我的那個才這樣，結果看到另外兩個同事，都沒吃牛扒，只吃了薯條和沙拉，問他們說 也是牛扒偏老. 還好薯條是脆的，沙拉是新鮮的.我們也跟店員反應了這個問題，請她跟廚師講一下吧. 別浪費了餐廳的裝修和貓咪的可愛服務.…查看更多

位於大埔大美篤丁角路嘅Relax RMB餐廳 係一間好Chill嘅餐廳 除咗有海景 仲有田園Feel 入面有好多好趣至好得意嘅貓貓 陪你一齊玩一齊食 佢哋分室內室外室外可以望海室內會有更多貓貓各有好處佢哋嘅食物亦都非常之好味 有All day breakfast 牛扒羊扒肉汁鮮嫩配上芥辣 好好味呀佢嘅羅宋湯濃郁又好味 喺度望住個海 有隻貓貓坐你隔離 度過一個好Chill嘅下午 真係令人忘記曬所有煩惱呀#relaxbmcafe#貓Cafe#chilly_hkfoodie #海景#大埔美食…查看更多

Relax B&M Cafe 係一個極Chill嘅地方有一種好warm好似返左屋企咁，仲有幾隻異國短毛貓貓店長～一啲都唔怕人，仲會痴住你香煎菲力牛排配薯條&蕃茄意粉 $143.8以為有意粉牛扒份量會好少，點知原來唔係，牛扒份量有驚喜，目測有400g 架忌廉明太子帶子墨汁意大利粉 $138口感順滑 墨汁味好夠配上淡淡咸香都好夠味水牛城炸雞翼（辣）$98外皮好脆，但好Juicy唔會炸到乾，小辣好過癮黑松露味特色炸薯條 $78有黑松露碎喺面嘅炸薯條，好香黑松露味，所以鍾意食黑松露嘅呢個係必點玫瑰花養顏果茶 $50Iced Nutty Latte $48想Chill 下思考下人生呢度大家可以試下，總括嚟講成間餐廳都OK，係特色在貓店長會陪你食飯🫶🏻🐱…查看更多

上網見過有人介紹呢間貓貓cafe幾chill,路過入黎試下，佢有兩層，地下係食嘢嘅，上層就只得飲嘢，上上層都有少少麻煩，要買外賣杯嘢飲，又要換拖鞋，又有鞋架比人放鞋，有啲論盡，叫左杯熱朱同一杯叫babychino，諗住babychino 25蚊平啲就試下，點知一飲係冇味嘅奶，朱古力都好普通，45蚊，不過上到去都坐得幾舒服又靜，同埋貓貓同地方都幾乾淨，整體還好…查看更多

店內除了 Cafe外更設按摩店。Cafe設於地下，主要提供西餐及輕食，設有戶外及室內空間，有意粉、炸魚薯條、窩夫等西餐及輕食，當中軟殼蟹意粉為人氣之選，另有其他咖啡和茶類飲品提供。Cafe 亦有貓貓店長註場，一樓為貓貓休息的地方，喜歡貓的朋友亦可以到一樓睇下貓貓得唔得間同大家玩下，不過記得先問準店主，以免影響貓貓休息時間。二樓為泰式按摩店，由經驗豐富的泰籍技師主理，設有地台床墊區、足部按摩區及單人獨立房間；而三樓就有無敵大海景，大家可以外賣Cafe 的食物到天台坐下，而且日落時分更可欣賞夕陽美景。-Relax B&M Café地址：大埔大尾篤汀角路龍尾村165A地下營業時間：10:00-21:00-想知道更多香港影相打卡好去處 記得follow我…查看更多

🧧新年梗係要行個大運，人日揸車去到大美督遊車河，行下海邊，坐吓鴨仔船。順路食個午餐，行過見到呢間餐廳有好多可愛貓貓，環境又舒適，室內座位可以玩貓，戶外座位可以享受大自然景色。樓上仲有泰式按摩，有得食又有得按摩，可以舒適享受大半日時間。 ［ 午餐］（先送上一碗餐湯）🍟🍗 香辣烤雞扒+薯條 $118～ 雞扒烤到外脆內軟，肉汁鮮嫩，配上沙律菜、炸薯條，感覺清新。☕️ Mocha（Hot）+$24～ 咖啡+朱古力比例剛好，有咖啡香亦有朱古力滑。🧇 跟餐窩夫（朱古力曲奇）+$35～ 食埋呢個窩夫甜品就好完美，多塊朱古力曲奇、淋上朱古力醬、軟滑忌廉。🍟🍔 牛肉漢堡+薯條 $118～ 超厚牛肉漢堡扒，配上蕃茄生菜芝士，色香味俱全。🍧 芒果乳酪沙冰 +$29～ 芒果甜美、乳酪醇厚，冰涼微酸口感。🍰 是日特色蛋糕（曲奇芝士蛋糕） +$25…查看更多

Cafe Relax B&M真係一個勁chill嘅地方，面對住海，坐喺bar台上食嘢，感覺真係好舒服！店內有數隻異國短毛貓，對人好熱情，仲好為食😂😂lunchset 跟餐飲品選擇都幾多有伯爵茶，汽水，橙汁，Americano （$138）香烤紐西蘭辣眼牛扒薯條🤩三成熟掌控剛剛好，份量足夠～（$138）香烤菲力牛扒薯條烤肉醬鋪面，甜甜的（+$24）dirty（+$25）espresso tonic🤩正！可以upgrade SOE fruity（+$35）窩夫🤩必食！croffle新鮮即焗熱辣辣咬落去真係做到牛角包嘅外脆內軟，充滿牛油香，超好味！上面鋪滿香滑的忌廉，個人覺得cream可以少d！可能因為我唔係cream嘅fans😂P.S. 餐廳樓上是充滿泰國渡假風的按摩店，望着海按摩，之後到樓下跟貓貓玩喝咖啡實在洗滌心靈…查看更多

店鋪環境很chill 户外位置十分慢活但因想與貓貓玩 故最後選擇室內享用食物室內的環境也很舒服 貓貓們十分親人 乖巧 想不到店內有很多可愛的貓貓 一些貓貓更主動親近 太可愛了吧 食物方面 All day breakfast 十分驚喜 豐富的材料很美味🥳✨咖啡很好飲 值得下次再品嘗…查看更多

大尾篤海邊有一排餐廳，揀咗間café食lunch。入面原來有幾隻貓貓。室外可以坐露營檯櫈，室內就係木質桌椅，好大張檯，坐得舒服。我地嗌咗軟殻蟹意粉同all day breakfast。軟殻蟹超級大隻，炸得香脆，意粉裹滿番茄汁，面頭嘅木魚碎好夾。All day breakfast有窩夫同蔬菜薯餅比較特別。Overall食物都幾好食，推介。…查看更多