Prime Pho

今次同朋友食咗Prime Pho，特登叫咗佢嘅牛𦟌、生牛肉雙拼pho，覺得水準依然保持得非常唔錯。牛𦟌切得超嫩，入口有咬口，絕對係手工功夫嘅代表。湯底清甜，味道濃郁又唔油膩，飲落去好舒服。配料有新鮮牛肉片、爽脆芽菜，同埋香茅跟香葉，令味道層次更豐富。嗰塊白白嘅係蘿蔔，加點清甜同埋湯底好夾。整體推介大家去試吓，雖然位置比較隱蔽，但如果鐘意食pho，佢係唔可以錯過嘅選擇。撐一撐小店，享受一碗用心製作嘅好pho！…查看更多

中環一到食lunch時間就好多人，呢間餐廳夠寬敞又唔趕人走，食個lunch唔洗趕頭趕命可以輕鬆下🍽️ 火燒豬肉湯檬豬肉食落好香口，另外豬肉有少少辣好野味！個湯底係用牛骨煮成，略嚴太甜🍽️ 鹹蛋黃醬烤雞扒飯雞扒外皮好脆再加埋鹹蛋黃醬餸飯一流，側邊仲有少少沙律，份量岩岩好🍽️ 牛𦟌湯河牛𦟌食落好爽口，都算比得幾多肉，湯底都係牛骨湯，河粉唔會煮得太淋都幾煙韌不過呢間餐廳飲品要另外叫，野食不錯但如果散叫埋野飲就有d貴…查看更多

中環📍濃郁牛肉湯底Pho✲ 生牛肉湯河這家店隱藏在中環嘉咸市集附近，進去之前需要沿著一條斜路上去，所以有一點點難找😂。上桌的時候，熱騰騰的河粉🍜讓人食慾大開，湯頭掛滿了濃厚的牛肉香味，每一口都令人感到滿足💞。這道河粉的滑嫩口感讓人感覺驚喜，搭配那濃郁的牛肉湯底，不禁讓人想要一口接一口！而且，店內還提供青檸，讓你可以依照個人口味添加，增加一點酸甜的味道，令整碗麵更加清新可口，完美平衡了牛肉的濃郁感。至於生牛肉的部分，味道還好，建議選擇店內其他配料 ～。不過湯底絕對是令人值得再回訪的原因！…查看更多

又係一個中環lunch嘅推介 呢一間經常要排隊 不過turnover都幾快 絕對係簡單午餐之選😇如果你未食過 我一定推介佢嘅燒牛腩 🐮咬落去軟嫩得嚟有微微炭燒香 越南春卷都炸到金黃脆口 成個撈檬都份量唔少 酸甜開胃又清爽 啱晒而家呢啲咁熱嘅天氣 真係透心涼🌿平時都有食過佢嘅pho 或者烤雞飯 一樣都咁好食 keep住過嚟輪住食都唔會厭😋Prime Pho (中環)中環嘉咸街23號My Central 1樓10號舖…查看更多

我最近去咗一次，真係感受到佢哋嘅食物有多好味！一入到去，就被店內嘅氛圍吸引。簡單而又舒適嘅裝潢，令我感到好放鬆。我點咗一碗牛肉孖寶，上台果陣，香氣撲鼻而來。碗裡面有好多新鮮嘅香菜同薄荷，令成碗河粉顯得特別清新。牛肉夠嫩，咬落去非常滑口。湯底嘅味道亦好濃郁，帶有一點點甜味，仲有隻隻香料嘅味道，真係好好味。值得一提嘅係，佢哋嘅米粉特別滑，吸收咗湯汁之後，每一口都好有味道。再加上幾片檸檬，攪拌一陣，酸酸甜甜嘅味道更加出色，簡直係一個完美嘅搭配。我哋仲點咗一盤春卷，外脆內滑，搭配上酸甜嘅醬汁，食落去真係一流。整體而言，Prime Pho絕對值得一試！如果你係一個鍾意越南菜嘅食客，呢度肯定可以滿足你嘅味蕾。服務方面亦好到位，職員都好有禮貌，令我哋感受到賓至如歸。下次有機會再嚟，仲想試下佢哋其他嘅特色菜式！…查看更多

食過好多次嘅越南餐廳，好好食，仲要唔貴牛腩同牛舌都超好食，食得出有炭燒嘅味道印象中lunch同dinner menu 價錢好似冇分別呢度要上樓，有兩間舖，所以都唔使等好耐位…查看更多

今日中午，我喺中環嘅Prime Pho食咗一餐。呢間餐廳位於My Central嘅一樓，環境舒適，裝修現代化，令人感到放鬆。我叫咗一份雞翼撈檬，價錢係$76，再加一服務費。等咗大約15分鐘，食物就上枱咗。首先，我要讚下佢哋嘅服務態度，員工友善而且有效率。講返食物本身，雞翼撈檬真係幾好食。雞翼外皮炸得金黃酥脆，內裡肉質鮮嫩多汁，每一口都充滿咗滿足感。撈檬嘅米粉彈牙有嚼勁，同埋醬汁混合得好勻巡，味道豐富而不膩。總括嚟講，Prime Pho係一間值得推介嘅餐廳。無論係食物質素定係服務水平，都表現得相當出色。如果你鍾意越南菜，特別係撈檬類嘅菜式，咁你一定唔可以錯過呢度嘅美食體驗。…查看更多

最近我和朋友到prime pho用餐，期待能享用美味的料理，但實際經歷卻讓我們相當失望。首先，pho的湯頭味精很重，似乎有過多的味精掩蓋了食材本身的鮮美。我點的pho入口即覺得鹹味過重，無法品味到其他的風味，這讓我對整體餐點的期待大打折扣。我們點了生牛肉，牛肉的質地不錯但卻有很多筋，咬下去時讓人感到非常費力，缺乏應有的嫩滑感。更令人失望的是，某位戴眼鏡男員工的服務態度十分差勁。剛坐下不到30秒就要我們點餐，點餐時，這位員工竟然在我們手上搶走菜單，是完全沒有向我們作出任何詢問，直接把菜單從我們手上搶走。讓我感到十分不悅。這種服務態度讓人無法放鬆，整個用餐體驗變得相當糟糕。總體而言，這次用餐經歷讓我感到失望，無論是菜品的口味還是服務的質量，都未能達到預期。未來我可能不會再光顧這家餐廳，實在無法推薦給各位。…查看更多

本身間舖都有少少難搵，唔喺大街大巷亦都冇乜水牌，平時食開下面街間越南嘢， 諗住同屋企人試吓新嘢，咁就上咗去 可能我哋太夜8:00😮‍💨入去坐 ，入到去啲服務態度真係問多兩句好似都唔耐煩咁，啲嘢食係幾快 亦都唔錯 ，不過係少少貴，冇所謂啦同屋企人一餐半餐 ，跟住嗰啲侍應九點已經衝埋嚟叫你埋單，亦係咁不斷咁收你枱啲嘢，不斷咁俾啲壓力你食快啲食快啲🤣🤣🤣，我哋都嗱嗱聲食完走 ，總結呢間嘢係咁嘅員工真係遲早執笠！！！（真係以後會幫襯）…查看更多

•Prime pho bo $148 (⭐️8/10)果然係signature‼️✨真係好好食又足料：封門柳、牛脷、牛腩、牛丸、牛展、牛筋、牛尾、扎肉🐮。值得一讚，牛腩牛展牛筋好淋好味😛。湯底濃牛味又清甜❤️，河粉彈牙👍🏻，但油炸鬼一般🫢，雖然唔平但值得🥰真心推！！📍Prime Pho 中環嘉咸街23號My Central 1樓10號舖…查看更多

📍 Prime Pho (中環)地址：中環嘉咸街23號My Central 1樓10號舖今次和同事們一起去試我想試很久的越南菜啦！🩵 Prime Pho招牌牛肉粉裡面有生牛肉/牛腩片/牛脷/牛筋/牛柏葉/牛丸/牛𦟌/扎肉/蘿蔔/牛尾！牛肉片嫩滑，牛腩、牛脷等各種部位層次豐富，牛骨湯底濃郁但不油膩，放入新鮮的香葉同辣椒，味道更上一層樓！真的和我在越南吃的pho沒啥區別呀！🩵鹹蛋黃醬烤雞扒雞扒的外皮烤得金黃酥脆，撒上鹹蛋黃碎，很不錯呀。🩵火燒牛腩撈檬牛腩片牛香十足，各種配菜令到整碗撈檬層次豐富🩵越式炸春卷很推薦！春卷皮炸得酥脆，裡面的餡料豐富，搭配甜辣醬，真的讚👍🩵芫茜特飲芫茜的香氣清新又獨特，不會太甜，非常適合芫茜愛好者！…查看更多

平日lunch大約1pm去食，唔算等得耐，排左大約10分鐘就入倒去。一坐低就聽倒個staff叫人唔好幫我果枱落單（我心諗發生咩事），之後聽倒佢話想轉我地去第張枱。咁我當聽唔倒，睇完餐牌就搵人落單啦，佢話唔落住要轉枱（冇問過我哋好唔好）。又過左一陣終於叫我地轉，仲要行出去另一個舖位，係同一層嘅另一邊。轉到過去果邊又冇乜冷氣，想要杯水飲，個個staff都話ok轉頭，問左起碼三次先有。生牛肉湯河($88)味道ok，湯底唔錯。越式炸春卷(+$20)唔熱。…查看更多

舊年同朋友食過一次，啲野食真係唔錯，今次一個人黎，叫左個生牛肉河同越南咖啡 。一入到去問老板收唔收支付寶，佢唔係好耐煩咁囉！啲野食係好食嘅，價錢加完一有啲貴，但冇服務，唔應該收+1！…查看更多

在中環偶然遇到這間店 位置在嘉咸街街市附近 入口有點隱蔽的My Central樓下電梯到1樓 ·🐂牛孖寶湯河（生牛肉+牛筋）招牌生牛肉拼上牛筋 份量都幾多 生牛肉牛味都幾濃郁 牛筋口感嫩滑 骨膠原滿滿🥹湯頭清甜 河粉軟滑有嚼勁·套餐+$ 可配小食 揀咗個米紙捲越南米紙 包著大蝦🍤 胡蘿蔔🥕青瓜絲🥒、米粉等 配上濃郁的花生蘸醬 內餡很足口感非常豐富😋·🥠炸賓墟店員推薦要食的一道菜 很陌生的名字 所以就試試🤭底層脆口的蝦片 上面有炸賓墟、蔥油、越式沙爹醬、櫻花蝦、豬肉鬆 口感豐富惹味 ·🌯越式蝦餅法包這個法包真的不簡單 除了主配料外 配菜還有自家漬蘿蔔酸菜、生菜、青瓜、沙律醬、自家制雞肝醬、芫荽、蔥、金不換等 主配料選了香脆的越式蝦餅 都唔錯！·🍋‍🟩青檸梳打非常清爽可口的飲料 夏日必備👍🏻·🍹特式檸檬茶夏日必喝的檸檬飲料 店家嚴選的茶底 配上鮮檸檬汁 …查看更多

態度惡劣 由其光頭王 其他樓面都green green地 上個菜都lau lau較較咁 見到個+1真係氣都嘆多幾錢重成間餐廳係為最大化容納人為主 餐飲體驗who cares? 去食嘅個袋唔好周圍擺 場地淺窄都唔好唔小心跌嘢 食完好走啦 除非你鐘意同樓面有激烈眼神對望 鐘意偷聽隔離台對話嘅食客 呢間啱曬公平啲講啦 嘢食係好食 肯揼錢做推廣 喺google高排名，小紅書多小姐姐推就知咩事。戴住耳機一枝公入去無視眾生咁食就ok 帶另一半嚟嗰啲？外賣算啦老友咪搞咁多，而且同價位只可以話有更好選擇…查看更多