Pondside

营业中

休息中

三個女仔約咗喺呢度食晚飯，首先門口指示唔清晰，入口搵咗好耐都唔知係邊度入。職員衣着完全不是高級餐廳嘅要求，好似茶餐廳咁着白色恤衫都冇攝入褲倒。侍應講嘢粗聲粗氣，服務差最主要係成班職員趕收工我哋約食7:00pm,第一味沙律上菜都係7:30到，7:45我哋枱面碟沙律都未食完就已經問個碟係咪收得？！我哋傾計還未食完，轉個頭又問收得未。8:00就已經行埋黎同我哋講話8:30係last order，當時我哋主菜都未上😅到8:15 又隊個Menu你話要叫last order，我哋叫佢擺低Menu我哋再諗諗；8:30又嚟同我哋講時間到，跟住都冇問我哋就係咁喺度收碟！但其實餐廳寫住係收10:00？！我哋諗住嚟呢度食係可以靜靜地傾吓計，冇諗過只係限定食一個鐘？！佢其實有book位到到入座，亦都冇同我哋講過話要幾點鐘關門。不過就係個別侍應係咁喺度趕我哋甘如果嚟呢度慶祝嘅話，一定會好冇癮！好彩我哋只係嚟食，一餐飯以後都唔會再黎By the way餐廳環境好好，食物亦不錯，就係衰服務。唔怪得知成晚得嗰一兩枱客

今次是第三次到這餐廳食lunch。裝修係唔錯，望瀑布果邊係靚，但食物質素及服務態度跟唔上價錢，餐包的牛油是cheap cheap的盒裝牛油仲要問先俾。主菜大部分要加30-60元不等。食物味道普通。最大問題是個別侍應態度欠佳。有一位男侍應肥肥地短頭髮4、50歲無戴眼鏡，只穿一件白色很皺的恤衫，粗聲粗氣，成間餐廳好似得佢呢個侍廳係咁打扮，唔講真係以為在茶餐廳，但呢度食lunch，呢樣加錢果樣加錢，埋單要over $300。應該唔會再去。

香港公園湖邊位置有間浪漫打卡餐廳，真係人人趨之若鶩🥹，餐廳內裏裝修有格調，如果有日光嘅時候，景觀仲非常優美😍，而且食物嘅價錢好合理，估唔到咁靚嘅餐廳性價比可以咁高✨️🥓Parma Ham with Cantaloupe＄128哈密瓜鮮甜又爽口，配合火腿咸度剛好🥗牛油果芒果蝦沙律＄128蝦用左Cajun方法調味，味道有少少辣。配返少少酸嘅沙律特別開胃～🍗Confit of Duck in Wine Jus＄208鴨腿蒜香味香濃，雖然脂肪較少但食落肉質好好軟腍🤩🍝Carbonara＄148忌廉醬汁濃稠香口，意粉軟硬適中，口感彈牙，而且仲非常掛汁😋，煙肉碎又脆又香口，無論口感同味道都有水準💯🍰海鹽tiramisu口感非常順滑，味道又唔會太甜有少少海鹽吊味，唔滯之餘仲想食多件😇

今日同男朋友慶祝相識紀念特登揀左呢間位於紅棉道嘅網紅餐廳Pondside嚟食返餐好嘅 😋因為臨近聖誕一路行去餐廳途中已經有唔少燈飾好有情調 ❤️入到餐廳我哋被安排坐window seat如果日頭黎到仲會望到湖景添～夜晚黎就好適合情侶們慢慢談心 😌我哋揀咗幾樣嘢食餐前麵包籃Avocado Mango Spicy Prawns Salad啲蝦好大隻好彈牙沙律菜鮮洋Parma Ham with Cantaloupe哈蜜瓜好甜配埋Parma Ham嘅鹹香非常之夾係簡單又美味嘅前菜！Spaghetti Carbonara傳統口味芝士味勁濃郁每條意粉都掛滿蛋汁好邪惡呀～Braised Beef Cheek in Red Wine Sauce牛面頰肉中間夾住一層層嘅骨膠原入口即溶超級超級淋滑🤤薯蓉望落已經覺得好柔滑好香牛油味但食落唔會油膩配牛面頰個紅酒汁一樣掂👍諗返起初相識都無諗過同呢個人有乜發展但世事就係咁奇妙🥰希望以後都可以好好慶祝

前排見好多人都大推哩間係香港公園嘅池邊餐廳🍴今日終於輪到我嚟朝聖啦😎哩間餐廳叫「Pondside」，其中一邊可以望到公園入面嘅瀑布，望住瀑布hightea的確係幾景色宜人嘅🤓不過如果你想坐喺嗰邊窗口嘅位，就要早一個月前book定啦！😜Teaset一共有三層，有上到下由咸到甜😚最頂層-池畔蟹餅、意大利調味飯球、素食春卷中間層-煙三文魚三明治、蝦仁雞尾酒、哈密瓜配帕爾馬火腿最底層-馬卡龍、意式奶凍、提拉米蘇、當日蛋糕當然唔少得Scones啦😙成個Teaset做得幾有水準😙比較特別係意大利調味飯球😚外層脆內層包住意大利飯，口感豐富😝 池畔蟹餅都值得一讚👍🏻因為真係滿滿嘅蟹肉，非常鮮甜💖甜品方面甜度適中，提拉米蘇同當日蛋糕都整得好好味🤤整體嚟講真係唔錯，間餐廳又打卡able，唔怪之得咁多人幫襯啦🙌🏻

Pondside地址: 金鐘紅棉路19號香港公園最近大熱嘅打卡白色玻璃屋餐廳Pondside終於有機會朝聖🤩，呢到環境清幽舒服，而且環境仲散佈好多聖誕裝飾添，超有氣氛🥰，好適合情侶去打卡約會！Confit of Duck in wine jus🦆$208作為低溫慢煮招牌菜油封鴨髀真係肉質柔嫩，啖啖都帶有鹹香味😚，加止外層煎到好香滑一啲都唔膩，真係好有口感，正😜。Carbonara🍝$148賣相睇落簡單，但意粉啲忌廉味道好濃好香好惹味呀😚，而且意粉口感厚身帶點彈性😆，啖啖都沾滿醬好掛汁，再加上大海量嘅芝士，正😝。Avocado mango salad with spicy prawn🥗$128沙律菜好新鮮爽脆，加上酸酸地嘅芒果🥳; 牛油果同辣蝦爽口彈牙🤪，真係好清新好開胃，正😋。Parma Ham with Cantaloupe🍈$128巴馬火腿配密瓜，馬火腿肉質柔軟鹹味偏少少重😛，但配埋蜜瓜一齊食鹹鹹甜甜，好flesh好特別㗎，正😍。#nicefoodie金鐘—--------------------#food #foodporn #hkfoodblog #hkgoodblogger

位於紅棉路的湖畔cafe，環境清幽，係由金鐘站經太古廣場電梯行上去途中，已經感覺好舒服，已經有聖誕佈置及裝飾，好適合情侶去約會同散步。見到白色玻璃小屋，歐陸風裝修，感覺都有d唔似香港！一坐低餐廳就送咗啲麵包同餅乾條配橄欖油黑醋俾我哋食，待應的服務態度都好親切。Avocado Mango Spicy Prawns Salad $128Parma Ham with Cantaloupe $128兩個頭盤都好清新，我自己就鍾意牛油果配芒果大蝦沙律多d。Duck Confit $208油封鴨髀個外皮香脆，配埋鴨香油脂同肉，燒得好香，side dish配埋沙律菜同埋薯仔都唔錯。Spaghetti Carbonara $148係比較傳統嘅乾身意大利粉，有做到掛汁的感覺，芝士都唔吝嗇，落得多Tiramisu$68甜品係最值得推薦要食的item!咖啡味重，唔會死甜，仲有可可香，好食！

朋友生日🎂簡左呢間係金鐘好隱世既西餐廳第一次去，上網搵先知原來公園內有餐廳，睇到環境寧靜又舒服，餐廳內夠光亮又舒適👍🏻Wild mushroom soup十分濃厚嘅忌廉蘑菇味，質感細滑啖啖蘑菇味Smoke salmon 三文魚煎得十分香口美味，好夠份量，肉質很滑Grilled US rib-eye with truffle gravy肉眼牛扒點左五成熟，熟得剛剛好又林又juicy十分滋味👍🏻Tiramisu 好濃香咖啡味好正，帶帶陣陣酒香，整得好細滑好好味😋Mojito最愛的cocktail 清新怡人

係金鐘番工有次無意中發現有間隱蔽嘅餐廳，搵日放學就同好朋友去食啦，環境清幽雅致，裝修舒服亮麗，幾好既選擇Avocado mango spicy prawns好新鮮既牛油果配芒果蝦沙律🥗芒果好甜，蝦又鮮味😋Duck confit整得很入味，鴨肉好林又juicy，好正呀！Chocolate lava pudding 整得好精緻好靚，朱古力味剛好又唔會整得太甜幾好味，可惜可能焗耐左少少，無流心朱古力New York sour 帶陣陣酸的味道又帶點甜味，酸酸地幾開胃Japanese spring無酒精飲品，好靚既外

食過2次pondside都坐唔到窗邊😂食物方面就一般，但覺得第二次好味左·Lunch set每位$188，但佢餐牌上好多item都要額外加錢. 話就話3-course但飲品都計埋果下係有少少取考😂😂菜式不定期更新，2次食都有幾樣唔同左～🐟香煎海鱸魚配咖喱汁黃薑飯（+$30）見到黃薑好似好養生😂整體一般.咖喱汁同黃薑飯味道好淡.但第二次再食覺得好左，鱸魚魚皮煎得香脆，魚肉都比第一次食既嫩滑·🥩烤美國頂級牛頸脊配薯菜（+$60）呢個唔錯.烤得剛好肉質唔乾·🥘蕃茄蝦意大利燴飯.蝦算多.大隻爽口.燴飯杰身，幾飽肚·🍗法國油鴨髀配黑醋汁.賣相味道都一般.可能本身我都麻麻食鴨·🍴自家製意式牛肝菌雲吞.最好食！醬汁creamy，有松露香🤤•📍Pondside金鐘紅棉道19號香港公園

最近超級火熱既玻璃屋餐廳一定要黎朝聖一下😍湖畔窗口位置真係好靚 但真係好full 😣我同朋友好好彩提早1個月搶到個位番黎, 我地既dining time 係2:30, 而2:30開始就可以order tea set 🍰☕️Tea set 既食物不過不失, 咸點比甜點出色, 但最扣分位係有4件蛋糕好似藥水味😥scones有4件, 份量好夠, 我同朋友都食得好飽, 不過唔好既地方係有限時, 用餐時間只有90分鐘, 比較趕, 唔可以慢慢享受咁靚環境, 但cp值值得一試 CP值: 💛💛💛💛

聖誕節就到啦🎄係時候book定餐廳同家人朋友慶祝下～呢間香港公園內嘅湖畔小屋就最適合不過，內在燈光裝修令氣氛🆙🆙，坐外邊就會感受到大自然樹木嘅包圍🌳🌳🌳Avocado mango salad with spicy prawns|$128🍤蝦肉爽彈，配上熟稔嘅牛油果🥑同酸甜嘅芒果肉🥭，十分開胃Parma ham with Cantaloupe|$128🍈Dinner gathering點少得呢個絕配？鹹香嘅parma ham，juicy爽口嘅哈密瓜-簡直係我最愛嘅組合😉Carbonara|$148🍝每條一份都充分吸收曬醬汁嘅精華，加埋煙肉，鹹香十足，classic👌🏻Braised beef cheek in red wine sauce|$228🍷非常軟稔，紅酒汁味道恰到好處，更能帶岀面頰肉嘅牛香😌特別一提嘅係個薯蓉，好軟滑，奶香十足🥛Japanese spring|$78🍹Whisky sour|$68🥃

Poodside 網上成日介紹嘅打卡餐廳，我兩星期前已經預約，可惜都係book唔到窗邊位，淨係book到室內房間位置，但係當然都要過嚟試吓啦！我book咗星期日1:00 ，去到嘅時候發覺門口outdoor都有位，但係餐廳經理(好友善👍）同我哋講門口比較多蚊，如果我哋鍾意都可以坐。咁我哋揀室內或者室外，最後尾我哋啲室內嘅環境都好好就坐喺室內。佢哋set lunch嘅價錢都合理$2xx, 包湯或starter, main 同埋飲品。我哋嗌咗 Starter:蕃茄湯(好飲，有濃郁蕃茄味)多士配蘑菇 ( 炒香咗嘅蘑菇，加多士卜卜脆好食）三文魚沙律（正常水準）Main: Rib eye steak （五成熟啱啱好，都幾好食）烤豬扒配黃梅汁（西餐豬扒來講算幾好食，唔係太肥，但係啲肉都淋）松露海鮮意大利燴飯 （我好欣賞呢一個，松露夠香，海鮮都煮得好食，一啲都唔乾身）香草醬意大利麵（正常水準）打卡餐廳來講，食物質素同埋個價錢，我覺得已經好好👍

呢間喺香港公園新開既餐廳 環境超級打卡able 相信各位foodie都唔陌生🥰 一新開即刻上網book定位 網站仲有得揀窗口位都幾細心～ 不過就要早一個月book定 因為實在太多人黎朝聖😗 當日book左2:30pm 冇得試lunch menu有點可惜🥺 唯有比個藉口下次再去😝Finger Sandwiches 💰128賣相好靚好精緻 分別係salmon, Parma ham, cheese 味道就正正常常冇咩特別 都係至在打下卡🙂Tiramisu 💰68呢個甜品反而有驚喜🥰 咖啡味突出唔太甜 忌廉芝士味都好香😋 食到停唔到🤤開頭諗住只係過嚟打下卡 但原來味道都唔差😍 下次會試埋lunch menu 希望黎緊易book啲啦(˶‾᷄ ⁻̫ ‾᷅˵)

睇到好多人黎呢度打卡，窗口位置見到小橋流水，仲有大瀑布！知道星期六、日比較多人，就揀咗平日食lunch~好彩都安排到我坐窗口位，好開心🥳Starter蕃茄濃湯(素菜)、多士配香草炒蘑菇2款都係我至愛！特別係多士上有好多蘑菇，口感豐富，又有口感。Main烤豬扒配黃梅紅酒汁 (+$30)醬汁經過特別調配，有少少好似話梅咁酸味味，好開胃。豬扒好厚，又不會太硬，咬下去仲有少少肉汁！煎比目魚配芥末汁($60)塊魚大過我手掌，而且好多魚肉，冇骨，食得好放心。魚肉好滑，配佢個芥末汁一點也不嗆鼻，反而令到魚塊提升鮮味。每個main都有配菜，幾colourful~擺盤幾靚。餐飲都會包普通coffee/tea~如果唔升級食物，價錢 $188/person ，有靚景，我覺得好值得啊！