Polaris

营业中

休息中

大約中午12點黎到直入唔洗排，今次特登早啲過黎食，因為上次下午1點幾2點黎到要排隊。 呢間出品質素唔錯既cafe係值得再次支持，今次係第二次黎食。呢碟48小時慢煮牛小排係我最鐘意食！肉質軟嫩得黎一啲都唔柴，濃郁嘅牛肉香同汁液完美融合，配埋個底有滑嫩薯蓉同翠玉瓜，口感層次好豐富。個醬汁調味亦恰到好處，唔係死咸，食落好滿足，係一道用心嘅高質菜式！強烈推介！呢個明太子芝士忌廉大蝦扁意粉，忌廉醬滑溜，明太子帶出海味，蝦肉係用急凍，但佢個意粉煮得岩岩熟口感軟硬十分好，配上香草增添清新感，唯一可以改善係意粉份量可以多啲。薯條係正常發揮，現炸的。

「食物質素」叫左Today Special嘅芝士菠菜無骨雞脾薯蓉雜菜，同慢煮牛番茄燴飯味道濃郁每個主食都係熱辣辣送上擺盤都好睇好可以打卡如果點嘅餐係需要等耐啲店員有提早講定有心理準備嘅無骨雞脾等左半個鐘多啲好食值得等「服務質素」店員友善有收服務費有餐湯送、水公眾假期下晝1點幾都排緊隊好在餐廳肯比食客舖內走廊附近探冷氣唔洗出面等得熱「洗費」每個人埋單$400，好食所以值得花錢、等待美食送上「環境清潔」每次客人走都會消毒清潔可放心下次再食其他，相信都係用心之作

太和中心有幾間西餐小店，今個weekend就揀左Polaris😋白色簡約既裝修，好適合食brunch既心情海鮮冬蔭忌廉意大利粉意粉吸哂冬蔭功汁好好食，海鮮亦都比得大方，份量食落比想像中多墨汁海鮮意大利粉墨汁唔太杰，但好有鮮味，海鮮煎香左，撈埋三文魚籽更加吊起左鮮味Tiramisu幾有酒香，可以一試員工雖然好忙，但服務態度都唔錯，但小店廚房出品都要預番d時間慢慢上菜，但難得放假食個brunch都唔好咁趕頭趕命，好好享受啦☺️

明白下晝午市多人，但係服務生安排位置上面真係有啲失望同冇禮貌到咗喺門口等位，見到入面係有位嘅，不過明白下晝多人要時間處理，咁我就等啦，我兩位。本身執緊枱到我㗎啦，我睇住嗰張枱係俾我嘅，跟住有三個一家大細入嚟，結果即刻安排咗佢哋三個入座先，我都呆咗。要我哋喺外面仲等緊，我唔提醒都唔安排返座位俾我入，誰不知安排一張勁窄嘅座位俾我，亦都冇任何解釋，過程十分不愉快。

服務態度好好 當日店內人手不足店員都好好耐性 好用心服侍每枱客豬肋骨好入味 煮到好入味 肉質好腍份量好足料 男人胃口都食唔晒🤭貓耳朵意粉🍝值得推薦入口啖啖都夠醬汁 好juicy 唔系間間cafe 都有呢道菜式所以我見到即嗌果然無令我失望😍餐湯真材實料，聽講餐湯係會每日唔同連假日都有套餐嗌 抵 ！值得試嘅一間小店！

bookmark咗呢間一段時間，平日lunch去都好滿好多人🫣🍝 ||虎蝦北海道帶子紅蝦油龍蝦汁手工意粉 $128||見到呢個係定價最高嘅麵/飯，超級期待，的確成個汁嘅base都有啲海鮮碎，幾鮮甜嘅～ 意粉係圓正常-粗身，都掛汁同埋有咬口但可能個人比較幼身&creamy嘅麵，所以就覺得冇特別驚喜另外見到啲餸有炙燒過不錯，但得一隻虎蝦&帶子有點失望🥹 係好味不過cp值一般～🍖 ||慢煮加拿大保濕豬鞍+無花果醬 烤雜菜 $168||呢個慢煮豬真係好出色！質感好嫩同時超入味！烤薯仔好香鹹甜味，都有烤翠肉瓜同埋菇，係有驚喜嘅豬排～不過無瓜果醬又真係唔係好食得出🤣開心果奶蓋綠茶 $46（叫套餐可以-$10）見到menu嘅第一秒已經被插圖吸引😍 奶蓋偏甜但好濃開心果奶香，面頭仲有開心果碎，好似食甜品咁😂 茶底係無糖綠茶幾解膩嘅！不過如果多啲茶會接渴啲🤣📢📢📢需要加一服務費見到有人都會帶macbook來做嘢，但其實都幾逼，建議想做嘢嘅人下午茶先來🤣 呢度staff都友善啊～經過會再encore～🫶🏻

夜晚食，唔算太多人，等咗差唔多半個鐘先出到餐，見到後過我落單嘅外賣都快過我出餐。話係蟹肉蝦膏貓耳粉，要蟹肉又食唔到蟹肉，要蝦膏但又唔見有蝦膏色同蝦膏味，真係想報海關投訴😡不過味道唔算差，以咁嘅價錢，我覺得性價比低☹️

今次係第三次食第一次食左慢煮豬鞍？？（唔記得咗個名）食完封左呢間野做全大埔最好食西餐廳！之後一直心心念念想encore食第二次encore 返同一個餐都覺得好好味嗰陣龍蝦有特價，加咗半邊食覺得都ok今次第三次再帶朋友嚟想叫返第一二次食個餐但係唔記得咗叫咩名淨係記得慢煮豬，但佢慢煮豬有兩款我是但撞叫左平啲嘅嗰個點知就賴左野慢煮豬肉眼上到碟好似三成熟嘅牛咁切開啲血仲流緊出嚟真係唔敢食🥹🥹朋友夾硬食咗一啖，但係chew唔到吞唔落同咗侍應講佢哋話慢煮豬係咁，我真係缺乏知識唔知道係咪真係可以照食，最後都係決定叫佢煮到全熟先再攞出嚟，然後前後加埋等咗大半個鐘先食得🥲🥲🥲已經喺餓度暈嘅狀態，但係都覺得好難食🥲唔知係咪因為返煮又鞋又硬😢海鮮燴飯安全有水準👍好彩叫左2款有1樣都係好食🥲應該會再嚟嘅下次一定要食貴啲嗰隻慢煮豬！🥹🥲

去到太和個頭冇咩好食經過見到呢一間有lunch set好似幾吸引 午市要加一每個set都包餐湯同飲品是日餐湯係番茄忌廉湯一入口忌廉味較重 之後就開始酸味還好 飲品叫左熱蜂蜜檸檬 正常意式培根芝士奶油蛋黃貓耳朵 ($86)醬汁唔算好濃郁 不過貓耳朵都幾煙靭另外煙肉到幾香口 不過就比較Heavy食落有少少漏 好飽🥱天使紅蝦自家製紅蝦汁海鮮燴飯 ($86)個飯煮得有少少似risotto 都幾香蝦味 除咗面有一隻蝦之外入面都有一粒粒蝦肉又唔會好creamy 食落唔會覺得滯呢一個都幾好食👍🏼

麻辣雞肉意粉意粉足料，麻辣辣度大約有四小辣，味道十分惹味，價錢亦不貴自家製紅蝦汁海鮮飯紅蝦汁香濃，蝦肉亦都有好多粒，而且擺盤好靚。中午套餐包飲品同湯，如果想叫特色飲品就正價減$10。叫左杯蜂蜜檸檬同焙茶鮮奶，味道不錯

第一次食，餐廳坐無虛席，而且見有好多都係熟客佢地都係點咗保濕豬鞍，好厚身，下次可以試試餐廳唔大，不過坐位都OK唔算逼Order咗個benedict手撕豬酸種麵包，及麻辣雞意粉首先上咗個蕃茄湯，好飲手撕豬賣相可觀味道方面，有隻蛋較為熟而手撕豬，口感有啲似煲湯既豬𦟌，汁還好麵包脆口，正常麻辣雞意粉，有幾條辣椒係面，感覺好fusion食落好似去咗四川咁，真係麻辣，都幾辣建議menu隔離加多幾條辣椒意粉質地唔錯，個人中意意粉偏硬身而雞肉正常成個意粉嫌佢底下太多汁水，如果炒到成個乾身，就好

平時經過呢間餐廳都想試，但怕cafe定價貴份量又少會唔夠食，今次食完發現好食又大份，杯特飲都好出色，身為開心果嘅fans表示好滿足🫶🏼🤍開心果奶蓋綠研開心果奶蓋好濃💚奶蓋頂有用火槍燒過 聞落再香啲💚有啲似食緊開心果巴斯克蛋糕咁💚🤍松露忌廉汁香煎雞扒一開始望到塊雞扒以為會好乾點知入面好juicy👍🏼🤍班尼迪BBQ 手撕豬.湯種麵包.水波蛋估唔到咁大份 同埋好好食 CP值高🤍明太子芝士忌廉大蝦扁意粉大蝦好爽口 不過一個人食會有啲漏🙈

一路有朋友介紹這間餐廳, 今日終於嚟試下. 坦白講. 個人認為. 性價比係高, 唔貴. 賣相靚, 但食方面, 個人就覺唔係最好食.  不過整體係已唔差.點了午餐, 午餐抵食, 有湯有飲品, 還有很美既主食.今日點了 松露忌廉汁香煎雞扒 , 奶油薯蓉 -  呢個賣相好靚 薯蓉很香奶油味, 好吃, 唯獨是雞扒欠缺JUICY , 乾身了一點, 雖然皮很脆. 所以我覺乾左點有點硬.虎蝦北海道帶子紅蝦油龍蝦汁手工意粉  - 呢個賣相也好, 虎蝦有蝦味, 帶子還可. 唯獨個汁有點怪, 唔太像蝦汁, 不過整體OK是日餐湯係 番茄忌廉湯 - 呢款湯不錯, 濃味飲品加錢升級點了DIRTY - 還可HAZELNUT LATTE -  OK甜品: TIRAMISU - 好吃TOTAL: $330食完感到口有點乾,  所以個人係唔會再 ENCORE, 不過在區內. 性價比係高的.  店內音樂偏大聲, 加埋午餐時段 人人都大聲說話, 變左耳朵有點辛苦.   我覺得. 音樂可以放得細聲一點. 人人都就住音樂更要放聲傾計, 變 左成間小店好嘈. 因為地方畢竟有點小.

Polaris價錢💲: $86/ $86/ $88/ +$2x好味程度😋: 4.3/5服務🍴: 3.7/5環境🗾: 3.7/5性價比🥢: 4.3/5回頭率😚: 4.3/5-今次再去到polaris食佢地的lunch，假日好快就滿座，有機會要等一陣呀。性價比好高，老闆們好有心機煮，menu又會定期更換。好似今次就試到杯開心果奶蓋茶！呢間絕對係大埔mvp，好好食😌-✅意式培根番茄芝士奶油蛋黃貓耳朵。呢個係三個入面最普通的一款，但唔係唔好食的！貓耳朵有口感，每一粒都裝住好多醬汁☺️番茄芝士奶油酸maymay得來都會有小小奶香，味道幾均衡。煙肉🥓有啲厚度，好似平時煮carbonara個d咁。-✅✅天使紅蝦自家製紅蝦汁海鮮燴飯。係超濃郁的蝦味‼️可以食到好多隻🦐係我個口到咁。同埋有落蝦頭油，令到個飯更香同埋油潤(但近底的發現真係好油下🙈) 蝦的味道係有d蝦膏味的甘香加爆過d蝦頭的味道。全部飯粒都被蝦味包圍，有d番茄乾、蝦粒同魷魚粒。加埋一隻完整的紅蝦，超值！紅蝦的肉質好似特別嫩呢。-✅✅大啡菇bbq手撕豬漢堡炸薯條。呢個$88係超重份量，男仔都未必食得曬😳麵包已經係我鍾意的brioche咁，烘到小小

莓之戀人，$98一份，用左一個雞蛋仔切開搭起身一個好似塔咁樣，雲呢拿雪糕夾埋雜莓，邊邊角角仲灑着有一啲脆脆，$98一份係有啲貴嘅，雞蛋仔拉低左個口感層次，主要材料係雞蛋仔，但係個雞蛋仔就烘得唔夠好食，其他食材就比較正常啲，總體一般，Tiramisu唔錯，可可粉舖得比較多，最緊要係個芝士cream個味係啱啱好嘅，同埋麵包嘅濕度啱啱好。