Platform (已結業)

Their coffee is beyond my expectation. My favorite is the Flat White, is very smooth and bold . Their Cheese Coffee is also amazing, I really like the combination of the cheesy foam and coffee. It’s a new way to experience coffee. My family loved their bagel sandwiches, the bagel is so soft and fluffy, they made it by themselves. Our favorite is the smoked salmon bagel sandwich, the fresh avocado and the special sauce go well with the smoked salmon. We had triple our order to fulfill our habitat. This restaurant is highly recommended, one of the MUST TRY in Hong Kong. …查看更多

😛回頭度：7.5/10😛-幸運地去食當日唔洗排隊，入面座位幾舒適～佢哋嘢食配搭都幾特別，真係想嗌多幾樣試下😂-我哋今次叫咗：『美式手撕豬肉配芝士Bagel』- 一半係BBQ手撕豬肉，另一半係青蘋果沙律，好Fresh，唔會膩～ 『燒鴨胸肉配芝麻Bagel』 - 件鴨胸煎得好好，唔似買嗰啲即食煙鴨胸；個芝麻Bagel勁香！ 『法式蛋卷配布里歐麵包』 - 個蛋卷勁足料，包括有免治豬肉、車厘茄、羽衣甘籃等等，再配埋軟熟嘅布里歐麵包加意大利乳清芝士，勁夾👍🏻 『黑松露帶子意粉』 - 勁香，超多珍珠帶子，冇以上三款咁特別，但都幾好食…查看更多

個人口味 鍾意佢地鹹食多啲，例如 燒鴨胸肉配芝麻貝果, 美式手撕豬肉配芝士貝果，貓耳朵好豐富，下次嚟會想試埋佢地個熱門 冰火蘋果批😋❤️燒鴨胸肉 Roast duck breast配芝麻貝果燒鴨胸/蘆筍/煎蛋（流心的😉）/雜莓黑醋醬Bagel有原味、芝麻、芝士可以選擇鴨胸軟熟😋❤️美式手撕豬肉配芝士貝果麵包pulled Pork手撕豬肉/青蘋果絲（加分💕）/巴馬臣芝士脆片/燒烤醬啖啖肉好滿足，青蘋果絲好清爽解膩😋巴馬臣芝士脆片好白脆喎！❤️貓耳朵Strascinati忌廉汁/煙肉/白菌/溫泉蛋/芝士/洋蔥因為我地有伴唔食蛋，佢地都好friendly，話蛋可以轉熟既 分易啲💔乳酪薏米杯Rice pudding乳酪/洋薏米/燕麥金寶碎/水果😭乳酪比例好少，上面既草真係唔夾Hot latte好飽所以冇試埋cheese latte，聽講有芝士淡淡既鹹香鹹香好好味By fishenjoylife…查看更多

1）港式煲蛋配芝士味Bagel～$98- 有辣肉腸、流心蛋、仲有好多芝士！拉絲！熱辣辣～下次再嚟都會叫～- 吸喵指數😻：8/102）菠菜蝦肉卷～$98- 份量雖然唔算好大，相對較light，大概有三條蝦卷，但真係好香！- 吸喵指數😻：7.5/103）冰火蘋果批～$72- 終於到咗佢哋好出名嘅冰火蘋果批啦！雪糕和棉花糖，仲有暖笠笠嘅蘋果批，喺口入邊兩種溫度混合，一試難忘！- 吸喵指數😻：8.5/10（記得，星期一佢哋休息）（記得，星期六日冇得book枱，只係可以Walk in 㗎）…查看更多

普天同慶嘅元旦假期專登去咗大圍諗住搵間Cafe食，點知有啲咁差嘅遭遇。搵到嚟呢間Cafe諗住啲嘢食好似幾特別但係點知好難食港式煲蛋 $98賣相非常特別吸引。一開頭吉面頭芝士同埋個蛋黃就覺得好正，但到入面真係好不堪🤢入面就好似係平時港式西餐奉送嘅羅宋湯咁樣，但係質感非常之水。好難食。入面有少少辣肉腸有啲蘑菇，總之成個煲入面有八成都係呢碗蕃茄水…法式蛋卷配布里歐麵包 $82塊蛋好難食！！！冇蛋味、乾爭爭！！入面包住羽衣甘藍、煙肉、芝士好似好豐富咁！！但好淡、唔知食咗啲咩！！另外，Cafe只收八達通或現金，唔緊要。我俾現金，但係竟然臨時係冇散子找！！餐廳唔收信用卡唔緊要，我知道service charge貴。但係當你剩係得兩個付款方式嘅時候係咪應該要預備定足夠份量嘅散子去找錢俾客人？嗰時餐廳搵咗另外一位姨姨去附近唱散紙，但係個姨姨塊面黑到好似有人殺咗佢全家咁….食咗咁難食嘅嘢仲要冇錢找仲要對住你呢個黑面神…..我想問咁其實係咪即係餐廳係想100%嘅客人都只比八達通？？？仲有其實呢間嘢價錢係唔平，完全冇一樣嘢係值呢個價呢個係2024嘅第一餐，估唔到俾啲咁嘅體驗我。…查看更多

喺這家店試咗幾款食物，其中the New Yorker配上sesame bagel真係引發咗一陣味覺嘅風暴🌪️! 應該係我食過最好味嘅bagel了！車厘茄、煙燻牛肉同芥末蜂蜜醬搭配得好match，好開胃。咬落去嘅時候，bagel外皮啲芝麻香氣四溢，內裡麵糰又軟又有彈性，嗰種口感，真係一流！煙燻牛肉嘅鹹香與沙律嘅爽脆和醬料嘅甜香互相交織，搞到你會想一啖緊接一啖，停唔住口。飲品方面，個piccolo就真係得體嘅濟濟，不過我都覺得佢放喺咖啡旁邊會略遜色少少。但係總體上，這個組合佢啱晒想食輕食嘅朋友！如果要我推介幾樣，我會話你千祈唔好錯過嗰碟New Yorker配sesame bagel，因爲真係值得一試！😋平民食評但係個味絕唔平凡，平台啲食物真係送你一個味蕾上嘅享受之旅！🍽️✨…查看更多

偶然一個星期六早上諗起附近一間好耐冇食過嘅Cafe 喺未咁興開Cafe前已經存在嘅一間算係大圍嘅元老級😂佢開嘅位置如果唔熟田心村都少少難搵.嗰日因為早去，所以都冇咩人可以舒舒服服坐低傾偈～見佢自己社交平台介紹有啲嘢飲，靈感來自去旅行見到其他國家嘅飲品 ✈️所以就試咗佢一杯肉鬆拿鐵 ☕️冇諗過又真係幾match😆本身杯latte奶味都好香濃配合埋肉鬆帶返成個層次出嚟（有機會都會想自己喺屋企試吓沖～）.另外佢嘅bagel 🥯煙韌得來帶點鬆軟保持一直以來水準.至於朋友叫嘅早餐都非常豐富Bagel入邊有好多餡，特別係煙肉燒得好香好好食沙律菜都好fresh，食落有啲柚子汁調味.幾鍾意佢唔同角落有設計有唔同國家嘅元素真係令人好想去旅行…查看更多

🥗🥗🥗朋友介紹既咖啡店位於田心村，隱世小店，別樹一格，真係要俾心機搵下路先會搵到，係咖啡店仲有好多好吸引既菜式，下次有機會一定再去Fushion Eggcellent 配貝果麵包($108)有幼木魚絲鋪係面、熱辣辣炒滑蛋上面再加少少滑滑沙律醬，仲有鹹香嘅肉鬆，大大啖口感豐富👍🏻👍🏻👍🏻手工法式千層薯批好香，一層層焗過既薯仔食落口同平時一舊薯仔唔同，唔會話一舊舊好粉，一層層薯仔好薄，相信用左不少功夫巴馬火腿軟芝士配Bagel ($108)很喜歡巴馬火腿加芝士，特別係軟芝士，唔係度度都可以有依個組合，一啖有齊兩樣野加bagel，可以加埋楓糖醬，薄火腿唔會太咸，芝士好軟滑，提升了味道既層次感，旁邊仲有蛋同碎蕃茄、沙律，超級豐富👍🏻👍🏻👍🏻👍🏻菠蘿咖啡($52)據講係夏日期間限定，唔係成日有，咖啡每啖都有果粒，起初唔覺得好重菠蘿味，去到最後尾菠蘿味逐漸增多，酸酸甜甜既味道非常特別…查看更多

🍽 Platform📍 大圍田心村254號地舖✨話說呢間Cafe幾年前都小有名氣，可能之前嘅大圍冇圍方🤣 冇咁多靚靚Cafe。 ✨幾年前諗住試呢間cafe，點知夜晚去嘅時候搵極都搵唔到路，行足半個鐘先搵到，仲要冇開🥹🥹 食唔到佢嘅bagel 唔死心😤 今次日頭嚟試下佢，仲要book埋位架😤😤🍽 牛油果煙三文魚(*配芝士貝果麵包）包括有煙三文魚/自家牛油果青檸醬/紅洋蔥/ 牛油果/芝麻及黑椒粒/青蘋果片煙三文魚份量足👍👍牛油果青檸醬幾有驚喜👍👍 清新得來又有牛油果香味略嫌牛油果過熟，雖然都幾厚切，但係因為過熟，太淋，又少咗牛油果香味Btw，有冇人試過牛油果點豉油食？個感覺超似食緊三文魚🤣🤣🍽 紐約客(*配芝麻貝果麵包）包括有煙燻牛肉/蜜糖芥末籽醬/焦糖洋蔥/煙肉/青瓜絲及蕃茄煙燻牛肉有啲似慢煮牛肉，都入味嘅，冇脂肪、冇筋。 同bagel 超夾😋芝麻貝果🥯聞落去係香嘅但係略嫌芝麻味唔夠🤣 朋友好鍾意芝麻味🤣🍽 美式手撕豬肉（*配芝士貝果麵包）包括有手撕豬肉/青蘋果絲/巴馬臣芝士脆片/燒烤醬手撕豬肉好入味，超好餸Bagel 🤣🤣芝士脆片都幾特別，食落去除咗有芝士嘅香味，仲會有焦脆嘅香味青蘋果絲加咗沙律醬，好好食！ 因為青蘋果都幾甜幾脆🥳🥳🥳🥯呢三個菜式嘅bagel都試過，只能說佢比較似麵包，冇bagel嘅煙靭同有咬口。不過又唔代表唔好食，當佢係麵包嘅話都唔差㗎🤣 佢都做到表面香脆，內裏軟糯☺️———————————————評分: (5⭐️最高)味道:⭐️⭐️⭐️⭐️環境:⭐️⭐️⭐️⭐️⭐️打卡:⭐️⭐️⭐️⭐️再訪:⭐️⭐️⭐️⭐️#chillyummi_大圍 #foodiehk #Eeeeeats #FoodPhotography #Delish #foodiegram #foodielife #igfoodie #hkfoodies …查看更多

聽聞大圍有好多隱世Cafe，今日同朋友入嚟大圍搵好嘢食，試下呢間platform 可能我哋咁啱撞正lunch time，我哋坐低咗一陣就好快有其他客人坐滿晒成間餐廳。舖頭唔算好大，所以建議最好都預約定。Menu入面嘅菜式唔算好多，最主要都係食Bagel 同意粉，選擇相對其他Cafe較少。今日我同兩個朋友就分別試左：the New Yorker, pulled pork, avocado smoked salmon都係配bagel。芝士味不算太濃郁，但可以再出啲。個人比較鍾意芝麻bagel，因為比較香脆。呢間cafe適合鍾意食brunch或輕食嘅朋友仔坐低食下嘢傾下計。…查看更多

俾佢個法式蛋捲配布里歐麵包吸引到，山長水遠都要入黎會一會佢法式蛋捲配布里歐麵包 $92蛋捲好厚身！入面有好豐富配料：羽衣甘藍、甜椒、車厘茄、煙肉、意大利乳清芝士，布里歐麵包好厚切，好重牛奶味又軟綿綿😋港式煲蛋 $88一上碟見到個港式砂煲已經心心眼，因為本人勁中意d熱辣辣既食物😍果然入面既芝士極拉絲！煲仔入面有薯仔、蕃茄、蘑菇、辣肉腸、雞蛋，雞蛋焗到半流心，好有驚喜！☺️呢個餐仲會有跟埋一個Bagel 同沙律，個Bagel係偏鬆軟口感，配埋港式煲蛋一齊食，好滿足🥰𝐶ℎ𝑒𝑒𝑠𝑒 𝑙𝑎𝑡𝑡𝑒 $45芝士味係黎自於中間白色既芝士忌廉，咸咸地，幾有特色，唔係間間cafe都飲到…查看更多

大圍有好多特色CAFÉ，有幾間都係我會再回頭既餐廳。今次決定不食重覆的，試試新東西。上網找了間未嘗試過的，網上看到食物選擇都幾特別，與一般CAFÉ 不同。叫了兩款主菜&兩款咖啡：1.  港式煲蛋配貝果麵包 HKD98入面有雞蛋、香腸、羽衣甘藍、薯仔、蘑菇、芝士、番茄等食材，味道就是…很「港式」。好像蕃茄薯仔炆雞翼但換了香腸…上面加了芝士同雞蛋去焗。貝果麵包的口感也是一般般。唯一可取是雞蛋剛好焗到半生熟的。2.  法式蛋卷配布里歐麵包HKD92入面有豬肉、紅椒、羽衣甘藍、車厘茄、煙肉、芝士等，但餡料的部分偏少，煎蛋部分亦缺乏味道及偏乾。基本上整份餐點味道都偏淡。3.  咖啡沒有記憶點，味道普通＊服務態度極之差，尤其是女職員！不是繁忙時段，沒有人等位，都可以每字每句都是帶有呼喝形式，連基本禮貌都是沒有的！應該普通茶記侍應的態度都比她們好，呢個價錢呢個定位呢個質數呢個味道，完全是不值推薦。小總結📌勉強找到可取點就沙律菜尚算新鮮📌味道十分普通📌CP值極低📌服務態度極差…查看更多

某日心情低落，想搵間cafe靜靜地食野同睇書，無意中搵到依間位於田心村嘅cafe。有時想搵間坐得耐嘅cafe都幾難，依間位置比較隔涉，但真係環境舒適，可以靜靜地坐足一個下午！當時屋企發生左啲事心情沉重，唔知職員係咪發現，主動問我睇緊咩書傾左幾句。我離開時發現落好大雨，冇帶遮行返轉頭，職員雖然已經收左枱，但都主動叫我坐多一陣同比杯水我，覺得好warm😭除左人情味，餐牌上嘅食物都好特別，唔係一般cafe款式！🍳🍞 法式蛋卷配布里歐麵包 $𝟡𝟞 (𝟠.𝟝/𝟙𝟘)法式蛋卷入面有免治豬肉、青紅辣椒、羽衣甘藍、車厘茄、煙肉、意大利芝士。蛋卷外層薄薄，質感有少少乾同老，未必人人鍾意，但包住所有食材入口相當豐富🙈布里歐麵包亦係自家製，好鬆軟同甜甜地🤭另外值得一讚嘅係份量好大，仲要配埋沙律，好多羽衣甘藍，配上酸酸甜甜嘅莓汁。依個價錢來講性價比高同有心思👍🏻🍎🥧🍨 冰火蘋果批 $𝟟𝟠 (𝟠.𝟝/𝟙𝟘)其中一款人氣推介，蘋果批係薄薄一層酥皮，包住用肉桂醃製、切得好靚嘅一片片蘋果，再配上凍冰冰嘅雲呢拿雪糕同香脆嘅乾果。絕對係一個賣相精美同好食嘅蘋果批😋🧀🥛 ᴄʜᴇᴇsᴇ ʟᴀᴛᴛᴇ $𝟜𝟠 (𝟠/𝟙𝟘)賣相好靚，見到都開心左一下🫢上面落左玫瑰花，除左芝士淡淡嘅咸味外仲有花香，幾特別！🌟 Follow @gfgm.hk on Instagram for more 🌟…查看更多

本身住開附近，如果唔想出去太遠，偶爾都會想過黎食野飲杯咖啡，佢個菠菜蝦肉卷都幾好食！今日五點幾過黎，臨住快手食少少野，想食個菠菜蝦肉卷再搭杯青瓜latte，點知原來佢已經冇左cucumber latte。。。咁其實冇唔緊要嘅，我咪最多叫過第二杯嘅姐，落單個陣個弟弟發現冇得㩒，就問個女侍應，點知個女侍應就西哂面話而家冇啦喎，然後我叫另一杯cheese latte，之後佢就勁西話我地收6點，last order啦喎。。。我心諗我都知你收6點嘅，唔使咁寸嘅！本身open時間已經唔長，仲要咁嘅態度，sorry真係唔會再幫襯！再見👋🏻…查看更多

Platform 都嚟過好幾次。但今次先記得寫番個食評。每次嚟都係食佢地果個手撕豬，今次見到佢地有新野，就叫左個法式蛋卷配布里歐麵包，而女朋友就一如以往叫燒鴨胸配芝士Bagel⋯⋯呢個法式蛋卷入面係有一啲炒過既羽衣甘藍、炒菇、煙肉、蕃茄，面頭白色既係Ricotta cheese，整體上比較清新口味。而女友叫既燒鴨胸，Bagel係自選，佢每次都揀佢鍾意既芝士Bagel⋯⋯而今日就叫多一個菠菜蝦肉卷，個卷筒粉入面有菠菜、蝦肉、菇，面頭有個芝士汁同櫻花蝦下一次再嚟就要試佢果個港式煲蛋先⋯⋯…查看更多