PizzaExpress

收工同同事，去左pizza express。環境同服務各樣相當不錯。今日係閒日所以都都唔洗等直接walk in就可以。兩個人叫得唔係太多。味道方面不錯。僳錢可接受。同幾其他pizza店比較依一間暫時第一位…Read More

以前經過PIZZAEXPRESS門口都會聞到好香既味道超級吸引 今日終於有機會食入到去叫左個意粉同PIZZA食PIZZA個邊好脆 又唔會太厚 配埋D醬超好食 相反個意粉就有啲平庸但個面就軟硬適中所以都係推薦PIZZA希望下次可以試其他PIZZA…Read More

其實生日食乜都無所謂，最緊要係一家人一齊。所以家人話食生日飯時，太座和細妹再選這店我也沒反對。今次點咗：紅菜頭芝士，凍肉拼盤，牛油果雞肉沙律，健康輕盈沙律，煙三文魚薄餅，香辣蒜蓉意粉，蕃茄芝士長通粉，海鮮蝴蝶粉，甜品有朱古力蛋糕，芝士餅和杏仁香蕉撻。紅菜頭芝士，紅菜頭清甜，水牛芝士淡口清香，作為頭盤不錯。凍肉拼盤，有莎樂美腸，風乾火腿腸等味道一般，略偏咸，反而伴碟的火箭菜新鮮，口味回甘，令人更難忘。 健康輕盈沙律，用上南瓜、松子仁等加入沙律菜內，清新可口。牛油果雞肉沙律，菜夠新鮮，入口鮮甜，雞肉香，牛油果味濃中帶點清新。煙三文魚薄餅，這店的薄餅出名在餅底似餅乾，個人就是喜歡這個餅底，今次的薄餅外觀沒上次的美，仁芝士味就比上次香濃，味道比上次香。香辣蒜蓉意粉，蒜味非常香濃，加小小芝士粉，入口更香，今次的意粉淋硬度做得非常恰到好處，有噬口又不至於太硬。蕃茄芝士長通粉，相對意粉，這長通粉就有點過淋，蕃茄味還算香濃。海鮮蝴蝶粉，味濃偏咸，蝴蝶粉過淋，有點糊的口感，個人感覺是全晚最弱釣一道菜。朱古力蛋糕，朱古力咪濃，配上熱咖啡，入口香濃，正。芝士餅我沒試，杏仁香蕉撻，不像撻，似班戟多一點，但杏仁片加上香蕉，入口清香，甜而不膩，很好。…Read More

細妹生日飯，大夥兒一齊食飯，細妹與太座私下定好食這店，女權至上，我哋男人懶理，只要有人安排好，食得就埋位。去到先開支酒，估不到這支意大利酒還可以，雖然不像法國酒那麼香醇，但酒身夠厚，有果香之餘不太酸，作為餐酒是不錯。先點一個露笋牛肉拼盆和雙色焗磨菇作餐前小食；露笋牛肉拼盆，牛肉鮮、露笋嫩，加上碎芝士，包著一齊入口鮮甜，清爽。雙色焗磨菇分別用黑松露和芝士菠菜焗，用黑松露焗的磨菇入口味香濃，而用芝士菠菜焗的磨菇則帶點清新，各有特色。繼而要了雞肉凱薩沙律，沙律加入銀魚代替煙肉，入口有另—番風味，由於銀魚較軟身但又夠味，故入口鮮而濃的味再溶入沙律的清新內，會令人食慾大增。主菜點了四色芝士薄餅，煙三文魚薄餅，海鮮長通粉和當日廚師推介的橄欖意粉。剛出爐薄餅的底夠脆，個人喜歡它的餅底有點兒似餅乾，四色芝士的芝士味香濃，相對煙三文魚薄餅就只是不過不失，—般吧海鮮長通粉相對是今晚最平凡、最一般的出品通粉偏軟，噬口一般，味略嫌不足；反之而個橄欖意粉調味出色，清淡的味道入口更覺鮮美，但也嫌意粉偏淋。…Read More

I have never had Pizza Express before. Yes don't look at me like that. I know that they are everywhere, but Hong Kong has such an abundance of choice, food wise, that pizza never seems to pop up in my mind. Until tonight. Not being able to recall the last time I had a triangular piece of baked dough on my plate, I decided it was time to refresh my memory.Heading over to the TST branch on Ashley road, it was surprisingly full on a Thursday night and without a reservation, I had to wait 15 mins for a table. Nevertheless I spent the time deciding what kind of pizza I wanted. You can tell Pizza Express are trying to be more authentic and following the Italian way of making pizza from the listing of thin crust pizzas with the use of ingredients like buffalo mozzarella and Parma ham. If pizza does does not appeal to you, they also have a decent variety of salads and pastas to choose from as well as a nice selection of starters to tickle your appetites.Unless there is Hawaiian as an option (yes I like canned pineapple on my pizza) I like the toppings on my pizza to be as minimal as possible. Hence the Margherita Prima was my pick for the night~ When it was placed in front of me I was pretty impressed with how big it was, but then again I guess they do expect you to share Baked to a crisp, the thin crust was nicely crunchy, topped with big splodges of gooey buffalo mozzarella cheese and spread with their specially made tomato sauce. So good~!For a chain restaurant, Pizza Express certainly makes some pretty decent pizza. Will be back~…Read More

呢日我地去完海洋公園成日，玩到攰攰又冇乜點食野，所以一來到坐低就即刻睇Menu食Ｄ乜飲Ｄ乜啦，亦都好快地就揀到想食嘅野喇。主要係揀我最愛之沙律，小食、友人鍾意的意粉，再來多個餐湯啦。① 凍檸茶(Ice Lemon Tea)無限添飲 $38② 意大利甜酒配意式餅乾(Biscotti Vin Santo) $48③ 羊奶芝士蔬菜沙律(Warm Vwgetable and Goats Cheese) $108④ 焗蘑菇(Baked Mushrooms) $72 ⑤ 是日餐湯—蕃茄濃湯(Soup Tomato) $50⑥ 意式野菌螺絲粉(Fusilli ai Funghi) $110 　Subtotal: $426 + 10% Service Charge= $468.6最快來的都係飲品架喇，友鍾意飲＜凍檸茶＞，又知佢係無限添飲喎，即時唔再諗要飲佢啦，我都有試飲過，少少甜檸茶味算重喇，有３片厚檸檬，呢知價錢都好抵喇。到我的＜意大利甜酒配意式餅乾＞，我呢個甜酒通常係用白葡萄釀製嘅，酒精含量約17%左右，入口因為幾甜所以17%濃度對我就唔多覺，係意大利呢種甜酒通常都係配Biscotti同食，我就覺得幾好飲，以往食Biscotti都係跟Espresso嘅，今次係點Vin Santo食，原來都幾好食喎。之後到我要的＜羊奶芝士蔬菜沙律＞，呢個沙律份量真係好鼎盛又砌得靚靚，碟邊有幾件配烤麵包條，煙煙韌韌好食，而材料有羊奶芝士、車厘茄、 烤洋薊、蒜蓉茄子、意大利扁豆、燈籠椒、青瓜、薄荷葉、羅勒配蜜糖紅酒醋沙律汁。呢個沙律汁酸酸甜甜幾開胃好味；羊奶芝士都幾多，又係好味；而其他生的蔬菜又好新鮮，正；另外烤過的燈籠椒、洋薊、茄子唔會過熟而過淋，又係Good！其實本身我係唔食咩嘅，但曾經係北海道飲過羊奶覺得幾好飲，又係前年去土耳其食過羊奶芝士就鍾意左，令我時不時都會掛住佢，不過我仍唔食羊架，只會食羊奶芝士而已啫。到又係我點的＜焗蘑菇＞，釀蘑菇的餡料有兩款，一款黑色的釀了水牛芝士及白汁烤焗，另一款白色的則釀了混醬(馬蘇里拉芝士+香草醬+羊奶芝士醬)，配上兩款醬汁為Genovese香草汁及蕃茄醬，兩款均用橄欖油開均和，香草汁幾香略嫌油份多了，我會鍾意蕃茄醬多Ｄ，夠蕃茄味又唔酸。蘑菇細小，先食黑色釀入Mozzarella芝士的，係幾香嘅，不過食一隻已經覺得好膩喇，反觀釀了混醬的白色蘑菇雖然味道同樣濃郁，不過可能有香草醬故比較清新冇咁膩，好食Ｄ。而側邊配上的烤麵包條又唔似沙律配上果款喎，呢個有香草味，點Genovese香草汁或蕃茄醬都好食。之後先來＜蕃茄濃湯＞，因為呢個係後加嘅，所以咁遲先上枱，今次配上的烤麵包條則同配沙律的一樣，冇香草，點湯同食就好喇，當我地"疋"起一羹已經覺得好杰，放入口的質感好似食緊茄醬，真係好濃郁，濃到好似食緊茄膏咁，好勁，配麵包就一流囉。等了又等，食住枱面食物已感飽飽地，但都要再等15分鐘，＜意式野菌螺絲粉＞先到。睇落螺絲粉好杰，聞到野菌和松露的香味，材料好簡單，只有螺絲粉同野菌，杰杰的蘑菇汁均勻的佈滿螺絲粉，面有松露菌油，螺絲粉彈牙唔淋，的確幾好味，以為份量唔多，原來食落你就知飽喇，下次可以再encore噃。最後我地要用個半小時先可以ＫＯ哂所有食物，飽到不得了，好滿足。…Read More

呢度的地方幾大,可以容納多人。呢個拼盤算好食,有幾隻HAMS俾你選擇,仲可以自己揀汁上,唔錯;D HAMS唔會太鹹,味道幾岩自己的口味對於焗茄子非常失望,除了焗左太耐,有D燶,茄子好"傑",一PATPAT,好難引起食慾,只係食左幾舊就算。大家下次去時,點之前可以諗下先。PIZZA不過不失,但無咩驚喜,PIZZA厚度適中,咬落唔會太硬身,不過D配料有些少,顯得好多茄汁,下次D配料放多少少就好喇…Read More

之前知道亞士厘道多嘢食, 估唔到人都好多, 好彩book咗位, 如果walk-in, 可能會冇位................餐飲入面燈光昏暗, 每張枱只有1盞射燈照到, 談心絕對一流, 但影相就唔得喇...............仲有呀~~ 餐廳入面d伙計9成都係外國人, 點餐果陣一係講英文, 一係指個menu, 不過都唔係問題~ 香辣蒜茸意粉睇個名以為係辣, 但連我呢個唔食得辣的人嚟講, 係一d都唔辣, 反而蒜味就超勁~~ 開頭食都ok, 但食到落底時, 係勁油...............希望佢係用olive oil啦~~ 焗麵包球朋友話呢個係網友推介, 一定要試, 但試完之後, 原來不外如事.............麵包暖暖地, 應該整定好多响度, 只係reheat住, 因為好快就送到.........size一口一粒, 但un un地果3個醬都係一般, 分別係一d蒜茸味都冇的蒜茸牛油、冇蕃茄味的乾蕃茄醬、好多油的Genovese香草汁 雞肉凱撒沙律沙律用料有雞肉、銀魚柳、巴馬臣芝士、羅馬生菜、烘麵包粒、凱撒沙律醬, 可惜沙律醬太少, 其實我地又冇嘗試問佢可唔可以比多d沙律醬, 如果多d會好食好多, 而成個沙律最難食係個銀魚柳, 即係外國鹹魚, 等我唔知的時候, 一談食咗一大條, 鹹到我死, 飲哂成杯水都仲覺得好鹹, 都唔明沙律點解會落鹹魚? 美國薄餅薄餅餡料有唔辣的匈牙利辣肉腸、冇得拉絲的馬蘇里拉芝士、變咗蕃茄醬的蕃茄, 佢冇得選厚批定薄批, 可能正宗的薄餅係只有薄餅底, 但我覺得佢個邊烘焦咗, 同埋睇得出唔係用普通焗爐焗的, 所以乾身D脆口D 意式肉丸蝴蝶粉好CREAMY, 蝴蝶粉偏林咗少少, 最意想不到係D肉丸竟然變咗肉碎...........响你食完之際, 待應會嚟執枱, 然後比desert & drink個menu你, 等你叫飯後甜品, 但我地冇叫, 但不停叫佢斟女, 留响度吹水tim~~ 不過後來都冇乜人嚟食, 所以都冇人理我地~~ …Read More

早一點點的時間跟飯伴到了尖沙咀,入座的時候的Pizza Express只有2-3檯的客人,清靜的環境配上柔和的燈光,讓我享受了一頓寧靜舒適的晚餐。Baked mushroom - 6粒的磨菇加上4-5條的麵包。6粒磨菇分別有3粒以芝士焗的和3粒以黑松露醬焗的, 味道不錯。磨菇沒有焗得太過乾身的情況, 反而覺得太多水, 過份濕潤...如果可以多焗一點時間應該效果更佳。Chicken Caesar salad - 份量很多, 又有2-3條的麵包。羅馬生菜很新鮮, 芝士則略為少了一點, 雞肉則不過不失, 不過我們吃到一小舊一小舊很咸的東西, 不太清楚那是什麼....不過那個就太太太咸了...黑松露野菌PIZZA - 不太肯定正確的名稱, 就是以黑松露和菇為主的PIZZA, 味道也很不錯, 菇的份量也算多, 黑松露的香氣也充滿了整個PIZZA, 算是滿好吃的一款PIZZA。Iced Lemon Tea - 可以添飲的一款飲品, 店員REFILL的速度也很快, 但如果杯子大一點就更好了, 不用常常要店員添飲...…Read More

是日食生日飯，早一日打黎訂左枱，食七半。我地準時到左，到達既時候已經有人要拎飛等位。但點知訂左位都係要坐員工出入口旁邊，可能我地得兩個人掛。入到去好嘈，太多一枱有四五個女仔喇，我地兩個人傾計都有啲辛苦。對住左個menu好耐，因為唔知啲野幾大份驚兩個女仔食唔哂又要打包。個肥仔哥哥侍應好好人(本身諗住睇下佢叫咩名表揚佢架，但係睇唔到。)我地要左個簿脆同一個pama ham pizza，本身仲諗住叫多個沙律，問佢大唔大份驚食唔哂個時，佢竟然建議我地唔好叫住，，因為都幾大份，哈哈，佢倒緊公司米。好啦最後要左兩個，加凍檸水同一杯大既 hoegaarden。menu話凍檸茶可以無限添飲，肥仔哥哥話凍檸水都可以。唔記得左呢個叫咩名所以叫佢簿脆啦。黎既時候勁香，我諗佢地痴返埋一齊有一個pizza咁大。一黎到係勁香，口水都流埋。好脆，啲香草有小小辣辣地，食食下都有幾分飽。另外叫左個pama ham pizza。呢個真係超好味。一片片既芝士加上香濃既茄醬味同咸香既pama ham好夾，分得出層次既脆卜卜pizza，又唔會話一淡食落去唔知食緊咩咁，可以 encore！食到呢度，肥仔哥哥問我地食物o唔ok，我照直講左話其實兩樣唔一齊上會好好多，因為食完簿脆，pizza都凍左。佢好錯愕咁話，下…我明明叫佢地分開上架渦。之後佢仲話整過個pizza俾我地。但我地食左兩件，掉左去整過好哂野，因為pama ham唔可以整熟，所以無得番焗。結果經過一番糾纏之後，佢話一係你食完 pizza之後叫甜品佢 free返俾我地。一聽到，呆左，服務有無咁好呀，雖然我知 pizza同甜品都唔值錢，但如果枱枱都係咁，咪蝕左好多。食完都無諗住叫甜品，但肥仔哥哥主動拎左兩個甜品餐牌過黎，好啦叫左兩個，豬古力蛋糕配雲利拿雪糕同芝士蛋糕配雲利拿雪糕。豬古力蛋糕配雲利拿雪糕好似心太軟，但蛋糕既部分多好多。豬古力醬好好味，暖暖地既豬古力醬加上鬆軟既豬古力蛋糕再加埋凍冰冰既雲利拿雪糕簡直係 perfect match！食完好滿足，但真係太大份，食唔哂。芝士蛋糕配雲利拿雪糕再有小小士多啤利醬。件芝士蛋糕芝士味比較不足，但個餅底好足料。唔知係外面買返黎定自己整，如果係自己整，建議將芝士味提高。整體來說，食物水準可以接受，服務很好，但價錢略貴，餐廳環境比較嘈吵，談情說愛既話可以選擇其他地方…Read More

(其實是9月8日星期六, 但上面的日期欄目可能有bugs選擇不到) 今晚又約了小美美吃飯, 因為我之前在書展訂雜誌時得到此店的現金劵, 所以訂了此處, 如果沒訂座, 週末不用來walk-in 等, 當晚我訂了7:45PM, 到達時幾誇張, 我估有2、30人圍在門口, 相信可能1小時也沒有位子的, 各位請留意!店子可能樓底矮, 又全場爆滿, 嘩, 都頗為嘈吵, 但因是週末, 我覺得可接受, 可說是熱鬧、氣氛熱烈吧, 心情不同自然沒所謂呢! 點了夏日沙律、焗蘑菇、水牛芝士薄餅、飲品她了果汁、我要了無限添飲的凍檸檬茶; 甜品小美美點了乳酪雪糕、我要了Tiramisu 和 Honey share吃; 食物份量適中, 沙律新鮮、蘑菇每次也很好吃, 汁多芝士份量啱啱夠, 真不錯! Pizza不用多說, 好吃! Tiramisu都很好, moist亦有適量的酒恰到好處! 來Pizza Express吃東西就是這樣, 各分店的食物都不會"走樣"又不太貴! 間中想吃Pizza, 我會來這裡! 服務不會太妥貼因為確實爆場, 但你招手, 侍應都會分身來替客人落柯打及加水的, 至少不會扮視而不見, 我都'收貨'了! 再要提提大家的是星期六晚上七時後打電話來就考你耐性了, 因為會響很久打很多次才接聽, 我已向經理反映過了, 希望有所改善, 因為早一星期訂了枱, 前一日他打來確認了訂座, 當日我要去幾處地方, 時間有點迫怕遲到, 本來想預先改遲15分鐘, on-the-way就打來, 打了很多次一直沒人聽所以唯有盡快抵達, 幸好只遲了5分鐘, 枱子還在呢! 否則都不知要等多久才可再有枱~~~ OK, 下次我會再來因尚有一張現金劵未用啊! (^_^)…Read More

今晚約左4個大學同學出黎食飯，原來想食pizza hut，但是尖沙咀區好似無，所以揀左間高級版，就是Pizza Express。焗麵包球熱辣辣既圓碌碌麵包，見到都已經好想食，外層脆脆地，入面暖笠笠，可加蒜蓉牛油、乾蕃茄醬或 Genovese 香草汁。牛油融化在熱既麵包上，令麵包更香，更美味，而香草汁都唔差，好清新，不過我比較欣賞乾蕃茄醬，蕃茄味道濃郁， 好似食緊港式pizza包咁。主廚精選沙律食正餐前，當然少不免要點一客沙律，一黎清一清腸胃，幫助消化，二黎可以打下底，幫手隔一隔主菜的油。沙律的材料好豐富，有雞肉、火腿、芳堤娜芝士及 emmental 芝士、雞蛋、 橄欖、酸豆、車厘茄及青菜，撈埋佢地既招牌沙律醬，感覺好Fresh，認真開胃。帕爾馬薄餅我最鐘意食薄批，既香口又好脆，有好多料，包括：帕爾瑪火腿、ricotta 芝士、巴馬臣芝士、迷迭香、 意式玉米粉 (不含馬蘇里拉芝士)，咸咸地既帕爾瑪火腿加埋芝士的香味，真係好好味，如果火腿最後先放上pizza，味道應該更好。廚師的火侯控制差左少少，個pizza焗得耐，所以批邊焗「lone」左，低整體還可以。意式野菌螺絲粉螺絲粉的材料有意大利野菌、螺絲粉，以蘑菇汁慢火炒至均勻，最後再加上松露菌油，侍應未上檯已經嗅到野菌及松露的香味，完全征服了我。松露菌油絕對有畫龍點睛的作用，大大增添了螺絲粉的香味，而且螺絲粉充滿彈力，好彈牙，下次可以encore。馬莎拉雞肉長通粉馬莎拉雞肉長通粉有雞肉、portabella 蘑菇及長通粉，並以淡香馬莎拉酒及百里香醬汁同埋巴馬臣芝士，香草味濃郁，加上芝士的咸香味，味道調較得岩岩好，雞肉雖然都有d肉汁，不過有d老、質地有d“諧”，可以做得更好。全程晚飯在「那些年」既回憶同歡笑聲中渡過了2小時，然後散會各自回家。…Read More

本打算book尖沙咀另一間能主海景的分店, 不過9月booking全部full 了!!只好預訂亞士厘道分店。約7時半到達, 差不多全部空位, 爆滿!!燈光有點昏暗, 適合情侶, 不過有時太過嘈吵, 不能談情~~哈繼續encore麵包球, 不過牛油賣相有點那過...但總結味道都ok!有雞肉及芝士做主打的salad, 還配有麵包, 味道不過不失, 但下次會試第2款這個Alba 136 pizza, 有spicy sausage, mascarpone, fennel seeds, permesan, 味道一流!!! 當中的忌廉芝士好好味!!不再熱氣的pizza了, 是長通粉, 我也幾喜歡白汁味道, 但友人卻不推介呢~最後叫這個新pizza是 Padana, 配料是 goats cheese, spinach, caramelised onions garlic oil, 味道有點怪及太濃味, 味道不及之前的那個。可能是因為焦糖洋蔥。…Read More

之前聽過朋友說這邊的煙三文魚薄餅很好吃, 就約了男友來試試不過去之前吃了點東西, 所以就點了一個PIZZA&SALAD~PIZZA邊脆脆的軟硬適中, 配上三文魚+檸檬汁正但小女喜歡多點芝士, 如果再多點就好了~!Salad不過不失, 就是普通了點。環境不錯有很浪漫的氣氛, 跟男友邊吃邊談談心, 渡過了開心的一晚。…Read More

是日跟一班好友聚舊, 順道跟筆者慶祝牛一. 好友小紅姐幫忙選擇餐廳和訂枱, 真有大家姐的風範! 平日晚上八時正到達, 幸好有訂枱, 估不到是full house. 侍應安排了一張大圓枱, 平常西餐廳也只有長方桌提供, 真好! 這樣較容易傾談, 不用小圈子交談呢, 氣氛較好. 現場環境不錯, 燈光柔和又不過份昏暗, 感覺自在, 沒有像中環總店的那種侷促感, 無論情侶, 一班朋友, 三五知己也適合. 是次點選了Baked dough balls (HK$49), Baked mushroom (HK$70), Chicken Caesar salad (HK$107), Peking duck pizza (HK$134), Four season pizza (HK$131), Pollo al marsala (HK$110), Spaghetti ai frutti di mare (HK$110). 先試試Baked dough balls, 一共有九粒., size小小的, 賣相有點似一口酥. 配上牛油, 香草汁和蕃茄肉醬. 焗麵包球味道中規中矩, 軟硬度適中, 筆者三個醬汁也有試, 但配蕃茄肉醬則最得筆者歡心.接著則試 Baked mushroom, 碟上只有六粒, size 也是小小的, 另又附上六條麵包條. 試一口Baked mushroom, 蘑菇頗濕潤, 沒有焗至脫水過乾., 口感度okay, 配上上層少許的焗芝士, 味道普通. 筆者沒有試麵包條, 未知味道如何. 之後吃Chicken Caesar salad, 分量頗多, 材料很豐富, 有四條麵包條, 雞肉, 芝士, 羅馬生菜, 銀魚柳粒. 還有沙律醬可即時混上. 試一口, 羅馬生菜很新鮮, 加上芝士香和沙律醬, 非常清新好吃. 雞肉是整碟沙律的精髓, 是筆者吃過的chicken salad中最嫩滑的, 真的意想不到. 因為大部分用作沙律的雞肉也是鞋的, 是次有驚嘆的感覺. 唯一不太喜愛的是, 銀魚柳粒真的非常鹹, 完全接受不了. 友人大多到齊了, 可以上主菜. 先來Peking duck pizza. 小紅姐果然沒有介紹錯, 北京填鴨薄餅, 材料配撘非常新, 味道竟然出奇地美味. 侍應細心地詢問多少人分享, 並安排廚房分切成足夠的件數. 材料非常簡單, 有鴨胸, 芝士, 海鮮醬,蔥. 估不到擦出的火花是那麼奇妙. 薄餅餅底薄而脆, 味道有鴨胸的肉香, 再加上甜甜酸酸的醬汁, 再配上芝士香, 真的不錯! 之後的Four season pizza, 友人選它是因為每售出一個four season, pizza express 便會捐出八元港幣給慈善基金. 原本的four season 分四部分, 每部分呈現獨有的風味, 由於我們人多, 每人也只能分享部分風味, 很沒有意思呢, 最終侍應建議將所有材料mix 成一個風味, alright, 即管試試. 材料有磨菇, 辣肉腸, 芝士, 橄欖, 酸豆及銀魚柳.很豐富似的,賣相也okay, 但味道則令人有點失望.怎樣也吃不出各種材料的香, 餅底也不夠脆,也太粉了,遇上有銀魚柳的那塊嗎, 鹹得要命呢!很不濟. Pollo al marsala, 即是香辣海鮮意粉. 材料有蝦, 蜆肉,青口, 魷魚, 分量適中.由於筆者近期怕敏感, 沒有品嚐這些海鮮, 只是淺嚐意粉. 意粉不是al dente, 醬汁配上微辣的茄醬, 味道非常普通, 不特別讚. 至於Spaghetti ai frutti di mare, 則是白汁雞肉長通粉, 以雞肉, 磨菇, 芝士加上一些香草組成. 好友們大讚這個長通粉很好吃, 不過筆者覺得味道有點兒淡, 醬汁質地很厚, 但好像不足夠, 以致長通粉很乾似的. 咬口可以, 也不過份淋. 席上聽到美女空姐朋友的好消息，Congrats! 真的可喜可賀．…Read More