Penthouse

生日飯好少係銅鑼灣今次咁啱係係呢邊做嘢就順便係度食埋..位置有啲難搵🤪一開lift就有waiter笑住服務你，呢點好好環境以貴價餐廳來講就一般般…冇話特別靓食物都OK嘅～～甜品雖然冇影到相，但係我覺得佢地嘅甜品先驚喜～～你地去嘅話可以試埋個甜品🍮…查看更多

星期六同朋友去銅鑼灣搵好野食，之前有朋友介紹話呢間不錯，即管試下。龍蝦意大利飯賣相一流，味道濃郁，但又唔會太咸。啲飯既軟硬度岩岩好，粒粒都充滿住龍蝦湯既味道，加埋厚肉的龍蝦蟹鉗，呢碟野我比100分。 朋友叫左和牛budget, 質素一樣咁好。面包外脆內軟，肉質夠juicy, 最緊要係一刀切落去唔會散曬。不過佢啲薯條就一般，略嫌唔夠厚身，不過口感都實在既，唔會咬落去全部都係粉既感覺。 講真呢度價位算高，不過餐廳係30樓，夠高望到維港，計埋個景觀都值得再去咖。…查看更多

入到間餐廳感覺到裝修幾靚 又有落地大玻璃望到海景 感覺幾好 但係個侍應擺得menu就一句毫無修飾直接問“飲啲咩” 我以為自己去左茶餐廳食到一半又係用埋啲非常“倔”嘅語氣問我地“啱唔啱食？” 好似畀人審犯咁叫左甜品 叫侍應畀枝蠟燭我地 佢就推介我地要一枝煙花蠟燭 “加廿蚊咋嘛 唔係無錢畀呀？” 真係好火滾呢位侍應係全程都係西面嘅 不帶笑容 仲有餐廳大部份侍應都係無帶口罩！食物質素都係好一般 無乜特别 性價比好低喺呢間餐廳嘅體驗非常差…查看更多

同老婆大人慶祝生日，卻發現意外的驚喜。提早了預約就可以坐海景位，環境清幽，店員服務態度十分良好，定期會問你有冇特別野需要，又會叫你慢慢坐下先上甜品，食物非常優質，絕對是慶祝生日的不二之選！…查看更多

Penthouse 主打慢煮料理 午市有半自助餐或 定SET套餐可以食淨係沙律吧又得,本身佢個沙律吧已經好多野,唔夠食先再決定加飯或意粉都未遲午市沙律吧任食BUFFET 百幾蚊幾抵食 有煙三文魚 冷盤凍肉火腿 麵包多士 沙律菜另有大蝦 凍螺肉食 所以淨係冷盤前菜沙律都幾夠,最後都無加主菜蝦肉鮮甜爽口夠大隻 螺肉乾淨無異味彈牙鮮味 札肉片越式沙律個味幾清新甜品吧都有幾款一口尺寸既芝士蛋糕 布甸 慕絲杯等等包一杯咖啡或茶 最後照例都係檸檬茶走糖 茶味夠香濃好飲 Penthouse銅鑼灣登龍街1-29號金朝陽中心2期Midtown30樓評分7/10消費$150…查看更多

一行四人銅鑼灣staycation ，由於不能在家開餐，這幾天的開飯地點一早已經安排好。今天午餐找到了這間最近劇集經常出現的登龍街某大廈頂樓餐廳。位置方便，到達的時候也發覺空間感很充裕，座位非常多，也有露台位置給客人選擇。由於是大落地玻璃外牆，所以光線非常充足，如果想搞派對的朋友們也可以選擇他的VIP房。座位方面有長枱和圓枱給予選擇， first impression 良好。今次是透過OpenRice訂lunch，到達後立刻看看他們的lunch 和A la carte menu。由於兩個菜牌都有他們吸引的菜式，所以決定兩個都選擇一下。幫死肥仔和叉燒妹點了他們的最愛， Pizza和burger。Pizza Margarita 最合叉燒妹口味，基本上有芝士她就已經滿意。味道正常，個人口味覺得個薄餅不夠脆身，如果可以在薄少少就更加分。Wagyu burger 的肉patty 不是最juicy, 老實說也不是特別吃得出它是Wagyu，好像欠缺了那份牛肉油香。Lunch menu 先來一盤麵包，以fine dine 餐廳來說，算是沒有驚喜，不過叉燒妹非常喜愛那個pesto 醬。頭盤方面我們全部都點了一份，tomato mozzarella cheese 味道不錯，蕃茄新鮮，加上清淡的mozzarella芝士，小朋友至愛。Parma ham 的鹹香加上蜜瓜的清甜味和醋酸的點綴，新鮮好味。西湯方面也是兩個也試了一下，海鮮湯味道濃郁，阿辣妹表示歡迎。蘑菇湯質地非常杰，不過個人口味覺得餐廳把蘑菇礳得太細，如果有返少少蘑菇碎的話口感會更一流，最好當然可以增加cream嘅味道。Main 就點了蜆肉意粉和燒豬腩。蜆肉沒有over cook，也是卜卜蜆方向比較爽口，阿辣妹佢沒有投訴。燒豬腩上菜時以為它會比較乾身，但是入口又發覺還是不錯的，個人希望可以有更濃郁的炭燒味。由於這兩天都想請一下，所以我們也加了free flow champagne , 一般來說這類型的餐廳的服務員到你差不多喝完一杯才幫你加酒，但是這間餐廳啲服務真的不錯，基本上我們喝過後把杯放下他們便立刻過來。另外上菜時的服務也真的不錯，由於他們知道有小朋友，所以每一次上菜他們都會幾個人過來幫我們在桌上騰出空間，值得一讚。總括來說也是一間可以encore的餐廳，有機會可以再嘗試他們的晚餐Menu，加上海景應該是一個不錯的選擇，其實最希望是可以攪一個party, 等等。…查看更多

地方正，海景正，招呼亦都唔錯，氣氛亦都營造得相當浪漫，好適合情侶嚟食飯。頭盤係用咗北海道嘅scallop 做carpaccio配上truffle sauce 嘅cream，個cream嘅質地做得幾特別，有啲似雪糕嘅質地。跟住配一個蘑菇湯，非常濃厚嘅truffle味，其實本身個湯嘅味道都已經幾好，配個truffle基本上將整個湯嘅味道再提升一層。個牛扒煮得啱啱好，其實個味道係唔錯，但係肉質有些少靱，所以反而呢個主菜令到全晚失色咗少少。至於甜品，我覺得非常普通，基本上每樣都有啲咁，唔係太特別！整體來講，配合環境、燈光、氣氛、海景、食物我覺得係可以接受嘅。…查看更多

總結1. 第一次食必叫Set lunch！因即使有App半價都唔夠Set lunch平（$300+1 ）！2. Lobster risotto出奇地大份！好味3. 景觀唔太開揚 勝在夠高 遠眺Megabox為咗慶祝生日，係App Book咗1300去呢間Penthouse由登龍街有電梯大堂 上到頂樓就到啦～入到去店員都有禮貌 冇話因為Book半價而差別待遇（亦可能係因為個半價都唔係好用得著）叫左Set Lunch 有麵包 前菜 餐湯 主菜蘑菇湯真材實料 海鮮蕃茄湯非常鮮味Mozzarella普通 Parma ham with melon清新開胃Pork rib作為主菜份量略少 Lobster rissoto 好味 好味 好味！龍蝦原隻上 Rissoto以海鮮濃湯製作 唔會過膩係是日MVP甜品無特別另外加左個Crab cake三款醬各有特色 有酸有鹹 兩人Share試晒啲醬都食晒～…查看更多

My wife and I came for lunch and ordered 2 set lunch.  We had the tomato & buffalo mozzarella and the 24 months aged parma ham for starter, pumpkin soup and lobster risotto plus Spanish char grilled pork loin for main.  The ingredients from the starters are fresh and the portions are just right giving you room for the soup and main course.  The plating of the char grilled pork wasn't too appealing though it was tender and tasty.  The lobster risotto was rich in taste that I consumed it in just a few minutes.  The set came with mini desserts which perfectly wrapped up the meal.Food aside, you'll get to enjoy the harbor view with the window seats.  Staff were attentive and friendly and I do see myself visiting again soon.…查看更多

最主要大家都係重點係價錢到我4個人$2200到當然食物既野有平有貴Crab cake 係呢到既signature的確唔會令人失望但其他食物就普通左dCaesar salad, Prime Rib Eye 都okay但叫左個pizza 就真係太普通！好似平時d frozen food 擺入焗爐咁但服務質素就真係好好好細心， 會過黎換碟又唔會一次過擺哂d野上枱至於景觀就比後面座野block 哂加上隔離d燈都幾勁...反而無吸引力但因為係朋友生日可以預早訂生日牌佢會有支細煙花比你呢set野38蚊 只要你叫任何一個dessert 就得叫左個dessert 併盤 個wasabi 既cream 好得意重點係....成個併盤都係好食既！…查看更多

同一班同事嚟食lunch，食完都好好人～😍俾咗間房我哋坐！-因為疫情期間，本身出面有半自助餐都取消咗😭😭但係職員都會好好攞唔同嘅前菜入嚟俾我哋食🤣🤗-傾傾吓計主菜就嚟咗啦😍係佢地最signature嘅crab cake😍😍有超多蟹肉😋點埋個sauce超正😋😋-之後仲叫左個flat iron~5成熟煮得啱啱好😋😍牛肉都好濃郁💓-呢餐食飽好滿足呀😍食飽繼續返公司做嘢，都仲回味緊個蟹餅😹😹…查看更多

好正嘅外賣自取，揀左A餐黑毛豬腩配黑椒汁，用openrice落單比錢超方便，半個鐘後攞得。返到公司同事個個都眼紅呀，超惹味嘅黑椒汁，豬腩肉好淋身有肉味。格外追加南瓜湯$15就不過不失啦，反而個前菜有驚喜，留返一陣3點做下午茶，健康又好食。無諗過外賣都可以整得咁好。值得一讚嘅係去到餐廳外賣未準備好，但餐廳同事都好nice咁叫我坐低等等，仲問我要唔要水。$68蚊一個外賣，咁嘅服務咁質數算係咁啦，值得推薦 …查看更多

Set menu for two persons👫($1428)2個starter, 1個湯，2個mains，甜品拼盤，2杯酒🥓24 months aged Parma ham 呢款意大利巴馬火腿用左24個月去風乾，味道較18個月的濃郁，配上少許芝士，黑醋醬食，中和返個咸味🦀Signature crab cake擺盤非常精緻，蟹餅上面係牛油果醬，旁邊有芒果salsa同埋蛋黃醬，配搭埋一齊好好味，個人較喜歡配芒果salsa食，感覺比較fresh，帶出到蟹肉鮮味🍄Porcini Mushroom Basque牛肝菌營養價值十分高，有8種人體所需嘅胺基酸，味道同松露出奇地夾，所以成個湯好濃郁，好飲😋🍝Truffle Tagliolini Pasta片片嘅松露，大量Percorino Cheese灑在意大利麵上，食落覺得好香，又唔會覺得乾，因為個醬汁濃稠度調較得岩岩好🐮Coal grilled aged US Prime Ribeye steak同平時出開嘅ribeye steak好唔同，因為佢係碳烤，食落特別香，外脆內軟嘅感覺，肉質嫩滑，油脂分布得好均勻，係我暫時食過嘅ribeye當中排no.1🥇🧁甜品拼盤擺盤好靚，有4款甜品，當中有個macaron味道不錯，慶祝生日可以加錢有個生日牌，仲有支好似煙花嘅蠟燭🕯️餐廳環境舒適，燈光昏暗，有海景，適合慶祝節日…查看更多

男朋友生日揀咗呢間餐廳，曾經獲得米芝蓮推介，服務態度一流，而且氣氛都好好🥰不過佢位於大廈嘅頂樓，小編行錯去一期，電梯明明有餐廳嘅logo，但上到去又發現去唔到🧐最後都係搵咗一陣，原來二期嘅入口係另一條街。🧚🏻‍♀️Penthouse Crab Cake 💰$198呢個係餐廳嘅必食推介，食落蟹餅幾乎九成都係蟹肉，口感煎到啱啱好，仲保留左蟹肉原有嘅質感，食落一梳梳🦀非常鮮甜。蟹餅嘅調味唔重，旁邊配咗三款醬汁，分別係牛油果醬、芒果莎莎醬同蛋黃墨西哥辣醬，三款都好特別，牛油果醬更加帶到蟹肉嘅鮮味😋👍🏻👍🏻👍🏻🧚🏻‍♀️Prime Rib Eye Steak 💰$490食落有燒烤嘅焦香味，肉質軟淋，油脂感唔算重，但係略嫌肉味唔夠濃郁，係一塊合格以上嘅牛扒🥩但就未至於好驚艷。🧚🏻‍♀️Linguine Vongole 💰$258白酒蜆肉蒜蓉意粉🍝闊意粉口感偏硬，而且醬汁唔多，成個意粉嘅調味主要係炸蒜同埋蜆肉嘅鮮味而成。蜆肉非常新鮮肥美，烹調時間亦啱啱好，食落唔會過韌，仲好juice🤩🧚🏻‍♀️Vairhona Caraibe 66% 💰128係由分子雪糕同Tiramisu 組成嘅甜品，Tiramisu 口感同味道都正常，而且唔會過甜過苦，即使食咗咁多嘢都唔覺得滯。而隔離嘅分子雪糕🍦就更加有驚喜，入口即溶，朱古力味濃郁，甜度適中。訂枱嘅時候講明慶祝生日或者紀念日，仲可以喺甜品加購煙花蠟燭🤩慶生一流👍🏻小編仲有叫咗蘑菇湯同薯條，但就覺得冇乜特別🧐不過當日嘅整體體驗非常好，最有印象係當日嘅侍應都好有禮貌好熱心。而且佢窗邊嘅位置可以見到海景，餐廳嘅氣氛亦非常唔錯，值得推薦。味道：7.5/10環境：8.5/10CP值：7.5/10…查看更多

和好友二人在BOOKING APP預定中午12.30黎食Lunch. 一入到去，白色衫男侍應很熱情（似係大粒嘢），跟住黑色衫侍應帶我哋入座，坐係中間sofa位。由於我哋係第一檯客，見靠窗位可以影下相，就問佢有冇得轉檯（我哋未落order)，個黑衫侍應話啲位俾人book座。但其實係平日，我哋食佐一個鐘，都係入佐4檯客到，靠窗位跟本冇人坐！擺明係個侍應唔想幫我哋轉檯！到落order嗰時，我問侍應Steak Diane有幾大，佢比劃佐類似兩個手掌咁大，但上菜先知小到可憐！跟住落佐個Pork Ribs, 量好多！好好味！仲要平過我個所謂手掌咁大嘅「Steak Diane」食完飯，個黑衫男侍應話我哋可以試下甜品，有優惠。我哋睇佐menu，不算太吸引，就冇再落單。重點不是嘢食唔得，係個男侍應態度好有問題！我哋係booking app訂有半價，佢就好似好西面，不是很想服務我哋。例如我哋入座後，完全冇拎紙巾同濕紙巾俾我哋，係我問佢有冇mask cover，佢先拎紙巾俾我咋！但係後尾隔黎檯三個人入黎食，佢又好快送上乾濕紙巾。我同好友二人feel到佢有啲睇唔起人，講真，你哋半價後都唔算好平。服務態度差到咁，以後唔會再幫襯！見係半價客就可以咁樣態度？我真係第一次見。用booking app食其他餐廳，都係半價，但人哋侍應好熱情好有禮貌wor！奉勸Penthouse, 全港唔係得你哋一家餐廳，宜家疫情底下，好多餐廳都有discount, 我哋不是非食你不可。本身抱著試試的心態，啲嘢食僅供參考，量少就算，侍應仲區別對待客人，真係好失望！…查看更多