Patisserie Jeffery Koo

同事仔生日、決定想買個特別啲嘅蛋糕！見到patisserie Jeffery 的蛋糕非常特別、純粹因為比佢嘅樣貌非常吸引，所以買了！希望同事會鍾意！因為我趕住返工嘅緣故！等唔切生日蛋糕上寫名！職員很好、幫我放了一個心形的Happy birthday牌！好有心思！今次選擇了朱古力脆脆的蛋糕！加上有海鹽焦糖炮谷！蛋糕賣相吸引之餘，味道亦出乎意料好味！果種好味唔單止唔會太流而且亦都唔會太甜！最後生日嘅同事仔都非常鍾意呢個蛋糕！覺得又睇得又食得！不過價錢就有啲貴！…查看更多

這是一個擁有漂亮的外表的故事, 這天跟太座經過K11底層行了一圈, 這層有幾間餅店專櫃, 但偏偏往往眼球被外表漂亮的東西吸引乃人之常情, 的確這餅師的構思及完成度係比較突出的, 可見的是絕大部份糕點在外形上是找不到次點的, 亦即是說稍有次點的東西在製作途中應該都被癈棄了, 之所以點解一個如此細小嘅球體要賣咁高價位, 不過老實講, 球體內的什麼慕思呀! 果肉呀, 食完都感覺唔太到----因為真的好小, 一啖的幾秒內由舌尖到大腦去分析拆解每一夥分子, 能夠做到的只屬於一小撮人吧! 這次買的兩件餅, 球體的一個只能滿足視覺上的慾望, 味覺上只能說係一點點慕思加小小芒果肉粒啩, 無法詳述, 反而另一個提拉米芝感覺正常一點, 沒一般的甜, 但芝士又好像沒有平常的滑, 所以擁有漂亮的外表但內涵通常都.........下次還是去買"HIRO”吧!…查看更多

一向對甜食冇乜研究不過Best Friend生日 想搵件吸引眼球嘅Cake同佢慶祝去到K11門店先明星級餅師好似好有來頭櫥櫃好多款精緻蛋糕仲有好多人排住隊訂蛋糕原來有心嘅人唔止我一個選擇困難症嘅我 最後決定要Lychee Rose Mousse Cake & Green Apple Jasmine 可能因為玫瑰花太靚我同朋友都唔忍心做摧花之人第一口都係向Green Apple Jasmine進發原來呢個係一個令人喜出望外嘅蛋糕食落去平平無奇之後卻有一下回甘的後勁我地抱住期望嘅心情試荔枝玫瑰慕絲蛋糕但可能呢個蛋糕本身比較清淡要連埋圍繞住蛋糕嘅朱古力先會恰到好處整體黎講 都幾好食 冇揀錯同埋要俾番Credit自己 醒目仔買兩件 影相又好睇D 又可以試多款口味…查看更多

因為好姊妹生日，有機會黎到Patisserie Jeffery Koo呢度買生日🎂食。門市處於K11，鬧市集中地。 店鋪面積雖小，五臟俱全。除左蛋榚，正值新年期間，仲有用朱古力整gei一盆盆桔出售。另有Chocokoo Workshop schedule 提供客人預約。雖然在鬧市開門市，但蛋糕價位亦大眾化，唔會太離奇，size 有大中小選擇，而價錢約$50到$300/$400不等。蛋糕賣相吸引之餘，味道亦出乎意料好味，個種好味唔單只係唔太甜咁簡單，而係朱古力味道香醇，又唔會有”溜”的感覺！好正！…查看更多

今日友人又好好特意走去K11買蛋糕返黎做SURPRISE 今次佢去既係JEFFERY KOO雖然行街時都經過呢間舖頭好多次，但因為無堂食既關係，所以從來都未試過幫襯今日友人買返黎屋企先係第一次食外賣包裝係咁既，唔係走高貴路線，我覺得個包裝似可愛路線多D友人買既係士多啤梨檸檬撻同埋EARL GREY CHOCOLATE TART睇落好靚好精緻，尤其係個士多啤梨，相信小朋友見到會好鐘意明唔明點解我話係甜品多過係蛋糕？因為呢件甜品清蛋糕既比例真係好少，就係只有入面最底少少既朱古力蛋糕成個蛋糕都係MOUSSE唔知道大家小時候有無食過紅綠燈雪條？最面對個層crust就係雪條最面層coating，甜甜地既個MOUSSE係有berry既味道之餘仲有少少檸檬味，個心入面都係BERRY啦，如圖一樣紅紅地色食得MOUSSE就一定甜架啦，我認為莓味本身係幾FRESH既，但係我個人諗為兩個人SHARE 一件好D，就算係細細件都好。第二舊介紹啦 － EARL GREY CHOCOLATE TART又整一張橫切面先呢個EARL GREY既味道其實幾濃，連朱古力呢類咁重味道既野都掩蓋唔到同士多啤梨個件一樣呢，蛋糕既PORTION係好少好少，主要既成份都係MOUSSE同JAM今次呢舊既層次就比士多啤梨多，而且相對味道都無咁悶，食黎食去到係莓味呢個食到D EARL GREY TEA既味同埋朱古力味因為唔係我去比錢買呢兩次CAKE，所以我唔知道幾錢，但係我相信自己都唔會俾錢科水買下一次我鐘意食蛋糕，但係呢2舊我覺得都係甜品之列，成舊都係MOUSSE咁滯雖然我都鐘意食布甸、啫喱，但係我覺得MOUSSE既配搭一定要加D 蛋糕既元素先無咁悶同漏同埋老實說呢，雖然莓味黎黎去去都係個D味道，但係唔知點解個種莓既味道好悶有D假仲有就係個外賣包裝啦，我覺得唔高貴同埋有D唔靚囉⋯⋯同佢店舖既裝修比真係幾大出入，有D估佢唔到…查看更多

生日經常買連鎖式蛋糕，有時都希望有點新意！今天經過k11，底層有很多蛋糕店，連鎖的都有幾家，走著走著，看到這家店，被它們蛋糕特別的外型吸引住，雖然價錢算貴，但好朋友就是捨得！選購了3件當賀它生生猛猛😂很老土，純粹是因爲我們仨，第一件是紅莓加白朱古力，吃下去酸酸甜甜的，挺開胃！中間的是朱古力配果醬，純粹被外型吸引著所以買，很適合我的朋友😍第3件因為它顏色很特別，柑的味道，但幸好選的味道不算太甜！下次再試其他款！😋…查看更多

Happy Friday! 係k11隔離食完lunch想買個dessert give a treat to myself. 本來想找焦糖燉蛋布丁，但好像成個K11都沒有。經過這間cake shop見到 d cake好colorful，和同事看完其他cake shop之後決定回來買這間。點知本來看到淨返一件的橙黃色柚子蛋糕剛剛比隔離客人正在購買中。。。😣😣唯有揀其他款式，揀佐件類似的紫色焦糖紅桃蛋糕同朱古力蛋糕。焦糖紅桃蛋糕外表非常吸引，近看紫色外層好像閃令令似的，有一朵白色朱古力小花做點綴，完全找住少女心😍切開一少片，望落去好似一片切開的皮蛋咁，好得意! 唔會散又唔會一pat咁。唔太甜，感覺唔會好似食佐好多糖落肚咁，不過cake都應該用很多糖整，唔太甜，就無咁罪疚感😋因為和同事share食，一切件朱古力，可能因為脆皮關係，會成件自動解體。味道ok, 但食一件就會太溜，好彩和同事share. 個人覺得紫色的焦糖紅桃蛋糕比較好吃。下次想試下綠色外型cute cute的蛋糕同埋今次試不到的橙色柚子蛋糕。完全能夠將office的stress加一點甜。題外話見門口加牌寫著個師傅係星加波定馬拉(唔記得清楚)做pastry chef，個人覺得d cake確實算做到酒店質素。…查看更多

友人C的因緣下, 到上址選了四款件裝蛋糕, 這餅師主力賣外型/ 顏色配對, 絕對是針對時下年青人市場, 價格也是相對的趕潮流, 全部差不多都是均一價$48 /件, 總括四款的味道都是"不太甜, 但又唔係唔甜" *外型最突出又跟名字首尾呼應的要算是Caramel Yuzu Green Apple , 味道除了焦糖唔太出之外其他的味道都食得到, *Strawberry Breakfast Tea Cake 要算是最跟唔到相片的一個, 那粉紅色同士多啤梨的聯想似乎落差甚大, 味道也是同樣無論是早餐茶或者士多啤梨兩樣都走不出來,*Earl Grey Milk Chocolate 外型,顏色走沉實路線, 味道也是平淡一點, 可能因為同場我們放了一個黑巧克力在其中, 有比較的情況下, 奶茶始終會被比下去,*Crunchy Dark Chocolate 72% 外型是典型巧克力磚上加一幾轉巧克力松露, 而濃厚嘅巧克力會是大部份巧克力迷的心頭好, 容易被人誇獎係意料中事, 事實這的確係唔過甜又唔苦,四伋件餅每件都是$48, 個人覺得係貴, 因為尺碼是加細, 或者呢幾年大家都習慣咗呢種尺碼嘅蛋糕, 但事情繼續發展落去, 將來的糕餅應該進化到去一個怎樣嘅境界呢!…查看更多

喜歡Jeffery Koo 的蛋糕，尤其是那玫瑰花系列⋯⋯嬌艷紅色，浪漫紫色，還有香檳色的玫瑰，每每當壽星女收到，一定非常開心一直覺得，他的蛋糕是特別為女性設計，最喜愛那份紅色，配上金箔，喜慶的感覺，心花怒放，內裡的朱古力脆脆，令人神往⋯⋯反而最近推出的綠茶系列，個人覺得偏甜，綠茶味唔夠突出，但那花形的白朱古力名牌，內裡原來是夾著棉花糖，這樣的名字牌又幾有心思耐何每次預訂蛋糕，請他們寫祝賀字句的話，英文字體寫得唔錯，但中文字體就略嫌欠缺秀麗明白的，中文字體確實難寫但就是因為這個蛋糕，做就了我，成為了他們的會員只需$450加入他們會籍，當次買蛋糕即時扣減$200, 之後第二次購買他們產品即享有一次性八折優惠，日後再買其產品仍有九折⋯⋯另外還可以參與一次他的工作坊⋯⋯就是這樣，我便順理成章參加了朱古力月餅工作坊地點在柴灣工廠大厦內，每班大概20人教室內，廚師頭頂位置有一塊大鏡，就算坐得較後位置，也看得非常清楚，這樣安排，非常細緻當天示範的是奶黃朱古力酥皮月餅和無糖榛子朱古力月餅，兩種月餅，各具特色令人最興奮的是，月餅熱騰騰從焗爐中拿出來時，那份酥皮的香味，簡直難以抗拒金箔朱古力無糖榛子月餅，內裡猶如朱古力布甸，黑朱古力溶在口腔內，在現塲嘗到那份感覺，門市是永遠購買不到同場加映精美甜品試食，單單睇，已經目不暇給因為適逢近中秋, 最後還有當日的VIP chocolate fair , 很多產品都有優惠⋯⋯比門市的價錢更具吸引，那天簡直大豐收是次工作坊，能夠和大師近距離接觸，真的非常興奮今次入會，買蛋糕有折、和大師近距離接觸，還可以用最優惠的價錢買到心愛的朱古力月餅，簡直是一次過滿足了三個願望…查看更多

夜晚約左好朋友食生日飯，於是Lunch Time就去K11望下買咩Cake比佢。一行到店面，已經見到玻璃櫃內有好多唔同款色嘅精美甜品，絕對吸引女士眼球！遇上服務態度好好嘅職員為我介紹，最後揀左Best Seller第一位嘅櫻桃黑朱古力蛋糕+荔枝玫瑰慕絲蛋糕。比完錢，講低左收工後先黎憑單取貨。晚飯完畢，某餐廳侍應幫我將2件小蛋糕上碟。好怕食甜食嘅朋友都話好驚喜，外型高貴不在話下，鮮紅色嘅荔枝玫瑰好清新，明明係Mousse但食落完全冇甜到漏嘅感覺！而粉紫色櫻桃Mousse配上黑朱古力加蛋糕加底層有d脆脆，食落口感有層次好Match！另外Jeffery Koo個K字牌仔都係用黑朱古力做成，2個Cake仲有唔同樣式，好朋友K小姐覺得特別有意義…查看更多

之前試過佢出名嘅玫瑰蛋糕，今次咁啱有vouchers，又咁啱母親節佢出咗呢款朱古力鑽石玫瑰荔枝蛋糕，見個樣好靚，就訂個畀母親。我吔唔多人，所以只揀咗一磅嘅，佢另外仲有大啲嘅類似款式。鐘意佢啲蛋糕除咗靚之外，唔會好甜，好啱爸爸媽媽食。講番呢個蛋糕，上面嘅"鑽石"係朱古力做嘅，中間空心。另外近乎金色嘅K字牌、蛋糕面嘅裝飾同埋外圍包住嘅都係朱古力，但冇牛奶朱古力咁甜，好啱我。內層就係海棉蛋糕夾住一層荔枝蓉和一層玫瑰慕絲，絕對唔係hea整嘅慕絲，感覺好特別同清新。至於個白朱古力牌係訂購時免費加嘅。訂購方面都好方便，兩至三日前於上網或者電話訂都得，上網訂就網上畀錢，電話訂就要再到門市畀錢，要用voucher關係，所以都只可電話訂同門市畀錢。…查看更多

第一次食，行過k11忍不住買左3件。因為賣相精緻好吸引。。。朱古力榛子，味道幾好，不過太甜，賣相好令。。。呢外一件味道好清新，吾會太甜，粉紅色雲石紋好令，好味。。。。。…查看更多

經過k11 basement , 被各式各樣的甜品朱古力店吸引。剛巧見到甜品大師的店舖就自自然然行了入去！ （其實即係餵食啫😏）呢度的甜品好精緻，門口仲有個大雪人蛋糕，增加了不少聖誕節的節日氣氛。 今日想食件清少少的蛋糕，店員都好友善的介紹了幾款，佢仲話呢度的蛋糕偏向少糖，咁就更加我地呢d 女仕啦！ 最後揀了raspberry lemon cake. 面頭的朱古力片加上了豹纹，一點也不求其。食落酸酸味味，吾漏，微微的帶有檸檬味，蜜糖味就吾太食得出，不過我已經好滿足😊…查看更多

當晚約了好幾位姊妹到尖沙咀飯聚，我比預期早了半小時到尖沙咀，於是，走到 K11 逛一逛！最驚喜當時商場有 function，路過見到方力申及雷頌德做嘉賓！行街還見到明星真開心！行 K11，經過見到香港出名的甜品師傅 Jeffery Koo 開設的 Patisserie Jeffery Koo 也推出月餅！ 好奇走入去望望！最終，我被那可愛又吸引的包裝而首次幫襯！除了一系列賣相吸引又精緻的甜品、朱古力、曲奇之外， Jeffery Koo 跟香港另一位出名的廚師 Jacky Yu 合作推出奶黃月餅！ 還有自家品牌朱古力月餅！我卻對後者垂青呢！女店員向我推介朱古力月餅，特別在於無糖製作！無糖製作的朱古力月餅，令血糖高的人及怕肥的人也可安心食用！朱古力月餅有好幾款口味！用上鐵盒袋及日式魚仔袋！我分別買了一個鐵盒袋及一個日式魚仔袋朱古力月餅，已花上大約二百元了！ 甜品名師出品都幾貴！一試無妨！無糖手工朱古力月餅 (換購價＄68) 標準價 $98/ 精選價 $88日式魚仔袋好可愛，恰巧，當晚食飯後經過 The One 的 $12 店也見到有得賣！ 不用幫襯這甜品店都可以買到呢！無糖手工朱古力月餅朱古力味道濃郁！怕肥亦無有怕啦！朱古力月餅表面加上金箔突顯矜貴！雪過的朱古力表層入口微脆，中間是軟心朱古力，還夾雜榛子碎，增添口感！內外質感不同層次！就算是換購價＄68，相對一個都幾貴！迷你朱古力月餅 $128這個高貴女人圖案鐵盒正好留給自己擺放頸鏈或頭飾嘞！ 五件裝朱古力月餅，包括一個柚子芒果朱古力月餅及四件分別宇治抹茶及紅桑莓迷你朱古力月餅各兩件！外型精緻的骰的迷你朱古力月餅，我當是一般軟心朱古力的食法！簡單以綠色及紅色邊點綴作辨認！宇治抹茶迷你朱古力月餅朱古力質感幼滑，宇治抹茶散發上輕微清香，清甜不膩！卻是茶味被霸道的朱古力蓋過了！紅桑莓迷你朱古力月餅粉紅色的紅桑莓軟心，酸甜清新，口味突出！柚子芒果朱古力月餅柚子與芒果配搭起來，入口似是熱情果帶點偏酸的感覺，果味濃郁！ 是令人一試愛上的清酸口味！無糖朱古力有效中和其口味，而變得溫和共融！ 亦可以滿足到食朱古力及柚子與芒果的慾望吧！…查看更多

悶熱的星期二我們去到Jeffery位於柴灣的ChocoKoo Cooking Studio試做手工朱古月餅，這天有甜魔媽媽及甜心朱古力妹妹Chloe，另外還有Chef Koo一對乖巧可愛的仔女粉墨登場為大家示範呢！ 先給大家看看今天我們要做朱古力月餅的美貌先啦係咪見到都好想試呢！而Chef Koo更貼心哋選用無糖製作令血糖高的人事也可盡情享用朱古力月餅，其實看似很易但是內裏其實花咗好多心思去調配這個朱古力皮及餡料的，而朱古力月餅亦有四款味道在內。 包括有宇治抹茶、榛子、柚子芒果及紅桑莓，兩款果味月餅很香甜配酸度令口感添爽，而香濃的宇治抹茶、榛子則濃滑細膩吃罷滿咀芳香，就算是無糖也沒影響朱古力質感呢！ 玩完後決定再去K11Patisserie Jeffery Koo買多盒的手工無糖朱古力月餅，包括有十件裝＄288，及精美的單件裝朱古力月餅＄88，而我就決定帶返外家跟車婆婆分享，因為有糖尿病的她已經很久沒試過朱古力了！ …查看更多