Passepartout

歐美的飲食節目常呈現，由多種香料、不同調味料，甚至果汁果肉等自家調製的醃汁，與巨型豬腩、牛腩、肋排等肉類混和，然後放進大型焗爐，以低溫慢烘十多二十個小時。最後做出肉汁滿滿、色澤粉嫩，成為各式包類享用自家風格的肉餡，或 All Day Breakfast 的主菜，做法在外國是司空見慣。像這樣令人口水大流的風味，跟香港一般 Cafe 採用超市常見的煙肉火腿，不可同日而言。或者因為這樣，一向對 All Day Breakfast 提不起勁！不過，「Passepartout」的出現，彷彿打破了常規，令我好想去 Cafe，好想一嚐具自家風味成份的 All Day Breakfast！擇日出發，看到門口排著人龍，心知不妙，幸好及時發現先掃牆 上 QR Code，登記後便可以離開，期間要勿切注意店方來電的通知啊！「Passepartout」設有室外座位，可惜大家也無懼高溫，全部室外座位也給預留了，沒法加速醫肚的進程！我們大概等候了1小時45分鐘，約於 2時30分入座，用餐時雖而停止登記，但室外仍有最後一批客人在輪候分配座位！香港寸金尺土，肯花這樣心機製作食物的 Cafe 不多，食後感以誠意之作四字作結。調味方面要比想像的更健康，連飲品每份 All Day Breakfast 約二百多港元，視乎所挑選飲品的價位，以質衡量，價錢尚算合理。假如在某些細節地方作出微調，性價比便能更上一層樓！上餐速度快，眨眼便抵達「曼谷」。 Bangkok HK$168 有著心目中必試的自家製厚切煙肉。自家製厚切煙肉果然不錯，入口完全沒有油膩感、瘦肉鬆化、脂肪爽口，主調帶甜香，味道剛好，吃得暢服！假如多一點焦香或煙燻香氣，必定大大加分。黃袍炒蛋生熟度掌控得不錯，質感滑溜、但牛油香不明顯。酸種多士有點過腍，也許是被蛋汁沾濕、又或是酸種多士烘烤情度太淺所致，令口感差了一點點！而看似普通不過的鮮茄汁焗豆，卻有著驚喜，雖然不是自家製，只是加工了蕃茄汁，但軟綿茄汁豆與甜酸平衡的蕃茄汁來得十分協調，就連不愛吃茄汁的另一半，也大口大口的吃著！去完曼谷，馬上轉飛紐約。為何會選上 New York HK$180，絕對是因為自家製美式鹹牛肉的吸引力。桃紅色的鹹牛肉的確非常的嫩滑軟腍，質感很不錯，可是一點鹹意也感受不到，這種太和諧的味道，似乎有違鹹牛肉之名。若將鹹度稍為增加，跟頂層的酸瓜定能擦出火花，令味蕾一振！鹹牛肉內層是厚厚滑滑的薯仔沙拉，底層以酸種麵包承托。若鹹牛肉不夠鹹，薯仔沙拉更淡的話，整個組合未免有點乏味，雖然我也習慣欣賞食材的原味道，亦主張低糖低鹽的健康烹調。建議要不加強薯仔沙拉的調味，要不加強鹹牛肉的鹹度，二選一！不要求太強烈，只求帶出風味！離開紐約，我們抵達印度。Calcutta Wings HK$78 是印度風味的雞翼，端來時香料氣味極為吸引，加上一份有六隻雞翼之多，算是抵吃！雞翼表層微脆，沾上重重的醬汁，不惜要舔清手指上的醬汁！個人可以接受再重香料和添加辣度，帶出更惹味的印度口味，不過餐廳要迎合不同客人的需要，未必人人可接受印度的重口味，這點是理解的！飲品方面有咖啡、茶和朱古力等選擇。我挺喜歡侍應妹妹建議的 Miso Caramel Latte HK$50，味噌帶出新的啡味，下量亦調配得剛剛好，與咖啡有著不錯的平衡度！而凍飲的 Lime Soda HK$40 則一般而已，未算特別！我們進餐時，旁邊的兩位客人才剛剛入座，而外邊等候的客人大概也有六、七位！還有倫敦、橫濱、墨爾本、三藩市等多個地方未吃，期待下次時空交錯的 All Day Breakfast！…查看更多

Blingbling美食推介✨📍佐敦Passepartout✨隱世英倫風Cafe🥰💠💠💠💠💠💠💠💠今日忙裏偷閑請日假，行過佐敦汕頭街，發現呢間低調但裝飾得超chill既英倫Cafe, Passepartout🥰店外仲有歐式風格小露台超打卡，平日嚟都好旺場！☺️💠𝔹𝕒𝕟𝕘𝕜𝕠𝕜 $158自家製厚切煙肉，黃袍炒蛋，酸種多士，鮮茄汁焗豆自家製厚切煙肉經過4日醃製，慢煮後再煎香表面至焦糖面，香口得黎一d都唔膩🩷而且煙肉仲好嫩滑juicy~ 加上炒蛋舖滿酸種多士，配埋焗豆＋沙律菜，超級滿足！😋💠𝕊𝕥𝕖𝕧𝕖𝕤𝕥𝕠𝕟 $148美式班戟，自家製早餐豬柳扒，鮮茄汁焗豆，薯仔沙拉豬柳扒都係Passepartout自家製~ 口感同一般現成既豬柳扒唔同，好軟好有豬味~ ☺️加埋hotcakes好夾，係一個好滿足既brunch🥰💠𝕃𝕠𝕟𝕕𝕠𝕟 𝔽𝕠𝕘𝕘 $50伯爵茶鮮奶味道清新甘香~💠𝕆𝕠𝕝𝕠𝕟𝕘 $60臺灣金萱烏龍茶純淨回甘，同西式Brunch有對比但又好夾！好有驚喜~ 男朋友表示滿意～餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5無論係食物、環境定服務態度都超級好，唯獨係難泊車~ 如果好彩門口有位都要小心，呢頭抄牌抄得好快手~ 建議泊臨近停車場😉Passepartout📍佐敦閩街1號地舖…查看更多

網上睇到哩間輕食咖啡好有創意，地點又好就腳，咁試試。店鋪裝修得好靚，以藍色歐式風格為主，仲有個好靚嘅小露臺。晚市都幾full下，基本上全滿。嘢食唔算多選擇，得數十款單品，不過款款都好吸引，好難揀TIM。桂花酒釀泡沫咖啡，咖啡豆偏酸帶有少少果香，再落入桂花同酒釀，桂花帶入花香，酒釀帶入少少酒味，層次好豐富好清爽，好有創意嘅一杯飲品。伯爵茶鮮奶，伯爵茶茶葉唔會苦澀，飲落香甜帶有佛手柑回香，整杯香料香味和鮮奶好match。Yorkshire，用鐵鍋焗完松餅後，再落入煎蛋，豬肉腸等配料。豬肉腸偏甜果款，食落軟嫩juice。松餅好特別，好似食緊低油版油器，勁道又帶有好重嘅牛油香，可以夾埋茄汁豆一齊食，口味更加豐富。Bangkok, 酸種多士焗到啵啵脆，再鋪滿香滑炒蛋同自家制厚切煙肉。煙肉果然同出面唔同，豬肉肥瘦適中仲要厚切。煙肉煎到兩面焦香，食落煙熏味重還帶有焦糖香味，口味非常特別。仲搭配埋沙律菜，可以解煙肉油膩。成份睇落分量唔大，食落勁飽。…查看更多

為食花太郎 Fafafoodblog 🍴Yokohama 壽喜燒澳洲和牛配焦香米餅 溏心蛋180 蚊🐂壽喜燒汁同和牛好夾 和牛睇落5,6 成熟 夠軟林彈牙 盡吸香甜壽喜燒汁 同撈埋溏心蛋汁正🍴bangkok 168 蚊自家製厚切煙肉 , 黃袍炒蛋 酸種多士 鮮茄汁焗豆🍅煙肉厚切 好似舊香脆叉燒甘 多士好香脆同炒蛋好match 🍴genmaicha latte熱玄米茶鮮奶 50 蚊🫙拉花夠靚 玄米味香 奶味夠香濃同飲落夠滑🍴桂花酒釀泡沫咖啡 凍60 蚊☕一聞落去桂花味香 帶d酒糟香味 咖啡味香濃 冇落糖既齋啡配桂花味 幾正#西餐 #cafe #和牛 #炒蛋 #煙肉 #沙律 #多士 #fusion #拉花 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#passepartout佐敦閩街1 號地鋪~~~~~~~~~~~~~~====================…查看更多

第二次到訪，上次吃了Bangkok 和 Steveston, 都覺得食物非常出色，令人驚艷。今次再叫了 Bangkok和嘗試 Yorkshire。 Bangkok 依舊出色，但Yorkshire 非常難吃。鐵鍋鬆餅非常乾，蛋香欠奉，其他配菜都略為普通，但比鬆餅好吃多了。不知道這道菜本來就是這個味道，吃完 Yorkshire 有種全天心情都被破壞了的感覺，因為這個菜真的是非常難吃。:(如果鬆餅是荷蘭鬆餅或是加點醬汁會好多了。…查看更多

今日特登去左佐敦呢間cafe試下。外面睇細細間，餐廳室內大約容納到20個人，室外有6個位，如果一大班人，唔建議揀呢間餐廳。餐廳好早收，我見大約3點半就截龍，我食到5點左右就走，我諗5點半，6點就會收鋪。我係星期六下午2點半後到，都排左一個鐘先入到去，真係等得先好黎。上面講左好多負面野，但其實我覺得間餐廳係唔錯嘅。環境：雖然細，但乾淨企理，座位唔會非常迫，當然都唔好expect係好大張枱。服務：正正常常，幾個後生女，算有禮貌，手腳反應都快，你嘅要求佢會盡量滿足。價錢：中價偏高，但勝在明碼實價，唔收加1食物：Bangkok ($168)全餐MVP，最好食就係佢塊厚切煙肉，半肥瘦五花腩，燒得好香脆，啲油脂配埋下面個酸種多士同埋炒蛋，平衡返個油脂感，好好味。Must try item。Yorkshire ($148)賣相好好，但係味道唔算好出色，豬肉腸有少少香草味，但係都唔係特別好食。鐵鍋鬆餅好大塊，差啲食唔晒，有少少蛋香，不過不失。佢仲有啲茄汁豆，煎蛋，同埋沙律菜，仲配一塊燒肉。成個組合唔係唔夾，但係唔係夾到話好好食。味噌焦糖咖啡味道普通，拉花好靚。鐵觀音朱古力 ($60)有朱古力味，都有茶味，平衡得幾好，又唔會太甜，不過飲到最後啲冰溶咗，有啲唔係好夠味。焦糖布甸蛋糕上面層焦糖真係脆卜卜，又唔會太厚，啱啱好。個蛋糕又唔會太甜，又食到有焦糖味，都幾唔錯，推薦。整體嚟講環境味道都唔錯，係價錢貴咗少少，我會為咗佢個厚切煙肉，再幫襯，因為真係幾好食。如果可以唔使排咁耐隊，就更加好。…查看更多

佢開10:00我10:30 到，排第3前面係4 人同8 人枱10:40 有張2人吉枱，10:45 先有人施施然出黎問我地入唔入，但11:30 要還枱，因為好多大枱booking @@原來而家唔玩排唔玩QR code就轉booking 心諗，45分鐘要人還枱？你當自己茶餐廳？我話你門口寫90分鐘佢答：咁你要再等等到幾點？店員答唔知11:30 入唔入到？佢又話唔知如果你11:30 唔係full booking，點解而家唔可以入去食90分鐘？如果你11:30 那輪full booking，咁我味要低到1:00？有寶咩？我即走，個店員係「好行夾唔送」樣。好唔好食我唔知，本身睇完老細訪問，山長水遠想黎支持小店，但原來完全冇心做，仲要搵一個唔識管理態度又差的人入枱完全係錯晒😡…查看更多

這店在OpenRice有大比數的好評，從食客提供的相看，店子裝修帶有歐陸Cafe的感覺，在佐敦那位置出現，算是吸睛，以地方名作餐點的名字甚有趣，食物的presentation有點美感，再加上有自家製美式鹹牛肉和厚切煙肉，讓人期待在店內用餐會有不一樣的體驗。店子小小，午飯時間總會有人在店外排隊（室外有三張小枱，唔怕熱的可以選擇坐室外，室外位通常唔使點排）。由於午飯時間不多，我選擇了坐室外位。下午1:12坐下來，二話不說點了New York 加一杯Iced Mocha（$55）（平日的午飯時間，店子的食物都只有單點），一心想試試店子自家製的美式鹹牛肉，但過了約5分鐘後，店員才告知沒有美式鹹牛肉😑那我便轉了Yokohama(壽喜燒澳洲和牛配焦香米餅.溏心蛋)（$180）。下午1:40+，Yokohama上枱，賣相不錯，最面層有隻溏心蛋（蛋的外圍有味，但味道未滲入心😑），有塊蓮藕片（睇落以為是脆的，咬一口便感覺像是出了氣的蓮藕片，一點都不脆😑），蛋的下層有大約五塊和牛薄片（和牛片口感嫩滑，有點牛味，配調過的壽喜燒汁，挺夾得來，味道唔錯，但不是令人驚喜之作），牛肉片蓋著2小團*焦香米餅*（我初時以為焦香米餅會像是飯焦餅那種有脆感的食物，但當我揭開牛肉片後，發現*焦香米餅*是兩團小飯團（整體份量約是1.5個華X結飯團的飯量）， 那刻有點滴汗，以為自己點了牛肉飯😑），小飯團上有少許芝士、洋蔥和白蘿蔔薄片，亦有燒過下的痕跡，但是食每一口的小飯團都嚐不到焦香，我覺得自己那刻正在食撈有特調壽喜燒汁的飯，有點燒汁味，加點洋蔥味，又加點芝士味，味道不難食的，但飯的口感像是偏爛飯的質地，好難想像呢個Yokohama值$180，亦令我對米餅的定義充滿疑惑🧐食完成個Yokohama，杯iced mocha終於上場，以為慢工出細貨，飲完加多幾個😑😑😑，收$55一杯，冰多唔緊要，但飲時舌頭有感有未能完全融化的粉流過，對於飲開咖啡的人，用呢個價錢買到呢個質素，真的好難接受！呢杯mocha唯一可取是唔甜。最後埋單還要加一，成為259，真的令人難忘的一餐😑😑😑😑😑在佐敦呢個位置，其實收呢個價，好難叫人對店提供的食物沒期望沒要求吧！！！…查看更多

落錯單，店員唔覺得自己「錯」，一句唔好意思都無，唔緊要～拎走錯果碟食物，滴左d黑醋係個客件衫度，一句道歉都無～開聲同佢講，先拎左*酒精*比你清潔^^味增焦糖Latte，淨係飲到奶+啡，吹到咁大嘅特色咖啡，見識少…唔識欣賞～$150-$180嘅all day breakfast，名遠過於實，應該落左好多廣告😀到最尾埋單講幾次都唔應人，咁嘅service 仲有service charge收，得啖笑～唔推介，仲要排咁耐隊，唔會再黎！…查看更多

呢間係朋友bookmark左好耐既cafe，一直都想試吓佢既all day breakfast，冇諗過平日去試，排隊都要等半個鐘以上但完全值得🥹✨Bangkok $168 ［自家製厚切煙肉，黃袍炒蛋，酸種多士，鮮茄汁焗豆］起初聽到煙肉都有啲抗拒，諗住一定好油膩，但完全被佢哋自家製煙肉驚艷到🫢唔會有死鹹味同油膩感，好滿足，嗰嗰話食完要返嚟encore😂 返到屋企做research 先知佢地既煙肉係醃製咗四日再經過慢煮，令到甜度提升但鹽用少咗😯✨Steveston $148［美式班戟,自家製早餐豬柳扒,鮮茄汁焗豆,薯仔沙拉］聽聞呢個餐係人氣最高，而成個組合都真係好夾。班戟香噴噴，口感鬆軟有奶香，食完返唔到轉頭，而豬柳扒唔柴仲好鮮😚✨Build Your Brunch $158［自選太陽蛋,煙三文魚,沙律菜,蒜蓉香草包］煙三文魚係好厚身入口好鮮甜既，但蒜蓉香草包就好普通🙁✨Latte $40入口順滑,咖啡香都幾突出👍🏻星星推薦度：⭐️⭐️⭐️⭐️⭐️/5🍀鋪面比較細，座位（特別2人位）會比較窄。以往對all day breakfast無感既小星星妹，今次用餐體驗完全改觀，希望日後都可以發掘到同樣對食材一樣用心既餐廳🤤…查看更多

本來有好高嘅期望，但係佢哋只需要用5分鐘唔使嘅時間就可以遞上，我就發現有啲唔對路。所有食材都已經準備好。當然呢樣嘢唔係我最介意，但係可唔可以pancake同雞蛋都係熱嘅呢。你收得呢個價錢唔好俾我覺得好似食緊兩餸飯咁啦。…查看更多

本身看了別人的post所以揀咗最貴嘅羊(Fez),我的羊來的時候已經令我覺得細得嚇親,這是210幾蚊的東西嗎?食落完全覺得唔掂,同別人post出來的完全係兩碼子嘅事,是否你們特登做給她post的嗎？我簡直覺得又貴,又要等個半鐘,但係唔好吃,我唔知為咗乜?我看其他人的平餐,就好似都可以,但我覺得最奇怪係點解最貴嗰個餐會咁差？係咪個main chef(owner)唔喺度？如果唔係冇理由咁恐怖？落order嗰個細路女其實又冇乜禮貌,有d odd. 是否因為上咗youtube,有一條街嘅人喺度排隊就變了這樣的態度？但好彩咖啡師態度就好啲,但咖啡就一搬. …查看更多

用餐90分鐘。食物質素ok, 唔hea.有心製作。。。。但飲品 等到食完都未黎，。。。。。個時己經45分鐘，吹第一次就話係要等耐d，明白。然後隔籬個枱遲我地半個鐘坐底，就己經上飲品，我地再吹先如夢初醒咁，亦無話唔好意思，最後每隔10分鐘黎一杯。最後第4杯依然係漏左，只係識出單俾我地埋單，但根本由頭開始就無跟過單。。。。。好失望！！！！！未必有下次。。。。。。個女服務員好似唔願做咁既樣。。。。。。。。。…查看更多

先要排隊登記，登記完後可離開，有位會再call你，但大雨中只好在門口等了半小時，叫了Steveston，食物如圖，食物份量極細，味道中規中矩，Pancke普通，沒特別，薯容凍的，難食，不懂欣賞，肉餅好細，有口感但又係沒太特別，蛋普通，沙津菜都普通走了茄汁豆，不可轉其他，失望飲品是橙啡，係飲過最難飲的橙啡，好失望，埋單仲要加一，總共$2xx，原全不值，性價比極低的cafe，吹大左。..............................…查看更多

上OpenRice 睇到佢個營業時間至夜晚九點,到到我打緊字嘅呢一刻其實都仲係顯示緊營業中,但係去到就落咗閘，門口亦都冇通知究竟係平日都係一早就閂門做完個午市就算，定係純粹睇心情先至開個夜市其實呢啲咁基本嘅嘢真係咁難做好?你啲嘢再出色都冇用，下下當啲客係臭4咁樣玩🤬…查看更多