Park café

今次朋友搵到間性價比高既酒店下午茶，推介一下俾大家🥳酒店位於尖沙咀，距離地鐵站行8分鐘左右環境都好舒服，我地平日黎食都唔full好岩姐妹們一齊High Tea傾計😍食物質素都唔錯，好食果啲我係下面會俾❤總括黎講佢既甜品係出色過鹹食😝想搵間性價比高早下午茶絕對可以一試😋「巧」遇甘「栗」下午茶星期一至五：一位$208、二人同行$458星期六、日及公眾假期：一位$228、二人同行$388栗子燕窩福袋❤鮮芒果牛油果蟹肉朱古力撻金箔金文華芝士和牛多士栗子雞粒鮑魚撻栗子鵝肝醬無花果多士蒙布朗栗子蛋糕紅桑子72%特濃朱古力撻❤特濃朱古力熱情果慕絲蛋糕❤特濃朱古力歌劇院蛋糕❤朱古力榛子泡芙栗子提子鬆餅飲品棉花糖朱古力拿鐵（熱）/📌Park café尖沙咀漆咸道南61-65號香港百樂酒店4樓/😋食物質素：7.5/10🍽️用餐環境：8.5/10💰性價比：7.5/10👣回頭率：7.5/10

嚟得Staycation，當然要食埋自助餐啦，雖然6:00 後無得食，咁食住中午Buffet先囉😜入到嚟見有地道「韓」氣自助餐，有齊* 蜂蜜芝士炸雞🍗* 韓式風味抹茶冷麵* 芝麻韓式辣醬炸雞* 韓式芝士雞肉炒年糕* 韓國人蔘雞湯* 韓式石鍋拌飯* 韓式燒物* 鯉魚餅* 韓式迷你冬甩 🍩當然隨咗韓式仲有日本刺身、紐西蘭肉眼扒🥩、豬腳薑醋、魚蛋粉麵、凍蝦🦐、青口、 冷盤、水果、士多啤梨噴泉⛲️、大量甜品🍮雪糕、番薯糖水等等等等，實在太多太多… Lunch 嚟講真係唔錯唔錯，仲幾好食添😋

因為媽咪鍾情栗子～見到Park Cafe有栗子主題而且價錢合理就即刻上網book位同媽咪撐枱腳前2日會有職員打黎confirm booking~當日去到早左少少要等夠鐘入～同場唔多人～坐得好舒服～可以慢慢傾慢慢食Afternoon set 主題係「巧」遇甘「栗」～職員送上set後溫馨提醒可以食左上層熱食先～食左鮑魚撻先果然仲係暖暖地 （個人覺得最好食）～其次有最有印象就係栗子燕窩福袋～甜點最好食就係 Mont blanc cake~飲品好好可以揀特色飲品，我揀左熱既熱情果烏龍茶～職員會主動加水～幾好飲上網訂座有8折2個人只係$313～好抵食～唯一要挑剔既係個喇叭播音樂時d聲擦擦地

又去食咗一間一般般嘅港女Tea😂真係發覺高質嘅港女Tea都唔係成日遇到😌不過呢間價錢較平 食物質素一般 但就食到好飽🌰「巧」遇甘「栗」下午茶🍫 $388/2位 🫖個tea set嘅名係有啲心思的🥰「巧」=🍫 ; 「栗」=🌰 所以成個Tea set係會食到滿滿嘅栗子同埋朱古力味😌亦會有啲漏.*""*.·°∴ ☆…·…·…·…·…·…·…·☆·°*""*. .*""*.·°∴🔹鹹點🔹👛栗子燕窩福袋表面有非常非常少嘅燕窩 造型係有啲特別 但係咬落去真係好怪 都唔係好知自己食咗啲乜🥑鮮芒果牛油果蟹肉朱古力撻Er…芒果好食 牛油果好食 蟹肉好食 底層嘅朱古力撻都好食😂但係上面嗰三樣配料就同個朱古力撻唔係好夾😂應該係因為朱古力撻太甜了😅所以我建議係分開食🍞金箔金文畢芝士和牛多士呢個係最值得讚嘅一款 亦係看似最奢華嘅一款😂和牛是淋淋的🥧栗子雞粒鮑魚撻覺得佢哋好似夾硬將啲嘢同朱古力或者栗子配合咁 呢個又係 浪費咗個鮑魚😟但係個撻幾好食 有種鬆脆嘅感覺🥪栗子鵝肝醬無花果多士嗰醬好似有陣怪味 多士係淋嘅😵‍💫😵‍💫.*""*.·°∴ ☆…·…·…·…·…·…·…·☆·°*""*. .*""*.·°∴🔸甜點

去左park cafe 食左個性比好高嘅下午茶自助餐。門口已經好有聖誕氣氛🎅🏼一去到，唔洗排隊，三點即時入得，而且收碟同食物refill速度相當快，服務員態度非常好👍🏼，值得一試！今期係栗子🌰x朱古力🍫，部份甜品熱食都帶有呢兩種元素。今次有社交平台優惠，可以有八折，一人都只係$250.2，呢個價錢可以食到Buffet ，有多種不同嘅冷盤，海鮮，熱食，甜品等任食，性價比相當高。 疏乎厘同溫泉蛋炒蜆都係必食啊，炒硯勁有穫氣。

真係非常抵去打卡嘅下午茶！原價208嘅栗子主題下午茶，二人同行每位174，再加上社交平台折扣最後170有找！三層嘅下午茶，打卡必備！所有茶點嘅賣相都非常精緻，一口嘅size。 最上層係鹹點，下面兩層都係甜品。喺度分享幾個深刻嘅茶點。可能因為個人唔太中意鵝肝醬，所以覺得鵝肝醬嘅味道完全蓋過栗子茸嘅味道，而且鵝肝醬非常鹹，食完真係要飲返幾啖水先沖淡到😵‍💫栗子蛋糕中規中矩，唔會太甜但係栗子味又唔夠出，值得一提係蛋糕上嘅甘栗好好食🤣泡芙同甘栗主題無關，但係係最滿意嘅甜點！入面嘅慕絲非常滑，唔會太漏！紅桑子好大粒，好多汁，用朱古力醬填滿咗撻皮令成個甜點好漏🙈下午茶亦都包每人一杯飲品，揀咗熱情果烏龍水果茶，非常適合用嚟消滯，唔會太甜但又有好濃郁嘅熱帶水果味～🍋🥭🥝🍎🍍🍑抹茶味稍淡，不過咖啡味都好香個人對食物就不太滿意，雖然係栗子主題但係真正食到有栗子香味嘅茶點只得幾個，不過食物嘅顏值高非常適合打卡，價錢比起其他酒店嘅下午茶亦好平，想平平哋打下卡享受下都可以去試下嘅～

好耐冇食自助晚餐，今次呢間百樂酒店Park café整體比想像中更好呢😚食得都幾滿足.佢哋而家主題係鮑魚同埋燕窩，所以有唔少鮑魚或者燕窩嘅菜式小食。有燕窩鮑魚雞粒撻、燕窩芒果奇異果龍蝦杯、鮑魚雞粒元貝炒飯、燕窩鮑魚龍蝦粥等等，呢啲我都有拎少少嚟試吓😌男朋友最愛就係佢哋嘅牛肝菌杞子鮑魚烏雞湯，佢前前後後飲咗三盅😂飲落的確係幾滋補嘅感覺仲有可以憑票每人拎一份花膠鮑魚鍋入面真係有原隻鮑魚，食落都幾腍；花膠份量幾多，我一個人食一鍋直程覺得有啲多得濟😂當然花膠唔會係好靚好貴嗰種啦，但都炆得好腍.但係其實今餐我最鍾意嘅，係香煎鴨肝多士😍充滿油香，的確幾邪惡🙈佢哋嘅熟食同埋甜品質素都唔錯！椒鹽魷魚鬚、油封鴨髀、紐西蘭肉眼扒、羊架等等都唔錯。燕窩蛋撻仔都好食😋另外有多款MÖVENPICK雪糕同埋蛋糕、窩夫班㦸等等。仲有特別環節燒火焰雪山🏔️.另外仲有壽司刺身同埋海鮮，三文魚刺身都OK😉海鮮方面有蝦、黃金螺、青口、蟹腳等等，其實我本身唔係好好凍海鮮，所以主要都係男朋友食，佢話蝦都幾好食。飲品方面有咖啡茶果汁同啤酒等等，蘑菇忌廉湯幾creamy😉特別一讚係有位waiter 見到我沖咗杯好fail嘅奶茶，就主

「巧」遇甘「栗」下午茶：五款咸點 - 栗子燕窩福袋、鮮芒果牛油果蟹肉朱古力撻、金箔金文畢芝士和牛多士、栗子雞粒鮑魚撻、栗子鵝肝醬無花果多士。六款甜品 - 蒙布朗票子蛋糕、紅桑子72％特濃朱古力撻、特濃朱古力熱情果慕絲蛋糕、特濃朱古力歌劇院蛋糕、朱古力榛子泡芙、栗子提子鬆餅。飲品：朱古力沙冰、凍朱古力薄荷雪糕除翻開百零蚊一個人，我仲可以講啲咩😅，大約10幾蚊一樣食物，絕對係水準之上，唯一缺點嘅就係環境比較遜色，比較嘈。

尖沙咀香港百樂酒店會做唔同限定主題afternoon tea set，上一季係抹茶，而家做緊秋栗可可主題，至到11月30日Like 社交平台有八折優惠，傳單聲稱要show乜鬼社交平台coupon圖但其實埋單嘅時候佢已經自動幫你打左八折乜都唔使搞🤣咁當然可以自己自律一早乖乖哋like埋fb先~可以openrice/酒店網站book枱，前一日會收到msg/有人打黎firm booking，而且真心啲食物有質素，尤其個鮑魚撻、栗子撻、朱古力撻，飲品亦有多種特飲款式唔使加錢！因為出面好多時都剩係得普通咖啡茶.👓「巧」遇甘「栗」Afternoon Tea Set 3:00開始 Mon-Fri $208/1位 $348/2位六日公眾假 $228/1位 $388/2位要+1，有8折，所以例如我平日食的話，折後價$313.2/2位食物同飲品詳情喺後面張相😂簡單sum up:鹹點都竟然好食有質素，尤其個鮑魚撻真係好大粒鮑魚而且個撻係脆；又有個和牛多士，都用左靚材料而唔係求其hea貨；朱古力撻好好食真係好重朱古力味，特別欣賞紅桑子朱古力撻，mont blanc面頭的確有栗子蓉但入面竟然唔係蛋糕底而係類似撻

家人生日，開開心心食番餐，熱熱鬧鬧，Park Café經濟大眾化之選。成人$558+10%，生日每4位1位免費，送蛋糕，人頭費85折。較早前先食過，環境唔重覆講。鮑魚燕窩主題，聽似名貴，唯只係$5xx的價錢，食gimmick多於食精緻，亦佩服廚房的創意。已試過嘅的鮑魚/燕窩菜式🍚鮑魚炒飯🍚燕窩鮑魚粥🍳燕窩鮑魚蒸蛋🥚燕窩燉蛋白🥗燕窩沙律/海鮮杯🍮鮑魚葡撻🍝鮑魚青口蝴蝶粉🍲鮑魚雞湯🍤花膠鮑魚窩 即制有燒牛排、北京烤鴨、燒羊架同煎鴨肝。雖然要排吓隊，但效率都高，等候時間少於5分鐘，呢個價錢安排算唔錯。生日蛋糕簡簡單單唔會太漏，食完唔會太重負擔，可以有空間食多幾款甜品。今餐完全無食魚生刺身同凍海產，主攻熱盆 (對應個主題)，廚房技術都過得去，對得住個價錢。

有同事生日，加上生日的同事想食泰國嘢，咁啱 百樂酒店自助午餐的主題係【泰・越】傾情。 咁就一於試一試，一行四人，大約十二點到達酒店餐廳，餐廳燈光光猛，坐位擺放得都算鬆動。食物選擇唔算多，熱盤大約有七至八款，熱盤多數菜式都是泰式／越式食物。 其中越式香菇蒸粉包，配上醬料同吃，好好味。 而泰式火山排骨煮得軟硬適中，有少少辣好開胃。但泰式海南雞飯就可以不用試，因為雞肉好韌而飯粒又冇雞油香味。 冷盤得三種，凍蝦，青口，蜆都是普普通通唔介紹了。沙律都算新鮮， 甜品選擇都算多，有椰汁芒果糯米飯，椰汁和芒果可以自己添加落糯米飯，芒果甜甜酸酸，令整個汁芒果糯米飯不會太甜。已2百多元來，說食物種類及味道都算值回票價。

同媽慶生揀左間自助餐關注組推薦既自助晚餐～cp值唔錯 之後再食左一次 質素都幾穩定 生日去真係幾抵！-🦁 優點1. 平！唔洗<$400 dinner真心難2. 生日月免費, 6歲以下小朋友免費 (我姪仔都食幾多野🤣)3. 生日有成個蛋糕送, 有蠟燭有生日牌果種4. 多花膠item, 岩同長輩去5. 甜品款式算多 有打卡item 🤣-🦁 缺點1. 冇生蠔 龍蝦2. 樓底矮, 空間感唔強3. 服務員收碟唔算快優惠｜生日月免費&送蛋糕, 6歲以下小童免費長者65折

10月有同事生日，所以我們一行4人用生日優惠去，價錢十分抵，這裡環境唔錯，而食物方面都幾好，我覺得羊脾肉好味，夠肉味又夠淋，還有越式春卷，泰式雞，排骨都唔錯，不過掛住食，唔記得影相，其他食物都係正正常常，冇咩特別，而且款式唔夠多，不過以甘既價錢，我就覺得十分抵食了甜品方面反而款式多d，終於記得影相比較特別的是我拿了3個黑色的，好似小蛋撻那個，食落去暖暖地，皮脆＋朱古力漿，幾好味其他還有榴槤蛋糕，奶凍，木糠布甸之類，好多選擇。

本身自己係一位抹茶控，係官網見到今次下午茶有做緊優惠～$175/位，幾抵食就唸住去試吓！揀咗係週末時間去食，酒店已安排好，去到服務員就會帶你入去。今次食嘅係百樂酒店嘅抹茶主題下午茶，有三層層架，有咸食同甜食，咸食有涼麵、生蠔、炸物，甜食有沙糖冬甩、搽茶慕絲蛋糕、泡芙、搽茶果凍等等，咸食比較少啲，會跟一杯飲料可以揀咖啡類或花茶類。總結而言，環境舒適，乾淨，食物自己鍾意咸食多啲但款式少，甜食冇乜特別，有少少失望，勝在價錢都算合理，想打卡食下午茶嘅朋友不妨一試。

👉話說想享用餐廳嘅自助餐買三送一生日優惠，遲咗訂位full咗，好彩waitlist最後都等到😍.👆Tea Buffet 星期六、日、假期 3-5pm, 3點嚟到仲排緊隊入座，人龍排到轉晒彎，已有不詳預感😔.🤟入座被安排坐門口左邊小房間，對住甜品區，距離取食物位置較遠～～但其實坐得幾舒服，起碼樂🉐️清靜☺️👉放低嘢諗住出去行個圈兼影吓相⋯嘩～不得了，全城進入瘋狂搶食狀態。🤦🏻‍♀️📌款式只係試咗少量，味道ok。。。因為好多都搶唔到，或者去到時已經係餸尾，甩頭甩骨狀態，拎唔落手🥲📌今期主題《秋栗「可可」》下午茶自助餐，主打栗子和朱古力。朱古力類食物比栗子多，其他冷盤海鮮、刺身、沙律，咸點飽肚食物也不少，肯定唔會餓住走🙂📌其實我哋對呢個主題並無特別喜惡，只在週末hea吓食吓⋯因為人多，食物區相對細小，滿客時同一時間拎嘢食，所以食物區長期滿人🤦🏻‍♀️✅原價$278，生日優惠買3⃣️送1⃣️，同行賓客85折，我哋5⃣️人埋單$1084.2 @$217 OR✅社交平台Like 🈶️75折。↘️今次食評ok偏差，應該冇下次❌