OVO CAFE

呢晚同朋友一齊嚟咗呢間喺灣仔嘅素食餐廳食晚餐🤣呢度有「伴素晚餐 DINNER SET」，係「餐湯 + 沙律 + 小食 + 主菜 + 飲品」，價錢取決於主菜，咁我哋叫咗 $198「黑松露野菌燉飯 Black Truffle Mushroom Stewed Rice」同埋 $188「竹炭 Impossible Meat 漢堡 Bamboo Charcoal Impossible Meat Burger」🤣DINNER SET 嘅「餐湯 + 沙律 + 小食」用3個六角形嘅小兜放埋一齊😁-「餐湯」係「南瓜湯」，紅紅哋色幾 creamy😁-「沙律」係好簡單嘅沙律菜加咗酸酸哋嘅沙律醋所以清新又開胃😁-「小食」揀咗「黑松露茄子」同埋「蔬菜春卷」：「茄子🍆」新鮮，似乎簡單用醬油漬過，仲有淡淡嘅黑松露香味🤣，「春卷」就脆脆哋炸得幾香口😋「黑松露野菌燉飯」大大碟，燉飯等得軟腍腍，有幾香嘅野菌味，好食🤣「竹炭 Impossible Meat 漢堡包」大大個，麵包黑鼆鼆麵包皮脆脆哋，裏邊有蕃茄生菜當然仲有主角 Impossible Meat，真係做得幾似牛肉，好食🤣晚餐飲品一杯要咗「熱玄米茶」另一杯要咗「芒果🥭奶昔 （加 $24）」：「玄米茶」大大杯熱辣辣幾香玄米味🤣，「芒果🥭奶昔」都係大大杯幾滑，唔係好甜幾香芒果味🤣$50「鮮果楊枝金露」：非常甜，典型楊枝甘露裏邊有啲芒果同埋有柚子肉🤩，真係勁甜，每一啖都感受到勁量糖分，所以食得人好開心🤣…查看更多

今次來到灣仔一間主打健康打卡的素食Cafe小店，店舖擺放了各種盆景植物，入到店時有心情開朗、心曠神怡的感覺，彷彿置身都市中的小森林。🌳🪴💚👭晚上的主食套餐會跟沙律、餐湯、餐飲及一份小食，擺盤精緻，同時沙律選了芒果、菠蘿、紅色火龍果和沙律菜，組合到色彩繽紛，進食時也會胃口大增。🥗🍲🥟🍹✨ 黑椒天貝漢堡（$178），以發酵大豆製成的「天貝」為主角，口感紮實有嚼勁，煎至外香內軟，加入濃郁黑椒醬提味。口感也有點像炸芋頭的味道，鹹香過癮，初嘗這款天貝漢堡幾有驚喜的味道體驗。🍔🌿✨ 香草南瓜意大利飯配鹽酥雞（$178），南瓜泥融入在意大利飯當中，色澤金黃、口感綿密creamy。幾有亮點的是素食鹽酥雞，外皮炸得外酥內嫩，咬下有雞肉般的纖維感，幾有驚喜。🎃🍗✨ 朱古力香蕉西多士配雲呢拿雪糕（$68），一片片磚塊形狀的西多士淋上了朱古力醬，在加入了新鮮香蕉和簡單的雲呢拿雪糕，冷熱交融，為這頓健康晚餐作出了完美作結。🍫🥠🍨…查看更多

呢次約咗朋友去灣仔食OVO cafe呢間都幾出名嘅素食餐廳，一去到時候餐廳比我哋感覺好舒服，食飯嘅時候都係比好多植物咁樣包圍，好有喺森林用餐嘅感覺，返咗成日工最需要就係咁嘅空間❤️❤️竹炭Impossible Meat漢堡（五辛，奶，蛋）（$188)竹炭系列相信大家食得唔少㗎啦，不過值得一讚嘅係個漢堡🍔除咗有竹炭嘅香氣外，配合Impossible Meat，真係仲比得上真漢堡嘅口感，肉質非常多汁。雖然冇肉，但絕對可以滿足肉食者嘅味蕾，加上新鮮嘅配料，食落去非常有層次感，強烈推介🙌🏻🙌🏻凍清新水果茶（$29)呢杯凍清新水果茶好足料，果味十足，唔會太甜。用嘅都係新鮮水果，飲落去好清新，夏天飲正好，超清爽。青醬芝士菠菜意大利雲吞（蛋，奶）（$188）我同朋友一致認為呢道菜係食呢餐既MVP🫶🏻，必試之選，雲吞皮薄餡靚，青醬芝士嘅風味非常濃郁🤤🤤。菠菜嘅清香同芝士嘅濃郁味道完美結合，唔點肯定係大家損失呀🤣🤣凍朱古力（$24） 呢杯凍朱古力就係為朱古力控而設，味道濃郁，口感順滑，叫涼飲真係好享受😋晚餐有set叫，包餐湯、水果同小食都係好出色，自己最鐘意係佢個春捲🤤餐廳既植物睇中既話，大家仲可以買走架🤗呢輪天氣咁熱，減碳大家都可以身體力行架，一週一日素食帶給你一日既喜悅❤️❤️祝福大家…查看更多

踏入OVO Cafe，瞬間進入熱帶雨林中進食一樣。OVO不單止是餐廳，店內以大量綠植搭配原木桌椅，營造都市雨林氛圍。同時，OVO 結合素食餐廳、花藝店（OVO Garden）及家居選物店，用餐後可選購盆栽或生活用品，簡直就是一個沉浸式體驗。餐廳以素食為主題，相信不少素食主義者都聽過OVO 的大名，今日就一於跟我的「素人」朋友過來享受體驗。🍛 1. 香草南瓜意大利飯配素鹽酥雞南瓜泥燉煮米粒，飯粒保留微硬感，「鹽酥雞」實為舞茸菇裹米糠油炸，外脆內多汁。🖤 2. 竹炭Impossible Meat漢堡竹炭麵包配上Impossible植物肉，搭配煙燻車打芝士與醃紫甘藍，口感紮實帶豆製纖維感，顛覆「素食=清淡」的刻板印象。🥢 小食* 素麻醬鴨絲粉皮腐皮仿鴨肉絲紋理，配以麻醬提味，比起原裝肉味更鮮香。* 素花枝魚餅以蒟蒻+海藻膠塑形，中心再包馬蹄粒仿花枝吸盤，沾上泰式辣醬，非常好食。🥣 湯、沙律南瓜湯及鮮果沙律，兩者都非常足料，特別是鮮果沙律，入面有紅肉火龍果、蜜瓜等等，誠意十足。☕ 熱玫瑰岩鹽鮮奶咖啡岩鹽鮮奶咖啡，其鹹味意外激發焦糖甜感，零舍醒神。🫖 熱清新水果茶壺中浸著鮮切生果碎片，甜甜酸酸的味道涵蓋着豐富維他命，健康首選。🍦 芒果熱情果乳酪雪糕最後當然要一杯乳酪雪糕作結尾。是日晚上，上了一場味覺禪修。…查看更多

行咗成個下午、俾人逼到喘唔到氣，灣仔有間充滿園林感覺嘅素食cafe我就撞入咗個小森林，腳步都慢咗，心情都靜咗🌳 環境感覺：置身綠洲間Cafe唔大，但滿滿植物、自然木材裝修，好似走入咗個溫室花園咁樓底好高，連啲光線都係柔和得嚟帶啲暖，成個人都即刻醒晒！🍽 食物體驗：素食可以好玩好味叫咗個「全日早餐」，份量足又有心思🫛Impossible meat漢堡：口感好有肉味，唔知就以為真係牛肉，中間仲做到有啲紅紅哋raw嘅feel🍄‍🟫大啡菇 ：焗得啱啱好，好多汁，似食緊牛扒咁🥗芒果沙律 ：超清新，啲芒果甜到剛剛好，配埋醋汁開胃又唔膩🐥鹽酥雞髀 ：呢個係驚喜位！原來用腐皮做，炸得香脆，仲有啲胡椒香，好邪惡但又健康🥐牛角窩夫：一咬好酥脆，好好食🍝 肉醬流心蛋扁意粉扁意粉吸晒汁，肉醬用素肉整但味道濃郁，配埋個流心蛋，一拌開成個醬香同蛋香mix埋，食到停唔到口🍍🥭🍋🍉連飲品都好高質，熱水果茶用左幾款水果整的，有菠蘿、芒果、檸檬、火龍果、西瓜越飲越濃水果味，係全天然嘅味道，完全冇額外加糖茶底同水果配合得好match…查看更多

🌿灣仔舊街市活化之後，竟然有間咁有驚喜嘅素食cafe，今次我同friend第一次嚟到OVO cafe，真係好似走入咗一個都市綠洲，滿滿植物同木系裝修，氛圍好舒服，食飯時仲有種被森林包圍嘅感覺，返工一日後嚟呢度歎真係一流。 🍝 麵線蝦腐乳扁意粉 呢個菜式一上枱已經好吸引，煙韌嘅扁意粉掛滿腐乳醬汁，味道鹹香濃郁，仲有素蝦嘅口感，食落去層次好豐富。腐乳同麵線嘅結合出奇地和諧。 🥟 青醬芝士菠菜意大利雲吞 呢道菜絕對係全晚MVP，雲吞皮薄滑，青醬香氣同芝士嘅濃郁味道完美融合，菠菜清香令整體更加清爽。食落去有種西式同健康嘅平衡感，真係必試之選。 🍵 桂圓紅棗茶 飲品方面，桂圓紅棗茶暖笠笠，好適合夜晚慢慢歎。甜度適中，紅棗嘅香甜同桂圓嘅濃郁味道，飲落去好養生，仲有種安神嘅感覺。 🌸 七色花茶 另一杯七色花茶就係顏值爆燈，色彩繽紛，花香清新，飲落去淡淡甜味，夏天飲特別舒服。好似將花園搬到杯入面咁，打卡一流。 🍋 蛋白檸檬批 甜品方面，蛋白檸檬批酸甜平衡得好好，檸檬味清新，蛋白層輕盈綿滑，食完完全唔覺膩。係一個完美收尾，令人心情大好。 ✨OVO cafe真係一個城市綠洲，環境舒服到令人忘記咗自己身處灣仔，食物精緻又有創意，無論係素食者定係平時鍾意食肉嘅人，都一定會俾佢嘅出品吸引。下次仲想試埋佢哋嘅咖啡系列，聽講玫瑰岩鹽鮮奶咖啡都好正。…查看更多

OVO CAFE (灣仔)灣仔灣仔道1號地舖城市中的綠洲🤣 估唔到係灣仔有樓底咁高，將藝術同 自然結合嘅cafe ，餐廳內部擺放左大量的綠色植物和花卉，尤其係紫色的藤蔓花，為空間增添了生氣與色彩，讓人可以係忙𥚃偷閒，寧靜地休息一下。今次小編同朋友係晚上去食飯嘅， 原來餐廳主打素食🥒用 蔬菜🥬等各式和樣嘅材料，將佢變成西式/ 東南亞風味嘅食物， 好似今似我地揀左松露野菌燉飯，飯🍚量剛剛好，好creamy 濃郁嘅黑松露味； 至於咖哩喇沙湯麵🍜 佢真係好犀利，湯底同平時有海鮮🦞味嘅喇沙如出一轍， 仲有微辣添，係用左菇類、腐皮等製作，充當平時食嘅蝦等材料， 用左油面配搭，食到我同朋友都停唔到口，佢係好健康又吸引嘅素食！ 呢到嘅餐廳🍴出品嘅coffee 都好正， 小編飲熱玫瑰岩鹽鮮奶咖啡☕️ ， 岩鹽包圍住杯邊， 上面蓋上玫瑰🌹花瓣， 外型都好吸晴🤣🤣 出奇地呢杯latte 咖啡好濃，奶比較少， 口感層次分明，一苦一甜又有少少咸😂 想甜度多啲， 可以好飲小編朋友咁揀熱黑糖鮮奶咖啡☕️😇😌 …查看更多

冇諗過素食餐廳都可以咁吸引！呢間素食餐廳行入去已經有一種覺得好舒服嘅感覺，首先佢用咗花藝嘅佈置，每個角落都充滿着藝術嘅氣息，令我都唔小心陶醉咗喺呢度嘅環境入面🩷沙律+湯品+小食一上枱已經覺得好精緻，呢度會將頭盤沙律、湯品同小食用六角形嘅精緻器皿拼合埋一齊，色彩鮮艷又可愛，無論大人同小朋友都會俾佢吸引到😆 南瓜湯濃郁而又軟綿嘅南瓜湯，入口充滿南瓜味，正值天氣凍咗，呢個南瓜湯入口真係超級舒服。芝士焗西蘭花呢個係套餐嘅其中一個小食，芝士完全融入咗西蘭花入面，西蘭花都新鮮清甜🫶🏻雜果沙律雜果沙律色彩非常鮮艷吸引，其中入面有紅肉火龍果、芒果、菠蘿、小蕃茄等新鮮生果！入口清甜又涼快！鴨胸粉皮呢個真係大贊！粉皮做得晶瑩剔透，入口爽滑，同時又吸收晒麻醬嘅味道，而素鴨胸又同樣出色，入口嫩滑，仲有一刻以為自己真係食緊真鴨胸，估唔到呢度嘅素食做得咁出色😆麵線蝦腐乳扁意粉用腐皮入面包裹住蘿蔔木耳等配料，巧妙地將形狀整成一隻仿蝦既素食👏🏼👏🏼 賣相好似平時一般食開嘅白汁意粉，其實係由腐乳整出嚟。一般食白汁會覺得好滯，但原來用腐乳嚟混合意粉，係可以咁match，腐乳嘅鹹香味入口非常舒服，真係非常推薦呢個菜式！😻紅菜頭燉飯紅菜頭清新嘅味道完全吸收晒入米飯入邊，每啖飯都好似咬緊一個新鮮嘅紅菜頭咁！令人一啖一啖食到停唔到口！…查看更多

🍽️灣仔輕鬆慢享｜素食餐廳好介紹套餐包一款小食、餐湯、鮮果沙律同埋嘢飲小食揀咗芝士焗西蘭花同埋關東煮鮮果沙律新鮮清爽，食完好開胃，是日餐湯係南瓜湯黑松露炒蛋豬柳漢堡黑松露炒蛋好香點綴咗成個漢堡，炒蛋嫩滑，豬柳鹹香，拌生菜夾住連漢堡包一啖咬，味道好豐富Impossible Meat肉醬流心蛋扁意粉上枱已經聞到好香，流心蛋同肉醬、芝士撈勻扁意粉，掛汁力強每一啖都食到蛋黃同肉醬香，肉醬食落完全唔覺自己食緊素🤣蛋白檸檬批最後仲有嗌埋甜品，檸香清新酸甜拿捏得宜，蛋白綿密輕盈不膩🍋熱桂圓紅棗茶微甜順喉，暖身又舒服🍵火龍果香蕉燕麥奶另外加錢轉左火龍果香蕉燕麥奶，雖然成杯紅色，香蕉味好濃！清爽易入口🥛📍 OVO CAFE (灣仔)…查看更多

大家鍾意食素餐嘅朋友，一定要試吓呢間，性價比高！環境也好！最緊要係冇限食時間，可能因為星期一，冇限時要你離開，所以坐到收舖才走！！我的朋友是全素食者很多年，也覺得呢間值得推薦！…查看更多

這間人氣素食咖啡店位於灣仔，原身是1858年建成的灣仔舊街市，現已被列為三級歷史建築物，同時是一間花藝店，主打天然健康的素食料理。店內環境寬敞舒適，能感受到周遭鮮花植物滿佈的自然空間，拉近與大自然的距離。午間套餐包括前菜、主食、小食及飲品，亦可單點其他菜式。忌廉芝士牛肝菌扁意粉 - $128煙韌彈牙的扁意粉，掛滿醇厚絲滑的忌廉芝士汁，充滿著濃郁的奶香，牛肝菌釋出獨特的菌菇鮮味，綿密又有淡淡的木質香氣，新鮮脆嫩的火箭菜好清爽。全日早餐(五辛,蛋,奶) - $138Impossible Meat漢堡扒接近真牛肉味與肉汁感，切開中心呈現粉紅色，有嚼勁而不是特別鬆軟的口感，植物肉的油脂感較少更健康；蓬鬆軟嫩的滑蛋入口帶化；厚度十足的大啡菇汁水好飽滿；番茄扒酸甜多汁好解膩；吉列南瓜餅外脆內軟糯好香甜；牛角窩夫層次豐富，酥脆中帶有淡淡牛油香；新鮮蘆筍脆嫩爽口；芒果沙律新鮮翠綠又酸甜清新。OVO沙嗲雞串(蛋) - $58完美實現以素仿葷，肉質緊實有彈性，纖維感十足，蘸上濃郁的沙嗲醬，有香濃的花生和南洋香料味，還有幾片香脆的蝦片。凍薄荷朱古力豆奶 - $48絲滑的豆奶結合朱古力甜而不膩，有淡淡的朱古力香氣，清爽的薄荷更中和朱古力的厚重感，冰涼順滑。芒果奶昔 +$24新鮮芒果打成細膩的奶昔，果香及奶香濃郁，有自然的芒果香甜，不會太厚重，清爽順滑而不膩。…查看更多

同閨蜜喺灣仔行街搵食，發現咗呢間被綠植包圍嘅OVO CAFE～一入門口就見到吊滿藤蔓同盆栽，成個空間好似迷你溫室咁，打卡位多到唔使爭📸！環境舒服到呢⋯⋯坐低咗就唔願走，完全係城市入面嘅小綠洲啊💚 今次試咗佢哋嘅晚餐set，真心有驚喜！竹炭Impossible Meat漢堡個包身烏卒卒好得意，塊素肉扒煎得香口又多汁，夾埋沙律菜同芝士，食落同真牛肉有得揮🍔！四重芝士肉醬扁意粉更加係邪惡之選🧀，切開流心蛋果下真係心心眼，芝士同肉醬掛滿每條意粉，滿足到震～ 甜品控必點朱古力香蕉西多士！烘到金黃嘅西多士夾住香蕉片，配埋冰凍雪糕球，冷熱交融嘅口感超級正🍫🍌～成餐食完完全冇「食齋」嘅空虛感，反而覺得好豐富！如果嚟灣仔想chill下，呢間絕對係女生friendly之選✨ …查看更多

來到灣仔藍屋打咭，不要錯過馬路對面，灣仔道1號地下，OVO Café，無論環境，素食質素，性價比，都是一流水準。店內裝修十分美麗，滿是日式花草擺設，很高級的感覺，原來素食價錢一點都不貴，更是非常高質素。前菜來個鮮果沙律餐湯，三格擺設，手機已不停拍照，其中黑松露茄子，更是人間美食。主菜一號：芫荽香菜蝦卷扁意粉（蛋，五辛），素蝦Q彈美味，扁意粉乾爽可口，吸飽蒜香和香菜味，香到飛起，做得非常好。主菜二號：黑椒天貝漢堡，漢堡包好脆，天貝炸得外脆內軟，配上蔬菜菠蘿，吃下去，素得理直氣壯，好正的素食漢堡。小吃來點罪惡的：炸素魚配薯條，素魚外皮金黃，魚肉口感假得真真的，蘸點塔塔醬，薯條粗粗胖胖，鹹香暴擊。來杯桂圓紅棗茶，甜得溫柔，一邊吃，一邊聊天，一邊欣賞店內環境，再看看超值的價錢，這餐絕對超值。…查看更多

灣仔的OVO Cafe是一間以植物為主題的素食餐廳，環境佈滿植物，感到放鬆舒適。餐廳主打創意素食，菜式清新美味，健康又有層次感。 ❤️四重芝士醬流心蛋扁意粉是必試之選，芝士醬濃郁但不膩，流心蛋與扁意粉完美融合，口感滑順，香氣撲鼻🤍黑松露炒蛋豬柳漢堡則以植物豬柳製作，質感逼真，配上香濃松露炒蛋，層次豐富，令人驚喜❤️咖喱喇沙湯麵湯底香濃微辣，椰香與香料交織，麵條彈牙，配料豐富，是一款暖胃又飽肚的選擇🤍甜品方面，鮮果牛角窩夫外脆內軟，配上雪糕球與新鮮水果，甜而不膩❤️飲品凍西柚汁清爽解膩，果香自然…查看更多

今次發掘咗灣仔呢間超舒服嘅植物系Cafe！成間店佈滿綠植同乾花🌱，裝修走簡約文青風，坐低即刻覺得好relax～打卡位處處，仲有陣陣清新花香，未食已經心情大好！是日餐湯+鮮果沙律 南瓜湯口感綿滑，飲到天然甜香！沙律用上新鮮水果，清爽開胃，同成個環境好夾～麵線蝦腐乳扁意粉 創意滿分！「麵線蝦」炸得香脆，腐乳醬出奇地同扁意粉超夾，濃郁得嚟唔膩口，中西fusion做得咁好味真係難得！黑椒天貝漢堡漢堡扒口感紮實有咬口，配埋菠蘿同新鮮蔬菜，滿足感爆棚！小食：鹽酥素雞髀- 外皮炸到金黃脆口，咬落索索聲，入面素肉嫩滑多汁，點少少辣醬更加惹味，完全唔覺得係食緊素！純素芝士西蘭花，感覺好健康😆飲品 ▪️檸檬冷萃荔枝烏龍茶：清新香甜，荔枝味同烏龍茶平衡得啱啱好，檸檬增添清爽感，同文青環境超配！ ▪️凍美式咖啡：醇厚順喉，解膩一流～甜品：抹茶雪糕 抹茶味濃郁回甘，口感細滑，為呢餐悠閒晚餐畫上完美句號！…查看更多