Oui Oui Bistro

餐廰環境一般，打開menu, 卻是較高檔餐廳的價錢。因未有其他食客，未能目測食物水準，叫了一個HK$98的龍蝦湯試試吧。自問喝過不少龍蝦湯，但這次感覺似蝦麵的湯底，是水水帶沈澱物的，雖然有點龍蝦味，但也有微苦的味道。過份失望，不敢試其他食物了。老公的羊扒意式飯也是一般，食材普通，這價錢在其他餐廳，酒店也可吃到，而且水準更好。為何有這麼多好評？今日厨子休息嗎？非常同意openrice某些差評。…查看更多

之前食過有心煮食的早餐，就再來試晚餐。點了mussel-鮮，但青口偏細，可能品種是其因。吃了頭盤龍蝦扁面同鴨胸。龍蝦扁面送來嗰陣時候就聞到好香嘅龍蝦味道。細細的法式分量，二話不說便吃，龍蝦肉好彈牙，好味，分量大舊些就好了。如果肚餓，要食多些前菜。鴨胸調味不錯，但偏生，如果介意生熟度，記得同大㕑講一聲。側旁的配菜都好有心思，👍🏻。餐前麵包，薄薄的，脆脆微熱都不錯。另外叫了兩杯紅酒，正常配搭。如果想間唔中食餐味道不錯嘅法國餐，這是一個CP值不錯嘅地方，但不要祈求它是便宜的西餐店，而是有心機做菜的餐廳。…查看更多

這為小店，今次為了all day breakfast 才找上這間餐廳。一入門口暗暗的，但環境尚算寬躺。今次主食All day breakfast : 蛋是焗的，蛋黃仍是有少許流心狀態是最好的，驚喜點是它夾埋煙肉一齊焗，而且煙肉沒有太乾身，可以看到廚師用心整理，第一次食這個做法，它本身是法國餐廳不知是否法式做法😋。另外廚師用了有香濃菇味的菇菌類（因為食過有餐廳只係用平價菇而沒有菇味的）這點可以加分。新鮮薯仔亦很好味。另外佢用兩款唔同嘅包取代普通用的方麵包，包也是很鬆軟。整體可以看出廚師用心整這道菜式。見到他有咖啡機，便點了一杯泡沫咖啡，合格，如果佢有啲更出色嘅咖啡就一流。…查看更多

長沙灣區居然比我揾倒有間高級法國菜😳，擁有蘭桂坊既美酒，亦有酒店級既美食，想也想不到，氣氛一流，入內絕對有驚喜: 香檳、紅酒，白酒應有盡有🍾🍷🍸，我哋叫了一支香檳加兩支紅洒，過份!😝。更有餐前小食，係wasabi蝦🍤，必食! 蝦彈牙不特止，好味到我形容唔到，汁好creamy，有小小wasabi 既香辣，好開胃，其實我想叫多碟，但好似好大食🤣; D汁絕不可浪費，所以我叫多客焗飽，將碟上既汁全清😅 (隔離枱有人望住晒😒), 原來呢個wasabi蝦係signature 😝，唔怪得啦。之後再叫咗半打Gillardeau 法國生蠔，肥到一個點，好濃厚海水味，超鮮甜!主角，牛扒，羊扒加魚意粉，四人食完，飽到一個點，但平過酒店好多陪。牛扒D肉汁已經淺上我件衫，五成熟牛扒既扒好香，絕對係穀飼天然飼養的肉味，好濃牛肉味，入口不需咬己滑走了(太好味，唔記得打卡🤦‍♀️)。羊扒唔係好多人喜歡，但我勁愛，勁香同鬆軟....不過四個人唔夠囉，太正喇，配菜沙律多到不得了，不需叫菜了，真正! 最後個魚一切開己經有汁流出，溢滿意粉上，意粉亦灑上香草🍝，真係滿足到一個點。呢度原來做埋午餐，有All day breakfast 添呀，真係要試下。老闆原來澳洲回流，真係唔同，好捨得用咁高檔食材，對食物好有要求，不過坐位真的不多，訂位穩陣，超讚!…查看更多

區內高評分食店之一。看餐牌都知道收費不便宜，但正如我經常說，你可以高收費，但食物質素，環境，服務是要有配套的。最重要當然是食物質素，整體不差但未達此收費水準，因為各主菜收費都靠近300元，我就覺得不是太值得。服務都不錯，但冷氣正如其他食評也有說不是太夠，希望可以改善一下。…查看更多

長沙灣質素尖咀價錢。全埸零冷氣，問店員係咪壞咗，不停答已開抽風。九吾搭八。食材可以不過煮法未及水平，wine list markup 250蚊。自帶酒水加一百，扺吾扺自已諗。…查看更多

食店座落喺深水埗長沙灣區嘅邊緣大街大巷，好特別嘅招牌配上區內少之又少嘅法國式餐廳，引來我哋俩口子嘅胃口。入到餐廳，燈光昏暗，座位一字貼牆排開，裝修尚算可以，不足嘅情況話就係冷氣溫度過高，全餐廳得兩位客人嘅情況之下都感覺非常之熱🥵與店員反映之下居然得到答覆係[已set到最低無辦法]⋯睇咗餐牌，揭咗一次又一次無我哋最想食嘅lobster benedict☹️詢問店員後知係lunch munu我哋錯過咗.... ...有別於一般嘅法式餐廳，提供選擇嘅菜式並唔多，大路嘅各款 芝士包類/焗田螺蝸牛/燉牛 係無嘅，亦都唔係傳統格局嘅 前菜/主菜/甜品，前菜配上嘅係簡單嘅迷你餐包，無餐湯，無牛油粒，乾啃，更重要嘅係仲要兩個人share 超細碟嘅黑醋點包食😢，十分無奈，希望店主見到我呢個post可以企喺食客嘅角度諗諗... ...睇多次份manu 我哋揀咗一人一份 basque spring chickenGrilled lamb cutlets risotto再加多杯 Taras Boulba 手工啤酒春雞茄蓉扁意粉🍝 $228賣相係幾好，味道亦可以食得出扁意粉係即新鮮並不是預先準備的材料雞肉係一般嘅雪藏春雞，份量大概係三份一隻雞肉方面無咩味，唔知是否原意係配合返意粉汁一齊食？燒羊架意大利飯 $298賣相同春雞意粉一樣，都係幾好睇松露醬蘑菇意大利飯，兩件overcook嘅羊架另跟不合份量比例嘅香草汁三樣嘢三樣唔夾嘅味道😵落order果陣特別提示店員切勿烹調得過熟以免影響口感，正所謂你有你講佢有佢做落刀切開已經心知不妙，完全過曬火，嘥咗舊肉，熟到鞋曬口。原本諗住同店員反應，不過一人伺應連bartender 嘅佢已經hea 係個角落頭玩電話遊戲，連反應都慳返啖氣。疫情悲觀籠罩嘅今日，平民區嘅地段賣尖沙咀嘅價錢，不要求有高級餐廳嘅服務，收得 298再加一服務費，索價330蚊一碟嘅Risotto，可否俾返小小食物質素嘅誠呢？杯啤酒飲到最後，居然有不明沉澱物...沒有CP值可言，同樣的價錢完全不值得推介有圖有真相，店方睇到期望會得以改善…查看更多

因為本身想食嘅餐廳冇位，所以就喺附近求其揀一間試吓店內嘅位置都都唔多，裝修算簡單前菜來講有沙律或者蕃茄湯飲沙律來講呢個都算唔錯，雖然認真望落啲山菜有少少啡色蹟，但加咗啲木糠粉上去之後令個口感豐富左🌙Truffle Carbonara $118雖然呢個賣相都幾靚，但係朋友話因為又有蛋黃又有Carbonara 醬嘅原因，所以食落其實都好濟🌙Scallops garlic pasta $98我地個麵就係煮得硬咗些少，同埋個汁太少沾唔到個麵，但蒜蓉又太多…查看更多

在友人千呼萬喚下，終於有機會試到這間隱世餐館，燈光雖然昏暗，但就有種小藍調，疫症下的一個中午，這裡人不算多，適合來杯咖啡、聽著輕音樂、讀幾頁書。推介菜式：All day breakfast 記得早年法國交換生時，很喜歡到當地一家餐館吃all day breakfast , 法國人對每項細節都很專注，單是一個煎蛋，都可以做到很Juicy, 回港多年，終於搵番呢種味道，除了煎蛋出色外，這裡的肉腸都是令我很難忘，外皮脆得來帶點煙銀，肉汗多，肉味恰到好處，薯角外脆肉軟，每種食材的溫度都恰如其份！我掙扎緊要唔要寫這個食評，因為我怕一寫了，這間餐廳紅了，便不再寧靜了.... All day breakfast $108 …查看更多

呢年香港真係行正衰運先有社會運動重擊經濟，又到疫症，人人都吾敢出街，經濟吾差至奇!呢餐飯本來係我舊年9月的生日飯，因為晚晚有暴力事件我地都吾敢出黎，好快又到我fd子生日，所以決定今晚出黎食左飯先之前我日間食過Oui Oui Bistro覺得好好食，他沒任何set, 所以諗住食日夜都沒分別，點知原來我想食既夜晚都無得食上次食過Foie Gras & Ham Crepe覺得好好食，想同朋友仔食埋Fresh Seafood Crepe, 點知原來夜晚吾做Crepe, 呢個我覺得應該改善! Crepe係Bistro必然有的菜單，點解夜市吾做呢? 上次胃痛食吾到truffle carbonara，晚市亦無，好吾開心睇左一輪終於落左order，立即有麵包送上叫左 Foie Gras Creme Brulee (148蚊), 個Creme Brulee幾滑，但其實鵝肝味不太濃烈只有芝士味，但食到粒粒鵝肝Shell Fish and Squid Ink (248蚊) 我同fd 子都係墨魚麵死粉，去親餐廳都一定叫墨魚麵! 帶子同蝦都煎得好好，墨魚汁味道夠亦al dente朋友仔食2啖已經成咀黑哂Roasted Lamb (298蚊) 呢個賣相係好好的但得2件小羊架實在太少!羊架味道係好的，但有少少overcooked感覺乾左d, 下面有creamy既risotto, 伴碟有菇同菠菜，但菠菜有d苦! 食完三樣野完全沒飽，所以再叫左2個甜品我地想叫Banana Beteau (98蚊) 因為我同fd子都好鍾意食Crepes，點知話無香蕉! 我地個樣太失望，所以waiter哥哥話可以轉蘋果，我地立即話好呢個crepe with caramel apple味道好好反而French Toast (88蚊)係他們主打甜品，我覺得有d失望! 因為我地crepe食左蘋果，所以chef自己幫我地將原來的apple轉左blueberry, 但d藍莓大粒但酸，個toast亦沒想像中應有既林軟同fd子開心度過一晚埋單968蚊，可能我地2個為食妹都大食，我食完仲吾太飽，返屋企仲食左個肉鬆麵包，謝謝朋友仔請客，下次都係日間食Seafood Crepe同Foie Gras Crepe更啱我地…查看更多

我呢幾日忽然胃氣脹，攪到成個人好吾舒服，但今日星期日真係好想同少爺去街，一心睇戲前去Qui Qui Bistro食lunch。點知成晚胃脹食左4粒藥都無用，脹到個胃突哂出黎，最後決定試用泡打粉沖水(真係好難飲)飲完勉強出門。。。飲左15分鐘感覺好多氣，猛*打益*好左d, 到餐廳立即叫waitress俾杯熱水我再灌落肚，個胃終於舒服左d。其實我想試Qui Qui Bistro好耐，但2次想去都撞正他休息星期一休全日，星期二只開晚市)， 所以今日星期日先試:典型小餐室樣外面望到白衣chef準備野食餐廳沒set, 所以日夜去都沒分別因為我個胃太吾舒服，我地不敢叫Truffle carbonara, 因為驚太heavy更刺激個:最後要左Foie Gras and Ham Crepe (148蚊:呢個我極力推介! 我本身勁喜歡食crepe, 呢度煎得好豐:! 面頭好多煙:，Caesar salad菜好新鮮! 個鵝:煎得外脆內:，同我地響泰國文華東方食brunch, 瘋狂食的煎鵝肝一樣正:雖然我個胃好吾妥，我仍然沒怕:食左1/2 個肥膩鵝:，個Parma ham都正! 呢個我下次去都會再叫!:我吾敢食太heavy既carbonara, 所以少爺叫左Chicken Pasta (168蚊)， 呢個係小春雞伴扁意)個汁係ok good, 個春雞亦吾:，但無乜特別。無set所以無野飲，但各式咖啡特飲都係18蚊，好:，埋單348蚊。我個胃吾舒服所以都無叫野飲同甜:，今次係胃氣脹下淺:下次去好想試carbonara, seafood crepe 同banana crepe:…查看更多

今晚同老公出黎拍拖食飯，係屋企附近搵左間西餐廳。入到去環境暗暗地幾浪漫。頭盤嘅麵包個皮脆脆地，白色嘅麵包軟林林。不過啲牛油奶so味，自己唔係幾鍾意不過老公就話好好味。我哋一人叫左一杯酒我就叫左Champagne，味道甜甜地幾易入口，老公叫咗杯白酒，After taste都幾勁。到咗主菜，lamb risotto 個樣好吸引而且好精緻。黃色嗰d應該係南瓜醬，紅色嗰啲應該係紅菜頭。risotto 好creamy，軟硬度適中。羊架都煎得岩岩好，而且唔會有好多肥羔。Chicken pasta個醬應該係用咗新鮮蕃茄做，淡淡嘅蕃茄味好清新。不過個雞胸有啲乾。整體都非常滿意👍🏻…查看更多

雖然社會不穩，但我地更加唔可以亂，要相信我地會得到我地想要嘅嘢，適逢友人生日，我地當然都要行出黎慶祝一番。Iberico Pork Collar：豬扒有一定厚度，肉質鮮嫩多汁，唔鞋彈牙，覺得單吃都已經好好味，沾汁就會更濃味，但佢未有cocina 3果種驚艷。伴菜的煎翠玉瓜都好好味，多汁，有口感。Cheese Spaghetti ：意粉味道屬於正常，但麵質偏硬，覺得唔夠al dente 。Fried Portobello：有蟹肉嘅portobello幾好食，但份量有點小。Lobster Risotto ：龍蝦意大利飯好真材實料，龍蝦味超濃，基本上每一啖飯都有濃濃的龍蝦汁喺入面，小龍蝦嘅肉都好彈牙，好鮮味。French Fries：有黑松露味嘅薯條，友人們大愛，但係我真係唔識欣賞。French Onion Soup：個人覺得洋蔥味不足，黑椒味有點重。整體食物質素屬中上，但份量真係有點太小，食完好似無食過野咁。食埋甜品都唔飽。侍應服務態度殷勤，不過廚房飄來陣陣香煙味，就會不禁懷疑係咪有人喺廚房食煙。…查看更多

一行7人難得過海去長沙灣搵地方食lunch。素來聽聞長沙灣有間非常好食既西式小店，決定去一探虛實。餐牌一張圖片一款菜式，好有vintage既感覺。先黎個starter，fresh blue mussels，比較細隻，但係鮮味十足。朋友既fish of the day，我無試個魚，但係薯條堅好食，而且個碟好特別。fresh seafood crepeall day breakfast，要大讚個蛋，超有蛋味，而且係用煙肉做個兜兜黎裝住隻蛋，技巧，之作👍🏻truffle carbonara，味道一流，係黎到既時候個蛋黃跌左出黎，失色左少少。flat white，$18一杯！仲要好飲！去邊度搵？最後既french toast，蛋香呀🤤🤤🤤真係有心機既小店👍🏻…查看更多

A small French restaurant located in Cheung Sha Wan. The foods are delicious and worth to try. I like the egg benedict and all day breakfast, the onion soup also not bad, try! You better check the opening hour as they may closed in weekday lunch hour.…查看更多