Oliver's Super Sandwiches (新鴻基中心)

营业中

休息中

近排都比較忙,難得有一日可以早放工,於是夜晚就去o左supersandwiches坐底諗住食焗薯,因為好耐都無去食,原來餐牌已轉了,焗薯原來現在要加錢先可以跟飲品或湯,而收銀員(是打tie的,我想是經理吧)都很耐性地為我解釋關於收費同套餐可以有咩選擇,因為真係太耐無去喇,所以一d都唔知可以點叫,最後都成功地叫了個咸牛肉焗薯同最愛o既雜菜湯,當我食完正享受緊我新買o既書既時候,聽到收銀處有個男人好大聲咁同個經理講o野,令我不得不望過去,但聽到的不多,只見到當時個男人係收銀前面用個紙袋掉向個經理,仲係向面掉,但見到個經理都係向住個男人笑,而個男人仲不停係度指住個經理鬧,隱約聽到個男人話佢係第二間分店唔係咁樣,最後個男人仲指住個經理同佢講i know your face,我覺得好好笑,個經理俾你用o野掉完都仲對你笑同你講byebye,雖然我唔知個男人因為咩事咁勞氣,但我覺得都唔使咁樣指住人o黎鬧,仲要用紙袋掉人,好無禮貌,我好欣賞呢個經理,俾人用o野掉完仲會對住佢笑,好欣賞佢呢份耐力,走既時候都忍唔住行去同佢講,問佢個男人咁野蠻,點解佢都仲可以對佢笑,點知佢既答案真係令我忍唔住要係度讚揚佢,

跟好久不見的朋友來這兒吃午飯。半自助式，排隊點菜付款後有職員拿來。要了個雞沙律焗薯($26)，另加$14有雜菜湯和凱撒沙律。全部味道都不錯。今天天氣涼，坐在店外的行人道旁邊吃邊聊天，挺寫意的。

同朋友0係尖沙咀睇完一個3 粒鐘0既表演, 兩粒鐘之後又要去到灣仔睇另一個3 粒鐘0既表演, 5:xx pm / 6:xx pm 呢d 尷尬時間, 走0黎呢度食late tea / early dinner.要0左個banana + peanut butter toastie + illy 咖啡tea set... 賣相同之前0個位commentator 0既相入面0個d 一樣, illy 咖啡聞落幾香, 不過飲落就... 唔0岩我口味喇. Toastie 烘得夠脆, 不過整體太乾, peanut butter 落得幾多不過竟然唔多夠味, 0下???朋友叫0左ham + cheese + pineapple 餡toastie (見圖; 相中賣相唔靚因為俾我咬了一啖=P), 好食得多! 白方飽夠脆, 芝士熔熔0地, 加埋ham + pineapple, 好似食緊Hawaiian pizza 咁.環境ok, 當時無乜客, 靜靜0地好舒服, 好乾淨; service... 都ok 啦, 比世貿0個間好得多.一直對Super Sandwiches 印象都唔差, 間唔中tea 一tea 都唔

搔頭搔到三點三，又變咗食下午茶餐。止頭痕套餐又點止咁簡單：除暫緩「腦部唔想諗食乜後群症」之外，飛碟中既香蕉、花生（醬）含豐富鐵質，加上花生有維他命E 同泛酸，抗氧化之餘仲有烏髮、防脫髮既作用。驚喜在連切香蕉也切得講究：橫切三片不單確保香蕉夠熱又唔熟過頭之餘，仲確保隻飛碟斜切時D 香蕉唔會飛哂出來。加兩塊夠哂粗又夠哂脆既La Rose Noire 麥包，同杯freshly brewed 的illy coffee，舒服哂。止頭痕既原因，仲有食完唔使頭痕諗夜晚食乜。

尋日又去影藝睇戲，所以要附近食。最後揀久違了的奧利華，因為有懷念佢焗薯仔。我記得第一次幫襯佢係十五年前，時覺得佢薯仔焗得真係出奇地好食，自己返屋企研究好耐都整唔到佢水準，而且家裡點可能有咁多款配料落。但係近年佢質素就每況愈下，尤其係當俾大家樂集團收購之後簡直係一落千丈，無論食物，服務，收費都今非昔比，因此先會俾DELIFRANCE乘勢而起。以往我是一定會先揀OLIVER'S的，但今時今日我也多數幫襯DELIFRANCE，而他們最失敗係拱手相讓港大間分店俾星巴克，咁簡直係送隻會生金蛋雞俾人一樣。回歸正傳，今次重回舊地，難得有驚喜。佢終於意識到佢市場策略有問題，所以推出個焗薯套餐，只要加14元就有餐湯，沙律同咖啡，後者仲要係ILLY出品。我當堂想回味一下舊日滋味，於是點一客三文魚沙律焗薯，整個餐味道都唔錯，咖啡同個磨菇湯尤其好，相信可吸引我重投佢懷抱。講時講，佢舊時焗薯有多味揀，我當然最懷念我第一次食個忌廉粟米焗薯...

週二早上，到SHKP 開會。早上八點半，室內座位巳經七成滿。五月上旬早上，氣溫巳經廿九，難怪食客都往有空調的室內進餐。倒是有數名要抽煙的食客，選擇室外的餐桌位子。這兒是半自助快餐店，先到收銀處付款，之後拿著店家給的數字牌，乖乖的回位子坐便可以。不消一會，店員便會捧餐到你的位子。服務有禮誠懇，不俗。早餐由十八蚊起，較貴的近三十二蚊。比起大部份港式快餐店或者茶餐廳，這兒是幾貴。點了「早餐?」（$23）：是兩片蜜糖火腿薄片、煎雙蛋、一堆茄汁豆、一片多士（附牛油、草莓果醬），飲品選了熱即磨咖啡（少奶）。年輕男店員恭敬敬有禮，雙手把食盤送到跟前，還微笑說句：「請慢慢享用。」配上窗外的晨光，一個美好的早上開始了！（加分位）當我起身，想把黃糖換作白砂糖，那男店員急忙跑來，主動問有何需要幫忙？之後，亦好快給我換糖。（加分位）食物方面，蜜糖火腿好薄好味，鹹甜恰當。茄汁豆唔使評啦。多士烤得相當均勻，外香脆內柔軟。（用來沾蛋汁，一流！）雙蛋煎得好漂亮企理靚仔。若果灣仔各食肆（特別係「大家x」和各灣仔茶記）都煎到碟碟蛋都咁企理，我絕不介意day day 在灣仔吃早餐！咖啡都唔錯，香濃稠滑。吃完之後，覺得廿三蚊

放假後第一日返工, 想飲杯咖啡提神, 就黎利華外賣個早餐. 要左scone, 餐飲加$8要左12oz cappuccino. 返到公司, 打開杯咖啡, 得2/3杯, 咪即係8oz! 早知就加$4要細o既算啦! scone係la rose來貨, 佢地用大爐加熱後外脆內軟, 配埋士多啤梨果醬, 正!

同dad share 個雙層salad club sandwich~用左蛋salad同tuna salad都唔錯$30個tea都唔算平但勝在呢間super sandwich環境好無人既時候黎都唔錯架

嗰日心思思想吃蛋糕，便來這兒吃下午茶。買了一個Apple Crumble Cheesecake 以為好味。點知好難食，ＤCrumble 淋啤啤，cheesecake 極甜又冇芝士味，吃下去似吃着擦紙膠似的，很久沒吃過咁難食嘅蛋糕，仲要廿五蚊咁貴，好唔開心呀！

service : 呢間服務好好, 不過lunch time好多人!!仲有最唔鐘意叫完野食, 先比錢, 再行返去拎野食~ 好亂!! 我覺得好似大家樂/大快活o個d咁咪仲好~ ^_^食物: d三文治好好味!! 貴過delifrance但夠大份!! 仲有焗薯都好正, 焗hot d仲好味!!

原來呢間Super Sandwiches 有Candle Nite 架！好似係每日6pm (or 5:45pm??) 開始，全店會較暗d 燈然後點洋燭，好Romantic 呀！