Oliver's Super Sandwiches (新鴻基中心)

营业中

休息中

對比上一次食，真係好唔同。同一間連鎖店都可以有唔同既水準，同樣係意粉+湯+野飲，都係盛惠$81。今次又係食黑松露牛肝菌篇意粉，但不論係松露定係意粉都係好唔夠味，就算落左芝士粉都改善唔到。仲有，上枱既時候溫度不足，好快d醬就杰曬。呢個粟米湯就唔係咁得，第一佢好多洋蔥喺入面，所以一味得刺鼻同有點辣。另外唔知道邊樣食材有d焦焦地既味…其實真係似洋蔥湯多過粟米湯。灣仔分店都比較多人，就算係過左一點半依然好多人，要搵位就難d啦。

實在很久沒幫襯Super Sandwiches. 今天早上路經灣仔海傍商業區，時間尚早，就來個歐陸早餐：蘑菇炒蛋配香腸煙肉多士+即磨咖啡。炒蛋夠Juicy, 蘑菇夠香，煙肉帶煙薰味，再配條豬肉腸和半個鲜蕃茄，還有兩件麥飽多士和香濃即磨咖啡，質同量都已滿分。再配襯現代簡約餐廳環境，坐得舒服，吃得輕鬆！還有是餐牌作了改良，以前款色太多選擇，反而令客人難以決定，現在早餐只有6款配搭。在灣仔商業區36元一個早餐，絕對物超所值。

星期五特登請咗半日假為咗去同朋友一齊野餐。星期五六日去野餐太多人啦，而且朋友返shift，好難約，所以好奢侈咁用咗一日假。我地係灣仔買野食，準備野餐。除左係超市買野食，仲買左份三文治。相影得唔靚，因為行到去添馬公園個時，個三文治已經變左樣。份三文治好好味 芝士溶咗黐住個包同塊火腿。個包焗得夠熱，但係唔乾，而且唔會好硬，好好味，配合埋一個戶外嘅環境，真係一個好好嘅享受。再有機會，去野餐嘅話，我會再食。

裝修後的，店舖比原本的大近一倍，但仍人頭湧湧，可見生意十分好。餐廳裝潢簡約舒適。靠門口是落地玻璃窗，有自然光透入，感覺悠閒。餐牌上的價錢，在灣仔區內說，算是正常。食物的選擇以意粉和三文治為主，另可加錢轉套餐。在前台點好餐之後，店員給了我們每人一個感應器(感應器小巧，就像扁身的圓碟)，著我們找座位坐下，當食物準備好了，便會有店員捧著食物來到我們的枱前。於是，我和朋友便坐在位子上等食。大約5分鐘，店員便送上食物，然後收回感應器。點了挪威煙三文魚、蜆肉扁意粉配刁草忌廉汁。名字十分長，轉眼便會忘記。蜆肉和三文魚肉挺多的，刁草忌廉汁濃稠，入口滿滿海鮮味道，意粉軟硬適中。唯一不足的是以我平日進食午餐的份量計算，意粉份量太少，我只飽了八成，下午要吃零食充飢。

下午茶時間男朋友做外賣仔去左Oliver's Super Sandwiches買比我我揀左個意粉下午茶係三文魚意粉比平時散叫/lunch細份啲由於係外賣所以到我手上既時候就已經唔係好熱咁佢個汁就因為凍左既關係所以就有少少一pat pat不過都係不錯的然後佢配個酥皮湯個湯係南瓜湯所以我一啖都無飲過都唔記得左影相不過佢個酥皮幾正黎到都仲係熱辣辣仲係好脆既~我覺得好好食男朋友就嗌左個炸魚薯條其實個炸魚絕對絕對值5粒星!因為唔係第一樣食既野但係到食既時候都仲係好熱好脆!佢個魚唔會係雪到得返陣雪味有魚既香味口感方面唔會係平時魚聊個感覺好似真係食緊魚咁一啲都唔霉不過因為個薯條就dry左啲所以就比左4粒星但係都熱既都不錯~!之後我地加左個芝士肉醬薯條又係好好食扣左個一粒星係因為個肉醬太膩同埋有少少唔太新鮮溶左既芝士醬係十分之好食!!但整體都係好好味!今次令我好驚喜係因為平時我食Oliver's Super Sandwiches淨係食卡邦尼意粉不過今次令我發掘到有其他野都好好食加埋無諗過外賣都咁有質素

今日同同事去吃我是第一次食呢間店意粉乾身，肉醬汁多而不水水上菜勁快 落單至埋位等都係兩分鐘飲品都算大杯 個套餐裡。我同事叫左個煙三文魚墨西哥卷都好新鮮杯咖啡勁香，他話很好飲的還有磨菇忌廉湯

今日食得真係好飽，order了個super combo set以為食得矖，結果....唉！什菜湯 + 西蘭花黑松露汁意大利麵 + 咖啡 ($60)酸酸咪咪的什菜湯原本好開胃的，怎知道什菜份量頗多，己飽了一半。黑松露醬汁好香濃好惹味，每條意粉都沾上了，入口濕濕地，不會乾巴巴，基乎吃清光。咖啡用上了illy品牌，無可挑剔的保證。今時今日，咁嘅份量，咁嘅價錢，確抵食！

又令到灣仔返工，梗係嘆番個豐富d嘅早餐對自己好啲！好耐冇食super sandwich, 就選址呢度。其實呢度個個餐都好豐富好吸引！好似我呢一個咁，有齊pancake、炒蛋、薯粒同豬肉腸，其實真係食唔哂！個pancake食落鬆軟，佢預先搽左蜜糖響面，雖然稍稍重手過甜，但都算好好味！薯粒亦都炸得好脆，薯味好香。勁飽肚！而炒蛋就加上左少少煙肉增加口感，但個蛋不算滑，小小老，蛋味亦不足。豬肉腸啖啖肉，好好口感！一日之計在於晨，食完個咁豐富嘅早餐，之後成日都充滿Energy！

以往都係黎食早餐多，之前團購出左COUPON，所以黎試下佢D意粉~ORDER左新出的~唔記得名，但有巴馬火腿，露荀同煎雞~個SAURCE勁普通，無咩味道~D雞又鞋鞋地~好似食緊茶餐廳野咁~不過佢地都有窩心的一面~我無叫套餐，佢地自動比左杯熱水我~WAITER好有禮貌~總括，呢度的PANINI會好D~不過有團購都唔會想再黎~

今天突然想起想吃焗薯, 其實提供焗薯餐廳不多, super sandwiches 是我不二之選.我點了雞沙律焗薯: 焗薯熱騰騰,味道淡的但很有薯仔味, 雞沙律則是凍的, 但二合為一之後感覺還是良好! 我很喜歡他在雞沙律中混有青瓜粒, 吃起來很清新. 我加了$17要了沙律及湯: 日式芝麻醬沙律, 加了日式芝麻醬, 很香, 味道尚可. 不過, 只有幾塊蕃茄, 加一片生菜, 是不是少了一點呢? 加上蕃茄及生菜都是凍得雪牙, 好像是伴碟多於供客人食用. 雜菜湯的味道很淡, 好像是準備不足, 加水了事的例湯. 如果要加$17換上這沒有誠意的食物, 我下次寧可只吃焗薯算了!

冬至之日難得可以提早下班，家中各人都各自有節目，並沒要做節的意思。看看手中的優惠券，我選了來這裡享受晚餐。在新鴻基中心佔地頗大的Oliver，有著一貫的設計風格：大而明亮的入口，寬廣舒適的座位，餐廳氣氛與配色都充滿格調帶著早前剪下的優惠券影印本，我選了三文治為套餐的主菜選好座位後，把點餐號碼牌擱在桌上，稍待片刻就有店員把套餐送到跟前晚市酥皮湯套餐(使用優惠券$43)半份蜜味火腿、芝士意大利熱烘三文治 伴 番茄沙律(日式芝麻汁)整盤餐點送上來時，我選了先吃三文治，因為麵包涼得最快，也會變得最不好吃，還好一口一口咬完時，雖不至燙手(本來就不燙…)，但還是暖暖的！主打三文治的oliver，這個包卻只在合格水平之內(如果沒優惠價，則變不合格了)！用料及份量雖然足夠，味道卻不怎麼優渥；首先，麵包不夠軟熟，也沒什麼麵包的香甜味道；其次，芝士雖然用了厚厚的一片，可是這片芝士卻沒什麼香味，也溶得不夠徹底，吃完整個麵包，感覺自己被強迫吞了一大塊脂肪入肚子，卻沒增加一絲美味的分數…早知道的話，我會選擇走芝士…火腿方面，用量也不小氣，只可惜不是什麼好吃的火腿，so so only~還幸沙律雖然只是簡單的蕃茄

4點幾先食LUNCH,餐牌已經提供TEA SET啦..對我來講TEA SET份量實在太少, 食一個又唔夠, 二個又太多.點知俾我見到有一個SET十分岩我,, 有一個酥皮忌廉湯+迷你三文魚意粉再加$3轉左罐裝汽水個酥皮湯比想像中大份量, 單單飲完個酥皮湯已經半飽其實個湯都唔算太特別好飲, 比一般罐頭湯味道淡D, 不過最主要都係個酥皮夠酥夠牛油香十分美味.至於個意粉都唔錯, 三文魚份量都算足意粉亦煮得岩岩好唔會過淋.唔知係唔係地點關係, 此店人流較少座位都幾舒服

母親大人極愛酥皮湯，之前在意粉屋單叫一個已盛圍$40，今天見報紙有Super Sandwiches coupon，整個套餐連湯也只售$39，簡直是抵到爛。周五放工便相約媽媽前來灣仔撐枱腳，心急的我們六時左右已到達，更找到一張梳化位，正！這個套餐包括酥皮忌廉蘑菇湯、一款主菜及飲品。在三款可選擇的主菜中，分別點了挪威三文魚、蜆肉扁意粉配刁草忌廉汁，以及蜜味火腿、芝士意大利熱烘三文治伴凱撒沙律。飲品則叫最簡單的熱檸茶及熱檸水。三文魚意粉首先送到，賣相煞是吸引，份量亦很不賴。扁意粉煙煙韌軔，配合濃稠的忌廉，吃罷令人很滿足。至於熱烘三文治，確是非常非常美味，絕對是我杯茶。麵包面用坑紋機烘過，被烘的凹位香香脆脆，至於沒有烘過的凸位則鬆鬆軟軟，兩者交織在一起，讓口腔體驗複雜的感受，很有趣哩！蜜味火腿味道很豐富，鹹中帶甜，甜中又帶鹹，加上半溶化的芝士，把整個三文治的推向高峰！那個沙律也不得不提，生菜新鮮、煙肉惹味，麵包香脆，加上那個醬汁，簡直停不了口。酥皮湯新鮮出爐熱辣辣，外皮焗得很鬆化，不過忌廉湯稀了一點，而且磨菇味不夠濃，若能夠把這點也有所改善，則今次晚餐可以用perfect來形容！

終於都返左黎香港啦！終於都可以做下食評家！尋日行左去新鴻基中心見到Olivers Super Sandwiches，見佢全新裝修，就貢左入去，環境超舒服，餐牌用左電子芒顯示，唔知係咪新一代既設計呢？今期做緊呢個夏日消暑推廣，因為太肚餓既關係，我叫左個泰式焗薯三香奏--青咖哩雞肉同埋西班牙風乾火腿、火箭菜、車打芝士配德國農夫包，本身+$4重有個凍薄荷柑桔汁，不過我唔太好所以無叫。本來諗住呢度賣得咖哩野都唔方辣得去邊，不過咖哩味好出，好香濃，反而個魚餅重辣過薯仔，但味道不錯，值得一試。而風乾火腿配車打芝士個味道好正，火腿咸咸地而芝士甘甘地，加上烘得脆，值得一讚。其實重有個鮮蝦菠蘿花邊粉配甜酸汁同鮮蝦、菠蘿、西芹、提了乾雜菜沙律配螺絲粉，不過一枝公食唔到咁多野，唯有下次搵人一齊食。

今日下午行完書展, 便去新鴻基中心搵嘢食, 最終揀左 Oliver's Super Sandwiches, 因為已經好耐無幫襯喇。一入去見到個餐牌都幾貴, 不過咁耐無食都試吓啦, 仲叫左我最喜歡嘅煙三文魚碎蛋沙律三文治套餐.點知個包有啲好怪嘅香草味, 再加上三文魚同碎蛋沙律嘅份量相當少, 非常失望.如果這個份量是下午茶餐是相當合理的, 但要用 $56 食嗰咁嘅午餐, 唔會再有下一次囉!