Odyssée

ICC 101楼有6间餐厅，包括中菜馆、法式餐厅及意大利菜馆，今日就同朋友去咗Odyssée食法国餐，佢环境可以透过落地玻璃窗，俯瞰维多利亚港及九龙半岛，令人彷如置身云端，景色非常开扬。餐厅装修高雅，暖色灯光，气氛好柔和又浪漫。绝对系打卡好去处。六道菜嘅晚餐非常丰富。Amuse-Bouche餐前小食有惊喜，有春卷、牛肉他他同埋红菜头挞，最钟意佢个牛肉他他，牛仔造型劲得意，入口松化充满咸香。Burrata Cheese卖相超吸引！配Solliés无花果、榛子同果酱，乳酪嘅滑嫩同果香融合得好自然，层次丰富又唔会过甜。无花果鲜甜，榛子嘅微脆口感带嚟层次感，捞埋一齐食入口即溶。法式洋葱汤，汤底浓郁，甜而不腻，配埋香脆嘅Brioche同焗得金黄嘅Gruyère芝士，加埋咸香嘅Bayonne火腿。冻蟹配Brittany蓝龙虾，龙虾肉质一流，汤底有柑橘清新感。马友鱼，呢道主菜真心正。配合Bouillabaisse海鲜汤底同新鲜嘅蛤蜊同芽菜，鱼肉嫩滑烟靱，配料爽口又惹味。Seafood Risotto，米饭软硬得宜，海鲜够Fresh，充满芝士香气。US Prime Tenderloin，肉质Juicy高质，入口顺滑冇渣。甜品Soufflé非常有心思！土多啤梨香气浓郁，甜而不腻，将雪芭放入Soufflé捞埋食，冰火交融口感一流。…Read More

ICC 101楼的Odyssée是一间高质法国创意餐厅，环境时尚靓仔，落地玻璃窗让人可以一边欣赏维港壮丽风景，一边享用美食，氛围非常有气氛。Odyssée Experience有6道菜套餐，价钱适中，菜式摆盘都非常精致，由开胃Amuse-Bouche开始，Solliés无花果、榛子同果酱，令口感层次丰富，奶味细腻且带鲜甜，同果酱嘅微酸甜味十分夹。法式洋葱汤用香脆嘅Brioche配Gruyère芝士同Bayonne火腿，汤底浓郁惹味，芝士融化后带烟韧嘅口感，非常暖胃。升级Brittany蓝龙虾，配搭浓郁嘅龙虾浓汤、芹菜同柠檬，汤鲜甜开胃，龙虾肉质弹牙Juicy。鱼类主菜有Threadfin配Bouillabaisse鲜汤底、蚬肉同西兰花仔，味道层次好丰富，鲜甜海味尽显。海鲜意大利烩饭用蚬肉、豌豆同章鱼，饭粒吸收咗浓郁海鲜汤汁，软硬适中，啖啖海鲜味道。美国Prime嫩牛柳，牛肉入口嫩滑且入味，牛尾味道浓郁。甜品系Souffle，好有心思，士多啤梨香气出色。甜度适中，好有层次感。…Read More

喺101楼食饭，望住香港好靓嘅夜景，一整片维港就在脚下，感觉非常写意。今晚食饭饭嘅餐厅系odysseehk，有两个menu，我哋拣咗六道菜的menu。好快就有Amuse Bouche，有小芝士包配自家制牛肉，另外亦有几款面包可以选择。之后三件小食卖相精致，中间牛仔形状嘅系牛肉他他，好睇又好食！跟住就食Burrata cheese配果酱，仲有啲无花果减低油腻感，配菜仲有榛子增加口感，好味！跟住系仪式感十足嘅洋葱汤，即场喺枱面加热，再配上精美菂式嘅火腿芝士三文治，感觉幸福满满的。另一个set就要咗法国蓝龙虾，用咗慢煮炭烧嘅方式烹调，龙虾味道鲜甜，肉质鲜嫩弹牙，垫底仲有一粒龙虾肉意大利云吞，成个菜式嘅口感同味道都好丰富😋下一道菜系海鲜汤煮马友，肉质非常嫩滑，鱼油香十足。另一个主菜系美国牛柳，肉味突出！另外用牛尾整嘅小包包味道都好有惊喜，配搭嘅汤汁更加系鲜味突出，好好食。海鲜意大利饭都几好食，酱汁creamy，份量适中。最尾食埋士多啤梨疏乎厘配雪葩，饱饱的🤗…Read More

# 【食评】101层高空享受 —— Odyssee Creative Dining 法式晚餐 呢间餐厅我留咗喺「想去清单」好耐，今日终于同老婆上到 **ICC 101 楼**，试咗 **Odyssee Creative Dining** 嘅tasting menu。 讲真，未入座已经感觉到气氛唔同，一坐低见到成个维港夜景，个moment真系靓到呆咗！ ---## 🍞 Amuse-bouche / 面包 一开始细细件嘅一口小食，造型精致，好似艺术品。面包篮都出色，外皮脆，入面软熟，热辣辣送牛油好吸引。 ---## 🧀 前菜 **Burrata Cheese 配果干、果酱、榛子** 奶香超浓，衬埋酸酸甜甜嘅jam，味道层次丰富。摆盘好睇同靓，老婆食完仲话有「法式轻盈感」。 **牛肉他他 + 春卷 + 红菜头cream cheese** 一口size，三款都有特色，牛肉他他嫩滑浓郁，春卷脆卜卜，红菜头带微甜，味道唔会沉闷。 ---## 🥣 汤品 我拣咗 **French Onion Soup**，洋葱甜香，面层芝士焗到金黄，饮落暖笠笠。 老婆嗌咗 **蓝龙虾汤**，有龙虾肉，每啖都鲜味，质感厚身，佢话完全零投诉。 ---## 🐟 鱼料理 鱼肉火候控制得几好，滑身唔干，配底下嘅龙虾汁够鲜，仲有少少辣酱提味，几特别。 ---## 🍚 主菜 **Seafood Risotto** 成晚嘅MVP！米饭保持咬口，带少少奶油香但唔腻，入面有蚬肉、八爪鱼，酱汁浓郁，鲜味足，份量仲算大，呢个我同老婆都一致大赞。 **Beef Tenderloin（+$180）** 牛柳煮法系slow cook，切开系靓靓粉红色，咬落去非常嫩，牛味够浓，完全唔干柴。 ---## 🍨 甜品 **士多啤梨雪葩炼奶梳乎厘** 梳乎厘一上枱香气四散，质地超级软熟，甜度啱啱好，士多啤梨雪葩清新解腻，perfect ending！ 之后仲有petit four（小蛋糕、马卡龙、果仁糖），细细件但味道认真唔马虎。 ---## 💰 价钱 六道菜嘅chef menu $980/位，加落嚟埋单差唔多$2,500。以101层夜景 + 高质食物 + 专业服务嚟讲，我觉得收得合理。 ---## 🎯 总结 - 景色：冇得输，101楼望落去真系壮观。 - 食物：有惊喜，fusion得嚟保持法式优雅。 - 服务：细心专业，带位、讲解同埋斟茶水都好周到。 - 气氛：非常适合庆祝生日、纪念日。 👉 如果想带另一半食一餐靓景＋高质料理，呢度一定要放入清单。 …Read More

老婆生日，梗系要大肆庆祝吓约咗佢去ICC顶楼食大餐，喺lift度已经好兴奋入到餐厅见到个景真系哗咗一声个景靓到好唔真实，原来维港真系咁靓！而今日我哋嗌咗个Odyssee Experience Set Dinner ($980/ person)呢个价钱，呢个景都真系好抵一开始嘅餐包可以拣其中两款配咗两款牛油，一款系原味，另一款会有少少嘅辣肉肠味道，都几特别，仲有一人一嚿嘅脆皮芝士粒，芝士味好香浓然后仲有餐前小食，左边系莓味嘅蛋白饼，中间系牛肉他他，右手边系芝士脆饼三款小食都睇得又好食正式到前菜，前菜系客Burrata芝士，有淡淡嘅芝士香加埋无花果肉同埋无花果嘅酱汁做调味甜甜酸酸咁，就更加开胃仲洒上一啲榛果，令味道更有层次榛果又甜甜地，同无花果酱都配合之后就有两个汤第一款系法式洋葱汤，侍应捧咗个虹吸壶过嚟煮滚啲汤，又几有仪式感㖞汤入边有煮到腍晒嘅洋葱，食落松化又浓郁加埋面包脆脆同Bayonne Ham，成个配搭又几好㖞另外仲有一块好香浓芝士味嘅脆片，味道好丰富另一款汤系Brittany 蓝龙虾汤（+$128）龙虾肉好大块，食落好新鲜有咬口，用咗啲洋葱、芹菜做配菜，提升鲜甜度汤底系有用柠檬嚟调味，应该系想用酸味再吊出多啲龙虾嘅鲜香跟住系我好期待嘅煎鱼呢一条系马友Threadfin，鱼皮煎得好香脆，啲肉质都好滑嫩，其上有西兰花同蚬做配料配上好鲜香嘅海鲜汤汁，就更加带出鱼肉嘅鲜甜嚟到主菜，先有一客海鲜饭Seafood Risotto，有蚬同八爪鱼做配菜，饭底忌廉味道好浓郁，八爪鱼煎得好香，啖啖肉，肉质厚嫩，非常好食另外加咗一客牛柳（+$180）就系US prime，牛味浓郁就不在话下煎得香嘅同时，又可以保持到啲肉质系非常软腍，都几考功夫如果有多啲配菜可以夹吓，可能会更好牛柳配有一客牛尾，煮到好腍加埋牛尾嘅汁水，食落系觉得好香浓又易入口，令人非常满足最后，有一客疏乎厘甜品摆盘非常别致，仲有张说明书教你点样品尝，好有心思疏乎厘同雪葩都系士多啤梨口味，疏乎厘热辣辣，配上雪葩有种冰火交融嘅感觉，啱晒钟意食甜嘢嘅朋友最后仲有几款主厨预备嘅甜品作结，真系好满足呀🤗…Read More