NUTTEA (時代廣場) (已結業)

今日嚟到銅鑼灣，經過時代廣場，突然好想飲啲台式飲品，見到呢間就一定要試一試啦。❤️❤️同朋友一齊分別叫咗一人一杯蘋果脆脆楓糖堅果奶蓋茶❤️ 好好飲😝 個奶蓋好特別同好厚，同平時嗰種係唔同嘅，呢個飲落冇咁膩🥰茶底好香，同朋友食完晚飯飲真係一流❤️🥰四季春堅果奶蓋茶❤️ 呢杯茶比平時其他店香，像落好清新！感覺上堅果奶蓋好健康🥳其他飲品都好吸引，所以下次經過一定會試埋其他！ 😆😆😆

銅鑼灣呢間nuttea好就腳,係時代廣場度。已經有一排冇飲nuttea,今次仲有環保手提袋賣添,設計精美,good!我叫左呢間野既皇牌,朱古力伯爵茶nuttea,傾斜45度咁飲,可以像到厚厚奶蓋底下既純茶。但我通常都係食晒面頭既朱古力味奶蓋先再飲茶。因為奶蓋本身甜甜地,所以茶我叫左走糖,會冇咁甜。整體黎講唔錯,不過要預等一陣,因為製作需時同多人排隊。但叫完野像再係附近行下都OK,實際唔係等好耐。值得一試再試!

係銅鑼灣同朋友食完dinner見口渴, 諗住去Time Square supermarket買野飲, 係門口經過見到有間台式沖調飲品店, 行去望下menu, 其中見到呢張「金獎」推介飲品, 好奇心下想試下, 但字面標明”100%純巧克力無牛奶添加”, 個人又好怕過甜, 又怕純巧克力會帶苦澀, 考慮了好一陣子, 還是駁一駁選擇咗呢杯---伯爵朱古力堅果奶蓋茶。可自選冰量同埋甜度。店員慷慨地加上厚厚嘅奶蓋, 比例佔整杯嘅三分之一。奶蓋較為挺身, 就算中層冇冰塊, 亦唔會令奶蓋沉澱,杯蓋面貼了溫馨提示嘅最佳飲用方法, 先品嚐面層嘅Nuttea cream, 質感細膩綿滑, 加埋朱古力粉, 陣陣堅果味同埋微甜朱古力味。然後再以45度角大大啖飲, 經Nuttea cream再品嚐到清新伯爵茶, 少許嘅Nuttea cream混入口中一少啖嘅伯爵茶間溶化, 第二重口感亦很特別。最後將整杯攪拌後飲, 平均了cream同伯爵茶味, 而飲到最後仲有少少Nuttea cream, 帶點點鹹甜味。飲一杯就滿足三種不同口感, 同埋夠哂飽肚。

呢家好多人都go vegan，雖然我唔係vegan，但係覺得有時都要支持下保護下環境！今日喺銅鑼灣行街，口渴所以就買咗杯nuttea飲，其實我成日喺屋企附近都會飲佢，因為佢成日都有啲特別口味，雖然佢價錢偏貴，但係我覺得佢嘅cream都俾得好足料，而且好挺身，覺得價錢同質素係成比例嘅！今次我飲咗佢嘅茉莉綠鑽堅果奶蓋茶～微微的綠茶香配埋cream真係天衣無縫。有啲人好鍾意飲好甜，但係我就麻麻哋甜野，我揀咗微糖，我覺得啱啱好，有少少甜之餘又飲到綠茶既芳香～佢個cream都係一如既往嘅挺同厚，同埋佢有啲nuts好有texture～一路不住d cream嚟食一路飲下茶，最後撈埋一齊飲好享受😎

呢間nuttea係銅鑼灣地鐵站times square出口，落去city super方向就會輕易搵到。鋪頭位於city super裡面，一落電梯就會望到。Nuttea主打堅果類沖泡而成既奶蓋，同一般奶蓋大有不同，我本身都好中意榛子味嘅食物同甜品，諗都無諗就決定左要伯爵朱古力堅果奶蓋茶。現場都等左一陣先拎到飲品，因為佢每杯都即刻沖而唔係就咁倒比我。個杯蓋好好用，反起就可以直接飲，店員仲會比多枝匙羹提你可以就咁食啲奶蓋，我原本仲驚會太咸，或者重奶蘇味，但食落完全唔蘇，仲好重nuts味，就咁食都好過癮。食左幾啖，再配埋啲earl grey一齊飲，個味道好滿足又唔會好漏，我個人好中意呢款堅果味既配搭，絕對係值得再飲。

以前幾次都係去旺角店，感覺不錯，奶茶質感都厚，好有驚喜！今日第一次幫襯銅鑼灣店，同樣的堅果烏龍奶茶，好似淨飲茶咁，好稀好薄，比出面一般奶茶更加淡，又稀，好似飲D有味道嘅水咁，失望！

本身自己都好鍾意飲奶蓋嘅飲品，今日經過銅鑼灣時代廣場口渴想買杯嘢飲，跟住就見到Nuttea, 之前都聽過呢間舖頭好出名堅果奶蓋，普通奶蓋就聽得多姐，用堅果整成嘅奶蓋真係第一次見，點知一試愛上。叫咗佢哋招牌嘅伯爵朱古力堅果奶蓋茶,本身諗住伯爵茶加朱古力係一個奇怪嘅組合，點知飲嘅時候完全唔甜好驚喜。Nuttea另一個賣點就係所有奶蓋茶都一杯三種唔同飲法，朱古力奶蓋好厚唔死甜，就咁食都唔覺得肥膩。伯爵茶濃郁，唔會因為奶蓋蓋過咗伯爵茶嘅味，最後將奶蓋同伯爵茶撈埋一齊，完全零違和感，仲飲到一種清新感覺添。珍珠奶茶或者奶蓋飲品本身俾人嘅感覺好肥，但今日呢杯伯爵茶朱古力堅果奶蓋一啲都唔肥膩，堅果對身體有益，幫助瘦身降膽固醇，初頭以為用堅果碎整成奶蓋好擔心奶蓋入邊會有堅果碎影響口感，點知原來佢打得勁滑，完全唔相信係由堅果製造出來。鍾意飲奶蓋嘅朋友一定要試Nuttea, 會令你對奶蓋飲品有新嘅睇法。

手搖店都搵到可以代替早餐嘅飲品, 唔想飲d太邪惡嘅野但又想攞住杯野過下癮, 所以揀左”黑芝芝堅果奶”。呢款黑芝麻堅果奶，使用每日鮮磨嘅堅果奶做為基底，一入口就能品嚐到濃郁的黑芝麻香氣，及不同口感的堅果顆粒。朝早我建議可以揀熱飲, 有飽足感又有營養，因為芝麻含有芝麻素及豐富不飽和脂肪酸、膳食纖維、礦物質及維生素等，熱飲仲更加香。 我諗有乳糖不耐症又飲悶左豆漿嘅朋友好值得一試! 想健康記得要少甜啊!!

呢間台灣人氣過江龍全素茶飲店Nuttea出左名好耐, 今日終於有機會試下啦! 我揀左長期人氣number one嘅伯爵朱古力堅果奶蓋茶. $48佢個奶蓋係由堅果奶製成, 而個堅果奶都是每日新鮮研磨。而且堅果奶是全素，純素和乳糖不耐症人士同樣可放心飲用。我諗比起鮮奶好似又健康d對皮膚又好D。加上朱古力同伯爵茶本身就係一個好夾嘅combo，帶有佛手柑香氣的伯爵茶配上濃郁的朱古力，香濃又幼滑，又唔會太甜味道都好清新。

伯爵朱古力堅果奶蓋茶-奶蓋係鹹甜鹹甜嘅味 有nut嘅味同埋有時有啲細粒粒果仁 幾順滑同易入口 面頭有層可可粉令口感比較豐富都較為有層次 個人覺得如果單食奶蓋會有啲啲濟 食法都幾新奇 有鏟仔可以畢奶蓋來食比較方便 伯爵茶味香同濃郁 奶蓋同茶溝埋一齊飲會比較好 中和左之後奶蓋唔會話好濟成杯嘢啱啱好 我係全糖少冰 因為自己比較鍾意甜味所以覺得甜度啱啱好 如果唔鍾意太甜建議半糖環境唔錯喺citysuper隔離 唔會話好難搵 店鋪整體睇落都ok乾淨 可能因為咁arm冇人所以整嘅速度都幾快唔需要5分鐘

之前行街嘅時候見到nuttea ，聽朋友話入面有nuts已經覺得好得意！但係一路冇機會試。今日咁啱去左time square見到有nuttea就買左杯來試下 我買嘅係佢地招牌 伯爵朱古力堅果奶蓋茶味道都幾驚喜！個奶蓋係鹹甜鹹甜嘅味來嘅，飲嘅時候都可以食到啲堅果嘅味 同埋有時都食到有啲細細粒嘅果仁 奶蓋整體來講都幾順滑同埋易入口 面頭有層可可粉，所以口感比較豐富同埋有層次 我自己覺得撈埋可可粉同奶蓋一齊會更好食！朱古力味更濃！不過個人覺得如果單食奶蓋會有啲啲濟嘢飲嘅食法都幾新奇下 提供左鏟仔比我地畢奶蓋來食，唔似用飲筒好容易撈勻左奶蓋同茶底 如果要單食奶蓋嘅用鏟仔就比較方便 ！喺茶方面伯爵茶嘅味好香同都幾濃郁 自己覺得奶蓋同茶溝埋一齊飲會比較好因為中和左之後奶蓋唔會話好濟成杯嘢嘅甜度對我黎講就啱啱好！我今次係飲全糖少冰 因為自己比較鍾意甜所以覺得咁樣嘅甜度啱啱好 不過如果唔鍾意太甜的話建議半糖講返鋪頭，環境唔錯喺time square citysuper隔離 唔會話好難搵 店鋪整體睇落都幾乾淨 可能因為咁啱冇人所以整嘅速度都好快 應該唔需要5分鐘就可以飲得！

其實呢一間野一直都係我嘅最愛清單入面嘅其中一間手搖飲品所以今日去到銅鑼灣行街我都忍唔住捉咗我朋友一齊陪我去買嘢飲呢一間Nuttea係好多地方都有好多嘅分店嘅例如旺角葵芳新蒲崗等等 點解你咁鍾意飲呢一間飲品原因係我係對牛奶敏感嘅人咁需要飲堅果奶呢就可以用來代替左牛奶🥛重點嘅係佢係做到好濃郁好好飲如果星期五買嘅朋友仔可以健康啲選擇半糖味糖先至無糖嘅話係會有紀念品一份㗎💩咁今次我朋友係第一次飲啦所以我就推介佢試吓呢度嘅王牌就係伯爵茶朱古力奶蓋茶！佢雖然比其他嘅樣板係稍為貴少少但係我覺得係值得一試嘅奶蓋上面仲充滿着好多嘅朱古力粉所以飲落去朱古力味係超級出色而且奶蓋係好creamy !!奶蓋亦都係非常之厚嘅一層食落好似食緊蛋糕嗰啲cream咁如果係第一次飲嘅朋友仔可以參考吓佢杯蓋上面嘅一個建議嘅食法而我自己呢就飲咗黑芝芝堅果奶呢一杯係平時我飲開嘅佢係超級香濃嘅芝麻味而且亦都做得好杰身所以飲完之後係超級飽肚！整體來講我覺得性價比係非常之高我會繼續支持！PS店員嘅服務態度非常之好

之前試過Nuttea紅玉奶蓋已經覺得好正好鍾意😬尤其個奶蓋！今次試試Fb見到係台灣拎獎嘅朱古力味奶蓋‼️雖然朱古力伯爵堅果奶蓋茶要$48比其他選擇稍貴,但係我覺得一定要試！個奶蓋好Creamy，勁濃郁朱古力味🥰味道有啲似美碌，好正而且奶蓋厚厚的一層，食極都有，店員真係非常慷慨😉食落超似蛋糕啲cream . So smooth! 表面仲有可可粉🫣wow撈一撈個奶蓋，朱古力味加埋伯爵茶，成件事幾清新，可以平衡返奶蓋的厚重感😆無咁膩✅值得嘉許：容易接受的堅果奶蓋味，即使不喜堅果的友人，也覺得好喝😉‼️PS推薦微甜少冰，個人覺得甜度岩岩好👌因為個奶蓋本身都甜👉但係根據過往經歷，紅茶奶蓋叫半糖會好啲

📍Nuttea @nuttea_hongkong 自購♪( ´θ｀)ノ成日都聽到身邊嘅朋友介紹Nuttea🤣果日路過終於有機會試到！🍎蘋果脆脆楓糖堅果奶蓋茶 $40呢杯茶嘅原理就好似蘋果味嘅冷泡茶再加一層厚厚嘅奶蓋🤤奶蓋做得好出色 睇吓第三幅同第四幅圖！有啲一粒粒嘅堅果再加埋楓糖漿 就咁食好似食緊甜品咁♪( ´θ｀)ノ但係又唔會太膩！不過蘋果冷泡茶就比較遜色~ 溝埋一齊飲有少少唔夾！如果想是奶蓋嘅朋友可以試吓其他飲品 個人覺得撈埋蘋果茶唔係太夾🥺🥺🥺🧯火龍果堅果奶 $42呢杯係朋友Order嘅~ 佢話杯野冇火龍果味🤣~ 但係奶蓋都一樣出色！(｡･ω･｡)📍Nuttea 🗺Shop 221, B1/F, City’super, Times Square

Time square行得耐點都要飲翻杯野啦😎今次我又黎覆桌NUTTEA la~~上次飲完一直都心掛掛，加上好多朋友經我推介後都覺得好飲！台灣直送嘅材料！今次就叫左伯爵朱古力堅果奶蓋茶🌰🧋濃郁的奶蓋首先用木剷子食下奶蓋先刮甜的朱古力味+粒粒堅果🌰正啊之前就飲啖伯爵茶，wohoo好清香好似一次飲兩杯野咁，飲到後面就會用飲筒攪拌均勻，變咗做奶茶🥤三種味道啊！雖然nuttea真係少少貴，但間中飲下都ok~其實飲完都少飽