系观塘食晏又可以多个选择啦!呢间NOVO位于Eastcore地下, 舖面装潢简单,以银灰色为主, 专门做鸡料理嘅外卖, 而且都几大份。外卖包装好干净, 唔怕倒泻。脆皮爆汁烤鸡(半只) - $75用新鲜嘅鸡只制作成烤鸡, 金黄香脆鸡皮, 薄透爽脆, 又酥脆, 肉质嫩滑有鸡味, 鸡系腌过再烧焗而成, 高温锁住肉汁, 好入味, 连皮食都冇罪恶感呀! 即叫即烤, 绝不预制, 10分钟就有, 新鲜热辣到手中, 有埋椒盐比你调味, 仲可以配白饭/ 三色米饭/ 汤米粉, 或者买原只加𩠌都得。麻椒鸡(半只) - $55麻香过瘾, 鸡皮薄透爽脆, 又冇咩脂肪; 鸡系腌过再上埋色先, 再用藤椒和辣椒调味, 好香好惹味, 而且肉质嫩滑有鸡味; 呢个麻椒鸡唔同其他店舖咁做冷盘, 佢系暖的, 用嚟𩠌饭真系好好味! 可以配白饭/ 三色米饭/ 汤米粉。日式溏心蛋 - $8溏心蛋都系整得好入味, 有鲣鱼汤的味道, 微微的咸味, 内里个溏心蛋黄好靓。鸡丝沙律 - $45沙律都系新鲜整呀, 有粟米, 双色车厘茄, 青瓜片, 手撕鸡肉, 可以拣配凯撒沙律汁或胡麻酱。冷泡桂花乌龙茶 - $15微微嘅桂花香味同乌龙茶都好夹。…查看更多
