脆皮爆汁烤雞(半隻) - $75
用新鮮嘅雞隻製作成烤雞, 金黃香脆雞皮, 薄透爽脆, 又酥脆, 肉質嫩滑有雞味, 雞係醃過再燒焗而成, 高溫鎖住肉汁, 好入味, 連皮食都冇罪惡感呀! 即叫即烤, 絕不預製, 10分鐘就有, 新鮮熱辣到手中, 有埋椒鹽比你調味, 仲可以配白飯/ 三色米飯/ 湯米粉, 或者買原隻加餸都得。
麻椒雞(半隻) - $55
麻香過癮, 雞皮薄透爽脆, 又冇咩脂肪; 雞係醃過再上埋色先, 再用藤椒和辣椒調味, 好香好惹味, 而且肉質嫩滑有雞味; 呢個麻椒雞唔同其他店舖咁做冷盤, 佢係暖的, 用嚟餸飯真係好好味! 可以配白飯/ 三色米飯/ 湯米粉。
日式溏心蛋 - $8
溏心蛋都係整得好入味, 有鰹魚湯的味道, 微微的咸味, 內裡個溏心蛋黃好靚。
雞絲沙律 - $45
沙律都係新鮮整呀, 有粟米, 雙色車厘茄, 青瓜片, 手撕雞肉, 可以揀配凱撒沙律汁或胡麻醬。
冷泡桂花烏龍茶 - $15
微微嘅桂花香味同烏龍茶都好夾。
