Noir Chocolatier

成日經過但冇幫襯過之前試過普通果仁朱古力覺得不過不失琴日心血來潮買左幾粒truffle試，點知極度難食！一入口就有陣怪味，懷疑係油脂放得太久的味道！D餡好淡而且味道好假，可可味也好淡，得個甜字，完全唔balance、冇層次的！賣$18一粒，雖然買5送一，但都唔算平，仲要truffle係冇得試食！見到其他review都唔差，就買6粒試試啦，點知係咁既質素！有得試食一定唔會買！完全覺得浪費金錢同卡路里吸收量！…查看更多

(遲來了的post)男朋友情人節既時候買左一盒noir chocolatier既朱古力俾我,入面有2大包朱古力!見到d朱古力個樣好開心, 因為好耐之前去赤柱1間朱古力專門店食過呢個樣既朱古力, 覺得好好食!印象中赤柱果間既朱古力充滿香味,而且入面既士多啤梨乾同咖啡豆都超好食!於是我滿心歡喜打開呢間買既朱古力,充滿期待......點知d朱古力係果d劣質朱古力味, 直頭係大陸出果種, 有陣怪味! 咁都未算, 入面d果乾全部林晒, 仲要唔係士多啤梨乾黎, 係提子乾! 好難食! 最後只有黑朱古力包住咖啡豆果隻係擺得入口, 其他既真係想扔晒佢! 見到下面有個post話d朱古力一陣雪味, 我果d都有!應該就係果隻劣質臭膠味! 真係好差!除左味道之外, d朱古力唔知點解一d光澤都冇, 全部都好暗淡,之前經過間鋪2次都冇人, 唔知係咪擺左好耐! 又冇有效日期, 勁奇怪!唔好俾我知果盒野幾多錢, 我一定唔會叫朋友仔幫襯!以後都係買返有牌子既朱古力好了! 免得失望! …查看更多

多謝食友 Lemon Tea 的邀請，有幸在1 月30日，跟好幾位食友一起來到位於九龍灣 MegaBox 11 樓的 <Noir Chocolatier>，品嚐來自歐洲多元化口味的朱古力！真有口福！ 這間朱古力專門店，由一對恩愛夫妻經營！ 小小店子，裝潢簡潔！白色底色配合黑色，可突出不同款式琳瑯滿目及顏色的朱古力！是一間充滿甜蜜溫馨的朱古力店。 還可訂製精緻的小禮盒作為送禮或結婚之用。熱情的店主夫婦，在店外擺放了一張長桌子，預備了一些小茶點，如特意為我們而設的自家製麵包、茶包、好幾款特色朱古力...誠意十足！ 食過自家製麵包後，老闆娘為我們介紹玻璃瓶盛載不同的朱古力系列！先嚐脫水鮮果朱古力系列，採用冷凍脫水技術，以原粒鮮果於超低溫冷凍抽乾水份，在表面包上一層朱古力，很有特色！我喜歡！ 天然士多啤梨朱古力雖然已抽乾其水份，果酸味道依然！士多啤梨酸酸甜甜，而口感卻有別於果乾！很特別！ 配上比利時白朱古力或純黑朱古力皆宜；前者比後者甜一點！此外，另有其他脫水鮮果朱古力可供選擇，包括：紅桑莓、黑加倫子、車厘子及藍莓。我對坊間少見的脫水車厘子朱古力最感興趣！ 入口酸酸地！比士多啤梨較酸！印象中，脫水紅桑莓及黑加倫子朱古力則是偏酸！ 天然鵝莓白朱古力果實呈綠色，含人體所需的18 種氨基酸、維生素、礦物質...等元素。 味道酸甜卻不算突出！果仁朱古力系列我個人一向喜歡食果仁朱古力多過一般朱古力！起碼多一份口感！ 這裡提供：原粒杏仁朱古力、焦糖脆榛子朱古力、原粒巴西果仁雜錦朱古力富椰香、碧根果仁朱古力很香脆還有原粒杏仁辣味朱古力！ 其口味帶微辣，令初嚐者容易接受！老闆娘跟我們分享她的個人經驗，與朋友一起食果乾系列！果仁朱古力則會令人食上癮！好了！走到店子另一邊，有個玻璃飾櫃整齊地擺放著手製朱古力！冧酒松露 - 酒味濃烈！ 頓時令不沾酒的我恐怕會醉啊！入口中間軟滑！杏仁脆脆 - 味道清甜！口感鬆脆！香濃泡沫咖啡松露 - 咖啡味濃郁又香滑！香滑白松露朱古力 - 滑溜朱古力味重！特醇黑朱古力松露 - 甘香微甜！另外，在店外的桌子上放有好幾款朱古力！朱古力薑條 - 長條外型方便拿來食！並非預期中的辣！反而，男食友 Lemon Tea 則覺得很辣！原粒咖啡豆朱古力 - 原粒咖啡豆被朱古力包住，咖啡味道濃郁！朱古力來自比利時，質感幼滑！貓舌朱古力外型趣緻！ 有趣的是舌頭的一端壓印一個小貓頭！ 令人愛不釋手！ 白朱古力比黑朱古力甜一點！大家嚐過以上多款朱古力系列，邊嚐朱古力邊嘆茶！一樂也！ 再次多謝老闆及老闆娘的邀請！臨走，我還買了綠茶果仁朱古力送給某茶居老闆娘及貓舌朱古力送給愛貓的好友！她們收到也很喜歡又驚喜！ …查看更多

同朋友去Califonia食飯, 經過間朱古力專門店, 見到呢度有唔同既朱古力, 但係都幾貴, 店員話係比利時朱古力, 仲剪左粒白朱古力士多啤梨俾我同我朋友試食, 個切面靚到呢, 未入口巳經嗅到好香士多啤梨味, 入口脆卜卜, 白朱古力很滑, 酸甜適中。其實我前幾日先食過 Muji 隻白朱古力士多啤梨, 入口香脆, 不過啲朱古力甜到我唔想食, 同埋冇乜朱古力香，而呢隻朱古力就香滑好多, 同埋唔甜膩。我都食過北海道六花亭隻白朱古力士多啤梨，0個隻牛奶味重啲, 我個人覺得三隻中呢隻最啱我口味, 呢度仲有唔同既口味, 有紅桑莓、車厘子、藍莓等, 忍唔住買番啲返去，係此megabox之行既意外收獲。…查看更多

My aunt groupbuy a can of fruit chocolate for me as CNY gift.The can looks nice but the chocolate is such a disappointment that it is the worse chocolate i have ever tasted.The chocolate coating is awful with a great smell of the FRIDGE!!!How they store the chocolate is of great concern, and how long have they been storing them before selling?The smell and taste of the fridge is so strong that one will immediately spit it out!!!beside the smell, the quality of the choco is bad, it doesnt melt in the mouth, it is like those cheap cheap choco at supermarket...The fruit inside is over-dehydrated that it is so dry with no original taste of the fruit, u can hardly tell what fruit is inside, i can only tell it is blueberry based on the size and colour of the fruit ~~~~~~~~~~~~~~A small can of choco costs $128 which s far too over-priced.…查看更多

情人節將至，唔知大家已經想好了送甚麼情人節禮物給你的另一半未呢？ 嫌一般朱古力太行兼無新意，咁唔知色彩繽紛的『脫水鮮果朱古力』、酒香徘徊於齒頰之間的『冧酒松露朱古力』、樣貌可愛的『貓舌朱古力』又是否合你心意呢？ 筆者早前就有幸得到茶兄的邀請及店主的安排，與一眾食友來到九龍灣一間朱古力專門店，續一品嚐店裡售賣的幾款歐洲朱古力，在此先行謝過。座落於九龍灣 MegaBox 十一樓的「Noir Chocolatier」，位置雖然不太起眼，亦沒亮麗裝潢，只屬小店格局，不過店子以白色為主調，望落去簡單利落，配上牆架上一個個擺放得整齊潔淨、滿載朱古力的瓶子，以環境而言仍是讓人感覺挺舒服的。比原定時間晚了一點到達，原來店主夫婦早已在店門外放了一張長檯，並預備咗數款朱古力讓我們品嚐。不過最令人驚喜的是女店主怕我們下班後空著肚子趕過來，所以特意給我們焗了一些非賣品的麵包，其細心程度，實在教人大受感動。也事不宜遲，吃過店主自家製的麵包後，就先來品嚐幾款『脫水鮮果朱古力』。原來所謂冷凍脫水，就是用原粒鮮果，以超低溫冷凍抽乾水份，再在面頭包上一層朱古力。而味道方面，筆者首推的自然是原粒士多啤梨，無論裹上比利時白朱古力或純黑朱古力，入口都酸甜適中，外脆內軟，輕爽不膩。如果對草莓無興趣，其實店裡還有其它鮮果朱古力可供選擇，如紅桑莓、黑加倫子、車厘子及補眼有益的藍莓等。此外天然鵝莓白朱古力亦是筆者認為較值得推介的款式，據悉鵝莓的維生素C含量高出大多數水果幾倍至百倍，而且入口微酸微甜，味道清新怡人，令人一試難忘。果仁朱古力方面，其實選擇也有不少，當中包括有以可可末覆蓋的原粒杏仁朱古力、在榛子面層包上焦糖及朱古力後再灑上可可粉的焦糖脆榛子朱古力、入口帶椰子香氣的原粒巴西果仁雜錦朱古力] 、以及狀如人腦、外形飽滿、入口香濃酥脆的碧根果仁朱古力等。不過如果自問喜愛新奇口味道，筆者就特別推介這款入口既有巧克力的濃香，也帶一點點溫和辣味的原粒杏仁辣味朱古力了。此外，也試了店中來自瑞士的松露朱古力，據說這些朱古力每粒均由人手製造，十分矜貴，而筆者就特別推介外層灑有榛子碎、咬落滑不溜口的香滑榛子松露。不過其實店裡還有不少頗具特色的松露朱古力，例如有以清香的橙皮酒襯托出牛奶朱古力香甜的橙皮酒香松露；以咖啡朱古力軟心蓋上奶泡及白朱古力夾層的香濃泡沫咖啡松露；入口即化的香滑白松露朱古力；以及味道香醇甘苦的特醇黑朱古力松露等。至於其它款式，還是留待大家慢慢發掘好了。亦試了店主推介的原粒咖啡豆朱古力，據說製作過程是以比利時朱古力裏著原顆咖啡豆，經慢火焙香後，入口帶濃郁的咖啡香，是辦公室提神之選。此外，形狀恍似貓兒舌頭的『貓舌朱古力』，則以滑溜見稱，相信會迷倒愛貓一族。從沒試過一晚之內吃咁多款朱古力，真是既滿足又飽足，在此再次感謝茶兄及店主夫婦的邀請，讓我這晚大開眼界，對朱古力也加深了不少認識，當然還有熱情的女店主送贈的朱古力禮盒。…查看更多

I would just like to thank Noir Chocolates and Lemon Tea for inviting me to this chocolatey tasting.When we arrived, there was a table set up with tea and bread, it was really thoughtful of them as we had not had dinner yet.Located near California Kitchen at Mega box, this Chocolatier offers a wide ranges of chocolates ranging from chocolate covered nuts and berries, Swiss and Belgian chocolates.At Noir Chocolates they explained that chocolate is either made from cocoa butter or vegetable oil and after tempering there is a nice shine to them.When I tried the local chocolates in Hong Kong, they always tasted weird because the texture was similar to solid lard and does not melt in your mouth.But after the talk about how chocolates were made , I realised those weird ones were made of vegetable oil.At Noir Chocolate, there is a wide choice for dark chocolates because the owner loves dark chocolate, hence the name of the shop!As an expat, I was drooling over their chocolates because they had so many chocolates that you can get at the local pick and mix stalls.For the chocolate covered freeze-dried berries, I was so glad they had gooseberries and cherries.My favourite was the dark chocolate covered strawberry.The picture below shows white chocolate covered berries.They even offer ghana and cocoa chocolate.I also tried the chocolate covered ginger which tasted like candied ginger and this was delicious as well.(This is currently unavailable but they are going to stock these soon!)For the alcoholic truffles they had Bucks Fizz too!!Although I did not try the bucks fizz, I tried the rum truffle and the alcohol in it was as intense as drinking real alcohol.The inside of the rum truffle was silky and the alcohol is not liquid like other alcoholic chocolates.Another interesting flavour they had was chocolate and chili but the chili was not as spicy as I anticipated.★☆★☆★☆★☆★☆★☆★☆★☆★☆★☆★☆★Brazil nuts:I loved the huge brazil nuts which had a buttery taste.★☆★☆★☆★☆★☆★☆★☆★☆★☆★☆★☆★Pecans:These chocolate covered pecans were really moreish because the pecan nut is light and crumbly.★☆★☆★☆★☆★☆★☆★☆★☆★☆★☆★☆★hazelnut:The hazelnuts were also moreish and the dusted cocoa gives it more depth.★☆★☆★☆★☆★☆★☆★☆★☆★☆★☆★☆★When we left, we were given a box of chocolates too which was really sweet of them.…查看更多

其實我嚮九龍灣工作, 之前巳經發現呢間舖頭既朱古力好味, 只係朱古力有點小貴, 所以間中先黎入貨. 今日黎補買份聖誕禮物俾好朋友, 服務好到唔俾番個讚都唔得, 平日唔寫食評既我都上黎讚吓先.0個日我揀左個玻璃樽做禮物, 咁我唔想要入左既, 就問個姐姐可唔可以自己即時入, 佢就拎個吉樽俾我話 "緊係得啦".我其實都幾笨手笨腳, 搞左一輪, 又想砌一層士多啤梨一層黑加侖子一層紅莓, 終於問個姐姐幫我, 個姐姐話冇問題, 不過要等, 叫我行幾圈先返黎攞.其實我都冇乜野行, 行開一陣就嚮戲院0個邊望返去舖頭, 見到個姐姐好有心機咁幫我逐粒砌, 都好快就幫我搞掂, 咁我就立即飛撲返埋去, 佢話呢排送緊小天使, 問我要咩色, 個小天使好精緻, 我就叫姐姐幫我綁埋隻天使上絲帶度, 嘩, 我覺得真係好靚呀! 仲係我獨有既添~~姐姐話如果客人有要求佢地又做得到, 都會配合既, 我話下次我帶個玻璃樽俾佢入, 佢都話得, 價錢就視乎用幾多朱古力, 好似幾合理噃~~~ 咁我想整禮物俾朋友又多個方案啦~~ ^_^等姐姐綁天使期間, 我又順便買隻朱古力俾自己, 又想r discount , 姐姐話呢樣佢幫唔到我, 但叫我留意facebook, 話如果做折扣既話會公佈, 咁我返開工咪再過黎買囉~~~ 返屋企試埋隻綠茶朱古力, 嘩, 真係超好食推介呀! 隻綠茶味好重, 又唔太甜, 粒杏仁好香脆, 慘啦, 我又多左隻飛弗!! 等唔切佢電視框我又要去入貨啦~~~…查看更多

很多人都聚集在攤位前, 很不容易才擠身入內看個究竟......售糖員派給我一粒「咖啡豆」, 什麼!? 這不是粒朱古力豆嗎?經過售糖員講解才知道原來是原粒烘焙過的咖啡豆再加了層Amaretto Dark Chocolate coating, 難怪滿囗甘苦濃郁咖啡可可味會場價$20一包「比利時冷凍脱水鲜果朱古力」 試食包, 我用掉餘下的一張票根並再掏多40大元, 共買了3款試食包冷凍脱水車厘子黑朱古力 ... 一咬, 先嚐到苦味黑朱古力, 隨之而來是勁酸車厘子, 快嗒快嗒把兩種極端味道混合, 倍覺口味啱啱好 車厘子沒有惱人人造藥水味, 嚐只嚐到勁酸及微微果肉香Dusted Caramelized Hazelnuts ... 鬆脆果仁朱古力加點不平凡, 徐徐加點甘甘澀澀焦糖糖粉, 着重濃味冷凍脱水士多啤梨白朱古力 ... 乳味濃郁, 甜味宜人的白朱古力與同樣酸到咪晒眼、流眼水嘅脱水士多啤梨是對歡喜冤家, 分開就各有韻味, 結合就所向無敵, 甜與酸永遠都是絕配嗯, 誰說*朱古力毫無誠意???…查看更多

早前團購了這裡的朱古力松露，趁這天在Megabox看過電影後，便來換取團購那四粒朱古力松露回家吃。這四粒朱古力分別是：可可末白蘭地松露、橙酒香檳白朱古力松露、愛爾蘭忌廉牛奶朱古力松露及杏桃杏仁松露。可可末白蘭地松露的白蘭地味頗濃，而朱古力吃來也香濃幼滑，是最好吃的一粒。橙酒香檳白朱古力松露的橙酒味比較突出，香檳味比較難吃得出來。愛爾蘭忌廉牛奶朱古力松露由於是用上牛奶朱古力去製作，口味比較滑一點但朱古力味則弱了一點。最後的杏桃杏仁松露是比較差的一粒，杏桃及杏仁味也很淡。…查看更多

約左朋友係megabox睇戲，行過見到呢間Noir Chocolatier朱古力店，諗起近期U-Food啱啱介紹完，睇完戲行過順便拉埋朋友入去望下啦。個店員招呼都唔錯，佢介紹啲朱古力係黎自歐洲三個唔同國家，推介我地試啲莓莓朱古力，我試左士多啤梨，車厘子同鵝莓既白朱古力。 士多啤梨白朱古力外層入面包住乾身，脆脆既士多啤梨，酸酸甜甜，入口口感清新，一啲都唔漏。 車厘子白朱古力入面既車厘子果粒趙完都有啲果肉粒粒留係口度，酸酸地刺激下食慾，可以當開胃小食。 鵝莓白朱古力味道比較上就無士多啤梨或車梨子味咁濃，朱古力入面見到果綠色既鵝莓，我之前未聽過鵝莓，衣家聽講佢維他命C好豐富，又可以抗氧化。 至於Blanxart紅桑莓無糖白朱古力我無即塲食，買左番屋企見佢啲包裝幾靚都唔捨得食添，試後覺得質地比較乾爽，入口就溶。 Truffle我買左一粒cappuccino 味試下，味道好濃郁，整體黎講呢間朱古力舖啲朱古力比起啲殿堂級牌子既朱古力價錢黎講真係唔算貴，佢地又有唔同既個性化靚靚包裝，等遲啲朋友生日我再黎買啲當禮物都唔錯。 …查看更多

食飯行過見到間新開既朱古力店，就入去睇吓。職員見我影相，請左我食粒藍梅，原本我唔鐘意食白朱古力，不過呢粒入面有粒脆脆地既藍梅，外面又有層藍梅粉，食落唔太甜，不過我都係想食Truffle多d, 所以就問可唔可以剩係買一粒。有酒味既都係18蚊一粒，唔算好貴，我揀左隻白蘭地松露返公司試，三點三拎出黎食，入口先係朱古力粉既微苦，隨即酒香散發出黎，又估唔到個酒味咁出噃！一d都唔覺甜，食完一粒好樠足，咁鬼近，下次經過再買其他朱古力試吓~~…查看更多

生日收到朋友送的朱古力，包裝可愛，已經一見傾心，沒想到除了外表吸引，內涵一樣豐富。咬開朱古力，原來內有乾坤，是原粒士多啤梨、藍莓等各式果乾呀！香甜之餘好清新，同我之前吃開的好唔同。 一小瓶好快就吃完，問朋友係邊度買，星期日決定自己去入貨。間舖係MEGA BOX戲院個層，新開無幾耐。老闆娘好好人，請我試了不同的朱古力，全部都好好味，但我都係最鍾意包住士多啤梨的白朱古力，好甜蜜。我買了一袋，唸住擺係公司，做野做到悶悶地，吃番粒提神都幾好。老闆娘話的朱古力全部係歐洲入口，仲推薦我試埋酒味TRUFFLES 若非要減肥，我實買多的。 的好味既朱古力真係甜美的魔鬼呀！…查看更多