No Milkshake No Life (白田街)

营业中

休息中

朋友有介紹呢間餐廳，即管試一試~主打係milkshake既餐廳，估唔到啲熟食都好有水準Lunch hour前11點幾都差唔多full house~ 喺出面order同比錢之後先返埋位成個裝修都係行美式路線好colourful ，不過都乾淨同企理Milkshake 叫咗一杯banana 同一杯seasonal limited 既抹茶蕨餅味🍵banana好好味好出色，相比起macha嗰杯就一般另外呢個川味既grilled cheese .. 好好食 夠熱而且同麻辣味都幾襯另外叫咗個burger ，味道都好好！估唔到嘢食都咁好食特別想讚下有個男店員，後生去好細個個樣佢好有禮貌同good services!

今次試咗佢哋招牌嘅 Peanut Butter Milkshake，花生味超香濃，滑嘟嘟唔會太甜，口感厚滑，飲完真係好有滿足感！加上用咗真材實料整，唔會有假花生醬味，推介俾花生控！🥞 Pancake都幾好食，以兩個人share都冇問題內裡鬆軟，佢配咗流心煎蛋煙肉同楓糖，真係好邪惡但好滿足 🤤環境方面地方唔算大，但布置好有特色，有種返到美國diner 咁嘅感覺，氣氛好chill，店員都好親切❤️

NMNL嘅店面走美式復古風，紅色鐵椅同黑磚牆營造紐約街頭感，適合打卡同朋友小聚。店員態度友善，但人多時服務可能稍慢，建議預早到或試外賣。漢堡（Wagyu Cheese Burger）和牛芝士漢堡用料紮實，和牛扒厚身多汁，牛味濃郁，配上炒香洋蔥同濃稠芝士，味道豐富。漢堡包烤得鬆軟，帶牛油香，整体邪惡又滿足。不過有食客提到太陽蛋有時過熟，無流心效果，略為減分。薯條香脆，辣粉調味惹味，但可要求少辣以免過重口味。炸雞煎蛋華夫餅（Fried Chicken & Egg Waffle）華夫餅外脆內軟，帶淡淡蛋香，配上香脆炸雞同煎蛋，鹹香濃郁，煎蛋若有流心效果會更加分！炸雞外皮酥脆，肉質嫩滑，調味偏美式香料風，略帶辣度，配華夫餅嘅甜味同楓糖漿（或店內醬汁），鹹甜平衡，令人滿足。不過有食客提到炸雞偶爾油膩，建議要求即炸即食以確保新鮮。煎蛋質素視乎廚師火候，若過熟可能略為影響口感。整體而言，呢款組合邪惡又吸引，適合鍾意美式早餐嘅朋友。NMNL嘅和牛芝士漢堡濃郁多汁，炸雞煎蛋華夫餅鹹甜交織，係美式邪惡美食嘅代表，適合想試濃味早餐或打卡嘅朋友。環境型格但地方細，建議避開高峰時段或試外賣，享受美食更輕鬆！如果

依到款款嘢食都超邪恶。Signature Pancake Burger，兩層厚厚的pancake之間夾住大啡菇和脆 Bacon，每一口都好滿足，口感亦好特別。至於薯條，加咗芝士後更加正！每根薯條都裹住濃郁嘅芝士醬，咬落去香脆又滑口，根本停唔到手。環境氣氛輕鬆，適合同朋友聚餐。尤其是鍾意重口味食物嘅朋友，保證你會食得開心！

This is an American-style diner with retro decor and friendly atmosphere. I ordered the coffee Oreo milkshake, and it was rich, creamy, with a hint of coffee. It’s a thick and delicious milkshake! The pancakes were fluffy and served with a generous yogurt-cream like sauce. The service was prompt and efficient: you order at the counter. 這是一家美式餐廳，有復古的裝潢和友好的氛圍。我點了咖啡 Oreo奶昔，味道濃郁、奶油般順滑，帶有一絲咖啡香。這是一杯厚實又美味的奶昔！煎餅鬆軟，搭配豐富的優格奶油醬。服務態度OK，會解釋餐牌/推介食物， 你在櫃檯點餐。

📸餐廳用美式風格裝修，店內個個角落都係打卡位🪑位置闊落，坐得舒服👍🏻💯店員服務態度好好，甚至會主動介紹招牌菜式，好耐冇遇到有禮又友善嘅後生店員🫶🏻食物方面，今次叫咗拉絲三文治、和牛burger 同兩杯Milkshake，全部都好味，咬第一啖已經覺得值得下次再encore👍🏻🥪麻辣手撕雞拉芝士治配香辣薯條三文治焗得超脆口，重點係包體搽咗蜜糖先焗🍯，食落甜甜辣辣好過癮👍🏻拉絲芝士雖然拉唔出絲🧀，但份量絕無手軟。麻辣手撕雞偏辣🌶️，怕辣者應該食唔晒。或者就係引你食食下配返杯 Milkshake 解辣，兩者夾埋又係幾爽😌。 本身諗住薯條只係伴碟用，食幾條算。點知佢呢個幼度又啱啱好炸得好鬼脆，搞到忍唔住一條接一條。辣粉雖然唔太辣，但我覺得如果提供普通鹽味薯條，整體味道會balance 啲，唔會太過重口味。🥜🥓皇者焦糖花生醬煙肉奶昔呢間餐廳真係冇改錯名，奶昔係出色過主食。我一向唔鍾意食煙肉，但就鍾意鹹甜配搭嘅嘢食。見店員大力推薦，我一於叫嚟試下。一飲果然有驚喜！花生醬味夠濃但又唔漏，嗒落有淡淡唔假嘅焦糖香，煙肉攪到好似平時飲嘅胚芽咁碎，即使融入奶昔之中，咬落去仍然覺得有啲脆口，勁。第一次如此認同煙肉

食物欠佳，言過其實，唔明點解有咁多推介post . 只適合打卡環境還有,收10% service charge , 還要去counter 落單…那麼有甚麼服務提供？ 中伏的體驗！冇下次，完。had a very disappointing dining experience. The food was subpar, and it’s puzzling why there are so many recommended posts when it seems more suitable for just taking photos. Additionally, charging a 10% service fee while requiring customers to order at the counter raises questions about what service is actually being provided. Really bad experience

之前係西營盤食過一次覺得好食今次試石硤尾店 入到去好好彩唔駛排隊一坐低就有店員好細心咁斟左水俾我地我地望左個餐牌2 3分鐘都冇idea店員又行過黎介紹佢既推介 我覺得係細心既美式班戟漢堡 $111好大份 我覺得一個女仔唔會食得晒班戟入面都好多料 有幾塊煙肉 一隻太陽蛋 一個大啡菇 班戟上面仲會多隻太陽蛋 但個人認為上下嗰兩塊班戟太厚 再薄少少會好啲 糖漿會另外上 可以根據個人口味加入適量既糖漿 整體食落都中規中矩蘑菇烤芝士治配香辣薯條 $89我地加左$20要炒蛋 店員推介送到上黎都嚇一嚇 係個芝士治上面有大量木魚 心諗木魚同三文治會夾咩 但感覺一般佢個蘑菇直條薄切 口感上一般 主要都係靠佢一齊炒果個醬 因為佢個芝士唔多 芝士味唔係話好出 值得一讚既係佢個包烤得好脆 香辣薯條係幼身既 冇乜特別香蕉朱古力奶昔 $59香蕉味唔係好出 朱古力味好濃 個奶昔好順軟 都好飲既總結: 西營盤果間出色啲 雖然位置有限石硤尾嘅野食一般 有機會可以試下個和牛漢堡 之前食過唔錯

呢一間餐廳淨係開晏晝架咋 要食嘅就要趁早啦呢度D食物好邪惡😈嗌咗個雙層pancake burger，幾好食但超heavy🤣女仔食幾啖應該滯左另外試咗花生醬煙肉milkshake，花生味濃加上脆脆地嘅煙肉，幾特別至於key lime pie milkshake就覺得怪怪地😂都係正正經經食返檸檬撻好過

今次去咗深水埗嘅美式快餐店覓食，No Milkshake No Life，主打奶昔，而餐廳結合咗日系同美系嘅玩味風格，餐廳設計型格又時尚，非常適合打卡。皇者焦糖花生醬真脆煙肉奶昔呢杯奶昔味道非常濃郁，配搭埋花生醬，香氣十足，而且口感非常順滑，甜度亦拿捏得恰到好處。而當中嘅煙肉碎，為奶昔增添咗口感同獨特風味，非常有層次。經典烤芝士治配香辣薯條(加配和牛)麵包選用了酸種麵包，經過烘烤後非常香脆，配搭芝士嘅內餡同埋查左既蜜糖，帶嚟鹹甜交織嘅驚喜口感。和牛肉質軟嫩，牛味濃郁，薯條則非常香脆，雖然係辣味薯條，但亦都唔係好辣。和牛芝士太陽蛋漢堡配薯條 (加芝士)改用了炒蛋，炒蛋非常嫩滑，和牛漢堡保持濃厚牛味，而當中的洋蔥非常突出，洋蔥炒到焦香，非常入味。芝士薯條淋上充足嘅芝士醬鹹香十足。

因為去美荷樓睇吓嘢，要搵嘢食，最近就係呢間。只可以講，全部都係邪惡食物。呢度係要自己行去counter落單，店員不停問你飲品加唔加topping, 食品加唔加芝士、煙肉，但又唔會話俾你聽係要加錢。除非你自己問，呢一點其實要留意。Coffee oreo, $59+4+4芝士薯條極邪惡。呢個pancake有honeycomb名古屋醬雞翼。呢個好味。幾樣嘢食咗$306！性價比不高，但算係幾好坐。

睇過泰山介紹好似好正咁就滿心期待走去食，坐低有個女職員走埋嚟介紹新出咗個包同推薦雞翼，然後就話要自己去counter落order, 咁ok la。咦？唔係喎，10% service charge喎⋯⋯睇個餐牌價錢唔算特別平，有好多都好特別、好吸引，所以就叫咗個signature牛扒芝士三文治（大概咁上下名）。啲食物嚟到我以為嗌錯咗⋯⋯心入面嘅反應係：就咁㗎咋？百幾蚊喎！準備開始食連餐具都冇，係要叫個女職員先會有（可能以為我哋食三文治唔使餐具？）咁10% service charge係收咗喺推介食物嗰度？塊多士夾住好多芝士同塊好薄嘅牛扒，雖然塊多士好脆，但係成件事好滯，食幾啖就想飲嘢。講開杯嘢飲，叫咗百香果梳打，冇任何Topping或特別嘅杯，好似茶餐廳加$10轉特飲嘅feel，唔緊要，可能好好飲，唔係掛⋯⋯無味嘅⋯⋯朋友叫咗杯檸檬梳打，甜到不得了，又心諗：2杯嘢加埋百幾蚊喎，唔係啊嘛！Total 四百幾蚊埋單，2個三文治+雞翼+2杯嘢飲係食得好飽嘅，同埋唔係難食，但係感覺我用四百幾蚊嚟食好少少嘅茶餐廳就覺得唔值。值得讚嘅係單骨雞翼好味，好似值返少少。

呢一間Burger milkshake 一直都好出名，見黎開呢一邊做嘢就嚟試吓，Burger Menu 有3個options見有好多好評充滿期待，結果期望越大失望越大，地點少遠又未至於好出色，點解咁多人吹奏Burger $138正常質素，Normal囉，有隻太陽蛋，Patty 正正常常，整體質素只係好過Triple O 少少 Fries 都Ok 嘅半自助式服務，要收加一，但完全冇服務可言，一定唔會再黎有冇人可以介紹邊到有好食嘅Burger

呢間餐廳極力推薦！店入面的環境設計好外國好潮好型，嘢食嘢飲更加係好味好正。焦糖花生醬脆煙肉奶昔經典無加extra toppings, 最初覺得個combination好怪，但佢就係正在個鹹甜味加埋其他toppings層次應該更豐富。烤芝士治配香辣薯條唔知點解可以整得咁好食，個包少少煙韌，好似旱過咁但又唔會太硬，配埋個滑蛋，配味同口感一流。薯條唔用說，熱辣辣超好味。期間限定肉丸好扎實的肉，裏面唔會好乾，點埋出面的醬同蕃茄仔酸酸地，可以中和返舊肉。

呢間主打milkshake嘅餐廳早以佢地嘅肥仔野打響名堂😋～出名食American comfort food，menu基本上就係唔同配搭嘅burger 🍔pancake 🥞sandwich🥪，踏入門口就預左calorie oveload。🔸Wagyu Cheese & Egg Burger w/Cajun Fries $138如果唔係特別大食嘅話呢個burger己經好夠飽😆，入面厚厚一塊beef patty，夾住onion🧅另外小編加左bacon (+$20)🥓，係煎得juicy唔會好硬嗰隻，最後係sunny side up🍳呢個望落好面但食起上嚟有點狼狽，不過基於食burger本來就係le hea所以都無咩所謂😅，若然個口夠大可以一啖咬落去又真係好有層次感非常澎湃👍🏻。🔸Signature Pancake Burger $111極度推介加Scrambled egg (+$20)，雖然真係會好多蛋但係咁食法真係另一個境界🫶🏻，再夾埋caramelised onion (+$10)鹹鹹甜甜衝擊得嚟又好match😬，anyway it s good👍🏻🔸Banana Chocolate $