My Baker@美雅

今日放工經過呢間麵包店，行入去見到雪櫃有抹茶紅豆味瑞士卷，賣相唔錯，就買嚟試下，果然有驚喜，瑞士卷重身蛋糕結實，又多紅豆，唔似集團式餅店嘅瑞士卷冇蛋味而且輕身。…查看更多

服務差就足以不用回頭。做 屋 邨 生 意，不求回頭客，是為做生意嗎不禮貌，特意買曲奇和朋友們試試。近百元其實有很多更好包裝，更好嘅選擇。但 兩 位 女性店員在店內沒客的時候，都表示不耐煩。多番要求客人出外指曲奇，讀數字，中文不聽英文不懂。唔緊要...但既然不想打這個工，為何要幫老闆趕客？ 可惜...如果有禮貌，一個客變三個，三個變六個，$80 一單生意總好過店主賣幾個麵包吧... 服務真係好差！否則，唔會觸怒人打篇文…查看更多

早前去咗住安定的朋友的屋企探訪，原來又安定邨行去這個商場只需1分鐘，好近，好方便！朋友去完附近商場行，之後在輕鐵站前面找到這間麵包店，順便買一個麵包返屋企試吓好唔好食。呢間麵包店裝修唔錯，睇落整整齊齊，麵包價錢唔算貴，但未到最平，當然平嘢唔一定好，今次買咗個雞尾包，$6.5，拎到返屋企試吓，車程大概一個鐘。麵包唔算好鬆軟，不過都唔會太乾太份嘅感覺，算係中上。當然如果可以再鬆軟少少就可以加分。餡料來講都算係唔錯，合格以上，所有餡料傾斜在一邊，一般雞尾包都係咁樣捲着一邊餡料，而呢一間雖然餡料唔算好多，但絕對唔算少，當然如果可以平均啲左右都有咁就最好啦！…查看更多

餓底好鍾意麵包，咩包都鍾意食，去到少去的地區如果發現有麵包小店，都會鑽進去看看有什麼包食。這天來到安定，經過美雅門口香得實在太緊要，被香味吸了進來！麵包睇落好靚好好味，有些迷你麵包及麻糬波波11蚊3個，幾抵喎，買三個試下先。選了迷你酥皮奶皇包、芝士QQ波&酥皮QQ波。芝士QQ波：有掌心咁大，無普通麵包店的咁迷你，而且不是空心的，中間都是有咬口的麻糬口感，好味呀！酥皮QQ波：好少見麻糬波波有酥皮，好特別，又脆又煙韌，又幾正喎。迷你酥皮奶皇包：層酥皮同麻糬波波既酥皮不一樣，有點鬆散，唔知係咪因為有餡，有少少空氣麵包feel，一般般，試一次就算。QQ波不錯吃，可以encore！…查看更多

其實向來都有買開呢度既麵包食，甜品之前都試過，質素一向不懶，今次適逢屋企人生日，就係呢度訂左個芒果黑森林蛋糕，加埋朱古力牌都唔駛200蚊，抵過連鎖麵包店！拎蛋糕時發覺都幾墜手😂😂😂肯定足一磅有多啦！一見到個蛋糕，又估唔到真係幾靚喎，有好多士多啤梨，奇異果同芒果😋😋😋不過問題出黎啦，一邊黑森林，一邊芒果，點食呢？最後成家用叉成個不黎食。。賣相就靚啦，味道呢？都唔錯！芒果個便用料十足，中間有芒果粒，酸酸甜甜咁黑森林個便呢都好好食，因為cream夠厚之餘蛋糕質量都好好，唔會輕飄飄😄果然冇簡錯！…查看更多

因為做野關係入到去屯門，一落車就見到間麵包店🤣職業病發作又入左去🤦🏽‍♀️就係咁俾我搵到屎上我心目中top 1 既麻糬波波！💟👉🏿✨酥皮麻糬波波 Hkd 10/3 個 💸📌好似未見過有酥皮版既波波，見佢好吸引😍買！食到唔落口，哇佢啲酥皮真係冇得輸✨係好似曲奇咁,勁脆又甜甜地☺️加埋麻糬食超正呀！佢會係我之後去屯門既其中一個理由！去到應該買10個起跳！堅好食！👉🏿✨芝士麻糬波波 Hkd 10/3 個 💸📌佢啲芝士味都算濃郁！麻糬都做到煙煙un😳而且size絕對唔迷你！好食又抵食👉🏿✨丹麥酥 Hkd 10/3 個 💸📌我發覺佢啲酥皮全部都做得好出色！係凍左之後仲keep到酥脆既口感👌🏽份量又唔係迷你，抵啦！…查看更多

應該有2-3年沒吃過蛋撻了，不是不喜歡吃，而是當知道小小一件蛋撻竟然接近250kcal，差不多等如一碗白飯，要踏50mins健身單車才能消耗到，想起都覺得可怕!! 其實與家人剛於附近酒樓吃過點心，但是父親見到剛出爐的飽滿蛋撻實在忍不住口，一買就是半打，買後就是即場吃，為食的家人就是如此~ 半打蛋撻售價才$19，實在相當划算. 剛出爐的蛋撻實在相當熱辣，有必要小口小口的吃，以免燙傷~ 蛋撻有濃濃的蛋香，入口細滑不過甜，曲奇皮相當鬆化，以每個$3 左右，實在是便宜又好吃的飯後甜品. 屯門屯門鄉事會路2A號 H.A.N.D.S N區1樓N-117 - N-118號舖 2451 2266…查看更多

第一次寫食評係因為一肚氣， 如果附近有多一兩個選擇都可以去第二間，當日買了四個 蛋撻 ，兩個雞批，店員用膠袋袋住就算，我亦好有禮貌問一句：請問可唔可以用個盒幫我入住？ 服務態度奇差回答一句：冇架喎，你要就加多兩蚊比個盒你囉…, 麵包亦唔係特别出色，有得選擇都唔再幫親。…查看更多

無聊到H.A.N.D.S.亂逛 麪包控職業病發作到處尋找麪包的生命香氣 找到一間迷你的小店店內有好多唔同種類既迷你包 $9/3好似專比人試味咁 普通包足足有迷你包四倍芝士QQ波 迷你酥皮奶黃 迷你朱古力鮮奶球 $9迷你酥皮奶黃賣相相當給力 靚靚酥皮上有糖霜酥皮十分酥 層層感覺有feel但終極空心 奶黃有奶香但唔太甜睇尼只係賣相好...芝士QQ波芝士味同烘焙味聞到好香濃 質地的確有Q彈感覺(似A-1質地~但食落味道冇乜芝士味如果味道上加以改良一定成為小店佳品:)迷你朱古力鮮奶球表面朱古力碎足料 亦有沉沉鮮奶味看似一般 但包唔係空心 而且鬆軟 但略嫌過份鬆軟而包心攞上手易變型奶味配上朱古力碎 有甜有香 變成朱古力奶XD小店追求高質水準 值得鼓勵但仍有唔少進步空間 期待進步的一天…查看更多

趕時間！趕時間！一大早趕時間上班上學，最好就在車站附近買個早餐吃。美雅就佔盡優勢，它位於巴士站旁，每早居民乘車出九龍、港島上班，在這裡買個麵包當早餐就最方便了。除了位置方便，美雅的裝修跟其他麵包店差不多，都很光鮮。這天又是趕趕趕，就在新開的美雅買了個"美味棒" ($8.5)看到名字，本以為跟山x麵包的"滋味棒"差不多，可惜原來口感差很遠的。麵包外皮一絲絲的，也許我買麵包已經是上午九時多，麵包不太新鮮，外皮變硬了...:(再吃下去，吃到了吉士餡料，可惜...怎麼只有一半?!!!!!看到這裡，我想起早前有報導說有的麵包店賣的是空心包...這天，我吃到了這個"美味棒"，我後悔了....也許，我真的遲了買，不太新鮮。但因為美雅實在太方便，還是會幫襯吧。…查看更多