MOS Burger (黃埔花園時尚坊)

营业中

休息中

位於黃埔的MOS Burger早餐選擇簡約實在，這次試的是照燒雞扒早餐。雞扒煎至微焦，肉質嫩滑，照燒醬甜鹹適中，不會過膩，配上多士，口感平衡。整體味道自然，份量剛好，配搭紅茶或咖啡更見清爽，是一款適合早上享用的日式風味早餐。環境：店面整潔，早上人流不多，氣氛輕鬆。 價格：屬中等價位，配飲品更抵食。 食物質素：雞扒火候適中，醬汁味道平衡，出品穩定。 食物種類：早餐選擇多樣，漢堡、米堡、拼盤等均有供應。如果你鍾意日式照燒風味又想來點輕盈早餐，這款漢堡值得一試。

每個月嘅29號都會有一個限定食肉獸包買。外面有生菜夾住一層雞扒再加多一層和牛漢堡左右一層肥牛。 我唯一最愛嘅包，本身和牛漢堡夠厚多汁唔會好乾。另外都好啱生酮飲食嘅人去食，因為冇兩個包夾住。

對上一次食MOS Burger應該已經係四年前。對上一次嘅記憶，我記得炸雞係幾好食，所以今日都特登叫炸雞。我哋三個人，分別叫咗明太子雙子漢堡，摩斯芝士漢堡同埋吉列蝦漢堡。套餐加佐薯條，摩斯脆雞同埋摩斯雞塊。個包係好食嘅，可惜脆雞係勁乾，薯條唔熱唔脆。雞塊可以接受。不過值得一讚，就係會有盤仔俾你放茄汁BBQ醬。

Mos Burger食過好多次，平時好少叫炸雞，今次試一試，點知好唔掂，又乾又嚡，唔會再試。其他嘢食叫左芝士漢堡、魚堡、熱狗、雞塊同粟米湯，味道都正常，薯條都OK。

每次lunch hour諗唔到食咩嘅時候，隻腳一定會走出去MOS Burger，佢既牛堡真係有一股魔力，每次都會想食摩斯雙層芝士漢堡，好味之餘，食落就好方便，塊牛肉真係冇得輸，正宗嘅快靚正。

次次去MOS Burger我都係叫黑醋雞漢堡，今次新出個壽喜燒漢堡好似幾頂癮，一於就同大家試下伏🤪個壽喜燒漢堡單叫就$31，入面有幾片牛、成粒蛋、洋蔥同生菜🙊食之前我已經有定心理準備係會好難食，唔係唔好味既「難食」，而係唔知點咬既「難食」😂我打算採取整爆隻蛋，大大啖咬落去既方法去食，本身以為D蛋汁會爆曬出黎，但隻蛋無我想像中流心，所以係無爆到既😂蛋既難關過左，點知真正有難度既係個牛，佢既肉質偏Un，我一咬落去，已經扯曬成個漢堡既牛出黎😐頭兩啖食曬個牛，食多兩啖個蛋都無埋，淨低果半個漢堡都係得返個包同生菜😟坦白講，味道係OK既，個蛋都流流地心既，但食落真係有難度😂結論: 下次食返黑醋雞🥺

被朋友安利到了这家店，朋友之前反馈说，不是那种热量高到爆炸的汉堡，就决定尝试一下，我这次点了一份炸虾堡，里面不光有炸虾肉也有很多的菜，就这种营养均衡的感觉我很喜欢，加上一份小薯条，和一杯可乐又有一种油炸食品的过瘾，他家只能现金支付。

好耐無食過Mos burger，行過有小小餓，咁就不如入去食個下午茶😌由於疫情關係，店入面都無乜人坐係到食，所以位置都好鬆動。咁耐無食，好似見多左新嘢😂Spicy mos cheese burger ($29+$23combo)呢個同平時食嘅Mos cheese burger漢堡包🍔有少少唔同，就係佢嗰醬係有少少辣味，我覺得幾好食😋辣辣地幾惹味 😌Handmade wagyu with mushroom($39 +$23combo)🐮塊和牛都幾厚同埋好有肉味😋其實喺凍肉舖買塊和牛都要成$25到$30💰呢度整埋俾你，仲有其他配料所以其實我覺得$39係好抵食👍🏻薯條係粗薯條熱辣辣都好好食😋推薦？🟡🟡🟡🟡⚪️性價比都幾高，其實好食過金拱門，同埋個包靚仔好多，唔係偏左😂

10月21-24係MOS burger HK 15周年慶~全線分店三本蝦漢堡半價$13～原價$26咁抵食一定要試吓啦～半價去到又唔算多人排隊～買兩個試吓先唔知係咪因為半價上面黏咗promotion label感覺個包好細一開出嚟咩食欲都冇～賣相唔多好同圖片差天共地～裏面應該係茄汁肉醬、炸蝦、tar tar source、新鮮椰菜絲炸蝦炸得啱啱好蝦唔會過火仲好嫩～肉醬如果多D會嘢味D～Tar Tar source配椰菜正常配搭冇咩特別

MOS Burger成日一食茶餐廳早餐 真係有啲悶 今朝早試吓Mos Burger嘅早餐我叫咗吞拿魚牛角包🥐 配熱檸茶$30好有驚喜🤔入邊勁多吞拿魚醬 仲有兩塊大大塊蕃茄及生菜🥬個包好好味😎飲完杯熱檸茶 成個人醒晒啦🙆🏻‍♀️可以去返工啦🧚🏾‍♀️🧚🏾‍♀️美好的一天開始啦！😍🥰#hkfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger #meimei #852food #852foodie

今日又黎左食啦mos burger啦！照舊叫左18號法式和牛漢堡，大薯條，凍檸茶。漢堡嘅醬汁蔬菜比例好好，醬汁足夠而且唔會太多流出黎，食嘅時候方便左，賣相又靚左。大薯條嘅份量都足夠，但略嫌唔夠脆。凍檸茶今次糖漿係比我自己落，感覺好咗啊！平時都覺得凍檸茶唔夠甜，我鍾意甜啲，今次自己落味道就啱啱好！希望下次可以照舊自己落啦！但係俾錢嘅時候店員就唔記得咗俾個牌我，搞到我牌上嘅號碼同下一個客人撈亂咗，但係店員都好有禮貌地解決而且道歉，服務態度都好好啊！☺️

今日同朋友一齊食MOS Burger，我叫咗法式和牛漢堡，薯條同埋飲凍檸茶。法式和牛漢堡同我平時食嘅味道差唔多，水準冇乜浮動，醬汁同蔬菜嘅比例好好，唔會食得太膩。薯條唔會太咸，但因為粗薯條所以唔太脆。凍檸茶就有半杯都係冰，下次會記得少冰。

出左早餐，價錢30幾，合理。品質好，食開佢d魚柳包同埋漢堡包。好食同埋健康好多，跟餐亦都唔會好貴，而且仲有好多唔同種類既飲品。佢既醬汁都整得好食。用既質地同埋肉質都好。

Dont normally opt for fast food places for breakfast as they are normally overcrowded, noisy and rushed.So was pleasantly surprised to enjoy a breakfast at this branch which was none of the above.Ordered a fish burger set.The fish fillet was crispy with generous serving of mayonnaise sauce with diced onions which were crunchy, which isnt too everyones taste.Impressed they offer Twinings tea with their lemon tea which I prefer over usual cantonese style tea which can be bitter.Not suitable for th

在晚市禁堂食生效前一天的晚上，JJ決定一起吃晚餐，一起經歷這個很大機會在2020年最後一次晚市堂食。基於coupon快將到期的關係，於是便挑選了mos burger作為「最後的晚餐」。點了餐之後，每枱客人會獲分發一個號碼，稍等一會兒後，服務員便隨即奉上食物，以供享用。點了一個蝦堡，配合一個薯條🍟和可樂。以一個套餐五十多元來計數，不便宜，但可以給自己多一個選擇。蝦堡是熱辣辣的，配合wasabi醬，錯有錯著，味道出奇地吸引，辣辣地，很是吸引。倘若有一天你不想再吃m記的時間，可以來這裡享受一下異地的漢堡包風情。日期：2020.12.09