Monster Kitchen

营业中

休息中

抵食工廈Café西餐😋好耐無見朋友喇，放假朋友約左我地黎呢間餐廳，預早打電話book左，一齊食飯傾下計🤓慢煮法式油封鴨腿野菌燉飯 $128唔洗$150可以食到油封鴨腿! 價錢無可挑剔，鴨腿外皮乾脆，仲保留少許鴨油香，腿肉咸香。野菌燉飯正常發揮，好香野菌既味。呢個價錢食到咁既質素絕對抵食!澳洲M5和牛板鍵 $198我地叫左五成，岩岩好，牛板鍵有少少筋，但都夠牛味，配上青花椒阿根廷青醬，味道豐富左，配菜仲有火箭菜同牛油大蒜(大蒜白既部份)，大蒜食落好清甜，配上牛板鍵有解膩作用。芝士牛肝菌風味黑松露醬脆薯條 $68牛肝菌風味黑松露好味，幾濃郁，但唯獨個薯條，一上碟係唔脆既，應該係一開始火喉唔夠，未炸脆，而唔係放耐左唔脆，但配左黑松露醬係好味既，當佢焗薯咁食。芝士蕃茄焗自製意式肉丸 蒜蓉多士 $78蒜蓉多士焗得香脆，就咁食都好香口意式肉丸好大粒，有8粒肉丸，加埋酸甜既蕃茄醬同有唔少既番茄肉，配埋多士食口感豐富，必叫呀!野飲我地分別叫左開心果桃烏龍、青瓜薄荷梳打同芭樂烏龍梳打。Pistachio Nut Cream Peach Oolong (M)$42我叫左開心果烏龍，開心果cream味唔太濃

公司搬咗去荔枝角後，發現呢區都幾多臥虎藏龍嘅本地餐廳，可以話係係公司同事飯堂，啲位坐得幾舒服，有需要又可以去outdoor呼吸吓👍🏻鹹蛋黃蝦多士推薦，咬落去又脆又鬆，外層脆卜卜，鹹蛋黃咸甜交融口感幾豐富。香煎加拿大豬肉眼蓋 煮法特別，就咁睇外型會以為係order錯魚，外面煎到金黃香脆，仲有牛油味噌燒肉醬拌埋，加埋薯蓉，肉質嫩滑多汁，澳洲M5和牛板鍵 • 牛油慢煮大蒜 油脂分佈完美，肉質超juicy，5成熟perfect配搭牛油大蒜嘅香氣，仲有清爽青花椒阿根廷青醬平衡開心果奶蓋白挑烏龍，次次lunch都飲唔到今日終於試到，個茶底好清香，奶蓋滑開心果味幾濃，飲品同佢哋嘅嘢食好夾，會再encore，不過朋友杯青瓜薄荷梳打好似仲fresh。金不換芒果香辣脆炸，芒果嘅甜味，再加上香辣嘅醬汁係幾刺激味蕾，外層炸得金黃酥脆，內裡又保持肉汁慢煮法式油封鴨腿野菌燉飯有驚喜，鴨腿用慢煮法處理，外皮煎到香脆，肉質肥美配埋野菌燉飯，飯粒吸收晒菌菇香味，每一啖都係濃郁，加埋少少白酒同忌廉，呢個組合無得輸！

本著嘗試新食物 亦同時想為朋友慶祝生日故看到許多不錯的評鑑 亦想支持本地小店的經濟與生存但感受不愉快的經歷 一行11人的慶生會就著剛才的午餐安排 有點意見想發表及希望改善 我們得悉豬肉與魚肉製作需時 亦需要靜候三十分鐘 為為著好食物需要被等待底下 豬肉亦陸續被送抵。唯魚肉餐點經過我們數次查詢後 於一小時後才送達 面對緊絀的午餐時間 這不合理的拖延。實在不能接受 同事亦只能草草把午餐吃掉 故希望貴店需要正視送餐及回應詢問的應對及速度

📌荔枝角今次想同大家介紹返一間系工廈入面既高質西餐廳 一 *佢地除左餐廳之外，亦有系附近賣埋凍肉海產，可以參考下 🐮香煎澳洲西冷牛扒 脆炸薯條 田園沙律 $158牛扒煎得粉嫩 油脂感豐富之餘肉味濃 薯條亦炸得相當香脆😋👍🏻📍Monster Kitchen地址：荔枝角青山道688-690號嘉名工廠大廈H座7樓

見到OpenRice食評唔錯，行完香工過嚟試吓，入口少少難搵，因為d工廈座數黐埋一齊，估唔到閒日夜晚都幾多人🧐好彩有book位店員推介話開心果奶蓋係佢哋signature，對於唔鍾意飲甜嘢嘅我覺得非常正，茶底好清香，開心果奶蓋又唔膩👍🏻M5和牛板腱阿根廷青醬，超級推介👍🏻呢個價錢食到呢款牛扒性價比好高，5成熟啱啱好👍🏻好想叫多一份但真係食唔晒青檸柚子雞翼炸得好脆，d汁酸酸甜甜，不過啲雞翼有d太細。油封鴨髀野菌燴飯，呢個係十級推介，對於鍾意食重口味嘅我同朋友都覺得好正，飯有好濃松露味，油封鴨髀燒到好脆，勁香口有驚喜👍🏻炒田螺白菌好香口少少辣，反而唔似西餐有少少中菜感覺。卡邦尼風乾火腿稻庭烏冬，味道好又掛汁，但比較鍾意傳統意粉，烏冬個質地會有少少腍。慶祝生日個甜品就揀咗佢哋tiramisu,好抵食酒味夠濃。埋單四個人每人食咗$200左右，性價比幾高，算係一間好有heart餐廳。

偶爾經過見OpenRice comment 吾錯 ，便上去午餐，職員問有沒有訂位，又被告知話只會招待大廈員工，若果不是不能入座😡，言下之意好似被告知冇book 位、非會員，吾想做你生意咁😤我們見得一兩抬客仲有位，便答「是」後坐下。叫了一碟意大利飯和意粉，竟然雙雙咸到食吾落，沙律菜吾凍，湯又吾熱🥵兩杯野飲個杯細到兩啖飲完😳最後告訴員工味道👅太咸，希望佢地下次注意一下，得到回應係「哦」左一聲。樓上舖靠的是口碑，吾明呢間餐廳點做生意，就算半價都吾會再幫襯！

係荔枝角搵食，都係上網先發現Monster Kitchen冇諗過位處工廈之上，食物素質卻令人如此驚喜😍🍤香脆蝦多士 $58一碟足足有十件蝦多士，一大班朋友黎食都夠分蝦多士酥脆香口，厚厚一層蝦膠mix蝦肉，睇得到咁足料面頭鋪上一層密密芝麻，就咁食都好香脆美味配上辣味千島醬，甜甜辣辣十分惹味🥩澳洲M5和牛板腱・脆炸薯條・藤椒阿根廷青醬 $198賣相精美，和牛板腱一塊塊疊好，上面淋上藤椒阿根廷青醬仲有沙律菜＆薯條伴碟🥗和牛板腱Order左Medium，口感軟冧而唔韌表面煎封燒肉焦香，內裡肉質仍然鮮嫩，水準甚高藤椒阿根廷青醬帶有草本口感，微辣刺激薯條香脆厚實，本身已帶有椒鹽味道🍝牛油果蟹肉明太子醬忌廉意粉 $108意粉比較幼細，入口煙韌彈牙蟹肉+明太子+木魚絲，交織鹹香與鮮甜味道🤤忌廉汁口感超級creamy，滲出香濃奶油味道每啖都食到絲絲蟹肉，感覺滿足🦀間中咬一口牛油果，清新口感🥑真係一試難忘，值得再去試下其他多國菜式❤️

朋友介紹左一間神秘的工廈樓上餐廳，位於荔枝角。餐廳環境方面除咗室內還有室外平台，幾有特色。餐廳環境簡單舒服。開心果奶蓋配白桃烏龍賣相唔錯，上面有層開心果，下面有塵烏龍茶，幾鍾意開心果嗰層，有濃濃的開心果味道和開心果碎有口感。鐵鍋蕃茄醬牛肉芝士燉飯•溫泉蛋用鐵鍋上新鮮做起熱辣辣，有濃濃的芝士和蕃茄香，牛肉落散在軟綿綿意大利飯中。牛油果蟹肉明太子醬忌廉意粉份量幾足，明太子唔會太鹹，有濃濃的忌廉香，牛油果和蟹肉配搭得宜。提拉米蘇店員推介，果然做得唔錯，咖啡味足，口感軟滑，如果份量再大啲就更好了。\

今日收工去咗工廠大廈到覓食 餐廳並不起眼 全靠Openrice點評去發掘 我哋簡簡單單叫做一個小食兩個主菜香脆蝦多士 份量都幾大 多士面茶上薄薄一層蝦滑 食落幾香口牛油果蟹肉明太子醬忌廉意粉 明太子醬裏面溝咗啲蟹肉絲 令個味道更加鮮 食落濃鬱又Creamy澳洲M/5和牛板腱 配 脆炸薯條 - 搭藤椒阿根廷青醬 呢個係出奇地好味 以為牛板腱會相對地肉質結實 但食落非常嫩滑有肉汁 有咬口得嚟完全冇渣 完全係高級餐廳嘅水準 加上我哋叫咗五成熟 牛像生熟程度控制得宜 上碟嘅時候已經覺得非常粉紅好靚 所以可以話食香味俱全餐廳仲有其他飲品同甜品可以選擇 不過我哋今次都冇試到嚕

🎉又尼到誠意小店系列😎今次尼到茘枝角工廈入面嘅呢間小店！好近地鐵站站所以都唔算難揾的👌🏻餐廳地方都幾大下🙊Outdoor目測都有5 6張大枱（如果天氣涼d坐出去應該幾chill~)環境佈置唔錯☺️都係走綠化文青風🌱🌿👱🏻‍♀️✨慢煮美國封門柳。菇菌芝士燉飯✨ $138 🥩好好味🥹🥹🥹封門柳睇樣都知正預設五成熟真心完美🥹肉味超級濃郁肉質又好腍又juicy!!!😍Risotto又是出色的🥹好香好香菇菌味🍄超香濃creamy 🤪食落都有好多菇喺裏面😋面頭仲有海量芝士碎🧀真係好好味!✨泰式冬陰功吉列炸蝦炸蠔risotto✨ $108🇹🇭💕必食推介☺️💕真係第一次試冬陰公味嘅risotto 🤣點知真係好有驚喜！😳🎉驚豔到我🙊完全係濃縮版本嘅冬陰公好香辣好惹味好濃郁！😚酸酸辣辣係中和哂本身risotto嘅膩👍👱🏻‍♀️👧🏻友人同我食完第一啖都有講左句：喂呢個好食!😍✨開心果奶蓋白桃烏龍✨$42 🍑哇個奶蓋都幾濃開心果味😱😱開心果控必試！💕甜度又好適中奶香都好濃🥰茶底就清香味道偏淡溝埋飲就perfect喇🥳✨芭樂烏龍梳打✨ $48 🌿小清新之選😛叫左小甜係very good 👍 飲哂成杯都不罪疚🙊芭樂果香好

香工血拼購物眾所皆知平，血拼後前兩個街口有位於工厦入面既西餐充電一流。餐廳有戶外區同戶內區，地方雖然不是太大，勝在裝修企理，秋涼的時候有戶外享用下午茶到時都是一個不錯的選擇。平日午餐都有不少選擇，有幸與友人一邊於森林戶外區吃午餐，一邊日光浴，真是人生一大樂事。自家製鴨肉漢堡配布蕾芝士及雜莓醬•香脆薯條鴨肉漢堡真是第一次吃，不能吃牛的朋友真的可以考慮選擇這個，無論賣相和質感都做得很像牛肉，一點都不「鞋」口亦沒有油膩感，生熟程度剛好 。面包烤得很脆，亦塗了一點牛油，以很香。慢煮美國封門牛柳。菇菌芝士意粉牛柳有咬口得來亦很嫩 ， 牛味濃。本身餐牌是跟飯的，但無奈飯已沽清，唯有配意粉🍝。 菇味醬汁很開胃，不是想像中的「溜」，相信是新鮮的菇類帶出了醬汁的甜味。忌廉汁黏稠度剛剛好。是日餐湯及麵包正常發揮的餐湯，用料足，洋蔥味👍🏻沒有加太多化學調味料。面包香脆！冰凍果茶友人點的果茶，茶味多於果味，由於本人不太好茶，沒有太多評價。建議夏天中午如要到訪進餐請book位，由於室外帳篷壞了，否則會變燒豬。

環境有驚喜，現場有氣氛有格調。適合一班朋友上嚟，慢慢坐低傾偈 。鍾意影相嘅人就千祈唔好錯過，因為室內室外都有唔少打卡位。冰熱情果茶解渴、清爽又酸酸甜甜的。田園小沙律雖然份量細細，但勝在新鮮足料，有生菜、火箭菜、小番茄 、紫椰菜，還有松子仁，配上酸酸甜甜既沙律醬，開胃一流。慢煮法式油封鴨腿野菌燉飯好足料，有野菇和一大隻鴨脾，竟然仲有木耳增加口感。鴨脾表皮煎得香脆，鴨肉好嫩，用刀輕輕切已經可以，鴨肉配上野箘risotto十分夾!澳洲M5和牛板腱•脆炸薯條•藤椒阿根廷青醬，牛扒7成熟，雖然送上既時候似5成熟，但無阻佢軟嫩既口感，配上阿根廷青醬，去走牛肉既臊味。配菜有薯條同沙律，薯條帶皮，香脆可口。

我地係第一次上嚟呢間餐廳，因為我地唔熟悉荔枝角附近嘅工廠，咁就打電話上咗去餐廳問，之後電話入面嘅男仔好細心咁同我地講要點樣上去，亦都有講唔明可以再打返上去問，完全唔會似有其他餐廳咁好唔耐煩嘅感覺，咁我地順利搵到個入口（原來係永康街個邊）。上到去亦都坐低咗，之後就會有店員過嚟問你係唔係第一次上嚟食飯，佢地會問客人需唔需要介紹，佢地都勁有熱情咁同我地介紹食物，我地都跟住佢嘅推介叫左嘢食，啲嘢食嘅味道都好獨特，M5和牛配藤椒青醬，蝦多士配芒果醬，仲有啲勁正嘅嘢飲，開心果奶蓋。。係奶蓋我都出面未見過有人咁整，個整體超好飲，茶嘅味道岩岩好，超重開心果味。最後人均消費：$180左右以呢個服務質素，食物CP，都係我見過近期內幾高分嘅Cafe，果然幫襯小店一定唔會中伏👍🏻👍🏻 會再返嚟幫襯👍🏻

員工在一旁傾講比顧客還要大聲，因為枱與枱之間都好近，場地唔大，聽得好清楚佢哋嘅笑聲，可能服務員比較年輕，不懂得顧客嘅需要，另外有好多食物都賣晒，不能點，感覺一般。價錢非一般嘅貴，性價比唔高。而且大廈環境都不太乾淨，整體感覺性價比好低，下次唔會再幫襯！

有個朋友介紹咗好多次由於好少出荔枝角！ 咁啱喺附近做嘢終於有個機會可以上去試一試味道真係幾唔錯 lunch 加唔同價錢可以配搭飲品或者餐湯特飲之類我哋就叫咗牛扒同埋日式吉列豬扒燉咖喱飯配咗個餐湯同埋咖啡咖啡ok! 個餐湯係洋蔥湯初頭朋友叫我加啲黑椒，我話唔使試咗先點知飲咗第一啖好有驚喜 個湯係超級濃郁嘅洋蔥味鹹到啱啱好 仲有好多洋蔥肉 對於一個鍾意食洋蔥嚟講嘅我！簡直覺得不得了 成個湯好有層次 （連朋友飲完之後都覺得好好飲）牛扒五成熟，處理得都唔唔錯，入口好腍有淡淡嘅牛香味日式吉列豬扒燉咖喱飯咖喱飯應該係珍珠米 吉列豬扒都炸得唔錯 外邊都脆 肉都幾腍身最後我哋仲嗌咗個檸檬cheese cake呢個我哋又覺得好正 食落口震震嘅檸檬 但係又唔會過分遮蓋咗芝士嘅味道 好食！呢度仲係pet friendly 可以帶小動物嚟食飯外邊仲有個露天地方 我見到有燒烤爐 我相信係可以包場整體嚟講呢到既食物 價錢唔太貴食物質素水準以 值得再返嚟試吓其他唔同嘅菜式