Monster Kitchen

营业中

休息中

老友b-day嚟呢到荔枝角食晚飯，見到工廠區呢邊，見#monsterkitchen 環境幾好，又可揀坐戶外chill下，打卡飲嘢傾偈亦相當有氣氛。✅金不換芒果香辣脆炸雞翼 -$68.00酥脆雞翼炸得香脆不油，肉質嫩滑，咬落去仲有肉汁，仲散發出濃郁芒果香。非常惹味！✅牛油果蟹肉明太子意粉 -$108.00意粉爽口彈牙🤩，調味一流，牛油果同明太子係絕配到咁，蟹肉足料，口感creamy，好特別喔！✅香煎海鱸魚蝦頭汁會煮蔬菜。羅勒油蘆筍 -$158.00一大塊香煎海鱸魚柳，外皮煎得香脆，肉質好軟嫩滑而不油膩，賣相非常吸晴，味道鮮甜。✅跟餐香炸脆薯條（Side Dish）-$38.00炸至金黃酥脆，乾身內裡綿綿，份量足夠二人分享!!總體而言，整體相當不錯的。坐室外舒服。同場仲可同寵物一齊用餐，樂也融融。

今日約咗兩位舊同事喺荔枝角敘舊，我哋搵咗依一間餐廳，就試吓食新嘢。我地12點去到係第一張枱，餐牌有六個set lunch可供選擇，難得我嚟到荔枝角，就算貴少少都想試吓封門柳，因為唔會喺屋企自己整。封門柳配上甜薯條，真係好好味，肉質鬆軟，而且一啲都唔硬，薯條好香甜，好脆，所以雖然有少少貴，但係我覺得呢個餐值得呢個價錢。我哋加$8配一杯果茶，都幾清新，不過甜咗少少。餐廳環境寬敞，確實係一個方便吹水嘅好地方。

荔枝角下班，聽說同事介招工廠樓上Cafe，非常隱祕。而且可以選擇坐有室內同外因為餐廳暫停了凍飲供應，所以就沒有點飲品，主要點飯菜。「黃金鹹蛋蝦多士」滿滿鹹蛋香味，將蝦膠溶入多士，外脆內軟。「香草牛油蜂蜜炸雞翼」肉實豐滿，非常脆口，鹹鹹甜甜。「牛油果蟹肉明太子意粉」大眾水準，不過不失。有忌廉汁剛剛好，不會太乾身又太水濕。「香煎加拿大豬肉眼蓋」配牛油味噌燒肉醬。薯蓉底部作陪襯。肉汁豐厚細嫩。薯蓉嫩滑，帶點微甜。

朋友住港島黎開呢邊做野，見評價咁好就想試下呢間首先係地方都幾難搵，另外當晚一開門入到去，全場靜曬望住我地兩個，間鋪黑蚊蚊又唔似openric啲圖咁光猛😅兩個女店員唔出聲淨係望住我地，我地想搵個牆邊嘅位坐低，佢地又急急腳走黎問我地「有無book檯？」我見得兩三檯客、仲有好多空位，就反問佢地「我地無book檯，係米一定要book檯？」，兩個店員就只係互相打眼色、唔答我地問題😅然後佢地就指示我地坐收銀前面張檯。明明大把位，做咩要人坐店中心、比你地店員望住咁奇怪呢？？😂好啦我地當時都無諗咁多，放低背囊&除外套時，佢地又問一句「請問你地係米大廈員工？」立即比佢撥曬冷水，答佢「唔係😑」然後我地就離開左。一入鋪又唔主動接待，問野又唔一次過問清楚，如果做生意上/對我地客人有咩顧忌，可唔可以做好少少、唔好咁肉酸&趕客？諗住黎試下咁多推介嘅餐廳，但佢地只想接待大廈員工，好可惜

趁放假相約好友一起食午餐、荔枝角有很多優質食肆、特別多上樓又有質素的餐廳，好友推介這間、地點不難找、環境舒服、可選室內或室外香煎封門柳、得外層微焦內裏粉嫩、肉質嫩滑、塗上香草銀魚柳牛油、食落又有另一番風味、甜番薯薯條，炸得香脆甜美香煎南乳豬腩，意式香草醬扁意粉、扁意粉煮得軟硬適中，咬落有口感，再配上松子仁和芝士，味道更加豐富、豬腩雖然有點肥膩，但入口很香油脂帶點南乳香加了$25來一杯焦糖latte、咖啡味香濃，很喜歡焦糖獨有的味道，呷一口甜美得令人心情愉快

由於已過正常Lunch hour（3-4PM），店內室內、外位置都較多，所以選擇了一人坐一張4人枱，有充足空間慢慢Metime一下。肚量不足，只點了一款「慢煮油封鴨腿野菌Risotto 」。鴨腿做得很好，皮帶點焦脆，入味、肉質保持滑嫩，用刀輕輕一壓已可皮肉分離，配以較淡的Risotto，剛好可中和油封製法的咸，避免了鹹上加鹹，yummy ♥️未有留意是否有Set menu，店員亦沒特別提及，應該此時段是沒有吧？常以為工廠大廈盛產劣食，多為工人快餐飯堂，今次大大改觀，推薦！

荔枝角不嬲係文青集中地，都有唔少靚靚既Cafe，但你地又知唔知原來工廈上面都有唔少特色餐廳嫁😍今日呢間西餐廳就有outdoor area，依家天氣舒服就可以坐出面好好feel咁同朋友吹水同打卡，都真係幾靚。🐒金不換芒果香辣脆炸雞翼💰$68🐒黃金鹹蛋黄蝦多士配蒜香沙律醬💰$68首先嗌左2個開胃小食食，食得出佢地係自己小店去調味同去整，而唔係工廠式既來貨去serve俾我地，因為佢地既menu都係自創，所以都好特別。🐒牛油果蟹肉明太子意粉💰$108🐒慢煮法式油封鴨髀野菌燉飯 💰$128主食我地就嗌左一飯一意粉去share，蟹肉係真係新鮮蟹肉去整，勁impressive，完全唔hea，不過天氣凍如果坐出面就真係要趁熱食啦🤣而燉飯一樣咁足料，2個女仔share真係勁滿足。🐒Pistachio Nut Cream Peach Oolong(M)💰$42🐒Guava Oolong Soda💰$48

此牛排甚劣，外焦而內冷，火候全失，食之如嚼橡膠，毫無鮮嫩多汁之質。調味尤過鹹重，掩其本味，層次全無，實不堪入口。侍應待客亦甚冷淡，未見周到。然其價錢高昂，質劣如斯，令人嗤笑。此經一遭，必不復顧，亦難薦於人。

同老公好耐冇二人世界嘆吓西餐，同事介紹荔枝角一間好高質嘅西餐，於是同佢一齊去試吓😀餐廳除咗室內仲有室外嘅空間，而室外嘅裝修好有特色，有一張好靚嘅藤椅，配合埋植物同埋燈光，啱晒我哋打卡，至於室內裝修，充滿文青風格，除咗一啲書籍仲有結他，牆壁仲畫咗好多可愛嘅公仔圖案，介紹餐廳嘅招牌菜，店員安排我們坐了一個很舒適嘅位置，坐下傾吓偈都幾舒服👍🏻芝士蕃茄焗自製意式肉丸配蒜蓉多士：自製意式肉丸充滿肉汁，配上酸酸甜甜嘅蕃茄醬同蕃茄肉味道好夾，加埋拉絲芝士，配埋香脆嘅蒜蓉多士食味道一流👍🏻澳洲M5和牛板鍵牛油慢煮大蒜青花椒阿根廷青醬：澳洲和牛嫩滑得來好有牛味，充滿肉汁，外層焦香內裏粉嫩，配菜牛油慢煮大蒜都好正，吸收晒和牛嘅香味，配埋青花椒阿根廷青醬，味道更上一層樓👍🏻牛油果蟹肉明太子意粉：明太子意粉軟滑而且彈牙，牛油果夠晒Creamy，配上鮮甜嘅蟹肉加埋濃郁嘅明太子忌廉汁好鮮味😊

每當有人叫我推薦荔枝角的美食，主打多國菜的monster kitchen 總是在我的心愛餐廳名單中。疫情前過來吃過幾次，質素一直不錯且價位相當親民，人均$1xx！今天難得來到荔枝角，就帶朋友來試試，看看能否保持水準(｡•̀ᴗ-)✧⟡‧₊ 慢煮法式油封鴨腿野菌燉飯 （$128）毫不猶豫就點了這道廚師推介的菜式試試果然有驚喜！鴨腿大大隻，外皮酥脆，腿肉鹹香可口野菌燉飯夠creamy雜菌的香氣十足飯粒微濕潤不算很硬符合香港人的口味 ♥⟡‧₊ 澳洲M5和牛板腱 （$198）和牛一片片堆疊得很漂亮五成熟的牛板腱肉質軟嫩咬下去感受到和牛獨有的油脂香不過，稍為有少少筋配搭青花椒阿根廷青醬令整道菜的味道更有層次𓃽⟡‧₊ 自家製鹹鱈魚醬多士/ 醋醃洋蔥/ 三文魚籽（$78）每件多士都餡料十足，誠意滿滿添加的三文魚籽更增添了鮮味但可能是鱈魚醬份量太多𓆝 𓆟 𓆞 𓆝 𓆟讓整體味道略顯鹹~

#monsterkitchen 近期好鍾意嘅餐廳 環境舒服 日頭採光度好好🙂‍↕️·蕃茄醬生赤蝦水牛芝士貓耳朵粉係真係新鮮的生赤蝦 好少見Cafe會用刺身級做意粉蕃茄醬同水牛芝士配搭好好 係比較清新 唔係漏個種貓耳朵粉都煮得啱啱好 仲係煙靭·黃金鹹蛋黃蝦多士．蒜香蛋黃醬蝦多士份量比我想像中多😳食落唔油 同埋好脆 感覺似係氣炸鍋炸不過鹹蛋黃個味唔重·慢煮法式油封鴨腿野菌燉飯燉飯好creamy 而且有好多菇菇鴨腿煮得好腍 用叉插入去已經可以將啲肉骨分離🥹成個飯上面再落咗少少海鹽 再令個燉飯冇咁漏·Tiramisu 最後仲嗌咗個甜品 味道唔錯不過因為佢個盤太淺 淨係做到一層 所以食落去口感冇咁好同埋個人覺得浸咗太多expresso 個餅嗰層會太淋·整體性價比都好高，而且啲主菜都係出邊比較少見絕對會再去！

我們試了一杯飲品係由開心果奶蓋組成也10分有驚喜整體上我們有一個美味的午餐星期日去完教會，一家大細想找個地方在附近吃午餐，喺OpenRice度見到呢一間餐廳，食評也不錯，而且見到相片也很好味，開頭我們找錯入口，所以我打電話再問一次才知道在永康街的入口，我們兩大兩小，叫了一個小食，兩個主菜及一個意粉，主菜係牛扒及豬面肉，小食就係一份多士，三款食物的賣相也不錯，另外一個橄欖油蒜蓉意粉味道也很出色，雖然是一道很平凡的菜式也做得不錯，我們試了一杯飲品係由開心果奶蓋組成也10分有驚喜，整體上我們有一個美味的午餐。

見咁多好評，所以lunch去試吓。首先選擇少，得六個選擇。同事叫左個軟殼蟹冬陰功飯，三個異口同聲話好咸好咸好咸。同埋個炸軟殼蟹炸漿好厚好老。另外叫左牛扒，overcook 既。熱情果果茶無咩味。總結係。。。下次唔會再嚟。。

前排有朋友搵咗一間工廈餐廳，位置都有啲隱蔽，去到門口我都唔知原來係餐廳😂行入多兩步先見到餐廳個牌。入到去有室內同室外座位，不過當日落大雨，所以坐係室內，室得幾張枱，唔係好大間。慢煮八爪魚牛油果藜麥沙律，$88，大八爪魚鬚切咗粒，易啲咬，幾鐘意佢加咗藜麥，感覺健康啲。蕃茄醬生赤蝦水牛芝士貓耳朵粉，$118，用生赤蝦配蕃茄醬又幾好食，食落又好似熱盤，但又有啲生冷嘢食，好似冷盤。澳洲M3和牛西冷扒 $258，會跟炸薯條，牛扒就比較一般，筋比較多，不過我鐘意佢個法式忌廉胡椒醬，味道好特別，而且配肉食好夾。Chocoholic抹茶焦糖燉蛋 $48，見到塊黑板寫呢款甜品，係點餐前已經想叫嚟食，同時食到抹茶味同蛋味。

依間餐廳位於荔枝角工廈，位置比較難搵，但菜式同格調別具風格，值得一來！有提供多國菜同戶外用餐區，餐廳侍應同廚師以年輕人為主，感覺似係自家經營👩🏻‍🍳👨🏻‍🍳🥑🦀🍝 牛油果蟹肉明太子意粉 $108呢款意粉係一個大膽嘅組合，牛油果嘅綿滑同蟹肉嘅鮮甜交織出一種特別嘅口感。明太子帶嚟嘅微辣加上濃厚既忌廉汁，為整體味道增添一份層次。意粉煮得啱啱好，唔會太軟。唯一覺得可以改善嘅係蟹肉嘅比例有啲少。🐟🦐🥬 香煎海鱸魚蝦頭汁會煮蔬菜•羅勒油蘆筍 $158海鱸魚煎到魚肉嫩滑，蝦頭汁好鮮甜濃味，完美地提升咗菜式嘅海洋風味。配埋以紅蘿蔔為主既會煮蔬菜，色彩繽紛，食落口感豐富。羅勒油蘆筍都係一大亮點，清新嘅香氣同脆口嘅口感，為成道菜加分不少。🍟🧀🍄 芝士牛肝菌風味黑松露脆薯條 $68呢道薯條連皮炸起，外脆內軟，食落口感一流。芝士味濃郁，仲有黑松露嘅香氣，成個層次提升咗好多。牛肝菌味道唔算太搶，同薯條本身嘅鹹香融合得幾好。唯一覺得可以改進嘅係松露味可以再重啲，令嗅覺同味覺都更加震撼。 🍑🥜🍵 Pistachio Nut Cream Peach Oolong $42呢杯飲品真係充滿驚喜！開頭先係一陣濃郁嘅開心果