M6冰室

由疫情起開始幫襯，因為$40食到個抗疫飯「葱油叉燒蛋飯」。依家疫情完了，我同老婆每星期日都會去嘆下午茶， 老闆娘健談又有人情味，每次落去都會有同朋友相聚的感覺。例必叫兩個下午茶餐share食金磚多士配醬油大雞脾 $38金磚多士既外層酥脆，內裡麵包柔軟且帶微甜，非常好吃搭配上醬油大雞脾，雞肉嫩滑，醬油香濃惹味秘製醬油大雞脾配印尼撈麵 $42醬油大雞脾肉質細嫩，搭配上印尼撈麵，麵條彈牙有嚼勁，撒上調味料，帶有微辣好開胃…查看更多

今日新試呢間茶餐廳堂食，又係叫咗如果餐牌有我一定會叫嘅蕃茄湯通粉😂依間蕃茄湯偏甜，配叉燒都幾好食😋好夾✨滑蛋同多士都可以，正常茶餐水準👌🏻😌午餐時間都有啲人等位，預計都要等一陣先有得坐。價錢嚟講可以接受，所以都會再嚟食lunch🤓…查看更多

我好少寫食評, 但為左避免下一個受害者, 想係度share下我既經驗.因為响附近番工, 所以成日會一支公响呢度食lunch. 雖然食物味道一般, 服務更加一般, 但係上菜速度勝在夠快, 所以通常諗住快啲食完就算. 但係前幾日發生左件事令我決定唔會再幫襯.就係個侍應將成碗麵倒左落我條褲度,仲要對唔住都無聲, 繼續黑口黑面, 抹左張枱就算. 我唔要求你好好態度, 但基本禮貌都要有gua. 所以大家想去之前要三思, 食物質素只係正常, 但係d侍應經常黑口黑面, 真係會影響消化!…查看更多

早晨 4 號：鮮製薑汁米粉三餸：豬膶、豬肚、牛肉配沙滑蛋＋6 轉奶油豬米粉”煙煙韌韌”好好食豬膶、豬肚、牛肉全部材料食落好新鮮這個食材組合 mix 薑汁味好夾滑蛋滑而不油膩餐牌雖然寫「雙拼」，但其實仲有哩個三拼組合，只係照加 $6，好開心可以3樣餸都食到本身已經好飽，所以走左厚多士，但見格離枱個奶油豬好正，忍唔住要加錢食....奶油豬：包夠脆、 煉奶咁多，正！！！！😋食完哩個餐係好飽，但好滿足😅🤪咁飽又足料既早餐，只係 $60🥰…查看更多

返工落車嘅時候見到M6門口 是日推介有"黑椒汁牛脷飯"， 鍾情牛脷嘅我一於中午嘅時候去試一試， 雖然等咗十幾分鐘先有位 ，但都值得， 牛脷軟硬適中， 加埋黑椒汁是絕配， 連飲品 都係 58 蚊， 鰂魚涌區是超值之選…查看更多

一個人食lunch唔知食乜好，呢間啲員工好積極主動咁係門口招呼客人入去，咁咪試下囉😂 餐牌唔多選擇，得十二三款左右，我就揀左最穩陣既蔥油叉燒炒滑蛋飯配熱奶茶（$52）。啲蛋煮得好靚好滑，份量都好足，叉燒都好好味，肥瘦適中，但係美中不足既係無乜汁，好乾，如果個飯加返多啲甜豉油就正啦👍🏻👍🏻👍🏻 杯熱奶茶就正正常常啦，茶底都幾滑，唔澀，咁既價錢係鰂魚涌區算ok ar！重點係啲員工態度真係好好👍🏻抵讚！…查看更多

話說好日都唔去鰂魚涌，早幾日去到等人，冇地方好去，行過M6冰室，即管入去試吓。𥚃面呀姐好nice咁問我食乜。我點左呢個雞髀公仔麵茶餐。雖然一份普通茶餐好難衡量有幾好味，但係雞髀係入味，面係彈下彈下，我覺得已經足夠，最重要係坐得舒服，唔催你食完好走。結果我有一個幾唔錯嘅小時光。…查看更多

上次黎M6啱啱午飯時間就聽到d雞髀已經買曬 好似好好食咁 諗住今次試下，明白點解咁快賣曬！原來有原因 因為大份又抵食！價錢60元有找，配一杯嘢飲 真係值得一試聞到隔離個個都叫椰子香咖哩 決定下次試下🤣…查看更多

繼續搵靚早餐食呢一日胃口一般，想食個清清地嘅早餐。黎到鰂魚涌，呢一間喺大馬路嘅茶餐廳港鐵站出口行2分鐘就到，地點真係好方便。呢間店鋪仔細細，裝修簡單，大概得二十個位左右，9點30早餐時段，都見到有半數座位有客人食緊早餐。呢度有養生淮山蓮子粥做早餐非常特別，亦有提子乾牛奶麥皮好健康！佢個鮮薑汁鮮雞湯麵都喺出面未見過，今次無揀到佢，下次再黎一定要試下！我揀左鮮忌廉雞湯配仿鮑魚火腿絲通粉 配鮮奶炒日本蛋＆厚多士。鮮雞湯好有鮮味，湯底好有驚喜！鮮奶炒蛋果然特別香滑！好味！ 唯一可惜係個多士唔夠脆口。價錢黎講呢度嘅早餐唔算平，但睇返食物質素，呢個價錢都算值得一試～今次早餐好滿足，俾個個湯底先，食完靚早餐又要出發活動一日啦！…查看更多

作為茶記達人又搵到一間不錯嘅茶記係鰂魚涌M6冰室唔知點解個人比較佬我真係好鐘意食茶記嘅常餐想分享下公司搬左鰂魚涌都好一段時間但無點特別去發掘下野食多數食完覺得幾好就會不斷repeat亦都因為lunch time時間真係好多人所以要去逼去等位再用10分鐘倒落肚過程真係好唔enjoy仲貼錢買難受今次試咗M6冰室個炒蛋同多士都好驚喜多士烘得岩岩好而炒蛋勁滑個火腿通湯底好夠味食完唔口渴而且杯凍檸茶都好有茶味要提提就算轉左枱都無送錯仲好好service每個員工都係笑面迎人好有溝通同埋效率整體黎講都值得再食價錢仲算係鰂魚涌嘅冰室黎計較平因為加凍飲都係4十幾蚊推#M6冰室 #鰂魚涌冰室 …查看更多

想食個full啲嘅早餐用openrice app訂餐仲有-$5優惠不過就算唔減都覺得價錢ok點咗個肉丁米粉+炒蛋+牛油厚多士喺地鐵上嚟嘅時候落單行到過去啱啱好個忌廉雞湯好襯粉麵估唔到連落埋肉丁+米粉個味都好夾肉丁唔孤寒米粉好滑，好啱我胃口炒蛋有蛋味份量啱啱好呢個年頭三四十蚊食到呢個quality其實都有難度咖所以都上嚟寫返幾隻字撐下要嫌係杯華田淡少少睇下下次會唔會轉佢個奶油豬/牛角包試試個外賣+$1有分隔湯同麵好make sense嗰種啦…查看更多

咁岩係附近做完運動，星期五朝早去個早餐，但唔算多人唔使等位. 火腿通粉分量好多👍🏻 驚喜係個多士，牛油味好香少少脆. $36都抵食既。食物速度算快，對得住個價錢👍🏻…查看更多

M6冰室地址:鰂魚涌英皇道953號地舖咁啱今日要買外賣試咗抗疫餐叉燒蛋飯 🐷🍳🍚 $38 (配熱檸檬水)。叉燒蛋飯份量都幾多，蛋炒得好滑好香😍，而且叉燒唔太肥再加上甜豉油，好Match呀～真係好高CP呀，絕對係唔少人打工仔恩物😎😎😎…查看更多

日日番工放午飯都係食果啲，行晒成條街都只係覺得鰂魚涌餐廳的午餐都幾貴，如果唔太想食，都真係買唔落手，有啲舖頭特別難食tim。🤷🏻‍♂️今次真係要寫返少少野，真心覺得相對抵食的外賣，趁機會比個like，諗唔到食乜都絶對係一個唔需要考慮的選擇。👌🏼👌🏼👌🏼👌🏼👌🏼好過買連鎖餐廳既頹飯n 倍大家有類似的findings，又係鰂魚涌既話，麻煩分享比我知！🙋🏻‍♂️…查看更多

因為疫情關係,聽日我又要暫時搬去九龍灣office,咁就緊係要食我最愛嘅炒滑蛋加五香肉丁米早餐啦,今日再豪小小多士轉奶油豬轉奶油豬都係加5蚊,仲要係大大隻嘅奶油豬,唔是迷你的,今日人多都等得耐咗小小先有得食一放隻奶油豬入口超脆,滑蛋都係一如已往咁滑咁好咪,仲有呢度嘅五香肉丁米都係好食㗎,米粉好幼滑,咖啡都係即磨咖啡仲想講呢度D員工好好禮貌,又會記得熟客食乜,唔該前唔該後,真係好好招呼㗎,茶記嚟講食物有保證重點唔會受到不禮貌對待食到一肚氣呀…查看更多