Lizto

繼續喺荃灣搵好嘢食！近排Citywalk 開咗間新食肆！餐廳以簡單暖色佈置，全部落地大玻璃，彩光度非常足夠，坐喺度食飯可以望到戶外嘅景觀Dinner Set （有餐湯、前菜、主食、飲品及甜品）🔹餐湯🔹🔸意式雜菜湯 非常足料嘅雜菜湯，有甘荀、洋蔥🧅、薯仔等等，非常豐富又足料嘅雜菜湯🔹前菜🔹🔸柑橘布拉塔芝士沙律🥗沙律包括有好幾款沙律菜、麵包糠、布拉塔芝士、再加柑橘肉，柑橘皮，再混入柑橘針，成個沙律酸酸甜甜，勁開胃🥰🔸 酥炸鴨腿鴨肝飯團（2件）兩個圓轆轆嘅炸飯團，外層炸得酥脆，切開裏面有鴨腿肉絲及鴨肝混合飯團，食落味道非常濃郁🔹主食🔹🔸澳洲M5和牛西冷叫咗Medium嘅M5和牛西冷，外層烤得好香，內層肉質鮮嫩，入口牛脂份外香濃，用咗紅蕃及紫薯一層層砌成的磚型配菜，非常特別，甜甜地又幾好食🥰🔸香煎北海道帶子配海膽汁手工意粉手工意粉彈牙煙韌，食落口充滿蛋香，用上海膽汁混和，配菜有大大粒香煎帶子，魷魚及黑魚子😋🔹飲品🔹🔸Coffee Sunrise 杯咖啡好靚呀🥰！ 杯底部橙色造成日出feel係橙汁，上層就係香濃咖啡，混和兩者一齊飲用，橙汁嘅甜味中和了咖啡嘅甘苦味道👍🏻🔸Pistachio Caffè Latte呢份latte除咗飲到香濃咖啡同埋幼滑奶香之外，仲有好濃郁嘅開心果味，味道非常夾😍🔹甜品🔹🔸開心果巴斯克芝士蛋糕侍應推介呢款開心果芝士蛋糕，蛋糕非常Creamy幼滑，仲有香濃嘅開心果味，非常滿足啊!…查看更多

在一間溫馨cafe同朋友共聚，今次揀左荃灣天地新開的Lizto，地點位置非常好，佢喺中庭旁邊，望住商場內園，可以靜落嚟，談談天，享受美食。我哋揀咗佢嘅set dinner，因為店員話今日soup係甘筍湯，我地都好喜歡飲。甘筍湯，蜂蜜般甘甜嘅甘筍湯通常質地細滑，色澤鮮橙，口感溫潤，作為開胃湯非常舒心。煙三文魚牛油果酸種包，煙三文魚香濃柔嫩，配上清新嘅牛油果肉質同酸種包微酸帶嚼勁，再加上醬汁，層次豐富，十分醒胃。如果份量可以大啲會更好。炸薯條，配的不是普通的茄汁，而是帶有特別酸味，問了店員，他說這是西瓜波椒汁。炸得金黃酥脆嘅薯條配上清爽帶辣味嘅西瓜波椒汁，甜辣鹹交織，令傳統薯條有新鮮感。牛臉頰肉意大利飯， 牛臉頰肉肉質好淋， 牛味十足， 每一口，任何部位都好嫩滑，只是芡汁有點多，米粒比較濕，意大利飯有蘆筍，醬汁濃厚，整體平衡且滋味。西京燒西班牙黑毛豬，甜甜的好好食。豬肉烤到表面微焦，肉質鮮嫩多汁，西京味道香甜微鹹，絕配黑毛豬豐富油脂，味道層次複雜。欣賞佢嘅擺盤，好似一幅畫咁，睇落就已經好有胃口。最後配上熱朱古力與熱伯爵茶朱古力作總結。 熱朱古力香濃醇厚，令人暖心；Earl Gray chocolate 則融合花香與可可香，味道清爽但富層次感，適合喜歡輕口味飲品的人。不經不覺就食到九點，原來餐廳只係開到九點半，好彩我們都坐左兩個鐘左右。好高興朋友分享去最近嘅喜悅，食完飯後，我哋見到金牛座滿月，一切都好完美地結束，又係一個開心嘅夜晚。滿分為10分（一分最低，10分最高）食物：9環境：9衛生：9服務：9價錢：8舒適度：9總分：8.5…查看更多

今晚和友人去了荃新天地CAFE - LIZTO內裡裝修不錯，環境舒適 <3看到店內有手工意粉! 所以今次點了意粉及一份主食晚餐~ 還有這邊慶祝生日🎂，紀念日💘，或者和朋友聚餐🙆🏽是一個好好的選擇!傳統卡邦尼意粉 HK$118 (+ HK$10 轉手工意粉)- 這個手工意粉我覺得不錯，但如果粗度方面可以粗多一點點，那口感上會更好吃，下次有機會可試手工寬條麵! 卡邦尼配上豬腩煙肉條，汁濃度剛剛好~ 掛汁又好吃~ 不過我個人覺得可以再添一點黑椒，味道會更加錦上添花!是日餐湯 - 甘筍湯- 這個湯100分! 完全沒有怪味! 以往在其他地方的甘筍湯都是有一陣陣草青怪味但這裡完全沒有，味道剛剛好! 這個餐湯真的完勝。香草油炸薯條 (半份) (配晚餐)- 這個薯條就基本，我想那個應該是SOUR CREAM醬? 另一個絕不是基本茄汁，但我又想不到是什麼醬汁 T^T ! 但兩款汁醬都非常不錯! 而且還可以走鹽~ 真的非常好! <3蘋果西柚香橙檸檬汁 ( 配晚餐 + HK$31)- 這幾款水果味道配搭成的果汁都不錯! 絕對沒有再額外糖水加入!紅酒燉牛臉頰肉配砵酒汁 HK$178- 這個大推! 牛臉頰肉嫩滑有肉汁，外層焦脆，做到外脆內軟! 配上微甜的砵酒汁，相當夾! 那個風琴小薯仔，真的好好吃! 配上了長柄西蘭花苗及粟米旬，這個所有口感，味道都配搭得十分出色! 晚餐配 黑松露蝦多士 (半份) + HK$28多士炸到香脆可口，配上蝦和黑松露醬，完美配搭! 而且多士不算很油膩，這個都不錯!鮮青檸梳打 ( 配晚餐 + HK$37 )- 這個就很基本，不過不失提打米蘇  ( 配晚餐 + HK$48)- 這個應該說是這邊的招牌甜點嗎? 我個人就不是太喜歡提打米蘇的但這裡的提打米蘇竟然入口很軟滑，不過甜，咖啡味又不算太重! 這個真的也是推介的說!!!LIZTO荃灣楊屋道1號荃新天地地下G75A, G76C & G76D號舖…查看更多

1-10-2025(Wed)朝，同老公送完回收物品，買埋餸，天氣太熱，要去商場避暑，老公話順便食埋晏。OK，去邊喥食？佢提議嚟荃新天地搵，我哋睇睇，見呢間係食西餐，就呢間啦。啱啱冇位，不過等一陣就有，坐低後，店員即講聲今日餐湯係椰菜花湯（好似），我哋睇完menu後，就決定要佢$148.00嘅千層麵午餐。5. $46.00嘅蘋果菠蘿石榴羽衣甘藍汁老公接受到羽衣甘藍嘅味道，所以叫呢個，我飲吓，飲到啲石榴味，但成杯嘢我都係接受唔到。3分3. 叫套餐正價減$15.00，變成$41.00嘅呂宋芒爆珠梳打睇見呂宋芒爆珠唔少，飲落正常唔太甜，Ok嘅。3分2 . 套餐中加$28.00嘅蒜香燒粟米配單骨雞翼menu話辣，上到枱睇，辣醬同沙律醬都分開擺 ，咁就唔驚太辣啦。先食蒜香燒粟米，um....好似唔覺有蒜香味。單骨雞翼係炸嘅，外脆內裡juicy，蘸辣醬食又唔辣喎，重甜甜地。而沙律醬就冇問題。3.5分1. 千層麵呢個都等一啲時間至到，面上有塊焗熔嘅芝士，食落，芝士有啲脆，千層麵夾住免治牛肉，成個熱騰騰，麵嘅口感都適中。3分4. 叫套餐正價減$30.00，變成加$48.00嘅Tiramisu呢個味道同口感都正常冇乜問題。3分服務：大致上冇乜問題，有禮貌，不過我落單時揀Tiramisu後，但竟然冇照做，上完嘢飲就即上，我即話後上。我哋好似食咗60分鐘，佢哋會拎張menu嚟問有冇加單，其實係暗示用餐時間就快夠。有禮貌其他：繁忙時間用餐時間限75分鐘。呢喥設每位最低消費，每位要叫一個正價產品。抵食係2.5分…查看更多

荃新天地由多條行人天橋連接港鐵荃灣站及荃灣西站，地理位置四通八達，今次就來到新開不久的木系咖啡店Lizto。偌大門面及落地大玻璃牆身面向商場中庭露天廣場的青草綠樹，並以粉色調的石磚作主要設計元素。簡約文青風裝潢配合柔和燈光，營造出和諧溫暖氛圍。晚市時段提供Dinner Set，包括是日餐湯、頭盤加主食。是日餐湯為忌廉湯，質感濃厚稠身。香草油炸薯條薄切幼薯條炸得金黃酥脆，保持乾爽不油膩，沾上茄汁和香草酸忌廉醬提味。雜菌松露忌廉汁意粉 $118忌廉醬汁調較得香滑濃稠，讓幼身意粉入口更奶滑，爽彈雜菌帶有馥郁菌香，以意粉熱力誘發松露特有的木香風味。傳統卡邦尼意粉 $118傳統正宗卡邦尼醬汁不加忌廉，材料以雞蛋和芝士為主，所以顏色相對較金黃，質地更稠身而富蛋香，加上焦脆煙肉入饌，鹹香味重，意粉煮出Al dente輕微韌度的口感，軟硬適中，每一根都掛上濃滑醬汁。凡惠顧套餐加配甜品，可享有正價減$30折扣優惠。咖啡配意式雪糕 $28Affogato集甜點和飲品於一身，將Espresso淋上雲呢拿味的雪糕球，咖啡的微苦含酸，與雪糕的香甜相融合。一熱一冷經過碰撞，幼滑冰凍的雪糕漸漸被熱咖啡融化，讓本來濃醇的咖啡多了一份奶香。提拉米蘇 $48賣相精緻，做法正宗，融合了苦香可可和濃縮咖啡粉，浸滿咖啡香的手指餅有如海綿蛋糕般鬆軟，保持細緻濕潤的質感，入口即化。…查看更多

今晚同朋友食飯想坐得好啲慢慢傾下計，依間食物質素仲唔錯，價錢仲唔算好貴！晚市套餐包左餐湯，今次係甘荀湯。甜甜地入口順滑，本身麻麻哋甘筍都覺得好飲主菜揀左西京燒西班牙黑毛豬，個豬味道濃郁得黎仲好滑，配西京燒汁甜甜地又幾夾，另外仲有個用三色椒整嘅汁，都係甜甜地中和咗豬肉嘅油膩另一款主食叫左椰皇海鮮汁蟹肉意粉，呢個配搭好有泰式風味，椰皇嘅香味都幾濃郁，意粉夠哂咬口，蟹肉綿滑仲好足料加多左個小食煙三文魚撻，個撻皮好似薯片咁脆，香脆又好食飲品揀左Pistachio Caffe Latte，好濃郁開心果味仲好滑另外叫咗蘋果紅菜頭西柚檸檬汁，配搭好特別酸酸地好解油膩依間整體質素都唔錯！…查看更多

Lizto，位於荃灣楊屋道1號荃新天地地下G75A, G76C & G76D號舖。西餐廳環境舒適，價錢合理，服務親切。南瓜湯 ~ 味道清甜，口感軟滑。煙三文魚撻 ~ 面層是煙三文魚，內餡是紅菜頭，味道清新。傳統卡邦尼意粉 ~ 煙肉的鹹香和濃厚的卡邦尼意粉，兩者味道好夾。紅酒燉牛面頰肉配砵酒汁 ~ 牛面頰肉入口即化的軟嫩口感，配上砵酒汁味道濃郁香醇。提拉米蘇 ~ 濃濃的咖啡香氣，奶油般的口感，甜度適中。蘋果菠蘿石榴羽衣甘藍汁 ~ 味道清爽又健康。伯爵茶鮮奶咖啡 ～淡淡的伯爵茶香氣，與咖啡完美配合。整體餐廳的菜式和飲品都做得不錯，適合三五知己享受用餐體驗。🏷️溫馨提示～ 整個用餐體驗均屬個人分享意見， 只作參考😊。…查看更多

荃新天地又有新西餐廳進駐今日黎到見佢有季節限定menu價錢都非常抵食3 courses都係$198餐湯夠creamy ！松葉蟹他他松葉蟹份量好多，而且食落有鮮味👍係一個手幾開胃嘅前菜～蟹黃醬手工意粉🍝黎到見到極多蟹黃，食落味道蟹既味道好濃，仲有好多蟹肉好滿足，手工意粉煙韌掛汁，不過建議share黎食，無咁漏又可以試多d野！另外仲叫左個dinner set紅酒燉牛臉頰肉配砵酒汁牛臉頰肉好稔，入口即化，紅酒香味撲鼻，連平時高要求既爸爸都大讚配菜既千層薯餅加埋d汁都好好食，好高質!即使係配菜，但製作一啲都唔馬虎👍仲可以用優惠價加配小食黃金墨魚多士新鮮炸起脆卜卜，金黃色西班牙鮮奶咖啡 拉花👍…查看更多

服務員很有禮貌💁‍♀️步行路過聽她介紹即管入內試試。想不到有意外驚喜🤩🤩🤩食物質素高樣樣都好好味。特色飲品 Pistachio Latte 有超好飲，咖啡香濃，加入開心果甜度調得啱啱好超水準👍👍👍All day breakfast 😋 好豐富，大碟到食唔哂😆🤣黑松露炒蛋香滑，份量好足口感軟滑。…查看更多

哎呀今晚同姐妹去咃灣食飯，搵到Lizto呢間新店，環境超chill好舒服，一入到去就覺得好relax～先叫咗個經典卡邦尼，我哋揀咗手工寬條麵，哇嗰個蛋香同煙肉味超香濃，醬汁幼滑完全唔杰，食落超正超滿足！有齊是日例湯，暖笠笠好正～飲杯熱朱古力咖啡，用全脂奶，朱古力味好香又唔甜膩，慢慢吹水飲最正！之後試西京燒西班牙黑毛豬，塊豬肉厚厚切好juicy，西京味甘香入晒肉，燒到外焦內嫩，一啖咬落去肉汁爆晒出嚟，真係好正！一樣有例湯暖胃～甜品食紐約芝士蛋糕，底脆脆芝士濃郁又滑，甜度啱啱好，食完好圓滿！飲品仲試咗杯冰伯爵茶朱古力，用脫脂奶，茶香朱古力香好夾又清爽，超好飲！總之今餐食得好開心，每樣嘢都好好食，fusion得有火，唔怪味又保持到原味，超推薦！下次一定要再返嚟試其他嘢～…查看更多

這間位於荃灣的【Lizto】，是一間意大利餐廳，晚市主打西餐，有多款手工意粉及前菜，還可自由搭配甜品及飲品，豐儉由人。椰菜花湯花湯十分濃稠，入口幼滑。甜辣醬燒粟米雞翼拼盤香脆的炸雞翼配搭惹味的燒粟米，是一個開胃的小食。煙三文魚撻表面舖滿煙三文魚，中間是紅菜頭等配菜，十分精緻。傳統卡邦尼意粉每條意粉都沾滿了醬汁，十分creamy且濃郁，煙肉炸至香脆惹味。西京燒西班牙黑毛豬黑毛豬已切片，表面燒至焦香，中間剛熟，入口嫩腍多汁，還有香甜汁煮白蘿蔔及蔬菜墊底。開心果巴斯克芝士蛋糕濃郁的開心果味，加上香滑的芝士，而且不會太甜。最後飲返杯Latte。…查看更多

今日和朋友前往荃灣尋找美食。選擇了這一間環境優美，光鮮的cafe進食最後我們叫了兩個套餐。📍Set 1：澳洲M5和牛西冷（$298）澳洲M五和牛西冷五成熟剛剛好，肉質軟亂多汁鮮甜，切面呈淡粉紅。· 升級配菜： ➤ 意式雜菜湯（+$18）：雜菜湯的材料豐富，有口感，非常開胃。 ➤ 松露蛋黃醬薯條（+$28）：松露醬汁豐富，配上外脆內軟的薯條，非常惹味📍Set 2：清酒煮蜆意粉（$148）加上了手工意粉，手工意粉彈牙，但有點蛋香味。蜆肉肥嫩無沙，帶有清酒的香氣。➤黃金墨魚多士（+$42）：創意滿分！墨魚膠配上薄脆的多士，口感豐富。· Coffee Sunrise（+$37）· Shakerato Lemonade（+$43）最後以Tiramisu作結，畫上完美的句號。…查看更多

唔使講咁多官方嘢啦，等我用廣東話同你介紹下荃灣呢間叫 Lizto 嘅餐廳啦！荃灣呢，唔好以為淨係得工廠區同舊樓，其實好多正嘢食匿埋喺啲商場同小巷裡面。Lizto 就係一間幾有格調嘅西餐廳，啱晒同朋友gathering或者想食餐好少少嘅你。講到食物，一定要提佢哋兩款招牌！第一，黑松露蝦多士！聽個名已經流口水。佢個多士炸到金黃色，脆卜卜，一啲都唔油膩。上面隻蝦爽口彈牙，最重要係落足黑松露醬，一上枱已經聞到陣陣香氣，食落口個味道更加係濃到化唔開，真係「邪惡」到極點，但好食到停唔到口！第二，千層麵。呢個絕對係誠意之作！佢唔係一般快餐店嗰種乾爭爭嘅貨色，而係層次分明，每層都舖滿咗濃郁嘅肉醬同拉絲芝士。一叉落去，芝士好似瀑布咁流出嚟，麵皮煮得啱啱好，唔會太淋。肉醬酸甜惹味，同芝士係絕配，食完成個人都覺得好滿足！總之，如果你喺荃灣唔知食咩好，又想食啲高質少少嘅，Lizto 絕對係個好選擇。…查看更多

呢間餐廳口碑都幾好，今日同朋友一齊嚟試下佢哋嘅午市套餐。套餐包咗沙律或者湯，加埋飲品，選擇都算多。我哋揀咗是日餐湯——南瓜湯，飲落去好順滑，南瓜味香濃，唔會太杰身，飲完好暖胃。主菜方面，我點咗清酒煮蜆意粉。手工意粉彈牙有蛋香，又掛汁。配埋清酒煮蜆，食落好鮮味。朋友就揀咗澳洲草飼西冷扒，牛扒表面煎到有焦香，切開入面仲有肉汁，肉質唔錯。飲品方面，我叫咗抹茶鮮奶，拉花好精緻，抹茶味濃郁，奶味都夠滑。朋友就飲咗濃黑咖啡，話咖啡香濃，唔會太苦。餐廳環境舒服，空間感夠，坐得好自在。午市套餐選擇多，價錢合理，以呢個質素嚟講，真係值得推介俾大家！…查看更多

晚上嚟左荃灣呢間Cafe，環境幾舒服，裝修簡約，坐得都幾舒服。頭盤叫左柑橘布拉塔芝士沙律，芝士好滑，柑橘清新，幾開胃。餐湯係椰菜花湯，飲落有椰菜花香，味道濃郁但唔會太膩。 主菜叫咗千層麵，層次分明，芝士味香濃但唔會太重，食落唔會膩。仲叫咗法式巴巴拉鴨胸配酥炸鴨腿鴨肝飯團，鴨胸煎得啱啱好，肉質嫩滑，配花椒燒汁有少少辣味，幾有驚喜。飯團外皮香脆，鴨肝夾係飯團中間，鴨肝口感creamy。整體食物正常，服務態度好。…查看更多