LE-TA-SU 一人一鍋

一人火鍋推介 - LE-TA-SU 一人一鍋火鍋一年四季都適合吃，不過比較起一群人吃火鍋放題，又要約朋友、又要應酬﹑又要夾大家口味，都很麻煩，一人火鍋就是I人的救星！這天CK便和朋友來到剛開業不久的元朗一人一鍋分店吃火鍋了 ! 來自日本的人氣一人火鍋專門店LE-TA-SU特地為一人享用而設計鍋物，提供5款特色湯底，以及來自日本、澳洲等地的頂級肉類和海鮮。每份套餐由$68起，包含前菜、招牌野菜盛合及白飯，性價比高，是港九新界一人打邊爐的好選擇！此外，還有素食或輕食套餐，共12種野菜，包括蘿蔔、南瓜、綠毛菜和油麥菜苗等，連湯底都為素食者特別準備，採用充滿昆布鮮味和綠茶香氣的全素昆布湯底。CK推介 :湯底 - 芝麻香撲鼻的「胡麻擔擔湯」套餐 - 集安格斯牛肩胛肉、美國豬肉眼及彈牙牛舌於一身的王牌LE-TA-SU 套餐LE-TA-SU 一人一鍋地址 : 元朗朗日路9號形點 I 1樓1023-1025號舖電話號碼 : 26678733營業時間 : 11:30 - 22:30…查看更多

「LE-TA-SU 一人一鍋」近月進駐幾個大商場，窩夫與蝦子餅日前光顧了元朗形點 I的分店，星期日下午三時多也差不多坐滿呢。「LE-TA-SU」在日文解作「Lettuce」（生菜）的意思，難怪餐廳很注重蔬菜。窩夫點了特選LE-TA-SU套餐(200g)，蝦子餅點了極上牛肩胛肉套餐(200g)。兩個湯底分別選了特選壽喜燒湯和清爽柑橘醬油出汁，清爽柑橘醬油出汁酸酸的，正合蝦子餅的口味。桌上的調味醬料有蜂蜜醬油、胡麻醬和柚子醋等，窩夫個人最喜歡柚子醋。特選LE-TA-SU套餐有澳洲純種和牛牛板腱、北海道產十勝豬五花腩和牛舌，肉質不錯，稍嫌切得太薄，影響口感。極上牛肩胛肉套餐有九州產和牛肩胛肉、澳洲純種和牛肩胛肉眼和美國特選安格斯牛肩胛肉，脂肪比例剛好，水準不俗。基本的野菜盛合賣相不錯，種類不少，新鮮高質。加9元升級的本地農場野菜盛合，金頂側耳菇好看又好吃，窩夫印象最深刻的是牛油生菜，口感特別滑。燒豆腐充滿豆香，而且很嫩滑。套餐本身跟白飯，窩夫加6元改跟葛絲，吸收壽喜燒湯的味道，煙韌入味。蝦子餅加6元改跟烏冬，葛絲比烏冬少見，窩夫建議吃葛絲。…查看更多

我地兩個人去，入座時只是5時左右，可以自己選擇座位，最後揀左張4人枱，咁因為岩岩係超市買完野，加上有個背包，所以個籃放左背包，另外放左一袋係隔離位。點知去到五點半左右，明明仲有其他空枱，個帶位小姐係到要塞多兩位客人落黎，仲要咩都無講，直接拉開放左野張椅，叫果兩個客坐低。普通餐廳都會講句「唔好意思，有客人，可唔可以拿開個袋。」 果位小姐真係咩都無講，淨係講左句： 「兩位，呢到」 入座果陣當我係客，食完就當我係狗咁趕，唔會有下次。…查看更多

星期日放假大排長龍，由拎籌到入座等左兩個鐘🙂‍↕️店內環境整潔，職員上菜快手，QR code落完單轉頭己經可以擺上枱📍肩胛肉350g📍雙重豚肉200g📍+海鮮盛合(大蝦x1,蠔x2,扇貝x1)肉片切得薄,油花分布平均個湯底夠濃,滾得耐仲有啲咸店內提供嘅醬料有4款，當中包括麻醬一提烏冬就麻麻地口感太淋，冇咩咬口，有啲失望😅…查看更多

見到新嘅火鍋店開咗唔係幾耐，個個人都話要等好耐，終於見下午嘅時候冇乜人就去試吓。入到去原來係自己搵位，之後隔一陣先有個姐姐俾咗個QR code你自己點單。我哋兩個人一人點一個餐，原來套餐內好多嘢都要加錢，主食份量少。肉類睇落好似好大盤，但係因為刨出嚟嘅就拱起咗。好似好多。菜盆顏色都好鮮艷，睇落好似好新鮮，但係原來收埋咗啲菜好多都係黑色嘅，我朋友仲要換過添。 換菜過程搵咗好耐員工先有人應，大量員工，不過其實喺門口傾偈。總括嚟講，就唔推薦啦…查看更多

食火鍋唔想同人共鍋、又鍾意自由配搭湯底同配料嘅人，可以嚟呢度。我同朋友試咗滿腹牛肉套餐，包括美國特選安格斯牛肩胛肉同牛五花。牛肩胛肉牛味濃郁，口感紮實；牛五花油脂分佈平均，入口香滑。湯底方面，我揀咗特選壽喜燒湯，朋友就揀咗藥膳麻辣湯。壽喜燒湯底偏甜，加入雞蛋後再配烏冬，味道濃郁又有層次，食落非常滿足；麻辣湯則唔算太辣，藥材味突出，適合鍾意溫和麻辣風味嘅人。環境方面，餐廳整潔，座位間距合理，唔會太迫。價錢方面，一人套餐約百多元，以食材質素嚟講算合理。…查看更多

如果一個人去，永遠都唔比攞飛等位，我一個人去過幾次，次次都答我截咗飛，問題係佢收2230：我2030到，都唔比飛我，但係我前面兩位係攞到飛嘅，仲要唔係好多人排隊。一個人去食睇我唔起卦，所以唔好怪啲人返深圳，如果唔招待一個人，其實可以放係大門比人睇，唔好永遠話截單。…查看更多

星期日放假同屋企人出街食午餐，去左附近商場睇下有咩好食，屋企人見到依間主打一人鍋既餐廳好多人排隊就話話想試下！清爽柑橘醬油出汁套餐 250g湯底由基底柑橘醬油再加埋四季橘同蜂蜜醬油製成，湯底輕盈清新，層次分明，味道微酸，帶微微果香，帶出到牛肉脂香。美國（CAB®）認證安格斯牛板腱&牛肩胛肉牛板腱牛味香濃肉質細嫩，而牛肩胛肉質結實、油花分布幾均勻。特選壽喜燒套餐 200g壽喜燒味道香甜，有香濃醬香味。九州產和牛肩胛肉、澳洲純種和牛牛板腱同美國特選安格斯牛肩胛肉套餐配有多種不同種類牛肉，份量又多！絕對滿足到鍾意食牛肉既朋友！壽喜燒湯底煮完後，再沾上蛋漿入口更嫩滑！日本乳酪味軟雪糕打完邊爐，食翻杯雪糕更加滿足！日本乳酪味軟雪糕，味道酸酸甜甜，有濃郁乳酪香味，口感柔軟細滑。西柚梳打梳打好夠氣，味道微甜，飲落好清新，一邊打邊爐一邊飲梳打，真係好爽！…查看更多

今晚特地趕在八點半前往這間人氣一人火鍋店，卻發現明明營業至22:30，竟已提前截票拒客，實在令人錯愕！門口雖亮著燈，店內雖然滿座，但員工就咁以截票為由婉拒入場，教我作為街坊而慕名而來的食客倍感失望。若員工需提早整理，距離22:30還有2小時，起碼食多兩轉！建議明確公告最後入場時段，避免客人白跑一趟。雖然無緣品嚐火鍋，但觀察到環境整潔、鍋具精緻，或許值得午市再訪——前提是得確認他們願意營業到底。…查看更多

下午8號風球塔巴除下，適逢放假，又來食套餐，今次食壽喜燒牛肩胛300g，包括生鷄蛋，前菜有菠菜沙律，一盤蔬菜盤，擺設徵美，好滿足，加$6轉烏冬，嫩滑彈牙，加杯巨峰提子梳打，香甜冰涼，慢慢嘆，最後食完加$15 －杯乳酪味軟雪糕，雪糕好綿滑又夠凍，非常滿足，埋單連加一服務都只不過是$206。唔知係咪冷氣唔夠，越食越熱，希望下次再來時呢啲設施會有改善啦！之前龍蝦湯底嘅推廣活動已經結束啦！今次推出橘子柚子湯底，有興趣嘅就去試吓啦！…查看更多

一入坐就話電話落單，限時75分鐘都算因為坐得比較近斟水位，就自己去攞水斟落完單後，上錯單幾次🫠係咁俾錯隔離枱又唔識講下呢樣係咩嚟先😞我哋以為係隔離叫因為隔離枱又冇反應繼續食我呢枱就碗湯都滾到乾都未上到樣啱嘅嚟🙉其實已經電話落單對電腦同對枱號係咪好難當時又唔係多人佢哋係企咗喺度完全唔識點做一肚火之下叫佢取消算數一句話唔好意思就算 0睇到誠意其實啲肉唔特別 啲白飯爛到傻又冇服務我真係唔知佢加一嚟做乜鬼 完全都唔好味 仲衰過普通一人燒肉嗰啲定食…查看更多

下午5點幾諗住食個early dinner，門口職員唔俾自己搵位，當時只有兩枱客，一張一個女人，一張兩個人；好！咁就等，結果安排咗嗰一個女人隔離！都無所謂，不過係即走！我估係啲嘢勁好食而唔憂做咁啦！有緣再見！…查看更多

我已經第二次嚟打算排3人枱食嘢架啦，但佢哋既派位人員仲衰過AI😇第一次：我望住身邊所有遲過我拎飛既2人枱入晒去，有4人枱照分比2隊2人枱，火都嚟！要問個職員係咪唔做3人以上生意？😇條B龍先肯郁，我黎食嘢都要求佢比張枱我呀陰公第二次：我17:35拎飛，計好晒時間諗住8點前點都食到，點鬼知我依家19:49先未食到！我真係太天真啦，啲職員好中意叫完一兩張3人以上既枱，就瘋狂清2人枱，ok 即係叫我多人咪鬼黎食啦係咪？都唔知點學人派枱，次次黎都受氣架？每次都要鬧先會肯叫B龍真心建議多人就唔好黎食啦，就算係食，記住自己睇下佢啲分配，唔多掂好問下啲職員😇😇佢哋真係唔識派架，唔知點解做餐飲可以做到咁，咁不如限1個1個食囉仲要你張飛過左都唔緊要架，10個內就可以插返你入去，我真係等到餓死都未食到😇😇 唔知點做嘢架，p.s. 佢叫返B龍之後，勁多B飛友插返隊返黎，咁即係其實有人等，係你死都唔叫😇😇 …查看更多

好耐都冇寫過食評，最近社交平台發現YOHO Mall新開業的一人日式火鍋店，今日放假就去試吓啦！店內環境開揚，等咗一陣就有位，叫咗人氣No.1嘅套餐，三種肉：牛肩胛、豬眼肉和牛舌，$135（300g)， 湯底極和出汁，味道清甜，野菜盛合擺得靚靚，加$6轉讚岐烏冬，嫩滑彈牙，自己加佢嘅芝麻醬，不過味道就唔夠香芝麻。涼拌芝麻菠菜作前菜，味道麻麻，份量少得可憐。好彩牛舌爽口涮涮五秒就食得，如果耐咗就會好靭，入座前有位師奶等朋友中先入座，問佢有咩好介紹好食嘅，我就跟着佢意見落單，果然冇錯，豬眼肉是來自美國，估唔到好食過牛肩胛，食吓個肚好似仲有啲空位，追加一客50g嘅五花牛，好似豬眼肉一樣咁滑溜。套餐都有限時食75分鐘，我都係食咗45分鐘左右，隔離旁邊半個鐘就食完埋單，原本想食埋甜品，不過等下次同埋媽咪一齊過嚟再試吓啦！…查看更多

平日下午經過Yoho, 試一試新開張一人一鍋，平日lunch都唔洗等位，試左壽喜燒套餐牛肉叫左350g, 都算大份湯底味道都濃，唔似出面個啲淡味，食物味道正常，菜藍如可多啲菜就好套餐本身可選飯，烏冬須另加$6，烏冬唔係想像中個款煙韌既，係滑身個款套餐都唔包飲品，加左杯$25柚子梳打埋單加埋一最後$197，一個人黎講價錢都有啲貴另見有好多叫龍蝦湯底餐，真係有隻龍蝦，同埋龍蝦湯雪糕，見好多人試，今次就無試 留返下次試…查看更多