Le Soleil

去過咁多酒店，原來從來未去過帝苑酒店，所以依日同老公前來試吓佢哋推出嘅「法越風味下午茶」。味道其實都唔錯，鹹甜點有一定程度嘅水平，環境寧靜，燈光比較昏暗，不過坐得好舒服。如果想靜靜哋飲杯嘢、食吓嘢，建議可以前來試吓～鹹點：豬柳米紙卷香脆蝦多士配蒜香蛋黃醬越式扎肉迷你法包甜點：抹茶歌劇院蛋糕瑪德蓮蛋糕越式咖啡法式焦糖燉蛋焗葡萄乾鬆餅配鮮忌廉及玫瑰花果醬芒果拿破崙椰子奶油凍配芒果西米露每人可選一款：蝦頭油海鮮番茄湯米線 或 越南生熟牛肉金邊粉包括兩杯飲品：香芒椰汁冰、蝶豆花、青檸梳打、越南柑桔蜜、龍眼荔枝蜜、越南咖啡…查看更多

Le Soleil🇻🇳Royal Garden休閑高級越南餐廳Bookmarked左好耐既Le Soleil環境好舒適 vibe好relaxing第一次食越南野係可以咁chill🥰越式乾撈肉碎生菜包🥬香脆的生菜包裹著豐富的肉碎，搭配獨特的越式醬料，口感層次豐富，風味獨特 軟殼蟹米紙卷🦀嫩滑的軟殼蟹肉包裹在脆爽的米紙中，搭配新鮮蔬菜和醬料，是一道清爽可口的小吃 安南濱海配烤牛肉🍖烤牛肉外焦內嫩，香氣四溢，搭配新鮮生菜和像米粉餅的，充滿異國的風味 蟹肉炒飯🍚味道偏淡，不過每一口都能吃到啖啖的蟹肉，不過不失Le Soleil (尖沙咀)尖沙咀麼地道69號帝苑酒店3樓…查看更多

朋友約食生日飯响帝苑酒店內多年既越南餐廳set lunch 包前菜，甜品、咖啡主菜點了脆皮咖哩牛腩平時一般越南餐廳比較少見到呢樣菜但係比預期中乾咖喱汁可以再多少少朋友另外點了蔗蝦非常好味跟餐嘅拉椰糕好夠煙靭😋😋越南滴漏咖啡亦都不錯，不太苦…查看更多

:) 2024年6月12日 (星期三) 3:00pm 30°C:) 越南餐廳適合與商務夥伴小聚、悠然品茗或雞尾酒會。每天晚上，均能舒服地欣賞現場音樂表演，飽覽酒店室內園林的美麗景色。:) 餐廳位處樓高三層的酒店中央，環境典雅且坐擁迷人的園林燈飾美景。:) Le Soleil 越南餐廳環境清幽，藏身花園中庭，陽光直接從玻璃天窗照射進來，仿如置身在法式庭園中享用美食，消閒寫意。 帝苑酒店推出別樹一格的下午茶套餐，由三層高的鳥籠盛載，懸垂高架。:) 別緻的下午茶，是由越南籍女廚師杜翠玲構思出來，不單為菜單增添新主意，也使各種菜式更細緻更精美。 環境光亮整潔，餐具乾淨。:) 人數：2人 HK$527.3 ( 原價：HK$538，星期一至星期五網購可享 88 折優惠  )【 下 午 茶 時 間 / 價 錢 】：3:00pm – 5:30pm星期一至日：HK$538 / 2 位【 最 佳 食 法 】：四層藍色陶瓷碟上放滿精緻糕餅、鹹點和甜點，層次分明整齊。吃時要遵循由淡而重，由鹹而甜，由下而上的法則，讓味蕾慢慢品出食物的真味，再啜飲幾口芬芳濃郁的咖啡或香甜純滑奶茶，人生一樂也 ❤❤【 精 選 美 食 】：1)  青芒果鮮蝦沙律2)  香脆西貢春卷3)  軟殼蟹米紙卷4)  芒果朱古力蛋糕5)  芒果腸粉6)  芒果薈粹7)  焗葡萄乾鬆餅配鮮忌廉及玫瑰花果醬8)  蝴蝶酥9)  椰青果凍配芒果西米露10) 蝦頭油海鮮番茄湯米線 + 越南生熟牛肉金邊粉11) 香芒椰汁冰 + 龍眼荔枝蜜 帝苑酒店 Le Soleil 越南餐廳推出熱帶風情下午茶，由越籍女廚師杜翠玲主理，特別運用熱帶水果的風味，包括清新芒果製作多款美點。甜點有芒果朱古力蛋糕、芒果腸粉、椰青果凍配芒果西米露，亦有餐廳其中一款最受歡迎的芒果薈粹。鹹點包括青芒果鮮蝦沙律、香脆西貢春卷及軟殼蟹米紙卷。【推介之選】❤❤❤ 由新鮮椰青水及椰青肉製成、呈玫瑰花狀的果凍賣相優雅，甜度不高、口感清爽，配上酸酸甜甜的鮮芒果西米露，非常好吃！【推介之選】❤❤❤ 本人選越南生熟牛肉金邊粉和蝦頭油海鮮番茄湯米線，滿載越式滋味。最後更有焗葡萄乾鬆餅，配自家製的玫瑰花果醬及鮮忌廉，以及帝苑必食的蝴蝶酥，飲品可以選擇香芒椰汁冰、蝶豆花青檸梳打或越南咖啡等。【推介之選】❤❤❤【 飲 品 】： 香芒椰汁冰 - 冰涼透心，酸甜美味，椰汁味濃些會更佳。 龍眼荔枝蜜 - 極度甜美，滋潤無窮。《 環 境 》：《 餐 牌 》：【 溫 馨 提 示 】：❶ 需要電話 / 網上訂座❷ 用餐時間為 2.5 小時❸ 可享免費無線寬頻上網服務…查看更多

一上到嚟餐廳，飽覽帝苑酒店內部景觀，包括酒店房走廊同埋五部子彈𨋢，環境尚算舒服開揚，尤其是被安排一旁嘅梳化座位，帶咗啲泰國風情～🌈見好多評論都係介紹呢度嘅下午茶，今次同朋友試吓晚餐先，擔心兩個人叫a la carte份量會太多，食唔到好多種類，結果揀咗佢嘅deluxe tasting menu。👍🏼👍🏼👍🏼頭盤有青木瓜沙律非常開胃，越式粉包正常冇乜特別，西貢春卷香脆好好食，想encore多一碟。🌟🌟🌟🌟🌟跟住第一個主菜就係佢哋嘅signature，美酒火焰燒鵪鶉，店員會喺你面前用火機燒鵪鶉，嗰個火焰效果打卡一流 （不過同時好擔心佢會親隻手），燒完熱辣辣上碟好香，啲肉亦都非常之嫩滑，值得一讚。第二個主菜，粵式咖喱炒虎蝦，屬於比較甜身嘅咖喱，不過我個人鍾意食辣嘅，虎蝦啖啖肉食完都好飽吓。跟住煮食可以揀生牛肉湯河或者菠蘿炒飯，我哋各揀咗一款，因為太飽就打包走炒飯，另外牛肉湯河唔記得咗影相，不過個湯好好食，牛肉都好嫩口腍身。最後有得食三款甜品，蝴蝶酥又係佢哋樓下fine food shop最經典嘅，另外焦糖布甸同椰汁糕唔太甜都幾好食。見評語話服務一般，的而且確一入門口嗰下有個阿姐比較冇禮貌，我懷疑佢都係負責傳菜，結果佢都係叫經理過嚟幫手帶位。樓下就係佢嘅buffet餐廳，間唔時都聽到live show音樂唱歌，總括而言坐得舒服，食物環境都唔錯，值得試吓。…查看更多

酒店餐廳不外乎西餐就是日本料理～不過發現帝苑裡頭卻藏着一間越南餐廳🇻🇳看來有點新意令人非常好奇！✨軟殼蟹鴛鴦芒果紅菜頭米紙卷✨越式手拆蟹肉咖喱配蒜蓉包兩款春季主廚推介都很不錯😋米紙卷加入芒果和紅菜頭好清新，軟殼蟹大大隻又啖啖肉，一口滿足！而蟹肉咖喱也相當惹味🦀蟹肉份量多，跟香脆的蒜蓉包是絕配呢🧡✨安南濱海配烤牛肉第一次吃安南濱海，原來有點像檬粉？壓成一餅餅的麵條再夾上烤牛肉一起吃，比想像中滋味😲✨香脆西貢春卷招牌小食，外皮炸得幾香脆，帶輕微油膩感～包住滿滿的蔬菜和肉碎餡料，可以單吃或以生菜包在一起，減低油膩感🫡✨蝦球炒金邊粉以熱鍋送上金邊粉，酸甜味適中，很對胃口😌 蝦球新鮮彈牙，不過吃到最底的麵條頗油膩呢～✨椰青牛油果沙冰超大椰青！🧉可惜牛油果味很弱，椰青味較突出，有點失望🙈…查看更多

越式Afternoon Tea😋🔶Purely Herbal Afternoon Tea ($628/For 2 Persons)🔹 Vietnamese Beef Noodles in Soup or Pork Neck with Cold Noodles🍜🔹Fresh Prawn and Fruit Salad🦐🥗🔹Crispy Saigon Spring Roll filled with minced pork, shrimp, crab meat, taro and vegetable🥟🔹Minced Pork and Thai Basil on Prawn Cracker🥠🔹Baked Tiger Prawn with Garlic Butter🦐🔹Rose Tea Cheesecake🍰🔸Thyme Honey Cream Brûlée🍮🔸Coconut Layer Cake🥥🔸Raisin Scones with Clotted Cream and Rose Jam🥧🔸Butterfly Cookies🍪🔸Peppermint and Coconut Jelly🥥第一次食越式嘅afternoon tea🫖 帝苑酒店呢個越式草本下午茶都幾好食😀 有好多越式嘅小食 令人食指大動😄 鹹點方面 我最鍾意牛油大蝦 好香牛油蒜香味🦐 西貢春卷外皮酥脆🥟 另外每人可以選擇越式生熟牛肉河或豬頸肉凍檬粉🍜 一碗嘅份量唔少 我揀咗牛肉河 牛肉都幾鮮嫩 我覺得湯底都幾香濃😄 但有少少太鹹😅 我哋都叫咗豬頸肉檬 我試咗一啖 豬頸肉非常惹味😍至於甜點都唔錯😄 全部都好有越式風味👍🏻 薄荷椰汁果凍味道幾清新🌿 拉椰糕好煙韌😆 百里香蜂蜜焦糖燉蛋味道不錯 但我唔係好食到有蜂蜜味🍯 我最鍾意個蝴蝶酥 外脆內酥 非常美味😋 呢個tea set仲有個提子乾鬆餅 配上鮮奶油及玫瑰花果醬🥠 呢個tea set包括兩杯飲品 我叫咗呢杯特飲 越泰夏日風情🍹係由橙汁 薑汁 羅勒🌿同梳打水混合而成 非常清新🥰…查看更多

喺上面酒店住，諗住落樓下試呢間越南餐廳。大概七點左右到達。目測見到大概有三份一嘅枱係available的，當中包括完全冇人坐過，和剛有客人食完走，但未執枱。在門口有個侍應問我們有沒有訂枱，我們說沒有，跟住佢就叫我哋等等。等咗10分鐘都仲未有人再次返嚟招待，已經有少少不滿。終於有人返嚟話全部book晒只係得廁所隔離一張枱。當場面都黑埋走了。五星級酒店食肆少少customer service都唔識。如果你係全部book晒剩係得廁所隔離的枱應該一開始就話俾客人知問客人接唔接受。不是等10分鐘後你做晒你嘅嘢先至返嚟同客人講。我之後出咗去第二度食完8:30左右返嚟見到頭先無人坐過枱繼續冇人坐。…查看更多

同一班姊妹約咗嚟呢度下午茶，第一次嘗試越南式下午茶，擺盤佈置仍然係港女下午茶嘅格式🤣有甜點鹹點越南米紙卷，蔗蝦🍤椰汁千層糕，芒果糯米飯🥭最特別係呢一碟芒果西米露…查看更多

朋友仔帶我嚟，搞到我食咗場食飽飽嘅生日宴。嗱，我就快講你知啦。今日嗰份西貢春卷，炸到外脆內軟，香氣撲鼻，啖啖肉感做得掂；豬柳米紙卷貼心咁把呢啲日常搵食都要趕趕吃嘅料理亦做得唔錯；青瓜絲沙律清新解渴，口感爽口得嚟又唔會太油膩。講到嗰脆皮牛腩，真係得我個讚，皮脆唔膩口，牛腩嘅嫩滑度又岩岩好，軟熟得啱啱好；香煎銀鱈魚咋，魚皮煎到金黃嘅外表下藏住鮮嫩魚肉，真係一絕。蕃茄海鮮米線就略顯平平，湯底夠味，但海鮮就稍為嫌少。至於餐尾嗰兩款甜品，椰汁糕以清新嘅椰香收尾，Creme Brulee雖然算唔上驚喜，但都算係個甜絲絲嘅完美句號。飲杯Mojito真係解渴又提神，偏偏我就最鐘意呢種感覺啦！總括來講，呢間越南菜加上少少港式服務，整體來講都算親民享受，不過服務生若能再留心啲客人嘅需要，就真係冇得彈。快將呢間記低晒，下次又想圍爐一番！🥢🎉🍵…查看更多

五星酒店內的餐廳通常以粵菜, 法國菜或意大利菜為主, 走的當然是更精緻及Fine dining的表達模式, Le Soleil也算是一個異數, 走的是越南菜風格, 當然定價不會太便宜, 但比起動輒要差不多四位數字的Business Lunch, 這裏定價相宜得多, 而且其脆皮牛腩是我吃過在香港其中一家最好吃的, 可惜它每星期只會有一天在午市套餐出現, 吃不到有點可惜.我點的是蟹肉海鮮炒粉絲, 粉絲口感煙韌, 濕度乾爽但本身有點黏, 以魚露伴炒味道不錯, 蟹肉和海鮮份量慷慨, 蟹肉肉絲鮮香夠, 當然比起其他配菜吸引. 頭盤的Trio有粉卷, 春卷和米紙卷, 口感由黏到爽脆, 內裡配料各有不同, 同樣感受其心思. 吃完主餐除了點甜品之外, 也有一杯煉奶味香濃, 充滿越南風味的越南傳統滴溜咖啡, 相當醒晨.…查看更多

/𝑳𝒆 𝑺𝒐𝒍𝒆𝒍𝒊 🇭🇰/#sa尖沙咀篇 #sa越式篇➖➖➖<帝苑酒店內越南菜餐廳🇻🇳> ➖➖➖呢間越南菜餐廳原先係三藩市開店而且有得過獎～ 香港分店就係帝苑酒店入面環境方面 有卡位坐得幾舒服可以睇到空中花園嘅翠綠景緻同噴泉⛲️好似去左度假咁🏖️價錢嘅話set 會較抵食 人均$250 就可以食到☺️亦有tea set 同晚餐～ budget 多少少都可以單點唔同菜式試下 去唔到越南旅行都可以一嚐河內風味➖➖➖1️⃣越式拼盤 (兩位用) $338🌟拼盤有春卷、越南蝦餅、燒豬柳米紙卷、越式蒸粉包同牙車快沙律 🥗 最鍾意越南蝦餅同蒸粉包😆蝦餅彈牙 蒸粉包粉皮軟滑 似食梗腸粉春卷皮薄脆 比一般平時食到再薄啲 米紙卷都煙煙韌韌 調味剛好～ 配上酸辣醬食更加香口惹味☺️☺️➖➖➖2️⃣越式金不煥炒花蛤 $258 蜆肉份量比想像中多 加左魚露、香蔥同金不煥去炒炒得幾有鑊氣🫶🏻每隻花甲肉質都幾飽滿、無沙 幾入味 加上香辣 更醒胃🤤➖➖➖3️⃣越式燒虎蝦 $178 分為蒜香牛油燒同越式香露燒 雖然價錢稍貴 不過係新鮮嘅 虎蝦口感爽彈鮮甜🤤 啖啖肉個人更喜歡蒜香牛油味～ ➖➖➖4️⃣蝦頭油海鮮番茄湯米線 $178/218 有分兩個size 細碗都已經好夠食米線索晒湯 比一般米線粗身同軟滑硬度適中 唔會煮得太腍☺️番茄湯味道天然 番茄味都幾夠 飲完都唔會口渴 主要配料有蝦、帶子、魷魚 整體不錯 都夠入味 覺得可以有更多其他配料🫶🏻➖➖➖5️⃣Le Soleil 火車頭 $178 | $218 🌟越南生熟牛肉、牛筋湯金邊粉～呢款湯底會清啲 不過金邊粉一樣掛湯 配料都幾足 包括:生熟牛肉、牛筋、牛丸牛筋偏向腍身 牛肉肉味香濃 都幾大片 亦唔會好韌🤤 希望牛丸可以再大粒啲🫶🏻不過都幾彈牙加埋羅勒、芽菜、青檸同辣椒會更好食😋 ➖➖➖6️⃣椰青果凍配芒果西米露 $88🌟玫瑰造型 賣相精緻🌹口感幾q 彈 果凍分左做兩層唔同嘅layer 有漸變色 底部會食到椰子果肉 面層晶瑩剔透 係由椰子水整成 伴碟仲有芒果肉同芒果西米🤤➖➖➖7️⃣滴漏咖啡啡底會比平日飲開嘅更濃等一等咖啡從滴漏壺流出嚟 再加入煉奶 頗容易入口～ ➖➖➖8️⃣椰青 🌟大大個椰青 仲印有餐廳名稱🫶🏻入面嘅椰肉都好鮮嫩🌟➖➖➖…查看更多

Le Soleil位於帝苑酒店3樓，主打融入法式風情的越南美食，🥰環境優雅瑰麗。走上古典石梯，坐在平台雅座，可俯瞰園林景致及噴泉，聽著🎼🎹現場彈唱的悠揚樂歌，極富情調。呷一口清甜椰青，享受laid-back的用餐氛圍，令人期待著浪漫🌹大餐。🤩越式併盤(兩位用) 338拼盤香噴噴，有春卷、越南蝦餅、燒豬柳米紙卷、越式蒸粉包、牙車快沙律，每款也很吸引。🍤蝦餅新鮮香炸，入口脹卜卜，吃到啖啖蝦肉，酥脆可口。泰式春卷油香細膩，沾上酸辣醬汁，十分惹味。👅晶瑩剔透的米紙卷，包裹着軟腍豬肉、青瓜及生菜，清爽中帶綿密口感。牙車快沙律🥗配料豐富：有雞絲、花生、椰菜絲、青瓜、薄荷葉等，爽脆開胃，仲夏清新滋味。🦐越式燒虎蝦 178虎蝦巨型結實，以蒜香牛油🧈燒製，肉質彈牙帶嚼勁，入口濃郁牛油香氣，蝦頭有濃稠的蝦膏，鮮味咸香，吱上青檸汁提鮮，滋味十足。😇 越式金不換炒花蛤 258花蛤肉質挺身、飽滿，浸泡在惹味的醬汁內，加入金不換、乾葱和魚露等，花甲入口鮮嫰無比，🌶️微辣刺激味蕾，越食越過癮。🍜Lesoleil火車頭金邊粉 178金邊湯粉熱騰騰的，飄來香氣，配料豐富: 越南生熟牛肉、牛筋及牛肉丸，清澈湯頭充滿肉香，牛肉片嫰紅，質感軟嫩，牛肉丸爽彈，牛筋十分滑溜，金邊粉掛上濃厚熱湯，香濃吸引。🍅蝦頭油海鮮番茄湯米線 178米線綿彈，吸收酸甜蕃茄湯，啖啖香稠，帶子厚身滑溜，蝦肉充滿彈性，連同海鮮湯呷入口，每口伴隨鮮香。🌹椰青果凍配芒果西米露 88椰青果凍玫瑰花形狀，口感煙煙韌韌，用純純的椰青水製成，洋溢天然的椰子🥥清香，配上多汁芒果肉和黏糯的西米，令人甜絲絲。🥥椰青 85椰青水清甜芳香，潤喉消膩，慢慢挖出嫰滑椰子肉，沁出椰子幽香，大快朵頤！…查看更多

Food is decent but overpriced but it’s in a hotel so you figure you pay for the ambience. What I found unacceptable was that parking at the hotel was not validated. I would think this would be pretty basic at any hotel restaurant, especially as we are overpaying for everything. Parking was $160!…查看更多

朋友介紹去帝苑酒店嘅呢間越南餐廳，環境唔錯，幾個人靜靜哋傾偈都係一個好地方。三個人叫咗以下餸菜：1）軟殼蟹米紙卷（$178）出嚟個樣都覺得好靚，軟殼蟹炸到脆卜卜，味道都幾清新，唔錯2）招牌鐵板牛柳粒配煎蛋洋蔥（$238）都幾得意，牛肉肉嫩而不韌，味道有黑椒味，懷疑洋蔥炒到好香，話上面隻荷包蛋就真係幾得意3）粵式蟹肉扎肉炒粉絲（$218）有少少油膩，但係未到算唔錯，三個人食份量都十分足夠4）火車頭生熟牛肉可（$218）份量都算大，牛肉湯底味道香濃，都算係好好味，值得推介一下5）蝶豆花椰汁糕涼粉（$44）幾好味，賣相十分吸引，有椰汁另上，鍾意落幾多就幾多，好味6）芒果黑糯米黑糯米係溫暖嘅，配半個芒果，一兜椰汁，三個人分份量都算係咁，OK啦食物絕對係酒店價格，如果想靜靜地傾吓偈食吓嘢都算係尖東嘅一個選擇。…查看更多