Le Cafe (香港諾富特世紀酒店)

最近去咗一間酒店嘅自助餐廳，整體體驗非常滿意。雖然餐廳風格樸實無華，但無論食物質素定服務態度都令人驚喜，絕對係近期食過嘅自助餐中令我同家人都感覺滿意又滿足嘅體驗。其中令我特別回味嘅有以下推介幾款必試美食 - 🦪生蠔魚生區：刺身材料新鮮，厚切吞拿魚同帶子鮮甜爽口，無需排隊且無限量供應，服務員態度親切，笑容滿分。專人即開鮮嫩生蠔嘅Irish Oysters肉質飽滿爽脆，Fine de Claire則清甜鮮美，值得一試。🐖 太極黑豚區 ：與本地品牌香港家豬合作，提供多款豚肉菜式，包括糖醋排骨、胡椒浸豬軟骨等，味道濃郁。特別推薦意大利風味薄豬肉片配吞拿魚醬（Pork Tenderloin Vitello Tonnato），是buffet罕見的驚喜。🐟 熱食主菜區： 清蒸海上鮮魚細嫩中帶結實，配以豉油汁風味絕佳。咖哩牛肉香濃入味，軟硬適中，令人回味無窮。🍮 中西甜品區： 甜品水準甚高，Creme Brûlée香滑濃郁，Pear Charlotte 香梨夏洛特蛋糕鬆軟香甜。Chocolate Fountain的朱古力質素優良，口味香濃細膩。🍹 中西飲品區： 各式咖啡、茶、果汁及紅白酒無限供應，特色菠蘿肉桂薑茶凍飲清新怡人，令人印象深刻。餐廳環境舒適寬敞，服務細心周到，整體用餐體驗非常愉快。下次想食buffet，又多個抵食又高質嘅選擇啦！…查看更多

人氣4星級酒店高級餐廳，每天精選新鮮食材炮製各國佳餚，為客人帶來環球及亞洲美饌。新推出「生蠔海鮮半自助晚餐」提供任食冰鎮海鮮、即開生蠔、凍蝦、長腳蟹、青口、蜆、翡翠螺及刺身壽司。並可選擇加配一款主菜，炭燒西冷扒、挪威三文魚及新出海鮮火鍋。生蠔好肥美，口感好creamy，入口滿滿海水鮮味，含豐富礦物質，入口滑潤鮮甜，肉質爽脆。長腳蟹味道鮮甜，肉質Q彈，蛋白質含量高，翡翠螺結實彈牙，螺味濃郁，口感肥厚，保留原汁原味。主菜炭燒西冷扒，滿滿炭火焦香，五成熟鬆軟多汁，內裏鮮嫩粉紅。海鮮火鍋好足料，元貝花甲大大隻，同樣鮮味十足，湯底亦很鮮甜。更有十多款自家製甜品及Mövenpick雪糕，還有我很喜歡的巴斯克芝士蛋糕及朱古力噴泉。芝士蛋糕具有濃濃焦香及濃郁香甜芝士香，吃落濕潤滑順，軟心綿密，甜而不膩。…查看更多

今天第一次同丈夫來這間酒店食生蠔海鮮自助餐，慶祝結婚36週年紀念日，之前是因為女兒同家姐和best fd慶祝生日,剛好酒店做買一送一優惠，加上她們都十分喜歡食生蠔和海鮮，來了食了十幾隻生蠔，還有長腳蟹、鮮蝦、海螺、魚生、壽司，熱食和甜品等任食，她們來了兩次，感到食物新鮮和有質素，所以推薦給我們來這裡慶祝。我們訂了11月30日剛好是酒店最後一天做買一送一了，感恩還能趕得上這個優惠，來到看見食物如女兒所講的一樣新鮮和有質素，我也食了12隻生蠔，一些長腳蟹，魚生和好多甜品還有雪糕等我預先安排酒店職員幫我預備枱面上的甜品和寫上祝福字句給丈夫，給他意外驚喜，要讚的是那位Erik Lee餐廳副經理，知道我們是結婚36週年紀念日，還特別為我們送上特製的甜品，又親自幫我們拍照，又不厭其煩地，幫了我丈夫解決了一些酒店職員在電話裡答錯了的事情，十分滿意這位副經待客人的態度和笑容，十分親切友善，使我們這晚週念紀念加添了不少氣氛，特意在這裡道謝他！…查看更多

香港好多人鍾意食buffet, 喜歡食物種類多又可咩都試到~身邊朋友都係buffet 愛好者之一, 成日都會搵我食buffet, 但近年食量有所下降, 每次食完buffet 都好辛苦,但又覺得自己唔抵, 今次朋友終於搵到一間適合我呢類食唔多嘅人嘅buffet 啦!其實就係灣仔Novotel Century Hotel 入邊Le Café 嘅 生蠔海鮮半自助晚餐, 性價比高。半自助餐基本已經有海鮮冷盤、生蠔、cold cut、雜錦魚生,壽司、沙律、熱葷及雪糕甜品等, 基本的都有, 絕對飽足！必食推介係生蠔、長腳蟹、凍蝦、翡翠螺、煙三文魚、三文魚刺身、希靈魚刺身，仲有仲有, 甜品都好豐富, Movenpick雪糕都係任食🤩現時訂位仲有7折優惠,若果想再豐富D, 仲可以另加主菜,一共有8款選擇,最特別係有小火鍋可以選擇! 天氣涼涼地食個小火鍋最正🤩為食朋友就立即點咗2款小火鍋, 2款小火鍋基本配料相同,只是主菜的不同, 而且每日會有2款湯底可供選擇, 我地就揀咗泰式船麵湯底。🌟海鮮小火鍋 (原價$188）🔺本地燕魚|沙白|帶子 （基本配料：魚蛋、貢丸、墨魚餅、雜茶、響鈴、紅薯粉）海鮮有3款，而且全部來自仟國水產，環保之餘亦保證食得安心。2隻大大隻帶子，夠厚肉，啖啖鮮味。沙白份量充足，無沙又夠大隻。第一次食本地燕魚，肉質嫩滑，而且少骨，啖啖肉最啱我😋🌟肉類小火鍋(原價$188)🔺安格斯封門柳| 黑毛豬豬頸肉 |三黃雞 （基本配料：魚蛋、貢丸、墨魚餅、雜茶、響鈴、紅薯粉）肉類火鍋亦有3款肉類，份量完全是2人份🤩三黃雞夠嫩滑又充滿雞味黑毛豬豬頸肉比較肥美，所以入口比一般豬肉嫩滑，而且無豬躁味👍🏻至於封門柳出名肉味夠濃郁，配泰式船麵湯底超夾。其餘的配料都一樣唔錯，特別大讚有響鈴，吸受晒湯汁，好味😋…查看更多

早前與朋友已到訪多次，本次半自助晚餐連主菜，食牛扒及羊架，牛扒有根位，所以羊架較為出色。以往已放餐廳相片不再重覆，本次只拍了主菜。本次同事的家人在外地回港，購了半自助晚餐連主菜價錢連加一$300/人，與朋友家人聚會也是一個好地方，多謝同事請客。唯一差是廁所燈光比較暗及陳舊，廁所有點難臭味道，希望酒店跟進大清潔及更換廁板。…查看更多

Openrice過往分享與實際不符，食物選擇極少，但服務與中湯不錯晚市自助餐 $230，員工有禮貌，收碟快，服務值得一讚。中湯出奇地好飲，係整體食物之中少數有水準嘅項目。不過食物選擇極少，熱食加凍食加埋唔夠 20 款，十隻手指都數得晒。冇湯粉麵，甜品更加少得可憐。刺身只有四款，只有三文魚係好食。海鮮唔新鮮，長腳蟹唔補，生蠔細隻又勁咸，沖水時間不足，飲海水咁。OpenRice 啲食評有牡丹蝦，現場根本冇見過。今時今日呢個價錢，其他放題加多少少選擇多又高質，呢度真係唔值，下次唔會再嚟。…查看更多

今晚第二次惠顧 食物 冇了最出名豬頸肉（十分可惜） 只得黑椒雞翼 價錢雖然五一拆要$200元（位） 中湯太鹹 西湯OK 生蠔细隻十分鮮甜 甜品好吃 哈密瓜OK 西瓜唔甜 蜜瓜一般 炸春卷唔脆 長腳蟹一般鮮甜 青口(不新鮮）壽司刺身一般 （整體合格） 希望菜式一定有蜜汁豬頸肉 燒賣好食 蝦餃皮太厚 香腸太硬 沙律不吸引太乾 飲品冇太多選擇 紫色番薯甜品好食 西式蕃茄湯好飲 豆腐花滑 芒果果凍好食 葡撻太甜 蛋白蛋糕好食 炸雞好吃 天婦羅雜菜好吃 鮮茄碎肉蛋味道可以…查看更多

其實好多時提前訂枱有6折。性價比十分高自助午/晚餐都係$250-300左右。午市全自助餐有多款壽司及熱食。晚市係半自助，眼見大部份人都係食任食生蠔，壽司，同小小熱食。其實佢個芝士盤，同cold cut 係幾好食。生蠔其實係任食，二百幾蚊係超值但比較瘦啲。食刺身會比較好。其實叫埋個main course,一人都係多百幾蚊。個牛扒同羊都好好食。仲比想像中大份。最後份牛扒食唔曬仲打左包。果晚仲聽到有人係下面酒吧唱live music。一人$400左右真係超值。…查看更多

本地海產仟國水產聯手Le Café ，仟國專養龍蝦、海水魚，拿過好幾個國際認證，連米芝蓮餐廳、五星酒店都搶住用佢哋嘅魚鮮～這次海鮮主題半自助晚餐主打鮮魚料理，主菜能自選包括豉汁蒸本地䱽魚、XO醬炒本地燕魚球、燒紐西蘭羊扒配忌廉薯蓉 、葡萄葉蒸三文魚配粟子牛油汁…等等，中西風味統統拿下～還有生蠔海鮮無限續、冰鎮海鮮、熱食、刺身、壽司、港式點心、提拉米蘇統統有～ദി˶ｰ̀֊ｰ́ )✧…查看更多

海鮮 長腳蟹最好食 生蠔都合格 各樣都合格 點品太甜 豆腐花好滑 壽司飯好硬 刺身Ok 中湯OK 沙津OK 點心不合格像叮叮點心 生豪OK 西瓜冇味 菠蘿好酸 哈密瓜OK 還有香蕉和橙 中湯好味 西湯冇試 豆腐花好吃 飲品選擇小 有橙汁和茶包 咖啡機 熟食一般 雜腸普通 蔬菜盤不好吃 豬頸肉好食 沙津菜新鮮 有調味沙律ok 芝士 煙三文魚都好吃 有曲奇餅 蝴蝶餅 朱古力 小朋友喜愛軟糖 棉花糖 還有朱古力噴泉 雪糕好吃 整體 晚上半自助餐 緊緊合格 190元全包在網上預購（不包主菜） 價錢合理 冇乜要求可一試 吃足3小時和明友聚會的好去處 …查看更多

喺諾富特世紀酒店有個半自助晚餐！有主食有buffet好豐富😍燒西冷扒西冷扒原汁原味已經好好食！牛扒肉質juicy有咬口，配搭埋醬汁更加香濃😆薯角都炸得好香脆🥰芝士蟹肉意大利雲吞我就最鍾意芝士同蟹肉😚 雲吞肉麵真係塞滿蟹肉，非常足料！而且雲吞皮薄餡多，食落都幾滑😋-Buffet食物真係咩都有！海鮮包括長腳蟹腳、蜆、螺肉、青口、蝦、生蠔都有啊🤭真係任食，仲會係咁refill！另外仲有多款壽司刺身，睇落色澤鮮明幾新鮮🤩之後冷盤、湯同小菜都有唔同選擇😋 最緊要嘅甜品都有成張枱咁多！雪糕、雪條、蛋糕、布甸等等全部都有😚真係飽到上心口😂…查看更多

話說見到OPENRICE灣仔香港諾富特世紀酒店入面呢間Le café做緊推廣, Semi-buffet價錢超值, 可以自由額外追加main course, 當然吸引去一試。餐廳環境開揚, 近門口位置為自助區域, 分別放有壽司、刺身、生蠔、沙律冷盤、數款熱食、冷盤海鮮同埋甜品區, 對於semi-buffet黎講, 款式豐富得近乎全buffet似的, 而且食足全晚, 都冇出現搶食情況, 都算係咁。刺身同埋生蠔由店員負責配給, 但份量唔姑寒, 數款刺身, 特別係魚刺身都相當厚切。至於生蠔來自澳洲, 海水味幾出, 雖算不上肥美, 但味道帶爽帶鮮。冷盤海鮮有長腳蟹、蝦、蜆、翡翠螺、青口, 其中長腳蟹最為受歡迎, 蟹肉鮮甜, 唔係浸咗鹹水果隻死鹹。有齊中西湯, 中湯幾足料, 不過西湯甘筍忌廉湯就較為稀咗d。熱盤方面, 有豬頸肉、燒賣，蝦餃、包點等….胃口大嘅想食多少少主菜, 額外追加款式都幾多, 我地就叫咗一個牛、一個羊, 水準都有返咁上下!【燒西冷扒、薯條、蘑菇汁】HK$188西冷扒表面燒得帶焦香, 肉味香濃有肉汁, 配上蘑菇汁, 味道更提升, 仲配有即炸不油脆薯條, 好飽肚。【燒紐西蘭羊扒、忌廉薯蓉、薄荷乳酪】HK$178羊扒同樣燒得焦香, keep到肉汁, 帶淡淡獨特羊羶味, 配上忌廉薯蓉同埋薄荷乳酪, 有助平衡羊羶味, 更易入口。飲品就有coffee and tea, 仲有橙汁, 雖然款式唔多, 但食物種類多勝於飲品。甜品區有傳統豆腐花、芝士海綿蛋糕、tiramisu、葡撻, 小甜點等….…查看更多

而家經OpenRice購買訂座預付套餐 平日/週末晚上6時30分至9時30分 即可以優惠價$180起任食生蠔海鮮‼️.📌生蠔海鮮半自助晚餐酒店嚟講 價錢超抵🤩.〰冷盤前菜區〰有八款中西式涼拌沙律🥗當中推介用左太極黑豚嘅麻辣青瓜肉絲粉皮同白肉茄子 肥瘦適中 軟嫩有鮮味🐷涼瓜豆腐同通心粉沙律都唔錯💚亦有提供蔬菜絲同醬料自製沙律🥣Cold cut除咗ham同芝士🥓🧀竟然仲有煙三文魚, 火炙吞拿魚🍣同法式蛋批🥧.〰冰鎮海鮮區〰最正一定係專人即開嘅兩款生蠔 分別有法國同澳洲 甘香鮮嫩🦪仲有巨型蟹腳🦀凍蝦🦐翡翠螺🐚青口同蜆 絕對係回本之選🤑.〰日式壽司刺身〰估唔到壽司種類咁豐富 仲要幾高水準🍙🍣刺身厚肉有鮮味 生蝦有驚喜 勁大隻 滑嫩鮮甜🦐仲有溫泉蛋同冷麵添🥚🍜.〰熱葷區〰無限encore泰式燒豬頸肉 肉質軟腍爽彈 豬鮮味中帶炭燒香甜味🍖母親大人就最鍾意海鮮酥皮批🥧開胃之選推介蕃茄焗蛋🍅另外仲有雜錦香腸, Samosa, 炸雜菜, 燒賣, 蝦餃同奶皇包 真係結合多國菜🙌🏻.〰是日餐湯〰冬瓜薏米煲鴨湯超足料 夏天祛濕一流🍲南瓜湯勁Creamy 鹹甜鹹甜🎃配埋兩款吐司就最夾🥖.〰甜品〰甜品控絕對心心眼😍竟然可以自己挖Tiramisu 仲係隔離意大利餐廳Pepino水準 好好食 推介🤎蘋果金寶同葡撻keep住暖 超酥脆🥧仲有兩款原個蛋糕：綠茶戚風蛋糕, 美式芝士餅🍰多款小甜點：椰子菠蘿奶凍, 紅桑子千層杯, 焦糖布甸, 雲呢拿泡芙🍮中式甜品有滑捋捋豆腐花🤍唔少得Mövenpick雪糕🍦亦提供曲奇, 糖果, 時令水果🍪🍬🍍🍈🍉.〰飲品〰咖啡☕熱茶🍵果汁🍹.…查看更多

用OpenRice平台預利，用左Le cafe 嘅coupon, 半自助晚餐，大人連加一都只係$180，小朋友只需$98，有需要可以自己加main course, 但我地環顧自助區，覺得已經夠，所以無order 主菜！熱葷係冇乜，只有豬頸肉，但好好味，唔乾，juicy ! 有燒賣，蝦餃，糯米雞！有中，西湯！炸蔬菜，海鮮tart (呢個好味）！另外仲有刺身，壽司，生蠔仲任食，幾新鮮！（如果個姐姐再沖水好少少更好，因為有d殼😅）！沙律菜有成6-7款，好多調味醬！又有煙三文魚，凍蟹，青口，翡翠螺，蜆，蝦！甜品區，有雪糕，豆腐花，抹茶戚風蛋糕（實左少少），芝士海綿蛋糕，tiramisu (好味），葡撻（好味）！見到咁，仲使叫主菜😆😆！ 呢餐好抵！服務又好，收碟快手，又有禮貌！仲送左杯白酒添👍👍！18:30食到21:30 ！👍😋😋😋…查看更多

上周yo與家人去享受了一場「太極黑豚多重奏」自助餐♥︎ 當晚餐廳氣氛熱鬧溫馨，大家都攜老帶幼來食自助餐，基本是全場滿座ヾ(´〇`)ﾉ♪♪♪海鮮冷盤極受歡迎，大家一開始便蜂擁而至，包圍著冰鎮的海鮮，有松葉蟹腳、蜆、翡翠螺、凍蝦、青口、BB八爪魚及多款壽司刺身，還有yo最喜歡的即開鮮嫩生蠔♡ 法國生蠔滑順細緻，海味濃郁；南非生蠔則清新爽脆，鮮而不過濃♥︎ 再配搭酸度明快的白酒，清新如配以檸汁，令人振奮！熱食區以「豬肉檔」最為吸睛٩(◕‿◕｡)۶ 仿真的小小豬肉檔旁邊供應著「太極黑豚」菜餚，如蜜汁燒豬頸肉、紅燒獅子頭、韓式柚子蜜燒金沙骨、胡椒浸豬軟骨、金銀菜煲豬肺湯等，其中肉質新鮮香嫩，烹調入味；豬肺湯呈乳白色，入口順滑香濃，好好飲✿ 另外，還有軟殼蟹迷你漢堡、即制薄餅、即切燒牛肉等。熱食區的長枱上，放滿清蒸魚、雜錦海鮮炒飯、辣酒煮螺、薑蔥炒蟹、炒蝦、鴨胸配肉桂汁、蔥油雞、泰式青咖喱雞等亞洲美食，還有中西湯品、意粉、白飯，絕不會讓大家肚皮有半點空虛٩(ᐛ)و 甜品區亦十分多姿多彩，為這場「太極黑豚多重奏」自助餐畫龍點睛( ´ ▽ ` ).｡ｏ♡ 甜品如芝士蛋糕、水蜜桃蛋糕、焦糖燉蛋、椰子菠蘿奶凍、蘋果批、紅豆糯米糍、葡撻、朱古力噴泉等，Movenpick雪糕、雪條也少不了！生果區有一款特別的小食，西瓜漬物(˘⌣˘ ) 是酒店AK's酒廊推出的可持續小食，以西瓜皮醃製而成，美味佐酒，又減少食物浪費，讚讚(๑˃ᴗ˂)ﻭ美味佳餚實在豐富，食客都沉醉於美食之中，十分享受！若餐廳refill速度可更及時追趕到食客的熱情，yo應該可以品嘗到很搶手的清蒸海上鮮（清蒸魚）＼(٥⁀▽⁀ )／少少遺憾，唯有等下次回訪再食啦♡ ♡ ♡…查看更多