Le Cafe (香港諾富特世紀酒店)

最近去咗一间酒店嘅自助餐厅，整体体验非常满意。虽然餐厅风格朴实无华，但无论食物质素定服务态度都令人惊喜，绝对系近期食过嘅自助餐中令我同家人都感觉满意又满足嘅体验。其中令我特别回味嘅有以下推介几款必试美食 - 🦪生蚝鱼生区：刺身材料新鲜，厚切吞拿鱼同带子鲜甜爽口，无需排队且无限量供应，服务员态度亲切，笑容满分。专人即开鲜嫩生蚝嘅Irish Oysters肉质饱满爽脆，Fine de Claire则清甜鲜美，值得一试。🐖 太极黑豚区 ：与本地品牌香港家猪合作，提供多款豚肉菜式，包括糖醋排骨、胡椒浸猪软骨等，味道浓郁。特别推荐意大利风味薄猪肉片配吞拿鱼酱（Pork Tenderloin Vitello Tonnato），是buffet罕见的惊喜。🐟 热食主菜区： 清蒸海上鲜鱼细嫩中带结实，配以豉油汁风味绝佳。咖哩牛肉香浓入味，软硬适中，令人回味无穷。🍮 中西甜品区： 甜品水准甚高，Creme Brûlée香滑浓郁，Pear Charlotte 香梨夏洛特蛋糕松软香甜。Chocolate Fountain的朱古力质素优良，口味香浓细腻。🍹 中西饮品区： 各式咖啡、茶、果汁及红白酒无限供应，特色菠萝肉桂姜茶冻饮清新怡人，令人印象深刻。餐厅环境舒适宽敞，服务细心周到，整体用餐体验非常愉快。下次想食buffet，又多个抵食又高质嘅选择啦！…Read More

来了来了，劲耐冇食过酒店自助餐！！！今日同母亲大人食完，连佢都话正～即刻分享吓✨必食海鲜有师傅专人即开鲜嫩生蚝、松叶蟹脚、冻虾、青口、翡翠螺！样样都有冰坐镇住，确保住够晒冰冻又新鲜。每张枱面上面都已经包咗蟹脚专用嘅铰剪✂️当然唔少得有肥美嘅刺身，除咗有最热门嘅三文鱼之外，亦都有厚切带子、赤虾、吞拿鱼添。除咗冻食之外，亦都有美极炒虾、姜葱炒面包蟹、杂锦海鲜炒饭嘅款式，叹尽海上种类(⁎⁍̴̛ᴗ⁍̴̛⁎)食到咁上下，职员更加会送上每人半客焗龙虾🦞奶滋滋嘅味道好惹味✨熟食方面小编好钟意佢嘅汤品，包括当日有粉葛赤小豆🫘 金银菜煲猪肺汤，超够火候！！即烧嘅蜜汁烧猪颈肉、糖醋排骨；大大条蒸鱼；浓味咖喱鸡；DIY鱼蛋粉；以及刚刚已经提及过嘅海鲜🦞✨甜品方面全部都系细细件唔会太重负担，钟意佢个百香果慕丝、士多啤梨乳酪蛋糕，两者都唔会太甜仲有一口葡挞外皮超级酥脆，其他仲包括柠檬挞、士多啤梨千层酥、朱古力喷泉、巴斯克芝士蛋糕！雪糕方面有MOVENPICK，食返两杯仔回回本(・ω・)ノ⭐️重点重点，红酒🍷白酒都系任饮⭐️…Read More

其实好多时提前订枱有6折。性价比十分高自助午/晚餐都系$250-300左右。午市全自助餐有多款寿司及热食。晚市系半自助，眼见大部份人都系食任食生蚝，寿司，同小小热食。其实佢个芝士盘，同cold cut 系几好食。生蚝其实系任食，二百几蚊系超值但比较瘦啲。食刺身会比较好。其实叫埋个main course,一人都系多百几蚊。个牛扒同羊都好好食。仲比想像中大份。最后份牛扒食唔晒仲打左包。果晚仲听到有人系下面酒吧唱live music。一人$400左右真系超值。…Read More

本地海产仟国水产联手Le Café ，仟国专养龙虾、海水鱼，拿过好几个国际认证，连米芝莲餐厅、五星酒店都抢住用佢哋嘅鱼鲜～这次海鲜主题半自助晚餐主打鲜鱼料理，主菜能自选包括豉汁蒸本地䲝鱼、XO酱炒本地燕鱼球、烧纽西兰羊扒配忌廉薯蓉 、葡萄叶蒸三文鱼配粟子牛油汁…等等，中西风味统统拿下～还有生蚝海鲜无限续、冰镇海鲜、热食、刺身、寿司、港式点心、提拉米苏统统有～ദി˶ｰ̀֊ｰ́ )✧…Read More

海鲜 长脚蟹最好食 生蚝都合格 各样都合格 点品太甜 豆腐花好滑 寿司饭好硬 刺身Ok 中汤OK 沙津OK 点心不合格像叮叮点心 生豪OK 西瓜冇味 菠萝好酸 哈密瓜OK 还有香蕉和橙 中汤好味 西汤冇试 豆腐花好吃 饮品选择小 有橙汁和茶包 咖啡机 熟食一般 杂肠普通 蔬菜盘不好吃 猪颈肉好食 沙津菜新鲜 有调味沙律ok 芝士 烟三文鱼都好吃 有曲奇饼 蝴蝶饼 朱古力 小朋友喜爱软糖 棉花糖 还有朱古力喷泉 雪糕好吃 整体 晚上半自助餐 紧紧合格 190元全包在网上预购（不包主菜） 价钱合理 冇乜要求可一试 吃足3小时和明友聚会的好去处 …Read More