LAB EAT Restaurant & Bar (T.O.P This is Our Place)

营业中

休息中

同女朋友係旺角行街，途經T.O.P.商場頂層見到依間西餐廳好似唔錯，加上時間尚早唔洗等位就決定入去試下啦室外既環境幾有氣氛～不過我地就無坐出面，但都有出黎影下相打下卡！背後係旺角既特色街景，非常有香港味道呢！餐牌選擇眾多，不論前菜小食主菜甜品酒類都提供眾多選擇～岩晒唔同口味既朋友坐低無耐侍應就送上餐包，仲有橄欖油及酸醋可以點黎食餐包夠軟熟唔會硬，點埋橄欖油及酸醋真係perfect match！上網見到好多人都會點阿拉斯加長腳蟹肉牛油果沙律，我地就決定跟下風～擺盤好靚，岩晒打卡！長腳蟹肉份量都幾多，而且好新鮮連埋牛油果一齊食個味道好豐富係海膽多士呀！係餐牌見到張相好吸引就叫左，點知實物仲吸引！海膽份量好多～色澤又靚，淨係賣相已經１００分食落口勁新鮮～充滿住鮮甜味多士都做得好好～一啖咬落口真係勁滿足呢！主菜首先就叫左焗智利白鱈魚柳擺盤有Ｄ似法式Fine dining咁，雖簡單但精緻魚肉好滑又帶有鮮味及油脂感！睇黎餐廳對於處理鱈魚確有一手呢！擠埋少少檸檬汁更加帶出魚既鮮味，一流！另外我地都叫左慢煮西班牙八爪魚蟹膏意大利飯飯粒帶有Al dente口感，即係生生地有些少咬口！醬汁同飯粒溶為一體，

今日同男朋友慶祝相識紀念日，經朋友介紹下就Book左依間位於旺角T.O.P.商場既西餐廳由於有提早預約，所以唔需要等候就可以直接入座由於當日有點凍，所以我地就選擇左坐室內，室內環境都好高級優雅~但其實室外係好靚好好Feel架！望住旺角既街景食西餐~好特別呢！餐牌選擇好多呀～員工都好細心咁介紹菜式比我地，如果唔係我地一定有排簡ＸＤ首先送上左餐包比我地，配以桖橄欖油及酸醋麵包夠軟熟，點埋醬汁黎食非常開胃～好想食多幾個呀！海膽多士第一道菜係海膽多士作為餐前小食滿滿既海膽已經令我地口水直流～影完相就急不及待品嚐一下海膽好新鮮呀！入口軟綿綿帶濃濃既海膽鮮甜味，配合埋法包真係好享受呀阿拉斯加長腳蟹肉牛油果沙律我地點左阿拉斯加長腳蟹肉牛油果沙律作為前菜，因為我地都好鍾意食牛油果同長腳蟹～擺盤非常精緻，長腳蟹肉份量都不少，而且好新鮮~作為前菜黎講真係Very Good！慢煮西班牙八爪魚蟹膏意大利飯係餐牌上比依道菜式名吸引左，就決定叫黎試下啦！因為我地都係Risotto愛好者賣相亦係好靚~有細心既擺盤及裝飾飯粒軟硬適中，正正做到Risotto講求既Al dente質感蟹膏既味道好濃郁～超惹味！八爪魚又夠

walk in 到食店話沒有位要等15分鐘，留下手機號碼真是15分鐘後回覆有位。點左西冷 5成熟， 魚塊扒，2杯飲品。西冷5成熟可以，味道都是淡淡的。整塊西冷上左塊黑色碟沒有任何伴碟菜，只有舊薯仔，3滴芥辣，比幾棵菜都好呀！魚塊滑溜也是淡淡的，底層舖左意米及幾條蘆筍及斷層紅蘿蔔，d菜好貴咩！人食完結賬，9點1分侍應自動放下Bill, 睇清楚放低visa.重諗住會過黎攞番，幾個侍應都睇唔到， 揮手又冇睇到，再揮一陣終於睇到結賬走人。

朋友請我食飯補祝生日, 我無特別要求, 由佢一手包辦, 佢帶咗我去旺角樓上餐廳食.剛坐低職員就點着臘燭, 好浪漫, 之後放低一碟橄欖油.澳洲白酒青口, French Quail Leg, Passion Fruit Sling, Daily Cocktail職員叫我地記得飲埋個湯, 因為係用魚去煲的, 真係好美味, 個大木勺係用來裝住 d 青口殼的.鵪鶉腳第一次食, 似係煙燻, 好香口入味, 配埋青蕃茄, 好有清新感.檸檬雪碧飲品, 冰凍醒胃, 令人食慾大增.阿拉斯加蟹肉海膽扁意粉好多蟹肉 & 海膽, 醬汁夠濃, 成碟意粉好有水準, 超好味 北海道粟米雪糕及海綿蛋糕唔講真係以為係粟米, 原來係雪糕, 食落又有粟米嘅感覺 室外仲有幾張枱, 好有 feelReally love eat, love it

同屋企人一齊係旺角食晚飯，經過LABEAT就諗住入黎試下🤤，餐廳夜晚氣氛好好，服務態度良好！叫左個set dinner 試下，食物質素屬於高質👍🏻1.生蠔🦪生蠔嘅鮮味十足、肥美多汁、口感順滑，我鍾意俾少少檸檬汁落去，令到生蠔嘅味道更加突出。鍾意食生蠔嘅人值得一試！😆2.餐湯今日嘅忌廉湯味道濃郁，入口順滑。3. 松露醬溫泉蛋酥皮盒外皮酥脆可口，松露醬香味十足，口感獨特，配合埋溫泉蛋一齊食，味道更加豐富，簡直令人讚不絕口😃4. 加拿大龍蝦及海膽配蛋黃意大利麵主菜真係有被驚喜到，每一條義大利麵都沾滿濃濃嘅醬汁。每一塊龍蝦肉肉質都好緊實、鮮美，份量好足😍 海膽真係入口即化，綿密細緻。主菜足夠一人食👍🏻5. 冷凍液態氮薑茶朱古力波好特別嘅甜品🧐，我平時好少會食薑味嘅甜品。但係今次呢款甜品俾到我驚喜，薑味同個朱古力好夾，朱古力唔算甜。整體黎講，餐廳好高質，值得一試！

這餐廳環境氣氛超正，在門口的時候看到裡面已經覺得氣氛一流，原來還有室外座位，相信夜晚的時候加上燈寸的裝飾會浪漫滿溢。午餐之選擇每個午餐都有前菜，主菜及飲品，如想吃甜品可額外加錢。 前菜選擇了三文魚沙律，因為主菜叫了海鮮及肉食。沙律菜很新鮮，伴上的是沙律醋，很健康，而且兩塊煙三文魚也很大。 加拿大比目魚扒及燒海蝦。光是盛載的器皿及擺盤，已經很有氣派。灑滿了最喜愛的火箭菜、檸檬片作裝飾，橙橙紅紅的湯汁浸泡著雪白的比目魚扒，加上一大串肥美的海蝦，看上去是一個酸甜的美味主菜。一刀切開比目魚扒，眼見比目魚有稍作煎烤過，但肉質依然結實透嫩果然，放入口品嘗到湯汁酸甜的味道，加上比目魚的鮮味，味道很醒神開胃。海蝦三大隻，也是很新鮮，肉質爽彈，不沾湯汁也很好味，原汁原味。 炭燒美國安格斯肉眼又是一碟擺盤講究的主菜，黑色花紋的陶瓷碟擺放著厚厚又縱橫交錯的網纹肉眼扒。是炭火烤過的痕跡，5成熟的肉眼扒，不多也不少剛剛好5成熟炭火燒烤控制得十分好，有多久沒有吃過剛好5 成熟的肉眼呀通常叫五成最後都喺七成過熟。肉眼的質素也是非常棒，刀切下去，半點筋都沒有，感覺非常腍嫩，看著多層由深啡色蔓延到中間的半熟粉紅色，多興

今日同朋友嚟到旺角t.o.p 食西餐第一次食呢間餐廳 第一感覺係環境有闊落舒適、在暖黃色的燈光下，越夜越充滿浪漫情調。Order了set dinner頭盤係生蠔，新鮮厚肉，冇得彈！🤤忌廉奶油濃湯配上法包嘅經典組合✨湯中加入了黑松露 散發出陣陣黑松露獨特嘅香氣😌前菜我選擇了西班牙36個月黑毛豬火腿🥗🍖鹹香嘅火腿加上爽甜多汁嘅哈密瓜墊上黑醋橄欖油火箭菜match到爆😘到重頭戲主菜了 碳燒M5澳洲和牛肉眼牛扒 400g呢塊牛扒好厚呀！✨400g等於係出邊食兩塊嘅份量，所以如果唔係好肚餓建議share外表漂亮的格狀烤紋好好咁詮釋了炭燒的風味5成熟切開有驚喜！🤩🤩粉嫩的內層 軟嫩多汁我喜歡蘸點mustard食係肉食愛好者的天堂😇😇飲品叫了mocktail 我呢杯都幾fresh，百香果加上梳打起泡水嘅組合食多多肉都唔怕膩～～最後仲有我最期待的甜品🍮我叫了煙燻車打芝士蛋糕作為資深芝士蛋糕愛好者見到芝士兩個字已經被吸引款芝士🧀蛋糕好特別面層係火槍噴過嘅車打芝士碎🔥芝士蛋糕香甜軟滑 加上炙燒的鹹味車打芝士呢種鹹甜組合好特別～🤤🤤現場有live Music好surprise！整晚都沉醉喺浪漫的音樂中氣氛真

今日下午過來 MK second interview, 成功 pass, 梗係要獎勵下自己, 去 LAB EAT 鋸扒賀賀先. 門口玻璃飾櫃內放有不同款式及 size 嘅杯, 好有 taste.餐廳內座位寬闊, 環境優雅.lberico pork rack 好有份量, 兩大塊黑毛豬鞍, 女仕食真係超晒標煎到金黃色, 井字紋添誘惑大大塊, 有半吋厚度, 食落唔靭夠 juicy配有薯條, 粟米芯, 紅蘿蔔及菇, 顏色配搭得宜, 味道適中Daily cocktail, 入口冰凍, 有清香荔枝味, 酒精濃度不算高bar 位有大大細細不同嘅酒以供調較成不同嘅飲品下次出糧要同班 friends 再去飲過, 順便試下 d 海鮮香港人工作忙碌, 間中都要 take a break 試多幾次, 真係比佢溶化咗個心, 實在太好味啦.

初選此餐廳與友人慶祝生日，剛遇上逢星期二晚露天座有 busking選擇坐露天位置。場地理境比我想像中好，氣氛挺浪漫，當晚表演唔錯，場內客人可以點歌。食物質素佳，每一道菜都唔錯，尤其是三文魚凱撒沙律，主食的魚及羊均值得推介。

收工約左朋友食西餐, 之前都黎過覺得幾好, 所以再黎試下, 貪佢食物優質, 環境好, 坐得亦舒服.同埋室內同室外, 室外可以俯瞰旺角市景, 另在仲有駐場樂隊唱歌.坐低侍應問我地要有氣水, 定無氣水, 我地選左支無氣.之後我地點左D海鮮, 選左生蠔 Black Pearl - 呢款係法國蠔, 蠔肉飽滿, 海水味鹹, 清甜及爽, 蠔味也非常濃，當然aftertste都較長.之後點左杯Daily Cocktail, 雙重荔枝配香檳, 荔枝味超香, 十分突出, 配上香檳十分搭配.再叫左個前菜, 有火腿, 沙樂美腸, 露荀等等, 配上即熱大量Raclette Cheese , 芝士味十份香, 食完第1啖會想食第2啖.主菜點左個海膽蟹肉意粉 - 海膽同蟹肉都係大量, 蟹肉係新鮮現拆, 香甜. 海膽既鮮味就十分突出, 整個配搭很好吃.

今天和朋友到旺角電腦中心買電腦用品，然後打算在這間年輕人的商場隨便找一家餐廳吃晚飯，看到這家餐廳很多人排隊應該是很吸引吧有很多特色又高級的食物選擇，不像是一般西餐廳先來一個48個月Iberia ham，通常類似的餐廳吃到的都是36個月以下的ham，但這款是我平時吃的較高級的品種，想不到他們也有這個選擇，再配上新鮮的哈密瓜，十分開胃我和朋友叫你兩杯飲料，餐廳有3款特色的氣泡飲品，朋友特別叫這款purple rain試一試，看著侍應即場噴上氣泡，充滿視角享受朋友超喜愛的洋蔥湯，濃郁芝士味更能帶出湯的鮮味第一次試的Cappuccino 蘑菇湯，很有特色，濃濃的蘑菇味加上奶味出奇地配襯朋友對這道Iberia 豬讚不絕口，成熟度剛剛好，一啖咬下去好像棉花一樣柔軟，絕對高質素，必試！這個像手掌一樣的特大魷魚risotto ，比起很多高級意大利餐廳都來得出眾，份量適中，2人吃剛剛好甜品我們安排了Hazelnut cream cake & toffee comb，甜度剛剛好，適合我們這種不嗜甜人士.這裡原來還有戶外busking ，下次來旺角又多過選擇

今日去咗旺角行街，發現t.o.p.有間食西餐，因為朋友唔食澱粉質，所以就揀咗西餐，我哋就直接入咗去，大概五點左右，所以周圍都冇乜人，好似剩係得我哋一台。好老實講我覺得啲嘢一般，唔係唔好食，只係正常水平牛扒叫了5成，都幾嫩鵪鶉比係煙燻 少少辣辣地都幾好食平時睇相見到啲人會食芝士蔬菜唔好意思我唔記得咗個名我哋都有叫到，就係喺啲蔬菜上面倒一pat燒溶咗嘅芝士落去，但我覺得唔係嗰個效果芝士還芝士，蔬菜還蔬菜，同埋啲蔬菜都有浸草青味

聽朋友講Top shopping mall樓上有好多間餐廳都好唔錯，自己嚟呢一個商場多數都係行街，未試過真係嚟食嘢，呢一晚行行吓街又諗唔到食咩，突然間有個念頭不如就試吓上面有咩好食啦👍👍/見到呢一間Lab eat人頭湧湧，基本上滿座咁滯，就膽粗粗問吓店員有冇位，點知好好彩店員就話得返一張枱，既然咁好彩就真係整定係屬於我哋㗎啦🤣🤣/一坐低店員就送上餐包，餐包夠熱，外脆內軟，仲可以點埋我最鍾意嘅油醋，為呢一餐開咗個好嘅頭🤣跟住我哋就叫咗個沙律做頭盤，呢個係阿拉斯加長腳蟹牛油果沙律🥗$298，價錢雖然唔平，但係我覺得佢嘅蟹肉好新鮮，食到淡淡嘅海水味😋旁邊黃色嘅醬都好似有啲淡淡的蟹肉味😂😂而且佢嘅沙律係預先同牛油果已經撈埋一齊，每一塊沙律菜上面都有牛油果，牛油果已經夠熟，成個沙律好高質🤤本來我哋都諗緊一個主菜會唔會唔夠飽，點知見到呢一碟12小時慢煮澳洲M5和牛牛小排$498，就覺得我哋冇再嗌其他嘢食真係好正確🤣份量真係好驚人，好抵食嘅感覺🤣慢煮令到成舊牛都係熟晒，但係就唔會有好韌嘅感覺，反而係軟林林好易咬👍牛肉嘅味道都好突出最後嗌左一杯Lab Eat Sangria$108黎令呢一餐更加滿足，

Happy Friday 同好耐無見既中學同學聚餐呢間餐廳氣氛唔錯，座位之間有距離感，可以好relax咁傾下計White Peach Cooler當然要飲返杯野chill下今次仲試左個打卡菜式-熱熔法國流心芝士沙律！一大片流心芝士覆蓋住沙律，鍾意食芝士既朋友仔唔好錯過芝士味道唔會太膩，配上焗薯及西班牙辣肉腸、火腿同沙律菜，味道並唔單調當日仲食左個好鮮味既意大利麵～加拿大龍蝦及海膽、蟹青意大利麵海膽唔腥仲好鮮味，龍蝦係底下份量都好足，蟹青仲佈滿意大利麵鍾意食海鮮既朋友仔表示好滿足

今日約左個8婆friend去食飯, 由於我係住旺角通常佢都係過旺角就我, 搭車方便牙嗎!去到入座waiter都好有禮貌幫我地安排個可以講野大聲同笑得大聲既位置, 真係知道我地咩料叫左呢到多人叫既海膽多士，海膽味道鮮甜，而且多士上面鋪滿滿滿嘅海膽，分量十足，超級推！仲有叫左2隻生蠔試一試佢, 隻蠔睇落都幾大隻超肥美一入口係海水嘅咸味，十分清新! ,  28 天熟成西班牙黑毛豬鞍,厚厚既黑豚肉充滿肉汁，加上芥末醬中和入口既油膩感,加個特色卡邦尼扁意粉. 飲左2杯酒 仲有煙燻車打芝士蛋糕,.總捨, 成件事都好開心好滿足, 有機會會再去多次, 不過價錢都唔平, 唔會成日去食既, 簡唔中想食餐好就係一個好選擇!