La Vache!

La Vache! 嘅牛扒出名抵食，質素唔錯。前菜有沙律，新鮮沙律配合香脆嘅合桃同埋蘿蔔，新鮮又開胃。主菜叫咗三成熟嘅牛扒，肉質鮮嫩外焦內嫩，牛味濃郁，而且薯條係可以無限refill嘅，非常抵食又滿足。另外朋友試咗五成熟，口感分別都幾大，明顯三成熟嘅更加嫩，所以如果食到生嘅都可以試吓三成熟。…查看更多

📍 整體體驗 中環La Vache! 是一間專賣牛排薯條的法式小館，餐廳走巴黎小酒館風格，昏暗燈光搭配復古海報，氛圍輕鬆熱鬧。這裡沒有複雜的菜單，只專注做好一件事：牛排+無限續薯條+沙律，非常適合肉食愛好者！ 🥗 經典套餐（$418/位）包含：核桃沙律 + 牛排 + 無限續薯條- 核桃沙律： 新鮮爽脆的混合生菜，搭配核桃碎和輕盈的芥末油醋汁，酸甜開胃，剛好平衡主菜的豐腴。 - Entrecôte 牛排（300g）： ✓ 採用阿根廷草飼牛肋骨部位 ✓ 可選擇熟度（推薦三至五成熟） ✓ 淋上秘製香草牛油醬 ✓ 肉質軟嫩帶嚼勁，牛味濃郁 ✓ 醬汁是靈魂！香草與牛油香氣完美融合 - 手工薯條（無限續）： ✓ 即切即炸，幼身不連皮 ✓ 外脆內軟，鹹香惹味 ✓ 服務生會主動捧著大籃子為客人添加 ✓ 忍不住一條接一條！ ---👍 優點 - 牛排水穩定，醬汁一絕 - 薯條無限續，大食量也滿足 - 氣氛輕鬆適合朋友聚餐 - 服務生會主動詢問添加薯條 ⚠️ 注意 - 只賣牛排套餐，選擇單一 - 晚市經常爆滿，建議提前訂座 - 環境較嘈雜，不適合浪漫談心 💰 價錢 套餐$418/位（不含甜品及酒水，未加一），中環區屬合理價位。 📍 地址中環蘇豪卑利街48號地舖 （近中環自動扶手電梯） …查看更多

La Vache以其美味的牛扒和薯條而聞名。店內只有一種食物在餐牌: 牛扒和薯條，附送沙律及麵包。La vache的牛扒以鐵盤奉上，碟下加小蠟燭以好好保持牛扒溫度。牛扒柔軟香滑，肉質鮮美，配上特製醬汁，味道層次分明，令人驚豔。店員會定時奉上新鮮炸的薯條，問客人需不需要添加。薯條加上幼鹽，口感金黃酥脆，十分惹味。沙律及麵包配牛油也是很高質，沙律菜新鮮，配麵包的牛油香濃順滑，停不了口！餐廳環境舒適，服務熱情周到，讓人感到賓至如歸。無論是與朋友聚餐還是單獨享受，La Vache的牛扒和薯條都能滿足你的味蕾，讓人每次光臨都不禁想再來一次。現在於OpenRice網上訂位，會送甜品一客！朱古力蛋糕及檸檬批也十分出色！…查看更多

呢間餐廳一向都幾出名，但聽講啲質素比以前差咗成間餐廳剩係得一個餐🤣就係牛扒加任食薯條牛扒五成熟中間都見到粉嫩嘅，牛味亦都足，但係肉質稍為嚡咗啲薯條炸得酥脆，都算好食另外仲叫咗個拿破崙做甜品，生日嘅話會有寫碟服務，不過要book嗰陣講定總結呢間餐廳食物質素都唔差嘅，但係要成五百幾蚊一個人，CP值就低咗啲…查看更多

講到食牛扒，L Vache係其中一間我覺得質素高的餐廳。佢哋嘅分店除咗中環仲有金鐘太古廣場和尖沙咀。我個人就鍾意SOHO嗰間，首先係每人有一碟合桃嘅沙律啦，烤過嘅合桃好香脆同埋有麵包亦都好好味，我order咗五成熟牛扒，牛扒嘅質素都好好同埋好粉嫩， 可能有蠟燭興住，所以可以keep warm令到好好味。亦都有非常充足嘅薯條供應，有我最鍾意食嘅黑森林蛋糕同埋檸檬批。真係好滿足。佢哋服務係非常好，有機會可以去試吓😊…查看更多

之前見到有優惠，所以第一次食呢間好出名嘅La Vache，去左中環呢間，因為覺得比較有feel。一行入去就覺得整體氣氛好好，燈光同氛圍都做得好唔錯。前菜有麵包配牛油🥖同沙律🥗，酸酸地令你更加開胃，唔錯👍🏻去到main course主角牛排🥩，叫左Medium，點知出到黎勁生，食落同睇落似Medium Rare咁，仲要有好多筋同肥膏，所以頭幾舊食得好辛苦😓又咬唔開又吞唔落食左幾舊牛扒+ 薯條🍟之後，真係頂唔順，唯有用下面個蠟燭🕯️嘅熱力幫牛扒煮熟啲。問左個staff攞多個蠟燭，結果佢攞左個人地用剩少少嘅蠟燭俾我… 無言😶呢個真係嚴重扣分位‼️咁大間餐廳，唔係開多個蠟燭都唔捨得丫嘛…用蠟燭熱力加持嘅牛扒，感覺係好啲，但係都係feel到好生，唯有叫staff攞入去廚房再整熟啲。結果真係好好多😭唔知點解Medium都可以生到咁，入面係全紅。隔離檯叫Rare，我見到成盤牛扒都係血水，好似茹毛飲血咁…😰去到最後個甜品，叫左：檸檬蛋白撻，雲呢拿芝士蛋糕配藍莓醬。兩個都幾好👍🏻係食到最後有啲太甜同檸檬蛋白撻有啲太酸😝整體感覺還好，未至於去到好好食嘅地步，以牛扒undercooked，太多筋太多肥膏，同埋攞人地第二檯用剩嘅蠟燭俾我黎講，唔會再食第二次🫡…查看更多

🐑Black Sheep集團旗下的La Vache!🌟只主打一款餐牌 - 👤每人$398沙律｜牛排｜ 任食薯條🇫🇷內部帶法國復古feel, 紅啡色調🤎💡燈光昏暗, 適合約會/ 慶祝生日💞🍰間中會有復古甜品餐車, 擺滿各款蛋糕撻類🥧🧁當晚有客人生日, 🤵🏻待應們會唱法國生日歌, 氣氛滿滿🥳🔸Appetizers先奉上餐包籃, 🍞有幾件法包, 少硬🧈牛油攤軟身咗, 唔會雪到硬哂另外, 每人有碟合桃沙律🥗 烘烤過的合桃好香脆, 沙律調味清新😉🔸Trimmed Entrecote Steak🥩 6/10叫咗medium rare (5成熟)🕯️下面有蠟燭㷫住keep warm雖然係5成熟, 中間粉嫩的但西冷牛味欠奉, 肉質偏嚡🥴🔸French Fries🍟 7/10💫招牌菜：炸薯條🦆濃郁鴨油香味, 新鮮炸起香脆帶咸香🥰🔸Red Wine🍷Openrice 訂座獲送贈紅酒一杯🆓…查看更多

我啲食咗800文，摞1000文埋單，佢一直問有冇信用卡或銀行卡，最後搞到我啲好尷尬，好彩帶咗信用卡好味，但體驗唔好我真係好喜歡hongkong，粵語也係自學的，可能語法有啲唔對，請見諒…查看更多

第一次黎食，唔駛揀食乜，淨係講要幾成熟就得，夠專注，我欣賞，亦好岩啲選擇障礙嘅人 。先黎左個好硬好硬嘅麵包，牛油係軟屬的，唔會雪到硬晒，然後再上埋有果仁嘅沙律🥗 配左黑醋同橄欖油 。終於等到主菜—medium rare嘅牛扒🤤🤤🤤佢下面會有個蠟燭底坐，為免啲牛扒凍哂唔好食，一望啲扒色好靚，好juicy，燒得剛剛好，又唔鞋，又唔韌 。跟手個侍應就夾埋呢到都好出名嘅薯條🍟 又真係好香好有薯仔味，只可惜凍左，同埋今晚可能太忙，個侍應服務都幾rude。之後因為我地坐係酒吧枱前面，咁岩佢問我地啲野好唔好食，我地就話好食，只係想啲薯條熱啲，跟手廚房就出一碟新炸起有溫度嘅薯條🥹 係真係好食好多 。最後可能因為人多，冷氣開大，所以就算有蠟燭啲牛扒都有啲凍左，即時無咁好食，所以下次都係趁熱食左先，薯條可以後追加 。…查看更多

朋友牛一， 一於帶佢去食据下扒，慶祝下， 逗佢開心 呢間餐廳唔係好近大街， 要入少少Google map 先搵到， 餐廳外面招牌唔係好當眼，  有一種低調奢華既感覺。餐廳要6點先入得去 ，等左一陣， 入到去成為餐廳第一組客人。 入面裝修好有法國復古feel，紅色啡色，餐廳職員好親切， 笑容可加。 我地安排係卡位。坐得好舒服。 餐廳只提供三款食物，沙律一份， 牛排一份， 薯條任食，收費按人頭計算。 好快就黎左沙律， 好fresh，合桃好chuncy , 唔會好肥 跟著就黎牛排， 我地叫左5成熟，出盤粉粉嫩嫩， 香氣十足， 好快就食哂了 薯條好食過m 字頭間餐廳好多， 薯條幼幼地， 加左好多次 食完飽飽地， 但重點係個甜品， 佢會用個復古餐車問你要唔要， 因為朋友生日， 叫左個黑森林。 過左一陣， 好驚喜， 待應唱住法國生日歌同會慶祝，我個fd 都好開心。 總括來說， 呢間餐廳氣氛好好，因為好多都係黎慶祝，成晚好多掌聲， 好適合帶家人朋友黎， 佢地一定好surprise！😄😄…查看更多

呢間同top blade 有啲似，但當然比top blade貴，而且亦無選擇，嚟到一定係食牛扒。因為老公唔食牛，就約咁朋友嚟試吓。同樣地有任食薯條，而牛扒都算大塊，熟度都控制得幾好，不過始終用咗蠟燭keep住溫度，食到後段就會愈嚟愈熟，應該要一早攞落嚟，食既時候至放上去整一整熱會好啲。薯條熱辣辣不停出，所以唔怕會食到凍既薯條，超正👍🏻甜品都算貴就無叫，加上呢度又唔係出名甜品，寧願出去再搵地方食好過。…查看更多

Black Series：Value for money!呢個價錢食到真係幾抵，牛肉是偏熟，但是肉質很讚，焦香不錯，薯條可以不停refill 也很開心（但通常吃不了那麼多）。最後嘅甜品直接傻眼，份量太大🤣 也太甜了，不是我喜歡的口味🥲…查看更多

應該係四年前開始，一次生日飯就開始食呢間餐廳過咗咁多年都繼續食，雖然冇去過佢金鐘同埋尖沙咀嘅分店，唯獨係真係好鍾意中環呢一間-咁佢都好精緻係有牛扒同埋薯條任添嘅套餐咁基本上都冇啲乜嘢花巧嘢㗎啦-但係喺度慶祝生日係開心嘅，因為都會有一啲生日歌嘅慶祝服務啦，都可以感受吓氣氛-而且透過OpenRice平台訂枱更加每人都會有一杯紅酒-咁對於我呢啲又鍾意飲紅酒又鍾意食牛扒嘅人嚟講簡直就真係滿分啦，所以我食過5次，之後都會再嚟！因為真係好鍾意。…查看更多

薯條確實係我食過最好食，濃烈鴨油香，香脆又不乏薯仔香味，但我嚟呢度唔係為薯條。 前菜沙律好難食，可能唔開我個瓣。 牛排達到要求熟度係基本，但扒本身質素唔好，冇香味口感唔好，老老地，醬都唔係咩繁雜貨，麻麻。…查看更多

第一次評論就給了這公司😠因為個人原因，需要取消預約。但沒有想到，電話一通之後，我講我需要取消預約，接線的女員工居然只用「嗯」就直接cut咗我線🤬😡完全不明白這種態度是什麼意思。…查看更多