Kome Kushi

早前，7月好姊妹生日 lunch，她選擇了位於西營盤第一街縉城峰的日式餐廳 <Kome Kushi>！最近走到這一帶，經過見到店子已結業，並開了另一間新餐廳嘞！Menu 好姊妹生日 lunch天婦羅大蝦鍋燒烏冬 $158包括：沙律/ 茶碗蒸及面豉湯天婦羅大蝦配燒烏冬配料豐富！一隻放湯的天婦羅大蝦、甘筍、雞蛋、金黃色又多汁的炸雞、豆苗芽、除了烏冬之外，還有，晶瑩剔透的薯粉， 湯底清而夠味！沙律入口涼浸浸，加入泰式甜酸醬，清新開胃！ 如果不選擇沙律，可選擇茶碗蒸！面豉湯店方的面豉湯不會重口味，調味剛好，內有豆腐卜及海帶！她們分別點了香蔥吞拿魚拖羅蓉丼 $158 及 鱈魚西京燒御膳 $188生日蛋糕：檸檬柚子忌廉芝士千層蛋糕 $168 約4吋未有預期的蛋糕香氣， 勝在同在餐廳可嚐到生日蛋糕，十分方便！加入柚子，清新酸香！因為雪凍的關係，反而忌廉芝士變得挺身，就算食到尾，也不覺得膩滯！…查看更多

西環有間小巧日式餐廳，門外有大大個餐牌同宣傳板，夜晚燈光柔和，入面走家庭風，開放式廚房令人感覺親切，好有家庭餐廳feel！環境溫馨舒服，裝修簡約，令人一入去就好放鬆，牆上擺滿日本清酒，餐牌選擇多元化，由燒物、炸物到壽司卷都有，價錢親民，啱晒同朋友或家人聚餐。今次試咗蒲燒鰻魚飯（$148）燒鰻魚飯鰻魚厚身油潤，醬汁香甜之餘鹹甜balance適中，上面加咗大量蔥絲同紅椒絲，色香味俱全！😋熱辣辣既白飯飯粒分明，每啖都好滋味，好滿足！牛肉壽喜燒配稻庭烏冬（$218）都好出色牛肉嫩滑，湯底香甜，烏冬煙韌，湯底鹹香帶甜，烏冬吸晒壽喜燒精華，配埋豆腐、蔬菜、菇類，蛋黃，賣相吸引，湯底色澤濃郁滋味！食完成個人都暖晒，食到最後都唔覺膩。另外見到Happy Hour優惠，黃昏時段有串燒配啤酒或清酒combo，仲有日本白桃烏龍茶，午市$18，晚市$28，感覺好適合放工chill一chill！🍢價錢合理，份量足，服務親切，無論同家人定朋友嚟都好舒服，真係有返日本家庭餐廳食飯嘅感覺。😋…查看更多

難得黎到西營盤好似附近都無咩特別野食見到呢間餐廳好評都幾多 啲相望落都唔錯就去試下個晚大約7點到餐廳完全無客但仲叫我地坐啲逼迫亟亟既二人位.我叫左個300蚊既壽喜燒成鍋上到黎得一渣梅梅爛爛既娃娃菜兩舊豆腐同幾舊仔冬菇冬菇唔係比原塊都真係唔係太對得住間餐廳既格局啦🙃佢呢兜野 我自己野個壽喜燒汁 再加蔬菜 肯定靚過佢兜野.個牛小排同個湯係唔錯既但都係唔值呢個價.另外佢仲有加一服務費我想講佢唯一既侍應行行企企又唔識拎碗拎匙羹比人成程係咪都要逼我用唯一提供既筷子🙄.總之就無下次同吉野家比野食又唔係好食好多但起碼吉野家食完會飽肚先但呢間野既價錢係吉野家既5倍.最後淨係得張核核突突既相因為完全無意慾影佢啲野食…查看更多

同朋友過到嚟西營盤搵地方食晚餐，第一街《Kome Kushi 》居酒屋是個好選擇。唐揚小池魚~熱辣辣即點即炸，香脆可口，成條都食得，營養豐富。明太子芝士玉子燒~好大件玉子燒，蛋味香濃，包住明太子及芝士，完全提升玉子嘅味道層次，正！角切魚生丼~材料有多款粒粒魚生，米飯軟硬度好適中。壽司(六件)~任選兩款，每款三件壽司，可揀帶子、三文魚、左口魚邊、油甘魚、劍魚、魷魚、飛魚子、香蔥吞拿魚，我哋揀咗帶子及左口魚邊，帶子好大隻，左口魚邊魚脂豐富。燒一夜干雞翼，每滿$100可以加$1有一隻，我哋叫咗四隻，雞翼燒得皮脆肉嫩，十分香口。…查看更多

以環境嚟講，餐廳嘅門面設計同傳統嘅日式居酒屋一模一樣天氣好嘅話影相真係好有氣氛坐近門口嘅話會望到出面嘅商店街，加埋餐廳嘅裝修設計，好有去咗日本商店街食飯嘅感覺，影相打卡一流牛肉壽喜燒鍋配飯牛肉厚薄適中，好入味，湯底濃郁但又唔會太甜，配菜好豐富，完美哋吸收晒湯底嘅精華，好好味再點埋跟配嘅生蛋，真係滑到差啲一啖就吞咗落肚角切魚生飯魚生好新鮮，種類亦都好豐富，Wasabi唔攻鼻，成功將魚生嘅鮮味提升到另一層次而且餐廳仲有用玫瑰花嚟裝飾，好靚呢度嘅壽嘉燒鍋同角切魚生飯都好足料，食完好滿足…查看更多

日式美食之旅：壽喜燒、天婦羅同切刺身飯嘅完美體驗我同個同事喺附近揀咗呢一間日本餐廳食個簡單嘅晚餐，我見餐廳位置唔算多，但係呢都好寬敞，餐廳嘅餐牌選擇都不少老少咸宜，因為當日呢唔算好肚餓我哋係聚一聚，所以呢就淨係點咗三個主菜。首先介紹壽喜燒鍋物帶出傳統日式溫暖感覺。鍋內嘅薄切牛肉新鮮嫩滑，配上新鮮蔬菜同日式嘅湯底，味道層次豐富又唔失清新。特別值得一提係，呢道菜仲可以揀配飯或者烏冬，畀食客多咗選擇靈活性。配飯可以吸收湯底嘅精華，食落更飽肚；烏冬則帶出彈牙口感，兩者都係唔錯嘅搭配。整體質素出色。其次，野菜天婦羅表現更令人驚喜。天婦羅外層炸得鬆脆金黃，內裡嘅食材陣容十足，包羅秋葵、青椒、茄子、冬菇等等，豐富程度10分高。蔬菜都保留咗天然嘅鮮甜同鮮脆口感，油膩感控制得宜，配上簡單嘅沾醬，食落清爽又滿足，絕對係一味令人回味嘅菜式。最後，角切刺身飯係三者嘅焦點。刺身用料新鮮到不得了，內裏有甜蝦、油甘魚、三文魚子、三文魚、蟹柳、甜蛋同帶子等多款頂級海鮮，色彩繽紛同花卉點綴，打卡感滿分，視覺上已經贏晒。口感上，魚生滑新鮮，配搭飯粒同微甜醬汁，味道平衡得恰到好處。呢道菜唔單止質素高，仲有高級餐廳嘅格調，絕對值得一試同分享。總括嚟講，角切刺身飯以其豐富嘅海鮮選擇同出色嘅呈現方式最值得推薦，特別係想搵打卡美食嘅朋友。壽喜燒鍋物嘅靈活性同天婦羅嘅豐富食材亦各有特色，適合唔同口味嘅食客，體驗一頓難忘嘅日式晚餐！…查看更多

又想食壽司？又想食日式居酒屋料理？又想帶寵物去餐廳？位於西營盤的Kome Kushi可以一次過滿足晒你三個願望！Kome Kushi食品種類豐富，有壽司、刺身、日式小食、熱食料理等、餐廳仲特別設有獨立包廂，可以帶寵物一齊嚟 ！壽喜燒火鍋套餐壽喜燒火鍋套餐非常豐富，充滿驚喜。首先上場嘅麵豉湯熱辣辣，非常暖胃。頂級小牛排油花分布平均，落鍋輕輕一涮，嫩滑多汁，口感細膩，再配埋啲日本野菜同豆腐，清甜爽口，吸晒壽喜燒個醬汁，送飯一流。套餐仲配埋日式蕨餅，甜度啱啱好，完美！雞腎 + 一口甜薯雞腎處理得幾乾淨，冇腥味，口感爽脆，加埋鹽同黑椒調味，非常惹味。一口甜薯燒到外脆內軟，帶少少焦糖香，好滿足。…查看更多

炸日本芝士年糕外皮又薄又酥脆，咬下去便能感受到香濃的芝士慢慢融化，與Q彈的年糕完美結合。微微的鹹香與芝士的濃郁交織，好好味。唐揚小池魚炸得金黃酥脆的小池魚，完全沒有腥味。搭配些許檸檬汁更能提升層次感，讓人忍不住一口接一口。極上厚切牛舌心牛舌心口感極為細嫩，厚切讓咀嚼時充滿滿足感，輕微的炭烤香氣更添風味。搭配岩鹽或芥末，能帶出牛舌最原始的鮮美。Kome Kushi壽司卷三種不同的魚生巧妙融合，海苔增添層次，是既具創意又美味的選擇。Highball（威士忌蘇打）這杯Highball是這頓美食的完美收尾。清爽的蘇打水與威士忌的醇厚酒香融合，冰涼的口感令人神清氣爽。…查看更多

小熊貓想同朋友傾傾吓心事，特登問咗呢間有格調又chill 嘅日本餐廳～ 餐廳環境舒適，又有多款食物選擇，包括壽喜燒，壽司及多款串燒，十分適合同朋友慢慢食，慢慢傾👭🐮 牛肉壽喜燒配烏冬上枱嘅時候牛肉係半生熟嘅狀態，確保食嘅時候牛肉唔會變得過熟👍🏼 有金菇，蘿蔔，冬粉等多款配料～ 份量絕不馬虎～ 小熊貓特登將飯轉咗做烏冬，烏冬吸晒壽喜燒嘅甜味，食落口又滑又濃味😋🍣 海幸丼有多款新鮮魚生，包括海膽，三文魚子，海老等等～ 魚生大大件，厚切，入口油脂爆滿，十分滿足💛🦪 味噌廣島蠔餐廳提供多款串燒，我同朋友就試咗呢款比較少見嘅味噌廣島蠔～ 新鮮燒起嘅廣島蠔厚肉飽滿，入口爆汁，味噌同蠔嘅鮮味提升咗味道嘅層次感，值得一試🐥 唐揚雞軟骨每粒都炸到金金黃黃，入口香脆，點埋沙律醬，送酒一流…查看更多

續上篇，今天仍是出差同西營盤嘅日子，上班時行過見到呢間日本餐廳，就決定今天午餐就是Kome Kushi😸忙碌的早上轉眼間已過，望見手錶時間差唔多又放飯啦，執齊銀包外套🧥帶定雨傘準備出發～lets go！下雨天走着陡斜的道路，令人驚心膽顫，成日驚會跣落去😨幸好地平安走到餐廳門前🤭🤭估計餐廳在中午時段剛剛開門營業，小妹舉起一隻手指👆🏻，就被安排入座，坐在梳化位的中間二人枱，Kome Kushi容納客人的座位不算多，不過仍然有着日本居酒屋的裝修，可能因為小妹坐在正中間，店員之後安排客人入座時，客人都是用背脊望着小妹🤭印象頗為深刻！午市套餐包沙律或茶壺蒸及麵豉湯，非酒精飲品仲有照價50% Off添，餐點款式基本上的都有，不外乎丼飯類、魚生飯、鍋物及麵類，亦都可以追加小食👍🏻選擇都幾豐富㗎😊小妹今次就選擇了茶碗蒸配麵豉湯、挑選了寫着限量Limited的角切魚生丼，另再追加了炸軟骨餃子❣️🔺茶碗蒸～好香雞蛋味，蒸蛋滑溜溜，份量比平時食的大碗，配料有香菇、蟹柳、魚板🔺麵豉湯(油揚、蔥、昆布、赤味噌）味道鮮甜唔鹹㗎🔺角切魚生丼（份量多）青瓜、玉子、蟹柳、蟹籽、三文魚、甜蝦、墨魚、劍魚腩、粉紅薑及紫蘇葉，配搭一大碗飯，very delicious!🔺炸軟骨餃子（追加$38）有四件咁多😳外皮脆脆、餃子餡啖啖都有軟骨，超正😍👍🏻…查看更多

今日又來到西環搵食，係因為上次去西環其他餐廳嘅時候，經過呢間餐廳覺得幾吸引，朋友都想試，而且距離地鐵站非常近，所以呢日又同同一個朋友黎呢度試下。 餐廳貼左好多同日本相關嘅海報，非常有日本風味。 我地見到有一人套餐，覺得幾抵食，有飲品，主菜同埋小食。 飲品方面，可以選擇啤酒或魚湯，我地兩個都揀左魚湯 魚湯無諗過隨餐附送嘅魚湯都咁高質，魚湯奶白色，非常有鮮味，一送上枱已經聞到鮮味，飲就更能感受到魚鮮，而且飲完唔會口渴。 鍋燒烏冬 （天婦羅蝦 炸雞件 雞蛋）熱辣辣嘅鍋燒烏冬非常吸引，湯底甜甜的，烏冬係稻庭烏冬，是我最喜歡的，扁身的烏冬更彈牙，而且很滑，吸收了湯汁的鮮味。天婦羅蝦大大隻，很脆口，蝦肉爽口彈牙，炸雞件有三件，肉質嫩滑，而且有大量蔬菜，菇和金菇，非常豐富，雞蛋半熟，有蛋香。 網燒牛扒定食牛扒口感柔嫩，熟度剛好，牛味香，配上微甜的醬汁，而且用扇型的碟裝起非常靚，牛扒和白飯非常配搭。 雞皮餃子雞皮餃子有三隻，外皮酥脆，肉質嫩滑，整體都不會感覺油膩，搭配醬油，更加滋味。 紫芋金栗餅紫芋金栗餅外脆內軟，紫芋和金栗配搭很夾，口感軟滑，不會過甜。。 呢間餐廳很有日本風味，個朋友渡過了愉快的一晚。…查看更多

Kome Kushi@西環🪡西環西營盤第一街8號縉城峰地下2號舖人均$100-$150一直都知道西環多靚cafe，估唔到畀我揾到好有日式風格日本餐廳，一入去就好似置身係日本居酒屋，weekend都有提供dinner set，款式都好多，重點推薦必試鯛魚湯，超鮮甜，推薦推薦！🍚樱花蝦鰻魚炒飯 $238櫻花蝦香脆鮮味十足，鰻魚燒得香軟多汁，蒲燒醬甜中帶鹹，味道濃郁。炒飯粒粒分明，鑊氣十足，吸收晒櫻花蝦同鰻魚嘅精華，每一啖都充滿層次感！🍚🦐✨🫕鍋燒烏冬 $168鍋燒烏冬份量十足！湯底清甜，烏冬滑溜有咬口，天婦羅蝦炸得香脆，雞件嫩滑多汁，整體配搭豐富，熱辣辣食落暖胃又滿足。🍤🍗🥚🔥咁🫕鯛魚魚湯湯底清澈鮮甜，魚味濃郁得嚟唔會過重，飲落暖胃又滋潤，鍾意魚湯嘅朋友絕對要試吓！🐟🍲✨🧆紫芋甘粟餅外皮煎得微微金黃，咬落去外脆內軟，紫芋香甜綿密，口感豐富又有層次。甜度適中，食落唔會太膩！🍠🌽✨🍖雞皮餃子雞皮炸得香脆，代替傳統餃子皮，口感更加豐富。內餡多汁鮮美，咬落去爆汁又香口。🍗🥟🔥…查看更多

麻雀腳住在西營盤，每次打牌前都會喺附近搵食，今次就食日本菜，今次試咗$638嘅二人餐，套餐嘅食物選擇咗：麵豉湯鱈魚乾香蔥吞拿魚蓉牛油果他他爐端燒A5和牛牛扒牛油蒜蓉燒鮑魚日本飯&昆布湯烏冬甜品-蕨餅麵豉湯 - 非常之足料，滿滿嘅配料連同熱焫焫嘅湯，飲完全身暖哂。鱈魚乾 - 香脆可口，將香蔥吞拿魚蓉牛油果他他夾埋另一番風味。香蔥吞拿魚蓉牛油果他他 - 配上紫菜包住嚟食，幾好味，然後再配上鱈魚乾、沙律醬、紫菜包埋一齊最好味。爐端燒A5和牛牛扒 - 入口牛味濃，肉汁豐富。牛油蒜蓉燒鮑魚 - 表面金黃色，唔覺有蒜蓉，但一入口超香蒜味&牛油味。白飯就係珍珠米、而烏冬就係稻庭烏冬啦，入口好滑！另外店舖做緊優惠，每百元消費可以有$1隻雞翼，由細都飽飽地，所以只係點咗兩隻嚟試味，雞唔係普通燒，而係一夜干，皮脆肉多汁，嚟到一定要試！…查看更多

來了西營盤探朋友，順道在Kome Kushi 吃晚餐。我們大約六點到，店員親切地招呼入座。看看餐牌，原來這裡的晚市套餐性價比超高，除了有小食、主餐外，還跟啤酒或魚湯。另外，如光顧$100以上，亦可加$1 便有燒一夜干雞翼一隻，及以$108選兩款壽司 (每款三件)。我們叫了一個晚市套餐～十盛薄切魚生飯，小食叫燒雞軟骨串x2，飲品叫了啤酒。另外，由於總數過$100，所以加了$1 叫一隻燒一夜干雞翼，亦叫了$108 嘅帶子、香蔥吞拿魚壽司 (三件)，及加了一串燒燻豚肉年糕卷。～ 十盛薄切魚生飯：食材豐盛，包括有海膽、魚子、帶子、左口魚邊、三文魚、油甘魚、劍魚、甜蝦、拖鞋羅蓉、魷魚，全部都是至愛，新鮮滋味，味道豐富。～ 燒雞軟骨：雞軟骨充滿燒烤痕跡和煙燻味，酥脆可口，值得推介。～ 燒一夜干雞翼：雞翼皮外脆肉質緊致，佐酒一流。～ 壽司：帶子大大件兼肉厚，香蔥吞拿魚幼細香滑，入口軟綿綿，$108各有3件，抵食！～ 燒燻豚肉年糕卷：豚肉燒燻後香脆，年糕煙靭，這個配搭一拍即合，產生多層次口感。此外，這裡還有多款廚師推介，及有串燒、燒物、炸物、刺身、甜品等供應，種類非常多元化，食物品質高，加上坐得舒適，招呼亦好，下次一定再來呢！…查看更多

一間以pet friendly 日式居酒居，都有pet menu 供應，除了食客可好好享受美食，動物都一樣可以。******************************寵物友善日式餐廳，位於西營盤地鐵站附近。餐廳就只有一張可以與寵物用餐的枱，最好提早預約。餐廳地方不算大，但都有一定座位數量。餐牌都以日式居酒屋美食為主，如燒物、炸物、壽司、魚生、主食、甜品和飲品，食物選擇都不少。角切魚生丼 HKD158，角切魚生都大大粒，份量都不少，還有甜蝦一隻，賣相非常吸引。角切魚生都新鮮，沒想到飯量都不少，確實讓人吃得滿足。極上鴛鴦鰻魚飯 HKD178，在蒲燒鰻魚加上燒白鰻魚，白鰻魚肉厚，燒得又脆又香，肉質又彈牙。蒲燒鰻魚肉滑，醬汁又美味，同樣讓人吃得滿足。原味蕨餅 HKD38，飯後甜品，口感煙韌，不錯。…查看更多