Kome Kushi

西环有间小巧日式餐厅，门外有大大个餐牌同宣传板，夜晚灯光柔和，入面走家庭风，开放式厨房令人感觉亲切，好有家庭餐厅feel！环境温馨舒服，装修简约，令人一入去就好放松，墙上摆满日本清酒，餐牌选择多元化，由烧物、炸物到寿司卷都有，价钱亲民，啱晒同朋友或家人聚餐。今次试咗蒲烧鳗鱼饭（$148）烧鳗鱼饭鳗鱼厚身油润，酱汁香甜之余咸甜balance适中，上面加咗大量葱丝同红椒丝，色香味俱全！😋热辣辣既白饭饭粒分明，每啖都好滋味，好满足！牛肉寿喜烧配稻庭乌冬（$218）都好出色牛肉嫩滑，汤底香甜，乌冬烟韧，汤底咸香带甜，乌冬吸晒寿喜烧精华，配埋豆腐、蔬菜、菇类，蛋黄，卖相吸引，汤底色泽浓郁滋味！食完成个人都暖晒，食到最后都唔觉腻。另外见到Happy Hour优惠，黄昏时段有串烧配啤酒或清酒combo，仲有日本白桃乌龙茶，午市$18，晚市$28，感觉好适合放工chill一chill！🍢价钱合理，份量足，服务亲切，无论同家人定朋友嚟都好舒服，真系有返日本家庭餐厅食饭嘅感觉。😋…查看更多

难得黎到西营盘好似附近都无咩特别野食见到呢间餐厅好评都几多 啲相望落都唔错就去试下个晚大约7点到餐厅完全无客但仲叫我地坐啲逼迫亟亟既二人位.我叫左个300蚊既寿喜烧成锅上到黎得一渣梅梅烂烂既娃娃菜两旧豆腐同几旧仔冬菇冬菇唔系比原块都真系唔系太对得住间餐厅既格局啦🙃佢呢兜野 我自己野个寿喜烧汁 再加蔬菜 肯定靓过佢兜野.个牛小排同个汤系唔错既但都系唔值呢个价.另外佢仲有加一服务费我想讲佢唯一既侍应行行企企又唔识拎碗拎匙羹比人成程系咪都要逼我用唯一提供既筷子🙄.总之就无下次同吉野家比野食又唔系好食好多但起码吉野家食完会饱肚先但呢间野既价钱系吉野家既5倍.最后净系得张核核突突既相因为完全无意欲影佢啲野食…查看更多

同朋友过到嚟西营盘揾地方食晚餐，第一街《Kome Kushi 》居酒屋是个好选择。唐扬小池鱼~热辣辣即点即炸，香脆可口，成条都食得，营养丰富。明太子芝士玉子烧~好大件玉子烧，蛋味香浓，包住明太子及芝士，完全提升玉子嘅味道层次，正！角切鱼生丼~材料有多款粒粒鱼生，米饭软硬度好适中。寿司(六件)~任选两款，每款三件寿司，可拣带子、三文鱼、左口鱼边、油甘鱼、剑鱼、鱿鱼、飞鱼子、香葱吞拿鱼，我哋拣咗带子及左口鱼边，带子好大只，左口鱼边鱼脂丰富。烧一夜干鸡翼，每满$100可以加$1有一只，我哋叫咗四只，鸡翼烧得皮脆肉嫩，十分香口。…查看更多

以环境嚟讲，餐厅嘅门面设计同传统嘅日式居酒屋一模一样天气好嘅话影相真系好有气氛坐近门口嘅话会望到出面嘅商店街，加埋餐厅嘅装修设计，好有去咗日本商店街食饭嘅感觉，影相打卡一流牛肉寿喜烧锅配饭牛肉厚薄适中，好入味，汤底浓郁但又唔会太甜，配菜好丰富，完美哋吸收晒汤底嘅精华，好好味再点埋跟配嘅生蛋，真系滑到差啲一啖就吞咗落肚角切鱼生饭鱼生好新鲜，种类亦都好丰富，Wasabi唔攻鼻，成功将鱼生嘅鲜味提升到另一层次而且餐厅仲有用玫瑰花嚟装饰，好靓呢度嘅寿嘉烧锅同角切鱼生饭都好足料，食完好满足…查看更多

日式美食之旅：寿喜烧、天妇罗同切刺身饭嘅完美体验我同个同事喺附近拣咗呢一间日本餐厅食个简单嘅晚餐，我见餐厅位置唔算多，但系呢都好宽敞，餐厅嘅餐牌选择都不少老少咸宜，因为当日呢唔算好肚饿我哋系聚一聚，所以呢就净系点咗三个主菜。首先介绍寿喜烧锅物带出传统日式温暖感觉。锅内嘅薄切牛肉新鲜嫩滑，配上新鲜蔬菜同日式嘅汤底，味道层次丰富又唔失清新。特别值得一提系，呢道菜仲可以拣配饭或者乌冬，畀食客多咗选择灵活性。配饭可以吸收汤底嘅精华，食落更饱肚；乌冬则带出弹牙口感，两者都系唔错嘅搭配。整体质素出色。其次，野菜天妇罗表现更令人惊喜。天妇罗外层炸得松脆金黄，内里嘅食材阵容十足，包罗秋葵、青椒、茄子、冬菇等等，丰富程度10分高。蔬菜都保留咗天然嘅鲜甜同鲜脆口感，油腻感控制得宜，配上简单嘅沾酱，食落清爽又满足，绝对系一味令人回味嘅菜式。最后，角切刺身饭系三者嘅焦点。刺身用料新鲜到不得了，内里有甜虾、油甘鱼、三文鱼子、三文鱼、蟹柳、甜蛋同带子等多款顶级海鲜，色彩缤纷同花卉点缀，打卡感满分，视觉上已经赢晒。口感上，鱼生滑新鲜，配搭饭粒同微甜酱汁，味道平衡得恰到好处。呢道菜唔单止质素高，仲有高级餐厅嘅格调，绝对值得一试同分享。总括嚟讲，角切刺身饭以其丰富嘅海鲜选择同出色嘅呈现方式最值得推荐，特别系想揾打卡美食嘅朋友。寿喜烧锅物嘅灵活性同天妇罗嘅丰富食材亦各有特色，适合唔同口味嘅食客，体验一顿难忘嘅日式晚餐！…查看更多