KISDI Art Catering

营业中

休息中

雖然位置隱蔽 但睇到餐牌同招牌名好特別 Feel到好用心經營既小店店員有善餐廳唔大但坐得算闊落揀左豬手$68同精選雜錦$68配飯同麵豬手冇骨淡淡肉唔乾🥹飲凍黑啡$15 凍0茶$2會繼續多d幫襯咁高質小店冇需要賣廣告

之前屋企人母親節叫咗80 catering到會，中晒伏出晒事，難食+比錯嘢食撈亂單+唔肯退差額錢，仲要俾個老闆cut線同埋話我屋企人黐線😡貼錢買難受，最後屋企人都有放上OpenRice訴苦😢點知今次到我揸旗到我幫手安排食物，竟然再遇到佢！！點都估唔到，佢竟然有分身，一間喺葵芳，一間喺紅磡！之前屋企人上網訂葵芳個間，今次到我諗住喺我返工附近見到應該有地舖差極有個譜，諗都諗唔到竟然我會中計俾錢再幫襯佢地！今次佢哋好好啦，終於冇比錯單冇比錯食物，亦都冇遲到，但啲食物依然簡直劣食到不得了！睇返之前嗰個OpenRice評語都有人講佢哋啲嘢真係好難食，我想講佢哋啲嘢真係真係好難食，真係完全係唔識煮，我極度懷疑過老闆唔係做開飲食😟點解我會知道佢哋係同一間？因為當你同一時間兩間都食過，佢哋一樣都係咁難食嘅味道，食物個樣賣相都係一樣，餐牌一樣，網站圖片都係一樣，你就會知道佢哋就係同一間老闆😒係我蠢，自己一時冇睇清楚😭搞到屋企人要賴多一次嘢😭所以我喺呢度提大家一次，呢間嘢係80 catering嘅分身，因為80 catering已經好多劣評（因為個老細不停鬧客），所以應該要開分身嚟再搵大家錢😒睇返啲Ope

第2次去，想試香草牛肋條但售罄，食返豬頸肉，今次令我驚喜既係杯泰式奶茶，微甜又有泰式調味；我連叫兩杯，每杯+$10，因為食緊泰式辣麵，要中和下個口，佢間鋪背景音樂係jazz cafe playlist，無d煩人既香港流行曲，非常chill 😋

佢個餐牌就係我唯一cap咗佢嘅相。 而之前留言，嗰位話食物同餐牌不符嘅朋友係非常之中肯我叫咗豬頸肉面，諗住餐牌上個樣應該唔會爭好遠。 跟住嚟到嘅豬頸肉係一陣油味同佢個樣係同餐牌上係兩回事（佢係炸，不是烤）。我開翻佢個網上餐牌嚟睇先發現原來佢係cap人地panasonic 個圖（伏）。  跟住我都即刻掂都冇掂碟野，同老闆娘講，佢都話可以換另外一樣嘢。 但係個老闆再過嚟話係好食嘅，但係我話我接受唔到咁油亦都同佢網上餐牌個圖不符，我已經趕時間， 所以我就話有邊啲快嘅就俾我。 佢就俾咗一碟所謂嘅素菜， 其實都係好難食，我都冇再出聲，點知個老闆衝過嚟話唔收我錢，因為我話上網會威脅到佢，我根本連諗住放上網嘅心都冇（我相都冇影，有就放埋上嚟啦），淨系話佢個餸樣同網上餐牌唔同，點知佢會自己理虧都係咁鬧我話我威脅佢唔收我錢，我掉低$70走人（ 素菜面衹係$58，但已唔想留係度受氣）跟住我去open rice睇返佢間鋪先發現我唔係第一個受害者，我極少會open rice留言, 但俾呢間店咁嘅對待，我真係唔想有下一個受害者

好少食到咁厚既豬頸肉！通常出面都只比薄切你，仲要唔止依個價；係依度就只需$76 一個set ， 包熱飲， 麵有埋 菇，大舊茄子，唐心蛋，邊到搵？老闆服務亦好有禮，唔錯唔錯👍🏻

我與朋友共聚要求炮製一杯熱迷迭香檸檬水加薑店長做到給我們，很意外薑、迷迭香與檸檬三個元素混合在一起 三個不同層次，個別發揮獨特口味，合起來又有另一種口味，下次應可試後者了，例如玉桂奶咖啡另外，我自己點了泰式酸辣湯底配溏心蛋配麵加配菜 主要是啖湯，味道與泰國接近，調較得岩香港人口味，夠酸而只是小辣，口味合我心意仲有秘製炸雞中翼及一份超人氣豬頸肉接近燙口的雞翼外皮，內肉質溫暖可口，調味剛好、不鹹、爽脆，好想再食多一件，結果加點一份。豬頸肉也是剛離鍋的溫度，厚切程度前所未見，肉質爽滑，調味到家，清純甜美

工作關係經常遊走港九各區，行到邊食到邊，但每次開飯只會選擇茶記或小店今日行到紅磡啟岸，見到新開小店，舖頭細細裝修幾新，乾淨，坐位尚算舒服，坐低店員推介黑椒豬手麵，豬手唔會乾柴有肉汁，黑椒味香濃，配上自家醬汁甜甜辣辣幾開胃，碗麵正常水準，都幾Q彈，最後配杯凍檸茶，加咗一束泰式香葉，成杯檸茶多咗一種風味幾得意，價錢尚算合理，下次有機會經過再試其他嘢

呢間新開既泰式野 間鋪細細地 但係食物種類都幾多下 佢地既招牌泰式豬頸肉更係冇得彈今日我同屋企人一齊去用餐 叫左個6人套餐可以簡4個主菜 一開始以為好細盤 點知一上菜多到我地食唔曬去骨海南雞⭐️⭐️⭐️⭐️泰式豬頸肉⭐️⭐️⭐️⭐️⭐️泰式牛肋條⭐️⭐️⭐️⭐️泰式黑招豬手⭐️⭐️⭐️⭐️以上4個主菜係我個人非常喜歡的其次呢邊既泰式奶茶都係非常正宗 同泰國當地既味道差唔多 如果唔飲甜野既話呢到仲有即磨咖啡 咖啡非常簡香滑好飲 同係出面咖啡廳飲到既差唔多 師父仲識拉花 總知呢間野我一定會再黎 想黎試既朋友以上4個主菜細老我大推

牛肋條和豬頸肉飯真是令人驚艷！肉質鮮嫩多汁，味道濃郁，性價比非常高。餐廳環境乾淨整潔，讓人感到舒適。廚師用心製作每一道菜，讓人感受到他們對食物的熱愛和專業。每次用餐都能感受到他們的用心和細節，讓人非常滿意。👍🏻這家餐廳的服務也非常周到，員工友善且樂於助人，讓人感到賓至如歸。無論是與朋友聚餐還是家庭聚會，這裡都是一個理想的選擇。餐廳的氛圍輕鬆愉快，讓人可以放鬆心情，享受美食。總的來說，這家餐廳不僅提供美味的食物，還有優質的服務和舒適的環境，是一個值得推薦的好地方。每次來這裡用餐都能帶來愉快的體驗，讓人期待下一次的光臨。😊

臨時臨急要book 20幾人份量嘅到會都真係壓力山大，問咗幾間因為地點kick大西北，送唔到指定時間。終於搵到呢間，我都幾急訂佢話可以盡量安排，食物準時送到有保溫袋可以加，嚟到啲嘢都係仲熱嘅，特別係啲炸物唔會淋左，份量全部都好足，海南雞個樣比較淡味，但係食落都入味嘅，最多人話個意粉好食勁足料啲汁又夠濃，最尾係食唔晒要分比屋企人拎走，用埋屋企人係食素嘅所以特登加咗幾款素菜，佢地都食得好開心，下次試埋堂食先👍

係門口見到餐牌望落幾吸引入咗去兩個人叫咗牛肋條，海南雞，豬頸肉（無影到），一個飯一個麵total$201😡果三碟餸同餐牌幅圖完全唔一樣，伏到一個點餐牌係幾吸引嘅, 實物唔係果回事囉果三碟餸嘅汁係一樣嘅, 都係類似照燒汁, 隔離又放咗啲麻辣鮮露, 完全唔夾, 三樣嘢一樣味🤮牛肋條只係一舊又唔熱又鞋嘅牛肉(仲要比我哋見到其實係放入微波爐返叮🤮海南雞又鞋又細舊, 完全無海南雞應有嘅味😕豬頸肉都同圖不符, 唔係原塊切, 係好多一舊舊細嘅拎去炸, 味道算比另外兩樣正常主食叫咗一個飯一個麵飯同溏心蛋都正常, 麵等咗足足半個鐘, 食晒其他嘢個麵先到😅開呢間餐廳嘅人明顯唔識煮嘢食同對味道係冇要求, 唔係將啲嘢整熟再全部加啲一樣味嘅汁就得㗎奉勸見到嘅你千祈唔好比餐牌啲圖咁靚呃咗呢間絕對係食過最難食嘅餐廳