KiKi麵店 (國際金融中心商場)

看過餐牌，確定有素食套餐才入坐。選了菇菌湯拉麵，估唔到個湯底做得好清澈，同時又非常鮮味！有蟲草花、姬松茸、冬菇、大竹生、紅蘿蔔、粟米，麵底份量也相當多，細食女生可能會吃剩。小食也有素食選擇，點了醋香雲耳，份量也不少，雲耳細細隻，味道夠酸同好開胃，不用加錢配餐飲白桃烏龍茶，茶包茶，但都好香。店員服務亦佳，上菜速度快，主動拿來籃子給客人放置行裝。吃完無口乾、口渴，應該無乜味精！下次可以試另一款素麵，菇菌黑松露拌麵。簡簡單單，已經夠滿足。…查看更多

KiKi Noodle 係我心目中「靚又有料」嘅台式麵店代表。今次試咗麻油雞麵＋小食鹽酥雞＋冬瓜檸檬茶。麻油雞湯底香氣撲鼻，唔會過油，喝落有中藥甘味，暖胃又滋潤；雞肉大塊，肉嫩唔柴；麵條係KiKi牌子，彈牙煙韌又唔會糊，完美吸晒湯汁。鹽酥雞皮脆肉嫩，冇雪味，蒜香濃郁，一食停唔到口。飲品方面，冬瓜茶有天然甜味，唔似坊間死甜，配檸檬仲有微酸提味，飲完好清爽。地方裝修走簡約木系風，好啱打卡，燈光柔和，影人又影食物都靚。人均約$120，性價比唔錯，無論味覺定視覺都兼顧到！…查看更多

冇諗過喺中環地段嘅餐廳，收呢個價錢，衛生情況竟然咁差，碗麵入邊竟然有飛蟲，咁廚房究竟有幾污糟，同侍應反映完，道歉都冇就咁收走咗就算，係咪至少應該講一聲對唔住呢？下次唔會再幫襯…查看更多

大家去台灣會唔會會都買Kiki 麵嫁？我想講，我自己會😂😂香港有堂食啦，實在太正喇😍岩哂我呀😎叫左碗睇相都好想食既蟹黃油撈麵上菜喇😍😍😍你哋睇下有蟹膏嫁，碗麵仲要勁大碗，超飽呀大家下次都可以試下呀😋…查看更多

食物質素極為一般。蟹黃油拌麵味道正常，但醬煮大根有啲硬，風沙燒松阪豚肉拌麵味道亦一般。堂食的珍珠奶茶竟然沒有飲管，讓人感到不便。用餐51分鐘後就被要求離開，周圍還有三張空桌，這樣的服務態度非常失望，影響了整體用餐體驗…查看更多

夜晚做完運動經過IFC發現KIKI麵旁邊個茶飲部居然做緊買1送1！！超心動！！原來只限下午3點之後先可以有而個優惠，雖然佢只限menu上7款指定搭配嘅飲品，但其實已經好夠大家選擇。最後我揀左皇牌珍珠奶茶走糖少冰同埋檸檬愛玉冬瓜茶少冰。佢既皇牌珍珠奶茶個茶味係比較重，奶味偏少，都算中規中矩。個人唔太鍾意個珍珠，比較軟同埋食落冇乜咬口。加上冇乜本身珍珠有既甜味，唔知係咪因為我叫左走糖所以佢有幫我洗一洗走d甜味。另外個檸檬愛玉冬瓜茶就比較出色，佢既甜度係固定左既。食到檸檬個種酸酸地既味道同埋冬瓜茶個種甜甜地既感覺，兩樣野加埋一齊都幾夾。而且佢既愛玉既份量都俾得好足，成件事好滿足。如果鍾意飲手搖既你，經過IFC一定要買！！除番去都係十幾蚊一杯，真係超級抵！！！…查看更多

因為Lunch time 落好大雨，所以去咗IFC嗰度食。但係呢間分店lunch嘅時候係冇得預訂，只可以喺Gulu上面攞飛或者去分店度攞實體飛。我喺Gulu上面攞咗飛等大概20分鐘到就有位，我見佢哋嘅服務速度都好快，所以等咗唔係太耐就有位，可以喺IFC度行一行。佢哋嘅lunch set係可以揀前菜同埋一杯餐飲。餐飲免費的話就有烏龍茶或冬瓜茶。建議如果唔係太鍾意甜嘅朋友的話如果想揀冬瓜茶就揀凍嘅，因為佢嘅甜度係冇得選擇，咁等啲冰融嘅時候就冇咁甜😊。古法藥膳排骨湯麵 $158 3.5/5⭐️佢個湯底真係好重藥膳味道，嚟到嘅時候見到好濃郁嘅啡色同埋聞落好香嘅藥材味。我個人就覺得比較濃咗少少，但係我朋友話都幾好味。啲排骨都算腍，咬幾下啲肉就嚟骨，唔會話太晏。KiKi大雞扒拌麵 $158 4/5⭐️👍🏻呢個係佢哋招牌菜之一，果然冇失手。個雞扒炸得好香脆，而且肉質唔會太乾，食落都唔係太熱氣。佢嗰炸漿亦調味得不錯，有少少椒鹽嘅味道，好似喺台灣夜市食到嘅雞扒。以lunch嚟講佢哋份量都算大，一個女仔要食晒的話都幾飽因為麵嘅份量都算多。…查看更多

打風個日，去買左杯百香果茶黎飲🤣係一個打風嘅日子，飲一杯凍冰冰嘅飲品，原來係咁爽😍我係一位百香果愛好者，通常都會叫百香果水果茶😋，呢一杯飲落去味道唔錯，而且唔會太甜。同埋店員都勁好人，因為喺手機用券方面，用左啲時間，但係店員都冇任何怨言，反而好耐心等我整好，同埋一步步咁教我去撳，值得讚賞🥳👍🏻👍🏻👍🏻不過最令我打開眼界嘅地方係，環境整潔唔錯，一啲污糟都睇唔到，俾人感覺好衛生同想再買黎飲😁…查看更多

［原湯紅燒牛肉麵］ 少少辣但好惹味，牛肉好淋 一咬就吞得禁！ 個湯好味到食完會想繼續飲！ 😌🤤😆［白桃烏龍茶］而家天氣禁熱就最啱飲番禁涼浸浸既白桃烏龍茶解渴🫶🏻🫶🏻［初夏套餐-風沙燒松阪豚肉拌麵］套餐超～ 抵食！！ 😆百幾蚊就有前菜主食加飲品，係中環既晚飯黎講真係好難得地平！上菜又快😊 非常推薦😼…查看更多

上星期六小女子約咗親戚去中環行街，順便食埋晚餐，所以就揀咗呢間KiKi麵店全日套餐 $148前菜煙燻無骨鳳爪鳳爪都幾爽口， 鹹鹹哋得黎又有少少辣，上面有白芝麻，食落更香口，下面又有青瓜絲襯托，估唔到呢個配搭都幾有驚喜🤤主食鮑魚花膠濃湯雞灌麵(要加$10)碗麵有兩隻鮑魚，兩塊花膠，鮑魚俾比我想像中大隻，花膠雖然唔算大塊，不過幾腍，而個湯底都幾濃郁，同個麵幾夾，小女子都忍唔住飲多幾啖湯🤭飲品白桃烏龍(熱)可能揀咗熱飲嘅關係，感覺比較甜，茶味唔太突出🙊整體嚟講，呢間餐廳價錢唔算平，但係食物質素都幾好，仲可以叫埋台式飲品添😆…查看更多

今日黑糖珍珠冬瓜鮮奶茶做特價，買一送一，咁我就諗住試吓啦，點知大伏！其實黑糖珍珠係ok既，食落去係腍嘅。但係杯嘢飲完全飲唔到鮮奶嘅味，用咗好多水開稀嘅奶水咁樣，只係得冬瓜茶嘅甜味，非常之奇怪！本身個人已經唔係好揀擇，未試過飲一間嘅珍珠奶茶係飲唔晒，但係我飲咗幾啖之後，已經唔係好想再飲落去，最後其實只係飲咗幾啖，就掉咗啦。我非常之唔推薦呢一間茶飲，又貴又唔好味。…查看更多

之前成日行過街都見到呢間餐廳，終於有機會試中環店。Weekend 中午12點去食，意外地好多人，起碼8成入座。全日套餐 $148前菜 涼拌皮蛋豆腐豆腐上有好多肉鬆，肉鬆食落好香，醬汁都好濃味。豆腐本身有好濃郁的豆味，反而皮蛋完全無味，皮蛋令我有d失望😐主食 蟹黃油拌麵 +$10一上枱都feel到個麵好硬，成個麵餅咁，加咗蟹油撈勻就好好多，散開成柔軟的麵條，食落都幾彈牙。蟹黃顏色好靚，見到有好多蟹肉同蟹膏，味道都幾濃，配麵條好好食，加少少醋味道更突出😍餐飲 熱白桃烏龍茶(無糖)有飲到好淡的桃味，唔算突出，不過烏龍茶底唔錯，唔會澀口。田園時蔬 +$18小棠菜上淋的醬汁好惹味，有少少好淡的辣味，好好食，但加咗$18我覺得份量可以再多少少囉😅KiKi麵店 (國際金融中心商場) (中環)中環金融街8號國際金融中心商場2樓2017號舖*上述文章只供參考及以當時價格為準…查看更多

去台灣都會買Kiki麵帶返香港🤭，但如果係香港門市食都係第一次🤣，咁啱去完AIA嘉年華，就一於去試下😁，餐廳位置唔多，今次被安排坐Bar枱位，就有啲迫🥸❣️KiKi全日套餐 $148📍原湯紅燒牛肉麵 （微辣）湯底尚算濃厚，紅燒牛肉夠腍夠入味😎，但略嫌麵底過腍🤨，破壞咗KiKi麵嘅口感🤷🏻‍♀️📍煙燻無骨鳳爪無骨鳳爪啖啖肉，但煙熏味欠缺🤔只有普通鹹鹹地嘅味道🥸📍凍Kiki烤茶加芝士海鹽奶蓋 +$6茶底好濃，但略嫌芝士海鹽奶蓋唔夠濃厚，有啲唔滿足😆❣️KiKi全日套餐 $148📍香蔥鵝油雞拌麵香蔥配雞呢個組合冇得輸👍🏻，雞肉好嫩滑，但鵝油味唔突出，麵底都係有啲腍，但好過湯煮嘅🤷🏻‍♀️📍涼拌皮蛋豆腐冇咩特別，一般味道🤔📍凍Kiki烤茶加芝士海鹽奶蓋 +$6茶底好濃，但略嫌芝士海鹽奶蓋唔夠濃厚，有啲唔滿足😆🏦是次消費總額 $308（人均消費 $154）👅好味度：7.5（10分滿分）餐廳主打KiKi麵，但反而配料有驚喜😆，KiKi麵都唔夠自己煮得好食🤭，破壞咗佢個招牌🤓…查看更多

今天天氣有點潮濕，因此我決定去附近的中環金融中心的「KiKi麵」品嚐一碗美味的麵食，並且享受一些飲品和甜點。正好在中午12點用餐，排隊的人還不多，所以我迅速入座，用手機點了餐。我選擇了午餐1）「鮑魚花膠濃湯雞灌麵」，飲品2）「凍紫薯雪絨芋圓白桃烏龍」，以及甜點3）「楊枝甘露冰粉」。整體而言，令我驚喜的是鮑魚的份量比我之前外賣的時候大了一個size。小棠菜呈翠綠色，湯底稍微有點鹹，但還是可以接受的程度！碗麵的份量尚算大碗，賣相okay 啦！而凍紫薯雪絨芋圓白桃烏龍的口感，淡淡的白桃和烏龍茶的香氣結合，相當有趣。至於楊枝甘露冰粉，爆珠的口感很好，甜度不算太高，讓人感覺清新怡人。唯一的缺點是服務員常常催促我付款，所以我只能在餐廳內用餐45分鐘。以下是我點的菜單和評價：- 鮑魚花膠濃湯雞灌麵 $138 ⭐️⭐️⭐️⭐️鮑魚比外賣大一個size，碗麵🍜份量十足，略嫌花膠細，湯底有些少鹹🐥但我見兩個女仔🧍‍♀️都點這個饕，算受歡迎👏🏻- 凍紫薯雪絨芋圓白桃烏龍 $38 ⭐️⭐️味道夾，芋泥同烏龍香- 楊枝甘露冰粉 $48 ⭐️⭐️⭐️芒果爆珠有趣餐廳資訊：KiKi麵地址：中環港景街1號國際金融中心商場2樓2017號舖…查看更多

Kiki麵相信大家未吃過都應該有聽過？來自台灣的過江龍店，在超級市場也能買到他們的麵。實體店的話在中環IFC便有囉 (`・ω・´)用QR Code下單。有提供 HKD 148 的全日套餐，包括了前菜 + 主食 + 指定飲品。特飲的話要另外加錢。點了兩個套餐，前菜選了 - 涼拌皮蛋豆腐 & 涼拌川耳。皮蛋沒奇怪的味道幾好吃，但份量有點少。川耳則夠清脆。🍜野菌竹笙湯麵 - 湯夠清但又不會太淡味。想吃素的朋友可選這個。菌類和竹笙都滲了湯的味道，偏清甜。唯獨粟米應該是用來煲湯了吧？完全沒味道。麵條吃落帶煙韌感，浸了湯一段時間也沒有變腍。🍜原湯紅燒牛肉麵 (微辣) - 湯底夠濃味。不過不算有什麼套大驚喜。牛肉非常軟腍，而且都幾大舊。冬瓜茶不用另外加錢，但都幾甜。🧋皇牌珍珠奶茶 (+HKD 18) 微甜的甜度剛剛好。有點後悔點了熱的，真的超燙口且珍珠會軟身了點。但奶茶是夠香滑。有外賣位置可以買飲品，可以試試。…查看更多