K11 Bora Seafood

為慶祝好姊妹生日，今次去試新嘢！呢🌲無論地點、環境及食物都不錯！而且價錢亦很合理！當晚我最🀄️意就是海鮮拼盤，因為海鮮種類款色多，啱晒多心又為食的我！另外，焗🐷手令我食到5⃣️停🉐️口，真是1⃣️試難忘⋯⋯…查看更多

同另一半行開尖沙嘴，突然間想食生蠔，上open rice搵下附近邊到有生蠔食，見到呢間Bora seafood 就試下啦，地址寫系K11 3樓，搵左一陣，原來位置都幾隱匿，係百樂潮州隔離，入到去發現原來佔地都幾大，分三個區域，「露天區」「酒吧區」「餐廳區」，問問職員，原來「酒吧區」開到零晨2點，「酒吧區」同「露天區」環境幾好，Bar枱好靚，啲Bartender 個個都幾靚仔下次夜晚都可以同朋友黎吹下水飲下野。入到「餐廳區」，見到有live band設施，一問之下原來每日都有歌手自彈自唱或者琴師伴奏嫁，想唱live band 既各位可以黎食飯之餘一展歌喉啦，重點係唱live band 吾洗錢嫁我同另一半被安排坐卡位，卡位好闊落好舒服，就算坐4個人都仲有好多位，首先黎左生蠔，因為另一半吾食生蠔既，所以只系叫左6隻tia-maraa oyster ，廚房系開放式，所以見到廚師們一接到order 就即時開蠔啦，生蠔好鮮甜好新鮮岩哂我呢啲「蠔精」，再黎系酥皮龍蝦湯，龍蝦湯好濃味，飲得出真系用左好多龍蝦去煲，而吾系好似出面有啲餐廳甘用罐裝。再黎燒春雞，春雞肉好嫩滑，吾會煮到好鞋，抵讚最後黑毛豬肋排，最欣賞系個焗薯，配埋豬肋排個汁一齊食就最正，豬肋排好惗身，吾會好韌，整體黎講都真系幾好，個個職員都有問必答，仲好熱情帶住我地周圍行參觀添…查看更多

食物推介:1. 雞卷2. 鰻魚抄飯晚餐, 對於一對老夫老妻來講, 我覺得 需要的 係一種感覺同氣氛。一種好既感覺並唔係簡單就可以做得到。而依間餐廳 我地兩公婆係喜歡的 環境絕對唔洗講 一定比高分 今次 我帶老婆黎慶祝食飯 哈哈 終於無失禮了, 我介紹既兩款食物, 我地都非常喜歡。因為今次食量有限, 黎緊 一定要嘗試埋其他 特色菜, 一定會有驚喜。…查看更多

昨晚在k11內314的bora30幾人訂了VIP房半自助餐15款美食，平均每位。$330超級抵吃，經理説平日免加一，免開瓶費餐廰有心思送了貓山王冰皮月餅和小蛋糕做生日甜品，正中飲飽食醉平靚正。…查看更多

今晚 因為一隻叫eatber既餐廳支付app, 我同屋企人黎左K11食一餐好開心又好好feel既晚飯 : )見到門面已經好高期望, 好靚同好好feel咁♥因為見到用apps比錢既話 呢間係有6折(無限特定時段..)!!而且又係K11咁方便, 所以今晚特登同屋企人出黎試下~~ ;D我地訂左位7:30~ 岩岩入座個陣都未坐滿, 但之後陸陸續續就好多人入黎喇..~Set Dinner基本上係有$288同$328兩個價位..都唔算太平, 所以我地決定叫1個set dinner再散叫其他想食既款式~見到佢9月做緊龍蝦半價, 真係好想食!!! 可惜星期五唔適用T___T 所以決定下次再黎食過!Set dinner兩款沙律二揀一既凱撒沙律, 無諗過份量會係咁大!!而且凱撒醬味道好濃烈~~~ 佢既蒜蓉包粒有超香既蒜蓉牛油味~~ 正呀!Set dinner兩款湯二揀一既黑松露野菌忌廉湯呢個出乎意料地超好飲! haha...因為平時出街食松露款實在中過太多次伏了...多數都係無松露味既xdddd但呢個竟然啖啖都有好香既松露味♥♥♥最鐘意既係佢唔係飲完會好滯個隻質地, 唔會過份creamy~再上枱既係今晚最正正既主菜♥♥♥黎自西班牙既黑毛豬呀♥♥♥真係一試便愛上!!!香煎西班牙黑毛豬扒配黑醋洋蔥Set dinner $288平時對豬肉有少少抗拒... 因為好多時都會食到好大陣臊味..驚左個陣味...../^\但係食左呢個之後完完全全對豬肉改觀了!!!呢個黑毛豬口感嫩滑, 帶有完美既油脂感~ 而且肉質肥瘦相間, 食左入口之後陣滋味仲持續緊~!!!真心大推介真心好好食♥佢配有一d好似意大利青瓜咁既配菜~ 我淨係食左蕃茄XDD因為落左好多黑椒所以好食~散叫菜式方面我地叫左個香濃龍蝦汁帶子意大利飯$168佢個龍蝦汁味道好強...但係...唔係我接受到個種味道...我地都覺得呢個麻麻地, 帶子係煎得幾香但係得一粒T____T好似有d唔抵咁 /___\ (好彩有用到app有六折~ ; P)好彩之後黎既慢煮德國鹹豬手配粗薯條$198又好味返!!呢個豬手焗得超!香!脆!! 而且唔會好似係其他德國餐廳食到既咁咸...呢個個咸香味係剛剛好^___^仲有唔少粗薯條伴碟!!! 薯味突出 我至愛♥Ahahahaa平時我好少飲酒;D 所以今次有酒真係要幫佢影多幾張靚相XDDD係~ 呢度既set dinner配既飲品會係法國紅酒, 法國白酒或者雜果賓治!!XDDD見到佢都會用唔同size & 形狀既酒杯去配返紅白酒~ 令到唔同酒既質感都可以完美呈現返~p.s.其實我完全唔識品酒ga xdddd只係之前有聽過呢d理論xd係我地食到尾聲個陣(大約8:30pm)竟然!! 突然有live band出現!!! 仲要係唱得幾好聽XDDDD最估唔到既係.... 佢第一首唱既歌係----->陪著你走♥完全估唔到會係唱廣東歌丫~~~因為有歌聽既關係.. 我地又坐耐多一首歌xdd之後係 我只在乎你~~~~ 又係一首我勁鐘意既歌..突然愛上左呢度! 仲見到有人點唱丫~~~ 好好feel ah~~!!$720係原價~ 但係我地用左eatber app既eatpoint買左呢度既電子消費券(用$60蚊買$100券~~)變相今餐有6折! $v$ 即係大約比左$432左右~(佢既券最細面額係$100, 所以尾數係可以補cash~)呢個係app既介面~ 仲可以揀其他餐廳...不過見到佢暫時唔係好多間餐廳揀....希望遲d會多d ! $___$!!click完付款再入返自定密碼 員工就會有個QR code比你scan~Scan完就搞掂喇~~總結: 4百幾蚊食左3個main其中一個係set dinner, 仲有埋紅酒飲氣氛又超級正有live band, 員工都主動收碟 加水個d~ (有個比較後生既男waiter特別好禮貌, so nice!!)份量唔細 食物質素大致上幾好, 更重要既佢係K11超方便~~會再黎食~!!餐廳隔離仲有酒吧area~~~…查看更多

話說朋友想幫8／9月既朋友（同我xD）預祝生日，想試新野既我搵左呢間位於K11但似乎幾新淨又有live singer既餐廳，但真心後悔左...餐廳門面比較深入，要轉入彎再向入面行先搵到，餐廳佔地都幾大，就連門面一大片既空地都屬於餐廳範圍，係K11地帶黎講可以話係相當之奢侈既裝修！餐廳分左右2邊，左邊係酒吧，右邊係餐廳，位置都幾多，4個人坐一個bar位都好闊落，係呢間餐廳既優點...柗面既墊枱紙都好大，坐得幾舒服。齊人後睇menu叫野食，但完全揀唔落手... set dinner要400百一人，但又唔係多野食，所以最後我地叫左個沙律／青口／豬肋條／同意粉share住食。﹣煙三文魚沙律（＄68）：我地見到呢個上碟真係大家都嘩左聲... 呢個size連出面跟餐既沙律都無...純粹係個碟大，同用黑色板好似高級D咁。羅馬生菜都唔係棵棵新鮮，有D仲有少少黃（幾肯定唔係燈光問題。。）煙三文魚好‘梅’，D肉質無晒紋理，用差輕輕一拉就爛左，唔知發生咩事...真心shock﹣白酒煙肉忌廉煮法國青口配法包（＄108）：青口細粒，份量少（大部分都係殼），我地每人食左3﹣4粒左右就無晒lu..﹣香煎黑毛豬肋條配粗薯條（＄168）：呢個係全晚最不過不失既course，total 有4﹣5條短短的豬肋條，味道不錯，香嫩多汁同時亦非常入味，但都係果句，份量太少..而且青口同呢份豬肋條係menu上都係“main course"黎，但我真係唔覺得一個人食呢份main course會飽囉.. 7成飽都無。另外仲order左個carbonara，無影相，但記得係幾creamy的但偏濕，配料亦唔多。幸好既係朋友們為我地準備左生日蛋糕，4個人完成左一個8寸大既生果蛋糕，終於先有食飽既感覺...鐵一般的決心話我知唔會再黎。…查看更多

今日網上訂咗2位呢間西餐食午餐環境好舒適地方好大……（原來仲可以包場搞派對），食物質素有水準，好低食添e家網上訂位仲有八折物有所值😍😍😍👍👍會下次再嚟就食埋其他食物正呀…查看更多

男朋友生日, 佢老友選了位於K11既一間西餐廳同佢慶祝.餐廳喺3樓, 不過喺商場既轉角位置, 位置較為隠敝, 唔係專登搵未必會察覺到.餐廳環境寬敞, 分為酒吧區同用餐區; 用餐區裝修雅緻, 天花掛著一串串既魚仔, 好特別; 餐廳內燈光暗暗的, 頗有情調; 另外發現角位SET左LIVEBAND俾註場歌手獻唱, 唱既係80年代既中文歌, 如果想靜靜地談心既情侶, 可能會覺得有少少嘈, 而我地一行3人安排左坐舒適既梳化位.到點野食時間, 佢其實有set dinner,每個set入面包1個沙律1個湯同1個主菜1份甜品1杯飲品, 其實好豐富, 不過我地唔想做’大嘥鬼’, 最後都係決定散叫.燒汁雞肉沙拉, 雞肉唔嚡, 沙拉菜開胃.酥皮黑松露野菌湯, 打開酥皮, 黑松露味道樸鼻而來, 飲下每啖都係打得碎碎既野菌, 好味.慢煮德國鹹豬手配粗薯條, 真係有驚喜, 份量大, 外皮燒得香脆鬆化, 肉質嫩滑, 不覺油膩, 值得推介.白酒煙肉忌廉煮法國藍青口配法包, 法包蘸白酒汁黎食, 好味.香濃龍蝦汁蝦肉意大利飯, 龍蝦汁香濃, 意大利飯煮得軟硬度剛好, 口感煙韌.食完喇, 我一早買黎既生日蛋糕可以出場喇, 餐廳仲幫我放好喺寫左HB既木盤到,此時, LIVEBAND為男朋友唱了生日歌及送上祝福, 氣氛好開心.總括黎講, 有點驚喜, 因為初時以為會係一間好貴既餐廳, 但原來都唔係好貴喎, 環境食物都OK, 大家不妨TRY TRY.…查看更多

上星期與同事來到這餐廳吃午餐，食物(包括沙律, 湯, 主菜) 質素還可以，但用餐時間需1-1.5小時，因為當時餐廳內坐不滿客人，只有15多客人用餐，我們下單後等了大約15多分鐘才開上前菜(沙律)...lunch time只有1小時，所以吃得較急！…查看更多

選擇用膳地點，除了顧及食物質素，大家還有甚麼考慮？位置是否就腳、環境是適合飯局主題、服務是否優質、訂價會否合適等等，相信統統都是大家的考慮因素。筆者多年來都是Sales 佬一名，經常相約客户飯局，局中少不免涉及公事，傾公事當然希望餐廳環境安靜，兼且坐得舒適，可以坐耐啲，傾耐啲。因此吃些甚麼，食物質素如何，便不是最大考慮了，不過有時不介意食物做得如何，在香港這彈丸之地，特別是在銅鑼灣尖沙咀一帶，要找一處安靜餐廳午膳，不是不可能，但收費大都偏高，地點也未必靠近閣下辦公地方。友人相約週六在尖沙咀午膳，她說想去試試一家位於K11 商場的西餐廳，朋友是主，小弟是客，奉陪便是。友人說幾年前在K11 同一樓層開的是一家高級朳房，地方寬敞，食物繞有水準，惟收費不菲，結業已有一段時，舊址新開的便是以下食評介紹的K11 Bora Seafood。在香港，餐廳地方舒適寬敞幾乎跟收費不菲劃上等號，但今天意外地找到了例外。下面的都是餐廳範圍所攝，有室外的、室內的以及旁邊酒吧，筆者從踏進餐廳的一刻開始，便感到在這一頓飯的時間內，會吃得相當舒服。室外環境室內環境酒吧環境從圖中所見，大家可以看到無論室內及外，桌與桌之間有着一定距離的Comfort Zone，食客對話如保持正常聲線，絶對不會干擾鄰桌食客。環境好=收費貴？未必，凡事總有例外，看看下面的午餐Menu ，作價只從幾十至一百多，茶記價錢，Fine Dine 環境。游走大廳拍攝期間，筆者看到了一座琴，一個歌譜架子。莫非這裏有歌手註場獻唱？一問之下，知道晚上八點後，會有歌手獻唱中文歌曲，緊記是中文不是英文，即本地歌手駐場唱中文歌，在現今香港可以用罕有來形容，更更難能可貴的是十點後有約四十五分鐘的客人獻唱時段，可自選歌曲，在琴師伴奏下，放聲高歌，這環節還是完全免費，筆者知道香港只有寥寥可數的酒吧酒廊，可讓客人在琴師伴奏下獻唱，有註場歌手獻唱的餐廳全港好像只有2-3家，而客人可以參與其中的，印象中只認識中環的Spark Bar and Restaurant.，而該餐廳每週就只有僅僅週五晚讓客人上台獻唱，Bora Seafood 可讓客人每晚獻唱，對喜愛唱Live 的朋友而言，可以選擇週一至週日來臨，選擇多了許多。環境好，收費合理，食物質素如何，大家可從以下食物圖片內容，一窺端倪。蟹籽香芒沙律攞盤不俗，以芒果及不同種類沙律菜堆砌而成，最後灑上鹹鮮蟹子，Dressing 則用上了柚子醬，這種東西方食材融和的fusion 沙律，經常出現於亞洲大小西餐廳的菜牌，普通不過，柚子醬除有果酸外，還帶有不俗的甘甜味，佐食蔬菜水果，筆者認為比Balsem Vinegar 更為適合亞洲口味，蟹子賦與了沙律鹹鮮味，沙律帶鹹、甜、醋、甘味，架構完整有緻。黑松露雜菌湯喝過這湯多趟，總是失望的多，很多食肆都把這湯煮得過於濃稠，口感像喝着漿糊水似的，這裏把這湯做得不俗，口感稠而不會漿住舌頭，黑松露味足同時帶有鮮甜雞味，水準頗高。黑松露西班牙黑毛豬頸肉意大利粉黑毛豬的梅頭肉及豬架都是餐廳經常用以用饌的部份，黑毛豬的頸肉屬首嚐，爽脆有肉汁，然而筆者吃不出黑毛豬頸肉在味道上跟普通豬頸肉的區別。黑松露汁跟意粉是絶配，醬汁沒挑剔，但意粉不是Al Denti ，尚幸不太焾身，相信是餐廳刻意做出的效果，很無奈，香港懂得欣賞Al Dente 口感的食客不多，縱使餐廳知道Al Dente 是正宗意大利麵的口感，也為了遷就大衆口味而改之。Mocktail 餐廳推介的新品，並未在酒水牌之列，主要成份為橙、熱情果及菠蘿汁，甚具亞熱帶氣候特色，一杯消暑妙品。甜品芒果慕絲及朱古力慕絲蛋糕，芒果慕絲上置有果味爆珠，除了感受到慕絲的滑溜，還帶有一種具爆炸性的質感，而且帶有兩種不同酸甜度的芒果味。朱古力慕絲蛋糕可可味濃，略帶回甘，海綿蛋糕層不濕，具彈性，整體頗有水準。總結: Bora 有兩大亮點，第一，中午時段十分安靜，食客很有空間感，屬一處在尖沙咀的『靜土』 ; 第二，晚上時段變奏成為一處『樂土』，先有註場歌手獻唱，然後容許顧客參與其中，以餐廳而言，甚為罕有。在食物而言，普遍水準中上，配合環境，價格合理有餘，可惜就平凡了點，筆者認為餐廳雖要在食物設計上多花點功天，製作多些Signature dishes，提高食物的吸引力。…查看更多

琴晚見K11 竟然有 live house , 見 happy friday ,林住 happy 下，點知食到O曬咀同一肚氣⋯點左幾樣野，食物質素一般，但要預有食長途賽心理準備，如果肚餓及林住食完再有其他節目就可以吾洗黎la ~叫左三四様野，每樣等平均40分鐘！最耐要成個幾鐘！點解甘耐？好簡單，等左40分鐘然後話比你知賣哂。。。仲要分兩次話比你知。。最後連個套餐甜品都被轉埋！仲要好鬼鼠冇人話我知甜品窩乎又冇埋致於環境，如果喜愛80後，90年代中文金曲又沈醉以前歌廊 ge 可能中意，而且仲可以自己上台高歌.......報告完畢。。…查看更多

適合節日慶祝，裝修雅緻有情調 ，食物質素好！有生蠔柯打，新鮮好味(由$48/隻起)。晚餐時段有 live band , 還為我們唱生日歌。 喜歡飲酒也附有酒吧區 連大露天平台。…查看更多

Bora Seafood位於尖沙咀K-11商場內最高層位置較為隠敝突登去先會行到嘅一個地方餐廳內燈光暗暗的 頗有情調現在仲駐有live band而餐廳另一半空間專開放俾客人飲酒同玩games食物方面點左以下幾樣:白酒煙肉忌廉煮法國藍青口配法包 $108美國頂級安格斯肉眼牛扒(12oz) $258日式迷你紫皮甜心蕃薯 $45價錢尚算適中青口味道不過不失唔算好鮮味白酒忌廉唔算好濃味肉眼牛扒12oz大大塊肉眼部位會偏肥一D牛味唔算好濃整體不過不失紫心蕃薯簡直係我至愛細細粒好入口甜薯味香而且外皮也甜甜的令人食完一粒再想食第二粒依度慶祝生日可以寫名在甜品碟上而且live band會即場唱生日歌俾生日主角架不過生日個甜品就麻麻地好味環境氣氛： ★★★★☆食物質素： ★★★☆☆服務態度： ★★★★☆…查看更多

我比較奇怪，不特別喜歡喝酒，但就很愛吃用酒烹調的食物。醉雞、醉蝦、火焰豬手、火焰魚、花雕蛋白蒸蟹……每次看到都必點。早前看到「馬家開飯」介紹火焰龍蝦，令本就喜歡吃蝦蟹的我更加躍躍欲試。今日適逢兩位摰友難得到港旅遊，我們三人行，又是周五可以盡興一下，就帶她們來這家Restaurant & Bar慶祝一番。餐廳環境寬敞，分為酒吧區和用餐區，酒吧設有掟飛鏢機給客人一展身手，用餐區則有Live Band演出。想先喝酒熱身再大吃一餐，還是飽餐一頓再喝過痛快，悉隨尊便，在這裡消磨一整晚，不用煩惱轉場。聽說這裡另外還有一個5000呎戶外空中花園，非常適合搞派對甚至如annual dinner等function。來到K11三樓找找，就看到Bora Seafood門口很大，給人很舒心的感覺，我們不忘在此來張合照紀念一下。甫進入門口後就是酒吧區︰向右轉，就是B區用餐區。以海洋為主題，最特色的就是掛在天花一串串的魚形裝飾，隨微風輕輕擺動。環境雖好，當然最重要還是美食! 店員熱情推介下，我們選了︰Signature Cocktail 【Orange】(Rum, Fresh orange, Orange juice, Lime, Passion fruit) $98 - 一坐下來已經感受到餐廳輕鬆的氛圍，所以每人點了個鮮果味重而帶點輕輕酒味的Cocktail。亮眼的橙色伴了幾片鮮橙令人倍感愉悅。橙、青檸和熱情果的甜味和酒味很balance，容易入口，開一下胃熱一下身，相當不錯。頭盤是三款法國生蠔，每款兩隻。每隻生蠔旁都擺著蠔殼蓋，是新鮮即開生蠔。因為一位朋友不吃生蠔，六隻生蠔二人共享~【No 5 Speciales Gillardeau】 $48x2  - 號碼越大代表size越小，No 5是當中最小的，先用來熱身。海水味令人感覺蠔很新鮮，好像剛剛從海中撈上來立即打開吃一樣，然後就是蠔的鮮甜味。雖然是最小的，但我們覺得反而是最鮮甜。價錢便宜，下次可以多叫幾隻。【No 2 Speciales Gillardeau】 $ 85x2 - size大一些，豐厚一些，味道和No 5差不多，但更大隻當然更滿足。【Sp.1865】 $88x2  ，是法國「Spéciales 1865蠔場」出品的頂級生蠔，香港屬少見，當然要嚐一下! 肥美爽嫩，蠔肉極具光澤，味道會在口中停留較長時間，餘韻令人驚喜! BRAVO~【周打生蠔湯】 $68x2 - 周打湯有薯仔粒、洋蔥碎、紅蘿蔔粒等配料，味道比忌廉湯更多變化。周打湯的味道令裡面的生蠔更顯鮮甜，有點可惜是周打湯吸收不到生蠔的鮮味，感覺湯除了生蠔外有點普通。【火焰醉鮮活龍蝦】$398 - 侍應先燃點酒杯裡的酒再慢慢倒在龍蝦上，熊熊的火「燃燒」著紅紅的龍蝦，視覺效果一流，酒香亦開始飄散。經過火焰洗禮後，侍應可以拿回廚房幫客人拆肉完整排好再上枱，但我們想打鐵趁熱，所以自己龍蝦自己拆。龍蝦size很大，「霸佔」了整個盤，火焰連伴碟的薯角、三色椒也烤到所以也變得香口。整隻龍蝦肥美多肉、肉質爽彈、味道鮮甜，拆開後滿是蟹膏。由於蟹肉蟹膏都鮮甜所以和酒味非常匹配。我們都吃得非常滿足，PERFECT!【慢煮德國鹹豬手配粗薯條】$188，份量可以以「巨型」來形容，真的很驚喜，性價比極高，是必點之選。只是$188就那麼大份量，讓我們的胃大失預算外皮燒得很香脆鬆化：因為是慢煮烹調，肉質特別嫩滑，皮跟肉之間更有一層脂肪，口感十足。還配上酸椰菜及醬料。【香濃龍蝦汁蝦肉意大利飯】$98，未上枱已飄來香濃龍蝦汁的香味。當然重點是龍蝦汁意大利飯，但一隻大蝦略嫌少。意大利飯這樣煮軟硬度剛好，口感煙韌。愛好甜品的女生，最好當然是一人一道甜品作結。奈何鹹豬手份量太大，我們只好點兩款甜品一同分享。【Cream Brulee】 $48，焦糖面層薄而脆。燉蛋香滑幼嫩，如果能夠加入雲呢嗱籽，味道會倍升。【Apple crumble】 $48，超級棒，令我特別回味。最驚喜是牛油批底，一般批底是做得很厚重、易膩的，這個卻做得非常薄，而且非常鬆脆，焗至金黃色，叉子一放下去就輕易分開。蘋果切粒，口感更佳，而且調得酸甜適中，整個吃下去竟然有一種輕盈的感覺，不帶一點滯膩!整個晚餐都在很輕鬆的氛圍下進行。Live Band演出的不是英文歌而是每位香港人都琅琅上口的廣東流行歌，還為壽星們唱了生日歌及送上祝福(當晚就有三枱客人都為慶祝生日而來)。一輪演唱及休息過後，就是客人的表演時段，部份客人很踴躍上台表演，氣氛很好~~~餐廳老闆們亦會滿場飛和每位客人social一下，或喝喝酒吹吹水，或介紹一下菜式，非常友善熱情。侍應服務勤快之餘亦笑容親切，年輕有活力，當中還有帥哥呢。整間餐廳都觥籌交錯、熱火朝天，我們就在這裡過了一個Happy又Perfect的Friday night。 (◕‿◕✿)╰╯ ♬ ♩*…查看更多

K11自從改革後，多元化咗, 去逛街購物機會自然多了。又有新力軍餐廳進駐，我最喜歡試新嘢，今晚揀了一間既係酒吧又係餐廳的。酒吧區非常寛敞，可輕鬆自在自由𣈱飲。至於用餐區，五顏綠色嘅燈光，有氣氛。原來八時半還有駐埸歌手，一邊享用晚餐一邊聽歌，一樂也。由於新開，五百多元的晚餐現特價三百多元，抵食。芒果蟹籽沙律酸醋汁酸咪咪好開胃，如果芒果粒粒份量再多少少就更加好....。酥皮龍蝦湯打開酥皮，濃烈的龍蝦鮮味樸鼻而來，滋味！香煎西班牙黑毛豬平時我不太喜歡食豬肉，但今次店員推介的黑毛豬另我改觀了。肉質軟腍，有肉汁有脂香。伴菜配搭得又好。甜品朱古力撻真係要比個likes佢，不會太甜還帶有苦澀味，是我最鐘意的濃味朱古力。撻底酥脆香口。Blue Signature Cocktails既然有歌手唱歌，一於要杯cocktails配合一下環境。顏色好美，湖水藍，好有消暑感覺。混合了Bombay Gin, 菠蘿和藍苺。味道順喉，停留口腔內還有一陣花香。不錯。…查看更多