K Chef Story

美味叠加的buff黑蒜炸鸡 浓郁的蒜香带着甜咸包裹住了酥脆的炸鸡，趁热吃很鲜嫩爆汁，但是多吃几块就会比较腻哦💦牛肉紫菜饭卷 是所见即所得的超长一条，在前台点单后就可以直接拿到了。🌯薄薄一层米饭里包裹了各种丰富小料，重重口感在口中循序渐进，还不错呢整体是中规中矩的味道👅…查看更多

今日行過屯門市廣場途經一間食韓國菜嘅舖頭.初頭以為韓國人開會有啲韓國風味.點知真係遇到食最難食嘅韓國菜.我唔想再食韓國嘢.叫左部隊鍋（部隊鍋食物得兩條粉絲.午餐肉，腸仔，廚餘嘅洋蔥）.仲要另外加錢買一個白飯.海鮮豆腐湯（得豆腐同廚餘嘅配菜一件海鮮都無）.真係攞食淨嘅廚餘出嚟再返做唯一最好食嘅就係紫菜壽司同埋韓式炸雞..冇人執嘢，枱凳都要自己執.仲要+1服務.錢多都唔去試.真係令人好谷氣唔會再有第二次再去。…查看更多

陪爸爸在華都看完醫生，今天選了吃這家韓式小店，在它初開時都有來吃過。 今天吃了牛肉拌飯套餐$98是有點貴的，套餐包括有沙律，湯及3款前菜，雖然有點少貴，但拌飯的飯及料都很足而且味道不錯，爸爸吃很很滿意，要便宜一點可以單點。 還點了微辣豬肉飯卷，仍然美味，它們的飯卷真的料足味美，饀料多過飯，很是滋味滿足。 杯杯炸雞黑蒜味，炸雞外脆內軟，趁熱吃，yummy yunmy。 之前試過吃炸雞，但我和老公喜歡吃它的杯杯炸雞多d。…查看更多

本人對韓國菜一向唔係太喜愛，但係都冇抗拒，今次去呢間小店食完，顛覆我對韓國食品嘅概念，真係可以差到冇得再差，醬油雞飯套餐一上枱見到四件麻雀大小嘅雞件，4粒腐乳尺寸嘅紅蘿蔔，兩件壽司尺寸嘅白蘿蔔，仲有一隻煎蛋，我估係中午買剩（未食過煎蛋係可以咬唔入），另一個係烤豬肉飯，豬肉上枱，好似大粒嘅肉碎咁，完全冇味同醬油雞一樣，好似煲完湯拎返出嚟嘅湯渣咁，咁樣做生意真係好成功，俾啲廚餘出嚟又可以收錢做生意，食定唔食自己決定…查看更多

一直都有食開呢間外賣嘅紫菜包飯係唔錯嘅 咁第一次堂食就叫左個人參雞湯（2-3人份)試下啦😇成149蚊(連服務費)但個質素連50蚊都無🙂個湯一啲人參味都無 味精湯包咁款😀重點隻雞柴過樹皮🥴個價錢同迪士尼個人參雞湯差不多 但人地有飯有年糕有泡菜🙄呢度所謂2-3人份量只係夠一個人食。。。唔敢再叫其他嘢 最後要去其他餐廳再醫肚🙄無諗過一間專做韓國嘢嘅餐廳都可以衰過一個樂園餐🤢真心建議唔好食呢度啲湯飯 伏到震。。。…查看更多

今晚想食韓國炸雞，係屯門市中心行咗個圈決定試呢間。佢好似主力做外賣，但亦有啲open area嘅枱比人堂食，當晚都坐滿人同好多人叫外賣。價錢係商場黎講算平民。先係counter落單同比錢，之後再揾位坐。我地太肚餓，所以好多野都想食，叫咗個泡菜湯、泡菜煎餅、炸雞、紫菜飯卷同甜品。(最後眼闊肚窄所以打包了一啲)烤牛肉紫菜飯卷pack好嘅飯卷放晒係counter隔離，一路落單一路有人外賣買飯卷。料多牛肉都多，飯唔硬，牛肉好有味，我地一坐低已經清咗半條。豬肉Kimchi湯唔食得辣黎講都有啲辣，再加上個湯好滾，而且好足料，有齊泡菜、豬肉、豆腐、金菇等等，飲到最後都仲有好多料淨。我鍾意真係食到大大塊嘅泡菜，出面好多都係碎濕濕，得個味。Kimchi煎餅煎餅就普通一啲，個人麻麻地。首先佢原塊上冇切開，用筷子介開會搞到溶溶爛爛，因為啲泡菜難介開。其次個煎餅質地太淋，夾起都有困難。最後佢竟然冇煎餅嘅沾醬，要問店員先拎到個類似豉油嘅醬(但都唔係點煎餅食嘅醬)。所以呢個餅有啲失望。辣椒蛋黃醬炸雞因為想食到多啲小食，炸雞只係叫咗半份。佢有分有骨/無骨，原來想叫有骨，覺得比較好食，但可惜佢半份一定係無骨。個蛋黃醬甜甜地唔算有辣味，醬嘅質地比較’傑身’，食多幾舊就好膩，當中有有幾舊炸乾咗/只係一塊乾咗嘅皮。成餐最推介嘅係烤牛肉紫菜飯卷，價錢平，件數多，足料，如果住附近都可以去買一條外賣翻屋企食下。…查看更多

本身滿心期待試呢間餐廳，事關有韓國分店，加上都多人話好食！先把心一橫去試。食就食左豬肉拌飯、豬肉蓋飯、卷飯、粉絲、海鮮煎餅。飯類食品就不過不失，唔算好好食，但叫正常野～粉絲就唔好食，又淋又脹，我自己整都好食過佢🥱海鮮煎餅就難食到傻左。又爛晒，又食落勁多粉，仲要少少都唔脆！我食酒樓啲薄餐都好食過佢十倍。睇下相就明！海鮮又無，一大堆韭菜同洋蔥，唔講以為食緊韭菜餅🙄🙄 總之 就難食！仲好意思收80幾蚊🤷🏼‍♀️強烈建議大家要試就試拌飯個啲算，個醬ok就掂～…查看更多

這間炸雞真的非常好吃，基本上所有口味都試過，芝士口味最好味 炸得非常好，熱辣辣，暫時我覺得是屯門區最好吃的一間，紫菜包飯就比較普通一點，但味道還不錯…。值得一試。…查看更多

好耐無入屯門行街，今日同屋企人2個入去下啦，見大部分餐廳都係平時個d，咁岩見到呢間唔係連所店就試下，因為第一次食，睇左餐牌見有2人套餐就ok啦，埋去比錢同收銀先生講想要個2人餐，先生就問坐邊張枱，我地就求其指一指張吉枱，然後先生就話，你是但搵人坐低先，咪一陣比人霸左，好啦，叫屋企人坐低，坐好後，準備落單，收銀先生先同我講，個2人餐係星期一至五先有，今日無，都坐低左，咁唯有食第二d啦其實唔係價錢問題，2人餐$115元（唔包飲品），現在1人餐（單餐$6x)（套餐$8x)，全部價錢唔包飲品，套餐有湯+配菜同沙律，而係如果我一早知無2人餐，我可能會再睇下岩唔岩食先坐低，坐低左唔叫就走會顯得對店家唔禮貌，依家變左好似焗住食咁個套餐都大份既，亦係好食，一定無味精，因為如果有味精，我一定好快要周圍搵野飲，但行左2個鐘都無超級口渴希望下次店家係供應時間上提醒客人呢方面可以改變一下…查看更多

📍K Chef Story (屯門)🤍復活節假好想煲劇食炸雞😆就決定食呢間聞到都流口水首先讚佢野食全部都熱辣辣🥰外賣袋亦好用心金色 成件事唔頹🔸黃金蜜糖炸雞 $188 （全隻/無骨）炸雞份量多！食極都食唔曬咁😂外皮脆，加蜜糖甜甜地0感覺熱氣🤭雞肉咬落仍juicy嫩滑就係我要嘅韓國味道！😂留意返係3-4人嘅份量🔸微辣芝士雞扒焗飯 $65韓式焗飯重點係芝士仲要係巨拉cheese🤭芝士味濃郁 唔怕係無味橡筋🤣讚佢飯同餸有分開😙返到去唔怕索曬啲汁🔸Kimchi煎餅 $64Kimchi控大愛Kimchi煎餅唔怕太鹹 亦唔會太膩外皮煎香 咬落質地軟熟 讚！值得一試！地址：屯門市廣場1期2樓2037-2040號舖…查看更多

《惹味外賣炸雞味道不變》下班工作後有時不想做飯，買外賣是個不錯der選擇😎。這次去到屯市覓食，在3樓有家吃韓式炸雞，堂食或外賣也可以欵。這裡價格不算太貴，食物選擇算是多的🙈。-▪︎BBQ甜辣炸雞 HKD$185/份炸雞可選擇無骨版本，喜歡吃無骨der，可以啖啖肉引吃得方便😎。炸雞外脆內軟，肉質嫰滑帶肉汁。雞皮酥脆不油膩，來杯米酒絕了！這款炸雞色澤較深色，味道濃郁惹味，會有念吃愈辣的感覺。-▪︎芝士波 +HKD$25隨炸雞可用優惠價追加小吃，一份3大粒芝直波，金黃色賣相灑上芝士粉📸。煙韌軟糯的口感，芝士味道濃郁。-▪︎微辣烤豬肉紫菜飯卷 HKD$52飯卷顏色挺吸引😏，用多款蔬菜製成，口感較豐富有嚼感。豬肉味道不會太濃，味道微辣惹味，吃了這個挺飽肚的。-▪︎韓式炒粉絲 HKD$52吃韓國菜不少得粉絲欵，平常也喜歡吃的主吃。這裡的粉絲也用了多款蔬菜，還有牛肉味道挺香的。粉絲口感滑溜，味道香濃惹味。-…查看更多

K Chef Story(屯門)今次嚟到屯門市廣場呢邊搵嘢食, 之前見過朋友買過呢間韓國炸雞校個金閃閃嘅外賣袋幾靚幾吸睛，而且都推介啲炸雞🍗今次即刻去試吓雪霜芝士炸雞($188)粉狀嘅芝士灑上剛出爐嘅炸雞慢慢溶化喺脆皮表皮甜甜地鹹鹹地嘅味道超吸引, 而且炸雞皮唔會太厚而且非常香脆, 同時間肉質依然保持水嫩👍烤牛肉蓋飯($63)牛肉肉質非常鮮嫩，而且少少甜嘅牛肉湯汁超級送飯而且呢個價錢嚟講份量都幾多性價比都幾高微辣雞扒蓋飯($59)炆煮到軟硬嘅白蘿蔔同蘿蔔同非常入味配搭上微辣嘅雞腿肉非常惹味🌟…查看更多

某間連鎖炸雞喺足球比賽賣成五嚿水一餐，搞到大胃都嬲嬲豬唔想食佢。想食炸雞，都係韓式炸雞抵食好多，屯門呢間有得外賣個外賣袋仲要發金，都唔使$500啦，$300有找𠻹呀韓國炸雞抵食得嚟，呢間仲有好多味道選擇黃金蜜糖好難抗拒，外皮又甜又脆，蜜糖好香，裡面嘅雞肉幾嫩，食完一嚿想再食落去嗌韓式炸雞，全份真係好大份，睇嚟要一家人圍嚼先食得晒跟炸雞仲可以加錢要3粒芝士波，唔好睇小只有三粒，都幾大粒:)咬落滿滿甜芝士蓉，好香濃又有咬口，伴炸雞唔錯想食澱粉，仲可以試吓泡菜煎餅，冇西式pizza咁膩，因為泡菜酸酸地幾開胃，質感好綿上面仲有激厚激綿嘅芝士，神級配搭呀…查看更多

之前都食過一次葵芳嘅K Chef Story 啲炸雞份量好多 而且好好食 所以今次見到係屯門市中心開左一間新舖 都即刻買左啲返屋企食😎🍀烤豬肉紫菜飯卷紫菜飯卷嘅份量好多 切完之後每一嚿都好大件 就算兩三個人分享一齊食都好夠☺️ 紫菜飯卷嘅材料好足 每一件都可以見到滿滿嘅材料😆🍀原味雞蛋卷雞蛋卷口感偏厚實 不過每一件都好大舊 蛋味道幾香濃 加埋滿滿嘅醬料 更加好食🤩🍀無骨黃金蜜糖炸雞我買左一份無骨炸雞🍗 每一件嘅大細恰到好處 唔會太大舊 方便三四啖食晒😛 一份嘅份量夠三至四人食 就算開party都好適合😚 蜜糖炸雞味道濃郁 食左幾件都仲好想繼續食 停吾到口🥰…查看更多

🔅辣椒蛋黃醬炸雞有骨全隻🍗 • $185炸雞一共有四款，平時既話二話不說直接簡左BBQ甜辣🤣但係見到辣椒蛋黃醬都幾吸引🤩加上店員大推，所以簡左呢款😆今次叫左外賣拎番屋企慢慢食😆見到個packing嘩一聲，好大份！我自己仲意lun骨，有骨炸雞岩曬我🫶🏻炸雞過左一段時間都仲係脆既，入面雞肉好juicy💕辣椒蛋黃醬好惹味，唔好睇佢面頭好多辣椒片，其實唔係好辣😆真係建議同屋企人or frd share，少食多滋味呀💕🔅沙律🥗 • $20加左個沙律菜解油膩🫶🏻$20好大兜😆蔬菜清爽冇多餘水分🔅牛排骨湯🐮 • $88會跟3款韓式小菜同白飯，牛排係牛仔骨黎既😆燉煮到好軟淋，輕易離骨。湯係清湯，有啲蛋絲大蔥做配料，食到底有粉絲，超豐富💕…查看更多