JW咖啡室

营业中

休息中

幾個好友👭👭相聚。。。今次嘅午餐buffet已經約咗成個月有多。。而且最特別就係有兩位朋友生日🎂。。所以要好好慶祝下。。最重要係會員有七折超值👏👏我哋12點已經到啦。。由於今日有一位婆婆。。所以一早已經叫餐廳留個近啲嘅枱給我們。。食物非常豐富🦑🦐🦀🐟🐚🐷🐮🐔🍎🍈🍉🍍🥝🌽🍮🍨🍰 最吸引我嘅係凍嘅海鮮。。今日嘅麵包蟹🦀好正啊。。最好就係食蟹蓋。。超級多高仲要係重皮。。蟹膏唔難求。。重皮嘅蟹🦀就難得👍。。所以都唔理得咁多一定要食返幾個蟹蓋🦀🦀🦀。。其他各樣海鮮都非常新鮮👍👍重點就係佢嘅花膠啦。。。絕對唔吝嗇不停出。。而且size都好大塊。。另一樣我覺得都好好食嘅係片皮鴨。。師傅即刻包架😋。。其實食物種類仲有好多。。但係個肚實在撐唔落🤪🤪。。甜品就有少少失望。。。唔算太多選擇。。不過其中一樣雪耳海底椰就好潤好好味

過去一年幾裡面，幾乎每個月都會去食自助餐，一直都覺得不錯，仲期待買佢哋嘅會籍等今年食自助餐可以有折。今年1月終於買了會籍，2月滿心歡喜去食自助餐，誰不知竟然中伏，質素係差到你唔信。花膠以前是厚厚的，現在是薄薄的，海參是碎的一件件而不是原隻了，而且得很少，龍蝦也不新鮮縮曬水，燒牛肉比平時也實在太生了、見曬血，真的後悔買了會籍，以往和朋友去食都會食到十點有多先至走，今次很早，八點半已經想離開，啲嘢真係好差。

Lunch buffet 屋企人一齊去食，418一個人，Hsbc credit card 有9折。好多種類，見open rice 有其他人推介龍躉，所以食左好多，果然係好新鮮。花膠都係必食沙律有好多揀，多到食唔晒。三文魚有刁草三文魚，幾特別。芝士都有5種，可以自己切，車打芝士等海鮮區有蟹，凍蝦，大家必食，都好新鮮。北京填鴨，可以略細舊左啲，所以要排多兩次隊貴妃豬，香草煎魚柳都好好味，好新鮮刺身有三文魚，帆立貝，吞拿魚，好大舊生果區有橙，原隻蘋果，香蕉等甜品都算多選擇，細細舊，可以全部試晒，但唔濟最特別係新鮮整嘅綠茶蛋卷。可以再encore

公司每年都係呢個餐廳搞春茗，同事平時都話JW cafe個自助餐好好食，今次就黎試下啦！雖然無食過Marriott既自助餐，但係我都有食開其他酒店既自助餐。我覺得呢度最特別係有中菜特色，有鮑魚，花膠，北京填鴨，扇貝，海參，甜品仲有桃膠食，我相信其他地方都好少見。另外佢都有一般有既野，有刺身，龍蝦等等。美中不足既係甜品方面，甜品種類唔多，雪糕都係得幾隻味，而且個日特別指定時間有芝士撻拎，但係d職員整芝士撻個陣整到好多穿左，最後拎比我個撻個樣都麻麻，感覺仲差過出面10幾蚊既芝士撻。。

十幾周年紀念，我哋揀咗之前都嚟食過嘅JW自助晚餐。因為印象中佢嘅中菜菜式都係一啲貴價嘅食材同埋煮得非常美味。首先講吓環境方面，JW嘅枱嘅擺位，系非常之闊落，加上當晚我哋係坐喺側邊嘅位置，所以非常舒適。而服務方面，侍應服務恰到好處，非常樂意幫我地影相，同埋係適當時候會幫我地收走枱上面食完嘅碟，感覺舒服。食物方面，中式菜式真係冇令我地失望。花膠煮得非常淋軟，非常入味；鮑魚爽口彈牙。而我覺得最好味嘅就係炒青口，青口都唔細隻，肉質爽滑鮮甜。燒牛肉肉味香濃，非常juicy。羊扒非常嫩滑，肉味香濃，唔會有太大羶味，令人一食再食。凍海鮮味道亦屬合格，龍蝦肉質彈牙，味道鮮美。而甜品方面，款式不少，推介嘅有焦糖布丁，我覺得好好味。而在特別嘅就係有即場手掣蛋捲，蛋味香濃，口感香脆。總括而言，JW自助晚餐係我自助餐嘅首選，雖然佢食物唔算好多選擇，但係都比較集中係一啲貴價嘅食材，而每樣菜式嘅質素亦都相當高，所以我係非常推介呢一間嘅晚餐自助餐。

上年母親節食過，今年媽媽生日話想食多次做仔女嘅 當然冇問題啦，你開心就得🥰冷盤都好多選擇，但我掛住食冇影到龍蝦🤣呢到最出名就係花膠海參鮑魚 任食🤤🤤🤤熱盤選擇都好多另外冇影到嘅黃油飯都好味😋甜品 細細件，食多幾件都唔怕會飽😁我地每位另加$200，紅酒白酒香檳 任飲😎如果你係飲得之人，呢二百蚊絕對抵比丫👍🏻最後，值得一讚呢到嘅員工，個個都好好禮物又好好笑容☺️好少buffet我會回頭再食，呢間真係第一間❣️

之前一直都係食開大堂The Lounge既buffet，今次試下樓上5樓呢間JW Cafe既tea buffet，呢個絕對係一個性價比高既tea buffet，信用卡仲有優惠，tea buffet 3點鐘開始，我地黎到其實都未夠3點，但已經可以開始食la。雖然食物種類唔算好多，但每一款既質素都唔差，呢度係以質量取勝，tea buffet黎講，個人覺得已經好夠食，魚生好新鮮，有三文魚，螺肉同象拔蚌，熱食方面有個人最鍾意既蝦餃 (可能好多人都會覺得buffet食蝦餃好搞笑，但呢度既蝦餃絕對係皮薄餡靚，食過返尋味既)、乳鴿、源源不絕既燉湯，燉湯好足料入味，黎到一定要飲呀、仲有好多款甜品同雪糕。

依間酒店自助餐非常之出名，今次同屋企人慕名而來，嘗試一下午餐自助餐喺平日嘅下午已經非常之多人，好彩酒店座位擺得不太逼，枱與枱之間都有一段距離，唔會好似望到或者接觸到隔離嗰台咁呢度呢間最出名一定係佢啲熱嘢，可惜嘅係，啲人係搶嘢食，好快一大碟花膠已經冇晒，無諗過食嘢嘅人質素竟然係咁樣。。😅就算員工盡量咁上菜，好多時出到去好多碟都係空嘅，以呢個價錢來講，我個人認為不值得熱食方便佢個花膠做得幾好，不過食物種類真係好少好少，加埋都唔知夠唔夠十幾碟。。如果斯文嘅人黎食，我諗要行多好多好多轉先食到你想食嘅嘢個意粉我影完相之後坐低再出返嚟已經拎唔到。。。😅所以依一間我try 一次就算因為價錢絕對不便宜，然而個價錢睇其他酒店可以慢慢食同冇人搶嘢食。不過值得一讚嘅係員工非常之勤力，收點浸水速度非常之快，見到有客人需要影相，都9秒9幫手，二一點非常之值得讚許！

今日去食下午茶自助餐食物種類比我平時食嘅下午茶自助餐遠要少，生滾粥淡而無味。但有啲食物質素係OK既。例如蝦餅，青口，燉湯都好味。希望下一次去幫襯嗰陣時啲食物會有咁大進步。

今天是農曆大除夕，但團年飯我們已提早吃了，今午和朋友來到金鐘萬豪酒店咖啡室吃自助餐，此處的自助餐從三十年前開業至今，水準一直保持在最佳狀態，今次到來，希望沒有令我失望。這裡主打是海鮮，有魚生、蝦、龍蝦、蟹、三文魚，材料新鮮，補充源源不絶。主菜有蒜蓉蒸開邊蝦，炒龍躉球，炆花膠，海南雞等，味味珍品，令人聞香下馬，西式有燒牛肉，容易被忽略的配菜烤車厘茄和香滑薯蓉，都是極具水準的美食。甜品賣相精美，令人目不暇給，尤以matcha tiramisu和紐約芝士蛋糕最佳，前者抹茶味濃，蛋糕香滑，後者芝士味雖濃，面上的酸忌廉足以中和芝士的厚重感。

Lunch 來到JW 食buffet 團年又有機會食好西啦啦啦啦啦啦💃🏻有別老牌酒店 裝修會摩登少少lol 黑白為主 位置還好唔太逼唯一自助餐擺位通道就有d窄 人多時唔係太好行 Lunch buffet 12點開始第一轉梗係冷盤海鮮啦有青口呀蝦呀同蟹青口同蝦就無食了但蟹就encore 左幾次主要係因為佢真係好多膏🤤成塊起出來都係膏不得了啊！食過番尋味！呢個牛扒好有肉汁前面仲有唔同汁可以配。推介蘑菇汁 有粒粒茹好香忌廉南瓜湯都好香濃又creamy 出名既花膠。好厚有膠質不過就比想像中無味 lol海鮮闊條麵都好味！有龍蝦肉白汁creamy 至於其他熟食就無乜點食 沙律好似無乜得揀但生果好新鮮 波羅好多汁好甜有芝士同ham配餅乾魚生都唔太特別無試😂壽司得兩款 反而甜品就好靚喇🤤而且味道都幾好喎Cheese cake 💕呢個芒果味既蛋糕好fresh 唔係死甜 中間仲有果肉Tim 賣相又靚唔同既小甜點 推介朱古力慕絲 面頭係黑朱古力 唔太甜得來又滑 下面係熱情果啫喱 又幾夾 🤣仲有cream brûlée 都好味 焦糖好焦糖 😂中間果兩塊餅都幾好味但我已經唔記得左佢地係乜 lol側邊仲有抹茶t

同屋企人好即興book左JW嘅lunch buffet，我地一共六個人，亦都唔算難book，大概早3日通常都有位。之前食過佢夜晚嘅buffet，非常高質，今次就黎試佢嘅lunch喇！🎉🤩JW嘅lunch buffet一啲都唔馬虎！基本上選擇係十分之多，海鮮、各款熟食都有，甜品更加不在話下！呢到唔會吝嗇，食到最尾半個鐘都會fill！好欣賞佢哋呢一點。海鮮係一如既往嘅鮮甜，特別鍾意食蟹同韓式辣螺！👏🏻佢地調嘅汁都好好味，唔會求其比啲汁你，呢個配蟹嘅泰式汁好開胃，酸酸辣辣好啱配前菜！黎到沙律bar，超多配菜選擇！煙三文魚都有3款，個人最鍾意黑椒個隻！壽司bar刺身選擇相對少啲，不過就非常新鮮，服務員都好有禮貌！側邊就有啲卷物，可以自由攞。講到JW特有嘅菜式，一定係片皮鴨！佢哋嘅片皮鴨好出色，當初以為淨係夜晚先有，見到佢lunch都有真係好開心。🤩服務員勁有禮貌，每人每次可以拎兩卷。去到最後15分鐘都仲見到佢拎隻新嘅鴨出嚟，呢間酒店真係好有誠意，好抵讚！！💯一定要留肚食甜品，因為選擇多，精緻唔行貨，真係好好食㗎😍記得夜晚嘅麵包布甸十分出色，不過lunch就好似唔多覺有。特別推介焦糖燉蛋同抹茶t

今日係老爺奶奶嘅生日，而且老公又啱啱升左職，所以一家人就去到金鐘三寶之一嘅萬豪酒店食自助餐自助餐當然係食海鮮啦，香港人嘅心態要回本呀嘛，而且海鮮又唔肥囉講冷盤方面，有龍蝦、長腳蟹、麵包蟹、蝦同青口！龍蝦鮮甜！長腳蟹有海水鮮味！麵包蟹多糕而且味濃！蝦新鮮爽甜，青口就正正常常。至於熟食，啲例牌野燒牛扒羊架，燒味意粉嗰啲就唔多講啦。想講嘅係佢呢度有龍躉，燴花膠，炆鮑魚，唔係間間自助餐都有㗎！花膠炆得好淋，最啱養顏！鮑魚亦都唔會硬！不過小心食得太多會滯呀

今日慶祝太太轉新工,我和太太往萬豪酒店JW咖啡室食中午自助餐。自助餐有主打菜式花膠, 龍疐和片皮鴨。花膠發現細塊左和食落比較「孩口」, 個人認為可能是花膠入貨公司不同所致, 以前的花膠大大塊食落爽口美味, 建議酒店改善。龍疐食落肉質鮮甜, 片皮鴨食落惹味。除了花膠, 龍疐和片皮鴨, 就食還有叉燒, 海南雞、灼菜心、牛油蝦和貴妃朱。叉燒食落軟腍有油花, 海南雞食鮮嫩、灼菜心食落新鮮爽口、牛油蝦食落新鮮彈牙和貴妃朱食落有肉味；壽司方面有加洲卷和三文魚卷, 食落飯味香濃美味；湯品方面有磨菇忌廉湯和冬瓜朱展湯, 磨菇忌廉湯飲落香滑, 冬瓜朱展湯溫度和鹹度適中；粉面檔我們點了灼生菜, 水餃、魚蛋、墨魚丸和魚片頭, 生菜食落爽口,魚蛋、墨魚丸和魚片頭食落彈牙美味, 個人推介水餃, 水餃皮薄餡靚, 蝦食落新鮮彈牙, 足料美味。水果方面有西瓜, 菠蘿和橙, 整體食落新鮮鮮甜；甜品方面有綠茶提拉米蘇, 面包布甸等, 食落質感軟滑, 甜度適中, 雪糕有haagan-dans有朱古力, 咖啡、雲呢拿和曲奇味, 我選了朱古力和咖啡味, 食落軟綿, 甜度適中, 口感軟滑；最後餐茶我點了凍奶茶, 飲落茶味香滑,

同家人慶祝生日 今次dup本少少 黎到JW 食個night buffet 被安排個位置唔錯 一坐底對住玻璃感覺好舒服可以睇住由日頭變夜晚 好美：）配埋白酒 人生享受呢個buffet 真係好高質其他平時熱食都係普普通通既款式但呢度全部都係高檔野食鮑魚、花膠、海芯、蒸大蝦等等樣樣全程都係無限量供應 唔會話只係出一轉咁少食極都有食幾件鮑魚、花膠等都回番本啦！！仲有佢個甜品部都好吸引好colorful 細細件 可以樣樣都試試 雖然價錢唔平 真係一分錢一分貨下次大時大節都會黎食多次