影片
以上资料只供参考，请与餐厅确认详情
平民高质咖啡店，2015年开业，仲开班授徒。间舖无乜装修，行过睇门面以为茶记，入到去见到40款咖啡豆先知坚👍有D外面少有🥰例如妓艺等，叫咗杯洪都拉斯雪丽酒桶发酵咖啡(HK$90)，真心好香好滑，完全出到威士忌，蜂蜜及云呢拿味，连奶泡都有味道🤗真系饮过最好饮，实力表现👍个鸭胸三文治(HK$35)都唔系hea，烤底仲将鸭胸切丝入味D，配埋青瓜，食落唔腻好fresh，同咖啡好match老板话下次试埋猫屎同蓝山咖啡就可以升仙简直度我入局
继续阅读
呢间已经唔系第一次帮衬佢有好多款唔同既咖啡豆，有成40款可以选择！就连奶泡咖啡都有12款口味而我⋯如果见到有玫瑰味，一定唔会错过唔系间间cafe 有Rose latte 架⋯ ☕️热玫瑰味奶泡咖啡$40 👍大家有睇黑白大厨🎬既都知啦，饮前要👃🏻闻一闻哗！闻落果阵玫瑰香，就好似面前有支玫瑰🌹咁第一啖系满满既奶泡，意外地渗住玫瑰味，少少但唔会过分既甜味⋯好治疗🫧到咖啡啦，饮落唔系好重玫瑰味，但after taste 好浓烈，而甜味低过奶泡，反而平衡返🍽️非一般三文治（餐肉拼芝士）$40 👍朋友居然叫三文治🥪⋯心谂一定好普通朋友坚持叫我一定要试试点知⋯有惊喜🤩（所以最后一旧先影相，本身有4旧架）面包烘得松脆但唔干每一旧都充满馅料，份量足普通既餐肉&芝士，又意外地夹如果早餐/小食黎讲一流总结：可以再帮衬
继续阅读
慕名而来，因为讲真系香港有得堂饮【猫屎咖啡】嘅餐厅，似乎比较难揾，所以专登走过嚟品尝。舖头喺街角地铺，又系独立店舖，有佢嘅特色，舖面都唔细。因为冇乜人，专登拣bar台可以望下出面。老板比较豪快率直，会催你落单：「点呀？度掂未呀？」相信熟落咗嘅客人感觉就会好啲。咁就即点杯＄１１５印尼猫屎咖啡 + 双拼鸭胸炒蛋三文治＄３５，都系第一次饮咁贵嘅咖啡。咖啡比三文治早到，清彻度还可，反影到对面大厦，温度就颇热（虽然仍可接受），但呢个热度可能有啲问题。正所谓有期望就有失望，好抱歉，真系唔觉有乜咁特别，系连标榜独特果香都唔系好觉，我觉得同其他cafe嘅single origin没什分别，我就饮唔出分别（可能我唔识嘢啦！）呢杯咖啡，绝唔系劣，只系唔值。本值３分，但由于价钱超过一旧，总体被迫拖抵一分，只值２★。饮完咁我知道呢间店嘅路线喇。三文治出场，呢个竟然有惊喜，用心制作，厚切炒蛋包住切条嘅鸭胸，烘底多士，成份热辣辣好好食，座底４★！呢区唔会太多人流，舖头如唔太多人嘅话环境都唔错。Bar櫈就麻麻地，一定要一只脚踩住自己张櫈，另一只脚踩另一张櫈咁会舒服啲。舖外原来都有Bar台，食完咁啱有人坐出面，虽然隔咗块玻璃窗，但都好近面对面好似搭台咁，呢下我好唔中意，好彩都准备走。以后不时或者都会再嚟encore饮啡嘅，就今次嘅经验，下次都唔驶试（本来想试）嘅另一贵价咖啡【牙买加蓝山咖啡】喇〜
继续阅读
Took a casual day off work to take my dog to the vets, found this place to get a cup of coffee. They have a very wide selection of beans to choose from so I suggest take a long look if necessary before going to the service counter, you don’t want to hold up the queue during peak hours, right?The food selection is more snacks to go with the coffee and not a wide variety but you can pick and choose from noodles or toasted sandwich (recommended).I ordered an Apito Caramel coffee, it was rich and smooth but not what I am normally accustomed, next time I plan to go for something a little stronger from the other 39 beans I could have chosen. For the decor it is surprisingly big on the inside, it has outdoor seating on both sides of the corner of the shop and also a little pet (tortoise) garden. For drivers there is a meter parking at the start of the road but there is also street parking if you want to risk it. The seating inside has a monitor for cameras filming the street to keep an eye on your vehicle. The owner and even some of the regulars are friendly and we chatted with them. I believe this place may have got some poor reviews in the past based on some misunderstandings. If you want a place to chill this can be it, but not during peak hours! You may have time but others may not….
继续阅读
因为之前睇过网上有部份评论话佢地态度恶劣所以嚟之前都有少少担心，但都系好想试下佢地嘅虹吸咖啡, 所以都系决定亲身嚟感受下用餐感觉良好㖞, 职员亦都无唔礼貌但当然并唔系一间好写意轻轻松松坐半天嘅CAFE 模式店内较窄, 所以主要都系嚟饮杯咖啡食件三文治就要离座嘅模式今次去有8成客满, 大部份都系 '街坊' 嚟 (因为个个都好熟倾计)相信有一大班熟客亦有其原因.....讲返咖啡同食物咖啡今次试咗焦糖泡沫+肯尼亚豆, 但我觉得个焦糖味有少少遮咗咖啡本身嘅香味, 下次会试返原味另外反而件公司三文治有意外惊喜多士应该两面都有涂过牛油, 所以唔干同埋好香脆
继续阅读