jean may

C'est la vie~~(1) Oyster, pickled cucumber, horseradish, dill蒔蘿氣味溫和辛香、辣根(即另類Wasabi)辛辣霸氣衝天，配上酸黃瓜澄清成翠綠無暇的醬汁。能夠撇去海鮮附有的腥味，突出本身鮮甜、滑嫩口感。酸甜醬汁，清爽口感喚醒味蕾。(2) Steak tartare雖是一款法式小酒館的家庭料理，但主廚非常擅長將酸味(酸豆、酸黃瓜、紅蔥、蕃茜)引發香味。蛋黃潤化並包裹着迷你小方塊的牛肉，加上薄脆多士，輕鬆入口，挑起嗜食的慾望。(3) Duck à l'orange法式鴨胸鎮店菜式。鴨肉尚算粉嫩但稍嫌overcooked.口感既有彈性又緊實，烤紅蘿蔔、紅蘿蔔薑泥配合香料蜜糖汁，脆嫩相濟，咬嚙間釋放濃郁鴨香。(4) Duroc pork chop, courgette, jus (bone-in, 45 minutes)Special menu: Duroc pork 會譯成「黑豚」但不是真正的黑毛豬。肉質鮮嫩、油花豐富，口感較為柔滑而富有自然甜香，味道亦相對濃郁。小胡瓜及醬汁都充分利用豬扒餘下的肉汁而製成。整道菜式慢煮慢製，沒有煎烤焗令菜式更加和諧，脂肪比例2:8，沒有乾柴感，突題原材料的天然風味。但如果不嗜豬，會略嫌調味單調，醬汁淡薄。(5) Choux pistache, sauce chocolat外殼金黃鬆脆，內裡酥脆輕盈。頂層如薄雪細沙的糖霜，隨即融在口中，咀嚼間化為細膩香氣，開心果與奶油柔軟甘美，口感曼妙。踏入Version 3.0，長攤長有。🍎🫶🏻🫶🏻…查看更多

薯條係真係唔錯既88蚊灣仔小店叫正常價既都，不過意粒方面就有點失望同overpriced，一個squid ink tagliolini 收398，個意粉一啲海鮮同肉都無好似有少少過份，而且個味道都唔夠濃郁⋯⋯雖然通常賣點係手工意粉，不過都依然係有啲overpriced …salmon parfait 好細嚿，同埋食落去係食唔到有三文魚既⋯⋯Lunch set 288 雖然係有少少貴，不過都仲叫做可以接受，單點就唔好啦我覺得⋯⋯…查看更多

最近去咗 Jean May 食晚餐，呢間法式小店喺網上好多人推介，主打法國家常菜，呢間法式小店真係有種靜靜地、慢慢欣賞食物嘅氣氛。餐廳唔大，但裝修簡約舒服，坐得自在，啱晒同朋友傾計或者拍拖食飯。Steak Tartare（牛肉他他） : 呢味真係好食，用咗澳洲和牛，肉味夠濃，切得幼細，口感滑溜，配埋脆到好似薯片咁嘅多士，咬落去有層次。調味唔過火，保留咗牛肉原味，食落好舒服，係成晚最有驚喜嘅菜式。Chicken Liver Parfait  / Red Onion Compote : 雞肝打得好滑，冇腥味，入口即化，紅洋蔥醬甜甜地，啱啱好中和咗雞肝嘅濃味，一啖落去好有層次，唔會膩，係嗰種你會想再食多啖嘅感覺。Duck à l’Orange（香橙鴨胸） : 鴨胸煎得靚，皮脆肉嫩，橙汁酸酸甜甜，唔會太搶味，提血鴨肉嘅味。不過鴨肉本身就冇乜驚喜。Honey Madeleine（蜂蜜瑪德蓮） :  甜品方面就比較普通，Madeleine 食落鬆軟，但蜂蜜味唔算突出，冇乜記憶點。唔難食，但唔會特登再叫。真係感受到佢哋係用心做嘅。每一道菜都好精緻，唔係求其煮出嚟交功課嗰種。牛肉他他、雞肝醬、香橙鴨胸都好有水準，味道有層次，調味唔過火，食得出主廚係落咗心機。仲有幾道菜我唔記得名，但都係做得好細緻，擺盤靚，味道平衡，唔會太 heavy。Jean May 嘅菜式有心思，味道有層次，唔係嗰啲求其煮出嚟嘅法式菜。但如果追求大份量、抵食、或者想食到好飽，呢度可能唔係你杯茶。佢比較適合鍾意慢慢品味、欣賞食物細節嘅人。我自己就覺得值得一試，尤其係牛肉他他同雞肝醬，真係有驚喜。不過下次再去，可能會叫多啲菜。…查看更多

🐑法包-好香好脆，如果熱上會更好🐑Hamachi Crudo-檸檬汁、橄欖油、芫茜、牛油果、柚子，配搭完美🐑Steak Tartare-澳洲和牛，頗有牛味，酸豆勁多，係主要味道嘅來源，蛋黃、蔥粒、洋蔥粒釋放出內潛香氣，多士真係脆得緊要，猶如薯片般🐑Wagyu Bavette-肉味濃，有少許炭香味，火侯掌控幾好。蔬菜沙律簡單用檸檬汁調味已經很好。🐑粗身肥仔手切薯條-絕對係香港第一。薯仔由荷蘭嚟，要連皮放喺室溫7-10日，令薯味沉澱、成品更香。製作薯條都有3個步驟，先蒸，然後慢火低溫油浸，上枱前再猛火炸脆，絕對係粗菜細做，心機之作。🐑Sardine Linguine-沙甸起骨拆肉剁碎，完全融入汁料入面，充滿魚味，而且鮮甜，加上番茄、酸豆提酸，味道更上一層樓。意粉自家新鮮製，捲捲曲曲，吸汁一流。…查看更多

終於明白了人老便化的過程，不是指骨頭，而是指心境！記得後生時，好介意男朋友沒好好給我安排慶生、沒好好的講我愛妳等等等！現在變成老餅，似乎那些小節都不會放在心上，能令自己介懷的，要算是一些大事件。或者就是那樣，人變得更豁達、更懂得去珍惜生命和享受生活！來 「jean may」的前幾天，老公跟我說訂了檯，我便欣然的接受了，兩公婆能夠輕輕鬆鬆撐檯腳，平凡的樂趣比起大喜來得更舒暢！「jean may」無論在菜式和用餐環境及氣氛都有著那種平淡、但快樂的舒暢感！臨走前，方知道「jean may」是店主婆婆的譯名，店主自小受到婆婆的熏陶和啟發，而愛上烹餁、當上廚師，甚而經營起小酒館來，藉「jean may」之名作紀念，挺有意思！沒有記下 Wine List，一支簡名為 Le Chenin 的白酒 HK$500/支，給我倆來一個熱身！麵包沒有溫度，可是牛油頂好吃的！Shimeiji Frits, Parmesan  HK$88 是採取類似炸芝士薯條的概念，差別在以鴻喜菇代替薯條！要讚的是效果輕怡、無負擔，菇香和芝香來得平衡，let's Cheers！另一款小食是 Egg Mimosa, Smoked Eel HK$116，坦白講我倆是 Smoked Eel 的忠粉，可是當晚的真的有點過鹹及過濃，並不太享受！「jean may」的餐牌很精簡，留意到另一個當天推介的小黑板，Venison Carpaccio, Celeriac Puree, Pickled Shiitake, Parmesan  HK$ 218 是當中的一道菜式！生鹿肉要比生牛肉來得特別，意外地入口竟沒有丁點鹿臊味，配上微酸的醃漬香菇、清香西芹菜泥及香濃的芝士，非常合拍！感覺要比生牛肉更有新鮮感，而且沒有膩意，兼多了一份驚喜，let's Cheers！吃過鹿肉，再來一道 Lamb Rib Confit, Sauce Verte HK$198。羊肋骨附帶焦香可口的羊皮，皮下擁有香郁、但不過厚的羊脂、羊脂下是鬆嫩的羊肉，這樣的層次與味覺享受，愛羊者又怎會不大滿足，let's Cheers！聽聞 Duck A L Orange HK$368 是 「jeanmay」的招牌主菜，可是當晚卻沒有被驚艷到！大抵是鴨胸缺乏誘人的條件，首先桃紅的鴨肉沒想像中的極緻細嫩，加上鴨皮沒有香脆度，兩者帶不出香氣和層次感！最欣賞是橙色香甜稠密的醬汁，每每將鴨胸滾上厚厚的橙醬才罷休！而深啡的醬汁，叫人有種法版中式滷水的感覺，挺有趣的！選了兩款 Side，一是 Charred  Broccolini HK$88，另一款是 Hand-Cut Pommes Frites HK$88。迷你西蘭花烤得不錯，不僅熟度剛好，質感心爽脆，以簡約的鹽和黑椒調味，配合烤香帶出簡約的滋味！而薯條是必吃，看似平平無奇，但的確做到軟爽不油、外微脆、內粉軟，脆與軟的佔比剛剛好，不會產生膩意，但卻有著讓人吃不停口的魔力，let's Cheers!可能 Sticky Date Pudding, Clotted Cream HK$ 118 太有驚喜了，綿密帶點黏性的質感討人歡喜，配合那甜度和奶油，實在叫味蕾躍動！因此，當天推介的 Panna Cotta, Blood Orange HK$98 甜品，味道偏向清鮮，可血橙味又不明顯，所以後者的確有給比下去的感覺！最後兩人喝兩瓶而歸，渡過了很是暢快的晚上！期待下次老公安排再訪。…查看更多

📍jean may, 灣仔📍〰️〰️〰️〰️〰️𝗼𝘆𝘀𝘁𝗲𝗿, 𝗽𝗶𝗰𝗸𝗹𝗲𝗱 𝗰𝘂𝗰𝘂𝗺𝗯𝗲𝗿, 𝗵𝗮𝗿𝘀𝗲𝗿𝗮𝗱𝗶𝘀𝗵, 𝗱𝗶𝗹𝗹🦪 ($𝟲𝟴/𝗽𝗰)幾fresh幾特別既法國蠔 但隻蠔細隻左d ._. 食落有陣青瓜味🤣 不過唔係個個鍾意咁既配搭 (我都係鍾意就咁加檸檬汁🤪)𝘀𝘁𝗲𝗮𝗸 𝘁𝗮𝗿𝘁𝗮𝗿𝗲🥩 ($𝟭𝟵𝟴)值得一試 完全冇牛肉既腥味 入面撈埋左d酸瓜粒 調味啱啱好 唔會太鹹～如果有多幾塊toast會好啲😽𝗵𝗮𝗺𝗮𝗰𝗵𝗶 𝗰𝗿𝘂𝗱𝗼, 𝗰𝗵𝗮𝗿𝗿𝗲𝗱 𝗮𝘂𝗯𝗲𝗿𝗴𝗶𝗻𝗲, 𝗴𝗿𝗮𝗽𝗲𝘀🍣 ($𝟮𝟭𝟴)本身見到果幾粒提子覺得好奇怪 但油甘魚夾住粒提子再陪埋個汁食落又異常地夾😳 𝗱𝘂𝗰𝗸 à 𝗹'𝗼𝗿𝗮𝗻𝗴𝗲🦆 ($𝟯𝟮𝟴)鴨胸煮得啱啱好 食落都juicy同好入味～ 又唔會話好韌 同個橙味既汁都好夾🍊😗 但係個人覺得食到最後有d膩 所以建議都係要share👀𝗵𝗮𝗻𝗱-𝗰𝘂𝘁 𝗽𝗼𝗺𝗺𝗲𝘀 𝗳𝗿𝗶𝘁𝗲𝘀🍟 ($𝟴𝟴)呢個薯條真係一定要試!! 新鮮炸出黎隻薯仔甜甜地勁香薯仔味🥰薯仔控表示自己差唔多食左大半兜😚𝗵𝗼𝗻𝗲𝘆 𝗺𝗮𝗱𝗹𝗲𝗶𝗻𝗲🥧 ($𝟮𝟬)即叫即reheat 個蛋糕邊仲要脆脆地 外脆內鬆軟😍👍🏻〰〰️〰️〰️〰️💖8.6/10 🏠灣仔機利臣街14號地下A號舖…查看更多

平日午餐提大家要訂位，不然可能會撲空。今天吃了三文魚前菜。比較清淡。雞為主菜。雖然有點血絲，但不腥。份量不大。甜品，暖暖的。但還是建議吃Madeleine cake。我吃過不只一次，我覺得今天set lunch 沒有其招牌菜，例如鴨好。總結，建議散叫。…查看更多

永不會飽日記 📔 香港篇章：灣仔法式小館 Jean May📍灣仔的 Jean May我私藏的美食聖地，每隔一段時間便會懷念著回去再次享用美食。這裡的季節菜單不斷更新，每次都帶來驚喜！Deviled Egg作為前菜，口感不過不失，蛋黃醬香滑。而最讓我驚豔的，是第一次嚐到的法式白子！雖然外表不起眼，但一試之下，濃郁的奶油香氣瞬間彌漫，口感綿密細膩，回味無窮！絕對是必試之選！主菜方面，羊排配綠醬，羊排煎至外皮酥脆，內嫩多汁，油脂分佈均勻，入口即化。配上清新的綠醬，中和了羊排的油膩感！另一道主菜，魚配奶油青口同樣出色，魚肉鮮，奶油青口濃郁鮮美。然而最令人驚喜的是，底下的意大利米飯Orzo！吸滿了奶油青口的風味，粒粒分明，口感煙韌，令人欲罷不能！總括而言，Jean May是一家充滿驚喜的法式小館，食物品質高，環境舒適，服務貼心。無論是情侶約會還是朋友聚會，都是一個絕佳的選擇！推薦指數：⭐⭐⭐⭐ (4.5/5)小貼士：建議提前預約，尤其是週末。可以詢問店員推薦當日的季節菜式。甜點同樣出色，別忘了留肚！…查看更多

來過 jean may 幾次，之前寫過食評，今次這個食評只想簡單講些意見，因為今天 jean may 似乎沒有保持之前水準。【 前言 】雖然 jean may 定位是一家 bistro，憑過往經驗，jean may 食物質素是 more than bistro food 的 。小妹對 jean may 的期望，超過一家 bistro。但是 jean may 也非 restaurant，亦不應抬舉到跟 Gaddi’s、Caprice、Amber 等餐廳相比，這樣也對 jean may 不公平。去過巴黎的話，大家也許發現，巴黎很多地方都是 rip-offs 來的，坐得不舒服，食物粗糙平庸，美食之都，縱然不是幻想出來之物，恐怕只對小眾餐廳而言，好些 bistro 或者 brasserie 小酒館，都是「遊客」餐館，並非美食之地（當然其中也有好的）。反而日本的法國菜，整體水準甚高，你去東京的 bistro 或者 brasserie 都很少難吃的。而 jean may 嘛，好過很多巴黎的 bistros 啦。【 Wine 】先講酒。以前來這裡必自己帶酒（$300 開瓶費）因為小妹對 natural wines 甚有戒心。後來朋友說酒牌豐富了，有 proper 的 Bourgogne 啦，今次不自帶酒，試了酒牌上一支 Chablis 的村酒（$ 860）。作為 bistro casual lunch 的酒，都十分 drinkable 的。****【 Bread and butter 】 到法國光顧小酒館，不要期望麵包溫暖軟熟好吃，很多時 bistro 麵包都是冷的。jean may 的已經不差啦。****【 前菜 ｜ 小吃 ｜拌菜  】至於價錢貴不貴？例如 【 Shimeiji frits, parmesan 】 （炸日本占地菇）要 $88。小妹之前食評提及過巴黎的 bistro 也可以很貴的，例如 L’Ami Louis。jean may 的價錢是較進取的，不過如果維持著質素，小妹完全接受。****前菜、小吃和拌菜還好，總的來說，美味如昔，此處不每一道菜詳細描述了，有些可參考小妹舊食評（【 My Compliments to the Chef 】 2022 年 9月 18 日 及 【 山窮水復，柳暗花明 】 2022 年 5 月 7 日），雖然比較舊，還是可作參照的 ☝🏽😎。【 Chicken liver parfait, red onion compote 】****【 Steak tartare 】****【 Oyster, pickled cucumber, horseradish, dill 】 ****【 Hand-cut pommes frites 】著薯條沒有退步過，非常出色。****【 Charred broccolini 】****【 Sardine, red pepper, tomato, grape 】 這個是第一次吃的菜式。沙甸烤得很 spot on。海洋之味突出，也很襯紅椒和番茄，加入提子甜美也很妙。****【 Runner beans, yellow peach, feta, walnut 】沙律配搭得宜，但不是高難度菜式。****【 Tripe alla Romana, pomme puree 】牛肚濃郁、入味，醬汁不稠不稀，整體是美味的，唯未算驚艷。如要挑剔，可以說牛肚略「冧」，缺乏點。****主菜無疑令人失望了。一直吃這道 【 Duck à l’orange 】都很完美的。今天醬汁缺乏橙味，而且調味太鹹（不是濃，而是下多了鹽的鹹），對於招牌菜，這個不可接受，單單這一瑕疵，已經不能給笑臉😋啦。****【 Lamb rack, summer veg, jus 】反而羊扒做得更佳。肉嫣紅，doneness spot on，味道濃郁而清晰，調味適中。****至於小妹至愛【 Honey Madeleine 】 甜味稍輕，有點微微蛋腥，是否改用了不同的蛋？也可能是蜜糖下得不夠？今天的不是 jean may 最好的 madeleines。**【 Choux, dark chocolate, hazelnut 】****【 Coffee 】****【 總結 】食肆最重要是 consistency，不但食物，還有烹調的技術和服務，講求重複一致性，不能今天來好吃，明天走晒樣。 香港最大的毛病就是 inconsistency，有很多原因，人手是其一（turnover 快，未能留住經驗員工），P&L 的考慮令老闆對食物材料退而求次等。今天的經驗：服務上，年輕男服務員 take order 時，我們四個人話要三隻蠔，但是上菜還是四隻，無論是 front 或者廚房搞錯，都是錯誤。雖然無傷大雅，但是準確性是很重要的呢。整體來說還算不差，尤其是前菜和小吃類。而且酒牌都改善了。只是主菜和甜品中的 madeleines 有些不達原有水準，希望店方注意一下 ☝🏽😎。如果質素未能維持，就會令 core 的客戶群流失了。…查看更多

灣仔嘅 Jean May 餐廳，雖然地方唔大，但真係帶來大驚喜！呢間餐廳主打法式同地中海菜，食物質素非常高。首先，我哋試咗生蠔，新鮮得不得了，搭配佢哋自家製嘅醬汁，味道超正！接住來嘅法式洋蔥湯，濃郁又香，搭配酥脆嘅麵包片，真係好滿足。主菜方面，我選咗香煎鱸魚，外脆內嫩，搭配清新嘅時蔬，味道非常好。朋友則點咗牛肉塔塔，牛肉新鮮，調味適中，食落去口感滑順，真係好味！最後，甜品嘅巧克力熔心蛋糕亦好有驚喜，搭配香草冰淇淋，完美結尾。…查看更多

餐廳裝修有啲似巴黎小館嘅感覺，見好多人都話呢度嘅頭盤好出色，我哋點咗steak tartare，味道不錯，但係反而雞肝醬麵包更加驚喜，一食落去又好濃郁嘅味道，而且麵包10分乾脆，差啲想再add-on要多啲😋主食叫左mushroom orechiette，比較淡味。甜品叫左sticky date pudding，呢個要等耐啲，因為即叫即焗嘅，所以記得提早order。😉Steak tartare $178Chicken liver parfait $88Mushroom orecchiette $208Sticky date pudding $108…查看更多

雖然這裡的食物挺貴的，但它的Duck à l'Orange ，真是一道典雅的法國經典，將酥脆的鴨皮與多汁的鴨肉完美結合。橙汁的酸甜滋味，為鴨肉增添了一層清新的風味，使每一口都充滿層次感。接下來是令人垂涎的 Sticky Date Pudding，這道甜品以柔軟的蛋糕搭配濃郁的焦糖醬，口感濃厚卻不過於甜膩。它的香氣撲鼻而來，每一口都是暖心的享受，特別是搭配一球香滑的冰淇淋，讓人感到無比滿足。每次來這餐廳，都只吃這兩道菜了！…查看更多

今日經過灣仔諗住晚餐試下法國菜.入到去menu已經選擇不多.服務一般地方很小.每張枱距離好近.枱面也很小隔離枱傾偈都可以清晰聽到.有點嘈.菜式味道一般.不配收這個價錢.最恐怖就係溫水都要收錢.埋單後有種俾人呃嘅感覺.一定無下次我諗這間小店繼續用這樣方式經營落去應該都好快消失，…查看更多

野食無乜大問題，過得去。但收呢個價錢，呢個服務水準就真係好垃圾，好似去左澳洲牛奶公司。話說我book七點鐘，message同我講只可以食兩個鐘，咁唔緊要啦，唯有快少少食囉。食到八點，出面開始有人等位，佢就係咁催我點甜品，又要我埋單先。個羊架我都未食曬，個waitress問都無問就想拎走隻碟。我心諗what is happening?! 我仲有一個鐘架喎！我就問個waitress做咩趕我走，佢話同事搞錯左，無同我講佢地第一輪係六點半開始，八點半就一定要走。我心諗咁到得？但我望住隔離個枱講英文既食客，佢地早過我黎，唔知係咪因為開左枝紅酒，就可以慢慢傾計，而我地識講廣東話既就要俾人趕走呢？我check 返message,個餐廳send msg俾我都係叫我九點走。老實說，每人八百蚊，我相信呢個價錢一定可以搵到間服務同食物質素都高既法國餐廳。如果想體驗法式牛奶公司，你就可以黎呢度受苦受難。…查看更多

Not worth it. Not recommended. We wont be back.Unfortunately, my experience was below average.Food QualityThe food did not live up to the standards I expected from a French restaurant. All food is just fair. The presentation was fine, but taste is what truly matters, and we are left disappointed.Especially all the main - duck breast was chewy, pasta was too salty and lamb is just below average.PriceConsidering the quality of the food, the prices felt too high. We expected a more refined dining experience for the amount paid, but we didn’t receive the value we anticipated.EnvironmentJust not a french restaurant standard.Overall, it fell short in food quality, value for money, and atmosphere. I hope they can make improvements especially in food quality.…查看更多