Jan Jan系日本过江龙嘅串扬店。中午定食唔单止有串扬定食，仲有唔少其他定食。店内装修同门口摆设都有置身系日本居酒屋嘅感觉。menu食材唔透明，记得以前会写明系咩食材，但衣家感觉似omakase，基本上只知有肉有海鲜，具体什么就唔知，价钱连加一大约$200一set，系湾仔算唔平，餐厅入面唔系好多客，适合慢慢叹下倾下偈，店员出餐时亦会介绍下各种串扬食法，配什么酱汁，十分细心。特选串扬定食$178（海胆炸猪串，年糕，茄子，菇，鸡，牛，饭团）所有炸串都系即叫即炸，皮脆又热，粉唔会太厚又都没离壳，炸得好出色。每个set都跟有椰菜同甜酱油，感觉正宗，桌左亦有盐，辣粉/酱，自由配搭。海胆鲜甜黏口，入口有浓郁香味，海胆隔离有少少wasabi，一齐食带出海胆味道。每款肉类串烧都会食本身肉味，牛太熟成落较韧，鸡猪都系免治肉，唔会太干。真正惊艳嘅系茄子同菇，菇味道完美保留，茄子更加升华左，入口即融，草青味全无，唔系平时食到嘅口感。年糕外表脆，内里烟韧，配上甜酱，口感味道都几好。饭团米黐糯，入面有渍过嘅昆布，咸咸地几好味。海鲜串扬定食$188（蚝，黑松露带子，海老，鱼，三文鱼）各款海鲜都自带本身嘅味道，黑松露带子十分厚切，外表炸完但入面亦保持刺身质感。蚝唔会缩哂水，外层粉脆入面就啖啖蚝味，不俗。三文鱼大旧但比较干身，其他都是正常发挥。追加$29烧牛肉串+炸富士萍果串扬店就唔好嗌非串扬类嘅野，烧牛肉比较普通。职员好细心，见我地食到差唔多先上炸富士萍果，刚上碟时咬开萍果还在冒烟，表面加左肉桂，萍果甜，熟左唔系咁爽口，感觉都几特别。…查看更多
