IZA 居酒屋

营业中

休息中

星期五晚放工去咗圓方，想同朋友飲下酒傾吓偈，今次揀咗呢間有戶外座位嘅串燒店，我哋三個人坐咗喺戶外，今日冇乜雨，有少少風，感覺好舒服。首先叫咗一人一杯酒:天之户 冰晶，oolong chu hai，wirra。呢度嘅酒都幾多選擇，仲有非酒精類飲品都有好多，唔飲酒嘅朋友都會有好多飲品可以叫。呢度係日式嘅居酒屋，主打串燒，另外仲有壽司或者丼飯可以選擇，不過今日主要傾偈，所以我哋叫咗：枝豆，炸雞軟骨，燒鱈魚乾，吞拿魚他他配紫菜天婦羅，串燒類:茄子，牛舌芯，雞翼，雞腎，豚肉泡菜卷，半熟鵪鶉蛋豚肉卷。呢個份量三個人食都夠飽，佢嘅串燒係即燒嘅，雞翼燒到出嚟，層雞皮好脆，超級好味。牛舌芯嘅肉質都好腍，好易入口。今次最推介嘅係半熟鵪鶉蛋豚肉卷，半熟嘅鵪鶉蛋，咬落去有流心，配埋有少少焦香，燶邊脆脆嘅豚肉，成件事好夾，好正。呢度嘢食又好食，飲品都選擇，而且坐得好舒服，如果想同朋友搵地方chill吓，呢間絕對推薦。

之前比較少去圓方食嘢，所以腦海入面從來對呢個地方嘅餐廳都好陌生。然後今次誤打誤撞下，試咗圓方頂樓上面嘅日式餐廳Iza，估唔到又有啲驚喜喎！Menu嘅選擇都幾多，有刺身、壽司、串燒、天婦羅等等。既然咁多選擇，就每樣都嗌咗啲嚟試。刺身部份夠新鮮肥美，然後all time favourite嘅海膽壽司食落都好鮮甜！蟹肉天婦羅亦都炸得唔油膩，食落好夠crispy，同埋蟹肉都好多，好正！串燒部份好有驚喜，每次都食得到好香嘅炭烤味，而且肉嘅外表都燒到脆脆地，好少可惜到串燒係可以咁濃嘅炭烤味，大推！最後仲叫咗黑松露和牛炒飯，個飯炒得幾香，加埋黑松露嘅香氣直頭冇得輸！

今日同朋友打算搵間居酒屋吹下水，搵到Elements一間感覺好日式好chill嘅～ 餐牌每個category都點嚟試吓，首先海膽軍艦用咗北海道海膽，非常鮮甜，高質！三文魚同油甘魚都好肥美新鮮！之後嘅炸物都好香口足料，日本香腸拼盤真係好啱同朋友傾偈時食，一盤有4款腸，切成一粒粒咁食吓食吓就食哂～ 串燒亦燒得好出色，食到炭燒香味，鹽香好均勻，大推！居酒屋當然都要有飲品，無論cocktail 同mocktail 都調得好好！呢度真係好適合朋友聚腳，地理位置方便，環境夠chill，食物質素又高！

位於Elements平台層嘅🌟IZA居酒屋🌟，設室外座位，結合埋Elements平台🍻嘅Vibe，好Chill好有氣氛🥳！🥃黑牛 果肉梅酒｜🍺Goose Island梅酒甜甜哋，酒味溫醇！美國嘅Goose Island清爽好喝！🐟燒鱈魚乾｜🍅蕃茄梅子蜜糖漬香脆嘅燒鱈魚乾，仲有多汁滋味嘅漬蕃茄，都係好開胃嘅日式前菜！🧀芝士酒盜｜🍣藍鰭吞拿魚磯邊卷美味嘅Cream Cheese遇上鹹香嘅酒盜，係佐酒嘅佳品！藍鰭吞拿魚魚肉好軟滑，魚味香郁，三文魚子增添鮮味！🍢自家制免治雞肉捧｜🍢雞肉大蔥｜🍢牛油果芥末豚肉卷IZA主打嘅串燒！免治雞肉捧配無菌蛋黃，滋味無窮！雞肉大蔥香口惹味！豚肉卷入口有軟綿嘅牛油果同埋wasabi，好刺激！♨️清酒牛油煮蜆啲蜆大大粒水嫩飽滿，索晒清酒同埋牛油嘅精華，起鮮甜！上湯亦香郁好喝，千祈唔好錯過！🦀蟹味噌甲羅燒帶濃厚嘅鮮味同埋溫和嘅酒香，正！上菜交由食客自己Mix，保持到靚靚嘅賣相，啱晒相機食先嘅我！🍜和牛稻庭烏冬僅以熱湯熨熟嘅和牛，特別水嫩柔軟！烏冬滑溜份量多，唔錯！🫘紅豆燒日本年糕烤過嘅年糕又香又煙靭，紅豆甜美可口！

今日同朋友去咗圓方站一間日本居酒屋，點咗牛舌芯同雞翼串燒😋😋。熱食有甘香銀鱈魚西京燒，入口溶化和牛稻庭軟熟烏冬。另外北海道刺身盛有海膽夠新鮮牡丹蝦帆立貝好鮮甜，甜品好驚喜👍🏻👍🏻

發現原來圓方有一層超多野食，仲有室內同室外座位，最後揀左居酒屋，氣氛都好足🤩兩個人叫左超多野食超滿足！✨芝士酒盜 - 擺碟好吸引，芝士味濃郁，配埋醃漬海鮮，重口得嚟送酒好夾！✨燒鱈魚乾 - 份量比相像中多，燒得剛好，脆卜卜😍✨蕃茄梅子蜜糖漬 - 圓碌碌賣相好靚，食到淡香梅味，又唔會太酸🍅 ✨藍鰭吞拿魚磯邊卷 - 呢款幾特別，看似壽司卷，但原來裡面係吞拿魚同青/黃瓜絲，食落幾refreshing!✨自家制免治雞肉棒 - 裡面mix左雞軟骨，口感唔錯~✨雞肉大蔥 - 蔥味同雞肉真係好夾，雞肉keep到夠嫩滑👍🏻✨牛油果芥末豚肉卷 - 呢個配搭好特別，芥末味好出但又唔會嗆口🤗✨清酒牛油煮蜆 - 個蜆大大隻超鮮甜，仲排得好靚好有心思😽✨蟹味噌甲羅燒 - 超多蟹肉蟹膏同蟹籽，連多士一齊食好夠鮮味🦀 ✨和牛稻庭烏冬 - d牛肉幾靚幾嫩，食完暖笠笠🍜 ✨紅豆燒日本年糕 - 最鍾意煙煙靭靭嘅年糕，作為甜品好滿足🫘 ✨Nara Iced Tea - 焙茶味嘅cocktail超特別，幾易入口🍹 ✨Arnold Palmer - 烏龍Lemonade，好解膩好清新🍋

餐廳嘅環境，非常之充滿日本嘅串燒店色彩，居酒屋嘅格局，每一次嚟我都一定會點呢一個燒番薯，因為我覺得個燒番薯特別好味，再加上佢嘅白色奶油，實在呢個配搭係難以形容嘅好味，你亦可以加個啤酒，亦加一杯蕃茄汁，我覺得都係唔錯嘅選擇，呢度嘅串燒都非常之好食，特別係串燒牛肉，同埋佢嘅雞肉棒棒等等。。。服務態度，非常之好，有禮貌又有心，環境我都好滿意非常之乾淨整潔。交通，非常之方便，喺地鐵站上蓋，而且附近仲有的士站巴士站同小巴站，實在太方便啦

Located at the roof top of a mall that is one of the landmarks of the area, the Japanese restaurant serves skewers as well as creative snacks.It was lunchtime when we visited, the store was not very busy. Food arrives fast and the warm bowl of udon is a good comfort to the weekday hustle. Staff are very friendly and the overall experience is pleasant. It would be great if the menu comes with complimentary appetisers, dessert and drinks.📝Menu: 🔸Australian Wagyu Soup Udon

係商場想搵日本野～上左來平台試一試，入到來先睇到好多負評🤨都唔理了！但係整體我同朋友都滿意喔～午餐肉天婦羅，咸度剛好，外脆內軟 ，配合辣沙律醬～很特別!雞腎一小粒一口，很爽又嫩口!南部雞翼也很惹味～外皮燒得很香而保留到肉汁美味❤️牛舌牛味很濃，很喜歡它的厚度！肉質韌度非常適中!凍蕃茄 ,口感酸酸甜甜，入口冰涼非常開胃火炙三文魚芝士，重芝士口感～而可能三文魚不算厚身，芝士稍為有點蓋過了三文魚味道~炒豚肉烏冬，配搭上都是簡單配料，但勝在用料不錯，豚肉很嫩！出來味道很有日本風味!整體都很滿意～而且假日外面飲酒爆滿但入面不用等位，氣氛環境也很好👍🏻

愛上了outdoor dining 今夜突然很想吃我至愛的茶漬飯。天氣那麼好，當然繼續我的outdoor dining 。今次試了油甘魚茶漬飯，再叫了客牛油果鰻魚卷😊茶漬飯口感不錯，不會太鹹。油甘魚略嫌薄了一點😝但還算新鮮。至於壽司，味道不錯，唯獨是有tempura的兩件，皮太厚及不夠脆，有點可惜😅。值得特別一讚是service 🤩 因為坐在patio, 有職員站在較近的位置，有什麼要求很快就回應👍🏻

Went to IZA several times. First time, the chargrilled yakitori was pretty good. Chicken liver was still medium and bloody which I loved. Gingko was slightly over-salted. One thing I did not understand was we got only one egg yolk for 3 orders of tsukune. Were we supposed to share? 😅 So gross.The karaage was hot and juicy which was outstanding. Veggies tempura was crispy with thin batter, but slightly overpriced for this portion.Second and third visit, dry and tough chicken, especially their sig

去M+博物館之前到Elements 食個午餐圓方頂層大部份都係食西餐日本控嘅我, 搵到一間日本居酒屋IZA🤤🔹海膽凍烏冬配兩件加州卷 $193賣相已經好靚😍海膽配三文魚籽，種點係個海膽汁好濃，烏冬好掛汁，又爽又滑加州卷係用鮮蝦制成，啖啖蝦肉好鮮甜🔹燒金目鯛 $183金目鯛燒得剛剛好，一d都唔乾身，仲有少少脆卜卜的口感，如果有啤酒🍻飲就一流🔹蟹肉忌廉可樂餅 $18可樂餅炸得好鬆脆，有啖啖蟹肉，十足十係日本食一樣😋

今晚去咗圓方行街，順便上去平台望有什麼東西好吃，四位朋友都想吃日本串燒，所以選擇了這間居酒屋。入邊環境有d似喺日本嘅居酒屋，可能好耐冇去過旅行所以感覺好親切其實今晚我哋order咗好多串燒，當中牛脷，雞翼，雞軟骨串燒好出色，入邊好Juice，外邊又脆皮，鹽又啱啱好。另外仲有雞皮餃子，蝦天婦羅，炸軟殼蟹同天婦羅海苔。雞皮餃子好特別，雖然用雞皮包住但係個食落個雞皮唔覺得油膩。另外，天婦羅海苔都好特別，好香脆，送酒一流！不過炸軟殼蟹比較失色，個人覺得好腥。

今晚同同事去食個晚飯 傾下計結左book 左呢間居酒屋 因為朋友係西九返工19:00 前happy hour 都算平 飲品價錢合理 食物方面 有串燒 燒物 壽司 刺身 仲有啲熟食 主食等個炒飯 好味 絕對讚 餐廳分室內室外 室外可以食煙 環境相當好 室內就好靜 好岩見客傾偈 叫杯酒 食下比燒甘到埋單啦。我地三個人 一人$400 可以接受 雖然對男仔來講 唔會好飽 但居酒屋來講 唔算貴 坐足成晚乜都抵返係到啦Location 亦一流 係正element roof 到

我住在餐廳附近經常到此餐廳HH. 每次到來也是帶朋友或同事在此飲酒。有露天座位環境舒適。今次突然想食日本串燒又想飲日本清酒，決定帶家人在此餐廳試試食品。晚上7:00預約座位，準時到達坐低。一家人非常肚餓！餐牌上食物種類非常豐富，有串燒、壽司、熟食。飲品種類亦豐富，有各式各樣的日本清酒。點了食物、飲品。等了50分鐘一樣食物也沒有上，吹了幾次先上支豆也沒有回應。食物質素不能評論，因為一樣東西也沒有上。